​​"СОТИЛАДИ"!

Дунёдаги айрим давлатларда одамнинг қадри баланд, бошқаларида арзон, бирларида сотилмайди, бошқаларида нафақат қадр, ҳатто одамнинг ўзи ҳам сотилади. Ушбу сурат Афғонистонда олинган. Унда "Фуруш аст"- "сотилади" деб ёзилган. Яъни суратдаги аёл ҳали она сути оғзидан кетмаган қизини сотмоқчи.

Тўғри, "Толибон" келмасидан олдин Афғонистонда аҳвол жаннат эмас эди, аммо ҳокимиятга келса, Афғонистонни жаннатга айлантирмоқчи бўлган "Толибон" давлатда мисли кўрилмаган инсоний фожиани юзага келтирди.

Қашшоқлик ва очликда қолган халқ ёппасига тана аъзоларини ва болаларини сотишга мажбур бўлмоқда. Айрим оилалар бошқа болалари (айниқса ўғиллари)нинг қорнини тўйдириш учун 5-6 яшар қизларини 50-60 яшар чолларга хотин қилиб СОТИБ юбормоқдалар.

Нон сўраган халққа "Толибон" "Биз сизга нон беришни ваъда қилмаганмиз. Биз шариат ўрнатишни ваъда қилганмиз, нонни Оллоҳдан сўранглар" деб жавоб берди.

Толибондан олдин бу ишни Сурия ва Ироқда "ИШИД", Эронда муллалар ҳокимияти ҳам қилган эди. Ҳокимиятга келгунича дин ва диёнатдан гаиириб, барчанинг ҳиссиётларини асир қилиб оладилар. Ҳокимиятга келганларидан кейин эса эркаклари хизматкорларга, аёллари қўмондонларнинг жинсий қулларига айланиб, гўдак қизлари бозорларда сотилган.

Юртимизда ҳам "Толибон"ни, "ИШИД"ни ва уларга яқин ғояларни қўллайдиган ва орзу қилалиган оми одамлар учрайди. Агар Толибон ва унга ўхшаганлар ҳокимиятга келса, уларнинг илк қурбонлари айнан шу оми халқ вакиллари бўладилар. Чунки ҳокимиятга келган фанатиклар илм аҳлини ўлдирадилар, омиларни эса ўз йўриқларига юритиб, уларнинг хотинларини, гулдай қизларини тортиб олиб, ўзларига хотин қиладилар.

Ҳозирда "Толибон"да жамиятдаги аҳволга иқтисодий-ижтимоий-сиёсий ечимлар йўқ. У дунёнинг турли давлатларидан келган ёлланма жангариларнинг йиғиндисидан ташкил топган бир ҳаракат эди. Уларнинг иши тинчлик ва фаровонлик ўрнатиш, нон топиш эмас, балки жанг қилиш, талаш ва шунинг ортидан бойишдан иборат бўлган. Энди улар ҳокимиятга келгач, қарши курашадиган кучлар, талайдиган ҳудудлар қолмади. Бундан буён улар жамиятдаги абгор аҳволни унуттиришлари учун уч чоралари бор:

1. Тезда давлат бошқарувини ўрганиб, демократик тамойилларга амал қилиб, дунё ҳамжамияти билан алоқаларни ўрнатиб, яхши томонга кетиш
2.Барча айбни "ИШИД" ва шу каби жангариларга тўнкаб, Афғонистон ичида мунтазам жанглар олиб бориш ва Афғонистонни ўзлари келмасидан олдингидай жанглар асосида бошқариш
3.Қўшни давлатлар билан, масалан самолётларни, вертолётларни қайтариб бермайдиган, ўзигинг легитимлигини тан олмайдиган қўшнилари билан тарангликни юзага келтириш орқали ички муаммоларни унуттириш.

"Толибон" ички муаммоларни қандай унуттириши бу уларнинг муаммоси. Улар бизнинг ҳудудларимизга даҳл қилсалар ёки бизнинг ҳукуматларимизни қўрқитиб бир ишларни қилишга мажбур қилсалар бу бизнинг муаммомиз бўлади.

Энг ачинарлиси болаларини, жигарини сотиб кун кўраётган қашшоқ афғон халқининг муаммосидир. У бечоралар "Толибон" айтганидай худодан сўрашдан бошқа чоралари йўқ.

"Уч замон" каналига обуна бўлиш учун ҳавола👉 https://t.me/uchzamon

​​ҲАЙР, ЖИГАРИМ МАТН !

Бир соат тўлғаниб ёзган икки варақ матнни ўчириб ташладим. Жуда таъсирли, фойдали, ишончим комил барчага маъқул бўладиган матн бўлган эди. Лекин нимадандир кўнглим тўлмади. Нимаданлигини билмайман. Кўнглимнинг бир жойида бир нарса худди туфлининг ичига майда тош кириб қолгандай халақит бериб тураверди. Ўйлаб ўйлаб охири кетган вақтим, ижод учун сарфлаган концентрациям, миямнинг ячейкаларини сафарбар қилиб бир жойга йиғган билимларимга ачиниб матнни ўчириб ташладим.

Бу биринчи марта эмас. Доим шундай бўлган. Ёзилиб кейин ўчиб кетган матнларимни бир жойга йиғса катта бир қабристон тўлади. Нимагалигини билмайман. Жуда автокритикман. Баъзан ёзган матним ёки ундаги ўтиб кетган кичкина бир орфографик хато учун бировлар танқид қилади, эътироз билдиради ёки мени тартибга, инсофга чақирмоқчи бўлишади. Баъзан оддий нарсаларни айтиб, мени улар айтган нарсаларни ўйлаб кўрмаган, таҳлил қилмаган ёки билмайди деб ўйлашади. Ваҳоланки, ҳар бир сўзни ёзишдан олдин уни яхшилаб ўйлаган, маънолари ва оқибатларини яхшилаб ўйлаган, ўзимни ўзим қаттиқ цензура ва танқид қилган ва ундан кейин ёзган бўламан. Айнан мана шу цензура ва танқид жараёнида жуда кўплаб матнларим ўчиб кетади. Улардан айримлари ҳақида ўйлашда, ўрганишда, чуқур изланишда давом этсам бошқаларига умуман қайтмайман. Улар менинг ички оламимдаги сирлар қабристонига абадий дафн этиладилар.

Бугун ёзган матним ҳам ўчирилди. Лекин уни яна ўрганиш, чуқурроқ ва нозикроқ ўйлаб кўриш ва қайта ёзишга ҳаракат қилиш ниятидаман. Ҳозирча, унинг ўрнига мана шу сиз ўқиётган матнни ёзиб улашмоқдаман.

Нима ёзсам ҳам, баъзан фикрларимга қўшилмаса ҳам ўқийдиган ва қадрлайдиган барчага минг бор ташаккурлар айтаман. 😊🙏

"Уч замон" каналига обуна бўлиш учун ҳавола👉 https://t.me/uchzamon

АЁЛИГА УЙ ИШЛАРИГА ҚАРАШМАГАНИ УЧУН 60 000 ЕВРО ЖАРИМА

Португалияда суд аёли билан ажрашган эрга алоҳида 60 000 евро жарима солибди. Бунга сабаб қилиб, 30 йиллик турмуш давомида уй ишларини-овқат пишириш, супуриш, дазмоллаш ва ҳоказо, фақатгина аёл қилганлигини кўрсатибди. Яъни биргаликда ёки иккаласи ҳам қилиши керак бўлган ишдан эр ўзи бажармаган қисмининг ҳаққини у ишларни бажарган одамга тўлаши керак деб ҳукм чиқарибди.

Сиз бундай ҳукмга қандай қарайсиз?

"Уч замон" каналига обуна бўлиш учун ҳавола👉 https://t.me/uchzamon

Суҳбатларимизда мутахассислик ёки касбий, қизиққан ёки яхши билган соҳангиздан келиб чиқиб бир мавзуда гапиришингиз учун 15 дақиқа вақт берсам қайси мавзуда гапирган бўлар эдингиз?

БРИЖИТ МАКРОН ИККИ АЁЛНИ СУДГА БЕРДИ

Франция биринчи хоними Брижит Макрон икки аёлни судга берибди. Иккала аёл ижтимоий тармоқларда Макрон хонимни "транс", яъни ноанъанавий жинсли инсон деб гап тарқатганлар. Брижит Макрон аёлларни ўз обрўсига путур етказганлиги ва туҳмат тарқатганлиги учун адолатни қарор топтириш учун судга мурожаат қилибди.

Бир қарашда, президент Макрон, француз махсус хизматлари ва куч ишлатар органлари иккала аёлни топиб, подвалга олиб тушиб, жазосини бериб, 10 йилга тиқиб юбориши, оила аъзолари билан қўшиб ишлаб турган жойларидан ҳайдаттириши мумкин эди.

Аммо судлар мустақил, қонунлар устувор давлатда ишлар бундай ҳал қилинмайди. Президентми, оддий фуқароми ҳуқуқлари бузилганда судга мурожаат қилади ва ўз юртининг адлия тизимига ишонч билдиради. Чунки мустақил суд ҳиссиётга берилиб ортиқча жазоламайди ёки таниш-билишчилик қилиб, пулини олиб чиқариб юбормайди.

Дунёдаги барча давлатларга шундай қонунлар устуморлигини тилайман.

"Уч замон" каналининг ҳаволаси👉 https://t.me/uchzamon

АВРОРА ВА ИНКУЗАРТ

Франциянинг марказидаги бир шаҳарда Аврора исмли ёш ижодкор қиз яшайди. Сал олдинроқ унинг ўзини ҳам ишларини ҳам ҳеч ким танимаган. Бир куни шаҳарнинг уйларидан бирининг девори пастида 5 сантиметрча чиқадиган дарвоза ҳайкалчаси пайдо бўлади. Бу ишни ким қилганини, нега қилганини ҳеч ким билмайди.

Бироздан сўнг шаҳарнинг бошқа бир уйида шундай бўлади. Уй эгалари ёки шаҳар мутасаддилари ҳайкалчаларни олиб ташласалар бўларди, аммо улар митти санъат асарини ўз жойида қолдиришга қарор қиладилар. Ҳозирга келиб бундай митти ҳайкалчалар шаҳарнинг турли жойларидаги 15 дан ортиқ уйларда пайдо бўлган. Айниқса болажонлар учун қизиқ бўлган ҳайкалчаларни бутун бошли оилалар қидириб, бутун шаҳарни пиёда кезиб чиқадилар ва баҳонада шаҳарнинг турли жойларини томоша қилиб, кашф қиладилар.

Ҳозир митти асарлар қаҳрамони ўзини танитган. Бу Аврора исмли ёш ижодкор қиз экан. У ўзи туғилиб ўсган шаҳарни кезиб юриб, ўзи ёқтириб қолган дарвозанинг митти минатюрасини ясаб, шу уйнинг деворига ёпиштириб кетар экан. Ҳозир Аврора кўплаб ОАВларга чиққач, унинг асарлари бутун Франция, ҳатто Европа шаҳарларида танила бошлаган. У бирон шаҳарга саёҳатга бормоқчи бўлса ўша шаҳар аҳолиси Авроранинг митти эшикчалари пайдо бўлмадимикан деб қидирадилар. Авроранинг туғилиб ўсган шаҳрида ҳокимият "Митти эшикчалар"нинг рўйхатини бир туристик харита қилиб, туристик йўналишга айлантирган. Шаҳар аҳолиси ва меҳмонлари шаҳар бўйлаб эшикчаларни излайди, суратга тушириб тарқатади, йўл бўйлаб ресторанларда таомланади, дўконларда савдо қилади, олдин эътиборга тушмаган жойларни кашф қилиб, шаҳарда анча пул сарфлаб кетади...

Тошкентда "inkuzart" номи билан танилиб бораётган "кўча санъати" ижодкори пайдо бўлган. Унинг бир неча асарлари ижтимоий тармоқлар орқали танилган. Унинг асарлари нафақат гўзал дид билан ясалган, балки доим маълум бир мавзуга бағишланиб, теран маъноларга эга бўлади.

Мен учун Инкузартнинг асарлари Авроранинг асарларидан қолишмайди, аксинча шаҳар учун катта марҳамат деб аташ мумкин. Аммо Инкузарт Аврора эмас, Ўзбекистон Франция эмас. Ўзбекистонда ижод намуналари ардоқланиб, ундан фойдаланишнинг ўрнига у ўчирилади.

Бир пайтлар монополларни фош этган тасвирлар ўчирилганини оқламаса ҳам, сабабини тушуниш мумкин. Бу юртни "ушлаб қўйганлар"нинг "нозик қалблари"ни оғритган бўлиши мумкин. Аммо энди шаҳар ҳокимияти Эйнштейннинг тасвирини ҳам ўчирган эмиш. Мен учун бу яқинда Соли соқол Эйнштейнни сўкканидан баттар ишдир. Маҳаллий тур операторлар Эйнштейн сурати олдида одамлар суратга тушиб, танилиб бораётган эди деган. Умуман олганда, Инкузарт асосан бўм-бўш ётган ва ҳунук деворларга тасвир чизиб, у ерни гўзаллаштириши ҳисобга олинса, бу ишнинг фойдаси икки ҳисса кўп эканлигини билдиради.

Аммо зар қадрини заргар билади. Санъат нималигини тушунмайдиган, фикр эркинлиги ва (сиёсий) танқидларни кўтара олмайдиган вайронкор ўзбек мулозимларининг миялари санъат асарларини ўчиртириш, бузиш, йўқ қилишгагина етади. Индамаса, бирон асари ёқмай қолса, муаллифни 15 суткага "дам олиш"га юборишга қарор қилишлари ҳам мумкин.

Ваҳоланки, Инкузартнинг асарларини шаҳарнинг туризми учун ишлатиш, ишлатмаганда ҳам уни севувчи муҳлислар учун ўчирмай қолдириш мумкин.

Агар Инкузартга индамаса, ҳар ким (Инкузартнинг ўзи ҳам) хоҳлаган жойига хоҳлаган нарсасини чизиб кетавериши мумкин деб шунинг қилишяпти деб яхши гумон қилсак ҳам улар қилаётган иш вазиятга нисбатан мутаносиб чора эмас деб ўйлайман. Бундай ҳолатларни тартибга солувчи қонунлар бор. Дуч келган жойга чизганлар чизиш керак бўлмаган, мумкин бўлмаган жойга чизсалар, қонунларга зид бўлган (ирқий, диний, жинсий камситишлар, тартибсизликка, давлатни куч билан ағдаришга чорлов ва ҳоказо) нарсаларни тарғиб қиладиган бўлса, унда қонун доирасида чора кўриш, тасвирни ўчириш ва муаллифга чора кўриш мумкин. Ҳозирча, Инкузартнинг тасвирларида мен бундай ҳолатни кўрмадим. Менимча унинг ижодини қўллаш мақсадга мувофиқ бўлар эди деб ўйлайман.

"Уч замон" каналига обуна бўлиш учун ҳавола👉 https://t.me/uchzamon

Камбағалликка қарши курашиш учун сарфланган вақт, маблағ, ҳохиш ва воситалар қудратлиларга ва монополларга қарши курашишга сарфланганида Ўзбекистонда камбағаллик қолмаган бўлар эди. ☝🤘

"Уч замон" каналига обуна бўлиш учун ҳавола👉 https://t.me/uchzamon

Президент айтибди, энди ҳокимлар рассомларни мажбурлаб қишлоқларнинг нураган деворларигача граффити чиздирса керак 😜🤘🤣

"Уч замон" каналига обуна бўлиш учун ҳавола👉 https://t.me/uchzamon

​​РОССИЯ : "Айтмаганмиздек, ёлғончи АҚШ алдаган эди. Уруш 16 эмас, 18 февралда бошланди".

Албатта бу ярим ҳазил гап. Аммо Украинанинг шарқи, Донбасс ҳудудларида ҳарбий тўқнашувлар бошланди. Донбассдаги сепаратистлар аҳолини, асосан болаларни Россия ҳудудларига кўчириб, фаол жангларга тайёрланмоқдалар. Қўшинларини олиб чиқаётгандай қилиб кўрсатган, аслида, олиб кетилмаганлиги айтилган Россия ҳам жиддий сафарбарлик эълон қилган.

Қарши томонда, Украина ҳам армиясини уруш ҳолатига келтириб, аҳолини сафарбарликка тайёр туришга чақирди.

Донбассдаги ҳарбий тшқнашувларда доимгидай иккала тараф бир-бирини бомбардимон қилганликда айбламоқда. Табиийки, 100% исбот келтирилган тақдирда ҳам ким ҳақ, ким ноҳақлигини билиш ва исботлашнинг иложи йўқ. Асосий факт шуки, уруш Россия-Украина шаклида бўлмаса ҳам, "бинт билан ёпиб қўйилган яра"-Донбасс орқали бошланди.

Бу ёғига воқеалар ривожида сепаратистлар (ва рус армияси) ҳудудларни бутунлай мустақил қилиб олишга интилиши ёки Украина уруш бошланганлигидан ва Ғарбнинг ёрдамидан фойдаланиб, Донбассни қайтариб олишга ҳаракат қилиши мумкин. Албатта бунинг оқибатида жанглар катталашиб, Россия ва Украина ўртасидаги тўқнашувга ҳам айланиш хавфи бор.

Шундай бўлган тақдирда, бу ОДКБга аъзо давлатлар учун ёмон хабар дегани бўлади. Ҳозирданоқ, Белоруссия Россиянинг бир вилояти каби урушга тайёрланмоқда. Бошқа томонда, Путиндан қарз бўлиб қолган Тўқаев ўзиники бўлмаган урушга қозоқ армиясини олиб келиб қарзини узишига тўғри келади. Ташкилот бандларига биноан Қирғизистон, Тожикистон ва Арманистонда ҳам бу мажбурият бор.

"Уч замон" каналига обуна бўлиш учун ҳавола👉 https://t.me/uchzamon

НЕГА БИЗ ЎЗБЕКЛАР ВАЪДАБОЗМИЗ?

Биз ўзбекларнинг ёмон одатларимиздан бири бу ваъдабозлигимиздир. Тўғрироғи, бажара олиш ёки олмаслигимиздан қатъий назар ваъда бериш одатимиздир. Тўғри, ҳамма ваъдабоз эмас, аммо иллат кенг тарқалган. Ваъдабозлик, шеваларда айтилишича, қасамхўрлик жамиятда шунчалик кенг тарқалганки, ваъдага ишониб, алданиб қолмаган инсон деярли бўлмаса керак.

Хўш, нега биз ўзбеклар ваъдабозмиз? Нега ҳатто қила олмаслигимизни билсак ҳам қўрқмасдан ваъдалар берамиз?

Бу иллатимизнинг сабаблари жамиятимизнинг илдизлари, асосларига бориб тақалади.

Бошқа мақолаларимда айтиб ўтганимдай, ўзбек жамияти "олди-берди" одати устига қурилган. Олмоқчи бўлсанг албатта беришинг керак. Берсанг албатта сенга қайтиши керак. "Олди-берди" ўзбекнинг ҳақиқий пул бирлигидир. Ўзбек жамиятда бир нарсали бўлишни, ўсишни, оиласи, болалари бир нарсали бўлишини, келажакни таъминлашни хоҳласа, унинг "пул бирлиги", яъни олди-берди, салом-аликлари мунтазам муомалада бўлиб туриши (оборот) керак.

Ўзбек пулни пулга чақишни, долларларини айлантириб пул қилишни, биржа ва молиявий спекуляцияларни тушунмаслиги мумкин, аммо у "олди-берди" муносабатларини худди "Валл Стрит" водийсидаги савдо алоқаларидай манипуляция қилади ва энг асосийси трейдерларга сингари "ўйинлар"дан чиқиб кета олмайди.

Бу гаплар муболаға, бўрттириш, танқид, мақтов ёки ҳаёлот эмас. Бу воқеъликнинг оддий таъкиди, таърифидир. "Ҳомо узбекус" туғилмасидан олдиноқ бу "биржа"нинг ўйинчисига айланади, туғилганидаёқ совға-саломлар, бешик тўйнинг тантаналари биланоқ қарзга ботади ва у жамият "ўйинларининг ўйинчиси" қилиб вояга етказилади.

Энди яъна "ваъдабозлик"ка қайтамиз. Кимдир биздан бир нарса илтимос қилганида "олди-берди" муносабатларига кўра бизга келажак учун сармоя киритиш, яъни хизмат сўраган одамни қарздор қилиб қўйиш имконини беради. Хизмат сўраган одам бизни шу ишни қила олади, қўлидан келади деб ўйлаётганлиги бизнинг ўша одамнинг олдидаги обрўйимизни, зўрлигимизни, қудратимизни билдиради. Аслида қудратли бўлмаслигимиз, қўлимиздан ҳеч бало келмаслиги, бир тийинлик обрўйимиз йўқ бўлиши мумкин, аммо ўша вазиятда бизнинг қадримиз ошаётган, кимдир бизнинг номимизга сармоя тикаётган ва "бизнесимиз" ривожи учун имконият туғилаётган бўлади.

Албатта ваъдалар ҳеч қачон бажарилмайди, ҳамма ваъдабоз, ҳеч ким ваъдасида турмайди дейиш нотўғри бўлади. Аксинча, аксарият ҳолларда ваъдалар бажарилади, хизмат сўраганлар қарздор қилиб қўйилади ва шу туфайли ҳам одамлар хизмат сўрашда ва ваъда берган ваъдасини бажаради деб ўйлашда давом этадилар. Аммо юқорида айтилганидай, "олди-берди" ўйинларининг юклари, бизни кимдир муҳим деб ўйлаётганида бу тасвирни йўққа чиқаришни истамаслик ва илтимос қилаётган одамни қарздор қилиб қўйиб, келажакка сармоя қилиб қўйиш истагининг юки бизга "Йўқ, қила олмайман" дейиш имконини бермайди.

"Йўқ" сўзи "олди-берди" муносабатларини инкор этишни, ўйинни ўйламасликни ва оқибатда ўйиндан чиқиб қолишни билдиргани учун биз ўзбеклар деярли ҳеч қачон "йўқ" дея олмаймиз. Шу сабабли, биз қўлимиздан келмаса ҳам доим "Хўп" деймиз. "Қила олмайман", "Қўлимдан келмайди" дейиш эса биз учун ўзимизни ерга уриш, обрў зинопоясидан пастга тушиш ва "олди-берди фондлари"даги йиғган сармояларимизни сарфлашимизга тўғри келишини билдиради, холбуки кимдир илтимос қилиши сармоя йўқотиш эмас, сармоя киритиш имкони бўлиши керак.

Жамиятнинг шундай ўйинлари сабабли биз деярли ҳеч қачон ҳеч кимга йўқ дея олмаймиз. Қила олмаслигимизни, бизнинг қўлимизда эмаслигини билсак ҳам "Бир гап бўлар" деган тасалли билан "хўп" деймиз. Кўпчилик ҳолларда ваъдани бажаришга ҳаракат ҳам қилиб кўрамиз. Йўлларини излаймиз, ўзимиз таниганлар орасидан қўлидан келиши мумкин бўлганларни излаб кўрамиз, ўз навбатида биз ҳам илтимос қиламиз. Бизга ҳам "хўп" дейишади, ваъда беришади ва кутишда давом этамиз. Биз ваъда берган одам эса бизнинг жавобимизни кутади, шу билан бирга бошқалардан ҳам илтимос қилиб кўришда давом этади. Ўтаётган вақтлар бизга вазиятни юмшатиш, илтимос қилган одамнинг умидларини сўндириб, зарарсизлантириш, бирон баҳона ўйлаб топиш имконини беради. Оқибатда, илтимос қилган одам сўрайверганидан ўзи ҳижолат бўлиб, сўрамай қўяди ёки бизни ваъдабоз экан деб хафа бўлиб бошқа нарсага ўтади.

У бизни ваъдабоз деб ўйлаши унчалик фожиа эмас, чунки у бу ишни бизнинг қўлимиздан келмаслигини аниқлай ва исботлай олмади. Биз унга йўқ демадик ва заиф эканлигимизни биодирмадик. Французлар айтганидай, "айбдор бўлгандан кўра муттаҳам бўлишни афзал билдик".

Ваъда масаласига келсак, биз ёлғиз эмасмиз, ҳамма шундай қилади. Бу истисно ҳолат эмас, жамяитда ҳар куни миллионлаб, миллирадлаб ваъдалар мана шундай якун топади, демак бунинг учун сиқилмасак ҳам бўлади. Бунинг устига келажакда хафа бўлган одамнинг бошқа илтимосини бажариш ва айбимизни ювиш имкони туғилиши мумкин, ўшанда ҳисобни тўғрилаб олаверамиз.

Шу ва шу каби ўй-ҳаёллар, муносабатлар, ўйинлар, тақдирлар ва жиддий сармоялар сабабли биз ўзбеклар ваъдабозмиз ва жамиятда кенг тарқалган ушбу иллатнинг қурбонларимиз.

Дониёр Рўзметов
(Uchzamon)

"Уч замон" каналига обуна бўлиш учун ҳавола👉 https://t.me/uchzamon

​​ҚЎРИҚЛАЙДИ АНЖАНЧАСИГА

Андижон шаҳри ҳокимлигида суратдаги аёл билан юз берган воқеадан хабардорсиз, шунинг учун унинг тафсилотларига тўхталмайман. Хабари йўқлар учун, суратдаги аёл шаҳар ҳокими олдига келган журналистларни тергаб, сўкиб, ҳатто куч ишлатиб ҳокимиятдан ҳайдаб чиқарган. Ҳокимлик бу аёлни танимайман дегандай гап қилган бўлса ҳам жамоатчилик бу аёлни ҳокимнинг норасмий қўриқчиси эканлигини айтмоқда. Ҳатто Кун.уз нашри Андижон шаҳри ҳокимининг қарорларини журналистлардан ва андижонликлардан ҳимоя қилиб жанжаллар кўтарган исбот тасвирларни келтирди. Улар билан қуйидаги ҳаволада тантшишингиз мумкин:

https://youtu.be/WMni_o-OYYY

Ўзим жамоатчиликнинг фикрига кўпроқ ишонсам-да, бир он ҳоким ва ҳокимлик бу аёлни танимайди деб тасаввур қилиб кўрамиз.

Агар шундай бўлса, бу аёлга нисбатан нега бирон марта чора кўрилмаган? Аёлнинг қилаётган иши очиқчасига рекет, безорилик, ҳақорат, туҳмат, "разбор"лар. Бунинг устига у бу ишларни ҳокимият биноси ва бошқа кўз олдидаги жойларда амалга оширмоқда. Исбот ва гувоҳларни излаш ҳам шарт эмас. Ундан жабр кўрган одамларнинг гувоҳликлари, журналистларнинг видео материаллари аёлни Жиноят кодексининг бир неча моддалари билан айблаб, "дам олиш"га жўнатиб юборишга етарли.

Аммо унга нисбатан нафақат бирон марта чора кўрилмаган, балки тасвирларда кўриниб турганидай ИИВ зобити (кимсан майор унвонли) қонунга амал қилиб аёлга нисбатан чора кўриш, ҳеч тугул уни тартибга чақириш, сўраб суриштиришнинг ўрнига ёрдам сўраб мурожаат қилган журналистларни маҳкамага олиб бормоқда.

Аёлни танимайдиган Андижон шаҳар ҳокими ҳокимиятда шундай безорилик қилган аёлдан норози бўлиб, ўзи бош бўлиб, камида 15 суткага кетишини талаб қилишнинг ўрнига "биз уни танимаймиз" деган мазмунда баёнот бериш билан чекланмоқда. Агар оддий бир фуқаро ёки журналист ҳокимиятда шу аёл қилган ишни қилса ҳоким ва ИИВ зобити шундай ҳаракат қилармикан?

Буларнинг барчасидан Андижонда Ўзбекистон қонунлари эмас, қандайдир ёзилмаган "Опалар қонуни" амал қилиб унга ҳоким ҳам, ИИВ ҳам амал қиладигандай.

Андижон шаҳридан ташқари Андижон вилоят ҳокими билан боғлиқ ҳолатлар ҳам етарли эканлиги (Ижтимоий тармоқларда Андижон вилояти ҳокимининг ёнини олиб биргалашиб ҳужум қиладиган "Андижон билан ишинг бўлмасин" деб тўполон қиладиган аёллар гуруҳи ҳам бор) ва бунга ҳатто президент ҳам ҳеч қачон ҳеч нарса демаслигини ҳисобга олсак, Андижон сал кам ўз қонунларига эга алоҳида беклик (республика эмас, ҳокими сайланмаган) деган тасаввур пайдо бўлади.

Албатта буларнинг барчаси тасаввурлар, ҳаёлот махсуллари. Андижонда барчаси жойида, журналистлар ва андижонликлар гапираверади. Ҳокимлар ва "опалар" айтдими демак шундай бўлса керак. Шубҳа қилиш учун биз киммиз?

ПС. Суратни ФБдаги Элбек Ҳамзатдан сўрамасдан ўғирладим.

"Уч замон" каналига обуна бўлиш учун ҳавола👉 https://t.me/uchzamon

Бу иккаласини ҳеч овутиб бўлмаяпти. Ўзларингиз бир нарса денглар 🤣

"Уч замон" каналига обуна бўлиш учун ҳавола👉 https://t.me/uchzamon

Путин ҳудудларнинг бериб юборилиши, умуман СССРнинг парчаланишида Ленин бобомизни айблади.

СССРчилар ҳали ҳам Путинчими ёки иккаласидан бирини танлашдими? 🤔😜

"Уч замон" каналига обуна бўлиш учун ҳавола👉 https://t.me/uchzamon

"Уч замон" каналига обуна бўлиш учун ҳавола👉 https://t.me/uchzamon

​​ПУТИН ҚУДУҚҚА ҲОЖАТИНИ ЧИҚАРДИ

Биттаси тарихда номи қолиши учун ҳамма сув ичадиган қудуққа ҳожатини чиқарган экан.

Украина воқеалари ҳақида ушбу ҳаволадаги суҳбатда гаплашган эдик:
https://t.me/uchzamon/1807

Унда юз бериши мумкин бўлган сценарийлар орасида уруш сценарийси Путин ва Россия учун яхши бўлмаслиги ва бунинг оқибатлари ҳақида айтган эдик. Мазкур оқибатларни ўйлаган ҳолда Путин уруш сценарийсигача бормаса керак деб умид қилган эдик.

Аммо Путин учун рационал фикрлаш, Россия манфаатларини ўйлашдан кўра тарихда ном қолдириш муҳимроқ эканлигини кўрсатмоқда. Путин дунёни минг йиллик тарих картасида кўради ва унга бугун ва келаси йилларда руслар оч қоладими, Шимолий Корея аҳволига тушадими, фарқи йўқ. Келажакда тарих китобларида унинг бошқарув йиллари санаб ўтилганда ва қилган ишлари эсланганда "буюк давлат раҳбари" деб эсланишини хоҳлайди. Чингизхон, Сталин ва Гитлер каби ёвуз буюк бўлса ҳам ҳечқиси йўқ. Умуман олганда Македонский, Атилла, Чингизхон, Амир Темур, Наполеон, Сталин, Гитлерлар юмшоқ, гуманист инсонлар бўлмаганлар ва тарих уларни эслайди. Путин тарихдаги ўз ўрнини шундай ҳисоб-китоб қилади.

Энди унинг йўқотадиган ҳеч нарсаси йўқ. Йўқотадиганини йўқотиб бўлган. Давлатнинг аҳволи дабдала, обрўси бир пул, тарихдаги номи Африка ва Осиёнинг давлатни 20 йилдан ошиқ ушлаб ўтирган диктаторлари рўйхатида. Агар у режалаштирилаётганидай Россияни 2036 йилгача, балки ундан ҳам ортиқ, ўлгунича ушлаб ўтирса ва номи ҳозиргидай аҳволда қолиб кетса, Путин учун энг фожиалиси шу бўлади.

Шунинг учун у қудуққа ҳожатини чиқаришга қарор қилди. Кейин нима бўлса бўлар. Санкция қўллашадими, минглаб, миллионлаб одамлар ўлиб кетадими, керак бўлса учинчи жаҳон уруши бўлиб, бутун инсоният қирилиб кетадими, фарқи йўқ. Асосийси, у ҳозирги обрўсиз, номсиз ҳолда тарихда қолмаса бўлди.

Бу ёғини кўраверамиз...

"Уч замон" каналига обуна бўлиш учун ҳавола👉 https://t.me/uchzamon