Санкция санкция дейсизлар. Фейсбук, Инстаграмни ёпдинглар. Энди хурсандмисизлар?
Бунинг Украинадаги шаҳарларни бомбалашдан қандай фарқи бор? Кунлари Телеграмда думалоқ видеолар жўнатишга қолган, қоринлари оч Инстаграм блогерларини сизлар боқасизларми? Юрак, раҳм-шафқат деган нарсалар борми ўзи сизларда?
😭😭😭

"Уч замон" каналига обуна бўлиш учун ҳавола👉 https://t.me/uchzamon

Бир неча кун олдин KFC Россияни тарк этаётганлиги ҳақида пост ёзгандим.

Постимдан афсусдаман. Мени мот қилдингизлар. Бир зумда KFCни миллийлаштириб олибсизлар. Ош бўлсин !

😜🤣🤣

ПС. Суратни ўқувчиларимиздан бирининг изоҳидан ўғирладим 😜🤘

"Уч замон" каналига обуна бўлиш учун ҳавола👉 https://t.me/uchzamon

Инстаграмдаги ўзбек артист ва шоирлари фолловерларини Телеграмга ўтказяпти. Ҳаммаси Инстаграмни Мейл.ру билан очганми дейман 😜🤣☝

PS. Реклама қилиб берганим учун менга гонорар беришармикан? 😜

Қандингни ур, Дуров!

"Уч замон" каналига обуна бўлиш учун ҳавола👉 https://t.me/uchzamon

​​Ўзбек спорт сайтлари:

- Элдор Шомуродов Женоадан Ромага ўтди.
- Моуриньо Элдор Шомуродов билан суратга тушди
- Элдор Шомуродов Италия матбуотига интервью берди
- Бугун Элдор Шомуродов асосий таркибда ўйинга тушармикан?
- Элдор Шомуродов заҳирадан ўйинга тушди
- Элдор Шомуродов ҳақида Рома мухлислари нима демоқда?
- Моуриньо бу сафар Элдор Шомуродовга имконият берармикан?
- Элдор Шомуродов яна заҳирада қолдирилди
- Элдор Шомуродов ош еганмиш
- Рома мухлислари Элдор Шомуродовни ўйинга кўпроқ туширилишини сўрамоқдалар
- Моуриньо, Элдор Шомуродовни ўйинга туширмаганинг учун ҳали кўр бўласан
- Элдор Шомуродов бугунги ўйин рўйхатида
- Урааа, Элдор Шомуродов бугунги ўйинда майдонга тушди. Мени ушланглар, ҳозир ўзимни бир нарса қилиб қўяман
- Афсус, Элдор Шомуродов гол ура олмади
- Элдор Шомуродовнинг мушуги туғибди
- Элдор Шомуродовнинг жамоаси ҳақида жаҳон юлдузи гапирди
- Элдор Шомуродов заҳирадан майдонга тушди. Элдор Шомуродов гооооооооол! Моуриньо, ўлиб кетгур, кўрдингми? Сен ўзбекларни нима деб юрибсан?
- Элдор Шомуродов бундан буён асосий таркибда ўйинга тушишига шубҳа йўқ
- Моуриньо Элдор Шомуродовга яна имкон бермади
- Элдор Шомуродов...
- Элдор Шомуродов....
.....
- Элдор Шомуродовни кўз билан олдик шекилли, ҳа демай Ромадан кетказиб юбормасак бўлди...

Элдор Шомуродов:

- ЗззззззззБббббббб. Ёзишга бошқа мавзуларинг йўқми? Одамни бир тинч ўйнашга қўйсаларингчи. Мен нима қилаётганим, нима еётганим, қаерга борганим, нима деганимни мендан кўпроқ сизлар биласизлар. Баъзан мен ҳақимдаги гаплардан ўзимнинг ҳам хабарим бўлмайди. Италияга келганимга пушаймон қилдирдинглар. Ааааааа...

🤦‍♂️⚽🤣

"Уч замон" каналига обуна бўлиш учун ҳавола👉 https://t.me/uchzamon

​​ЎЗГА МИЛЛАТ ТАОМЛАРИГА ҲУРМАТСИЗЛИК-МАДАНИЯТСИЗЛИК БЕЛГИСИ

Баъзан устрица, шиллиққурт, мидий ва бошқа француз таомларининг суратларини улашсам "Валақ", "Берк" дейдиган ва жирканиб ёзадиган юртдошларимиз топилади. Одатда уларга ўзга миллат таомларига ҳурмат маданият белгиси эканлигини, миллатларнинг таомлари географик шароитларга кўра мавжуд бўлган махсулотлар асосида юзага келганлигини тушунтиришга ҳаракат қиламан. Масалан агар Ўзбекистон денгиз ёки океан бўйида жойлашган бўлганида ўзбекистонликлар ҳам денгиз махсулотлари (махлуқотлари)ни миллий таом деб еб юришган бўларди.

Буларни тушунтиргач, тўғри хулоса чиқарадиганлар бор ва нима деса ҳам ақлига сиғдира олмай ўзга миллат таомларига нисбатан қўпол ва ёқимсиз гапларни ёзишда давом этадиганлар бор...

Франциянинг машҳур телешоуларидан бири жумладан Ўзбекистонда ҳам бўлиб ўтган ва сўнгги ҳафталарда эфирга берилди. Иштирокчилар бажариши керак бўлган шартлардан бири ўзбекларнинг ўзига хос таомларини ейишлари керак бўлади.

Таомлар орасида қалампирли қурут, мол ичагидан таом ва ҳўкизнинг жинсий аъзолари бор эди. Кўрсатувни экзотикроқ қилиш учун тирик қуртларни ҳам "ўзбек таоми" деб едиришган, бунинг ҳақиқат эмаслигини биз биламиз. Аммо қолган уч егулик Ўзбекистонда истеъмол қилинади ва кўплаб жойларда севиб истеъмол қилинади.

Кўрсатув иштирокчилари эса бу таомларни биринчи марта кўриб турганликлари учун уларни еб бўлмайди деб ҳисоблайдилар. Улар таомларни ейиш давомида жирканиб, турли ёқимсиз қилиқлар қилиб, бўлмағур гапларни айтиб ўзларининг маданиятсизликларини намойиш этадилар. Ижтимоий тармоқларда французлар орасида ўзбек таомларига нисбатан ҳурматсизлик билан ёзилган изоҳлар ҳам кўп бўлди.

Шуларни кўрганда мен француз таомларига нисбатан ҳурматсизлик қилган юртдошларимизни эсладим.

Маданиятсиз одам Ўзбекистонда ҳам, Францияда ҳам, Хитой ва Африкада ҳам маданиятсиздир. Ўзга миллат истеъмол қиладиган таомни фақатгина ўзини бўдмаганлиги учун ёмонлаш, жирканиш бунинг ёрқин белгиси ҳисобланади.

Бу солиштириш билан бизнинг таомларимизга нисбатан ҳурматсизлик қилинса бизга ёқмаслигини, агар биз ўзгаларнинг таомларига нисбатан ҳурматсизлик қилсак ҳам худди шундай ёқимсиз бўлишини кўрсатмоқчиман.

Айрим давлатларда қурт-қумурсқалар, яна бир жойларда тўтиқуш ва маймунлар, бошқа бир жойларда мушук ва тимсоҳлар ейилади. Жирканаман деганлар Ўзбекистоннинг ўзида хоразмликларнинг хом гўштдан қилинадиган ижжон таомига ҳам жирканаверадилар.

Умуман таомларни ейиш ёки емаслик тасаввур махсули. Табиатан эса нима ва қандай бўлишидан қатъий назар инсон саломатлигига зарари бўлмаган ва истеъмол қилинганда озуқа бўладиган ҳар қандай махсулотни ейишни бемалол тасаввур қилиш ва танаввул қилиш мумкин. Фақатгина еб кўргандан кейин таъми ёқмаса ёки аллергия бериб, соғликка зарар келтирса, уларни емайман деб айтиш мумкин.

Акс ҳолда, таомнинг ижтимоий бирлик эканлигини қабул қила олиш инсоннинг савияли ва маданиятли эканлигини билдиради.

Ош бўлсин!

"Уч замон" каналига обуна бўлиш учун ҳавола👉 https://t.me/uchzamon

- Ҳаҳ, Макдоналдс, кетсанг кетавер. Сенга кунимиз қолгани йўқ. Путин акам бор экан, биз оч қолмаймиз 💪🤘

ПС. Лекин холодильникдаги Бигмакларни еб тугатгунимизча қайтиб кел, илтимос! 😜🤣

"Уч замон" каналига обуна бўлиш учун ҳавола👉 https://t.me/uchzamon

Россия Хитойдан ҳарбий ва санкциялардан сақланиш учун иқтисодий ёрдам сўрабди.

Барчаси олдиндан айтилган сценарий бўйича боряпти. Россия Украинани тез орада ола олмади ва Ғарб санкциялари унинг иқтисодиётини сидирадиган тарафга қараб бормоқда.

Хитой Ғарб билан очиқдан очиқ тўқнашувга бориб, Россия билан бир кемада чўкиш нияти йўқ, аммо Россия билан илиқ алоқалари ва айниқса Россиянинг аҳволи чатоқлиги сабабли Хитой бу вазиятдан имкон қадар фойдаланиши ва Россияни кичик укасига айлантириб олиши мумкин.

"Уч замон" каналига обуна бўлиш учун ҳавола👉 https://t.me/uchzamon

​​ЖАСУР РУСЛАРГА ОФАРИН!

Уруш пайтида ҳиссиётлар жунбушга келади, баъзан ёлғон яшиқ хабарлар сабабли холислик йўқолади. Кўпчиликда асосий айбдор қолиб, кўплаб бегуноҳларни умумий қилиб айблашга мойиллик бўлади.

Илгари бир неча бор айтганимдай, Путин Россия ва рус халқи эмас. Тўғри, руслар орасида Путин пропагандасининг қурбонлари кўп, улар ўзимизнинг ўзбеклар орасида ҳам талайгина. Аммо руслар орасида, айниқса зиёли қатлам орасида Путиннинг сиёсатини ва Украинадаги урушни қоралайдиган инсонлар кўп.

Қайсидир диктаторга қанчалик мойил бўлишдан қатъий назар бир ҳақиқатни тан олиш керак. Адолат, ҳақиқат, эркинликлар бўғилган ва диктатура анъаналари илдиз отган давлатларни зиёлилар тарк этадилар. Буни "Миялар қочиши" деб ҳам атайдилар. Ҳатто Эйнштейн ҳам Гитлер давлатидан қочиб АҚШ фуқаролигини олган. Бундай ҳолат юз берганида пропаганда остидаги миллионлар эмас, балки ўша миллионларнинг ақли етмаган нарсаларни кўра олган бир ҳовуч зиёлилар ҳақ бўладилар.

Бугунги кунда, Россияни минглаб зиёлилар, ақлли касб эгалари, олимлар, ижодкорлар, инқорматика соҳаси вакиллари ва ҳоказолар тарк этмоқдалар. Агар бир-икки нафари бўлса, балки адашгандир деб ўйлаш мумкин эди, аммо минглаб миялар адашишлари мумкин эмас.

Баъзан урушга қарши одамларнинг ҳиссиётга берилиб, русларга "Нега кўчага чиқиб намойиш қилмаяпсан?" деб таъна қилганларини кўриб қоламиз. Бундай таъналар ноўрин ва нотўғри деб биламан.

Биринчидан, Россияда "уруш" сўзи таъқиқланган ва ОАВ фақат махсус операция ҳақида гапирмоқда. Украина армияси, уларнинг қаршиликлари эмас "Азов" ва националистлар ҳақида гапирилади. Украинларни ўша нацистлар бомбалаб, ўлдирмоқдалар деб такрорланади. Россиянинг қишлоқ ва шаҳарларидаги ахборотни асосан расмий телеканаллардан оладиган оддий аҳоли бу гапларга ишонади ва уруш бўлаётганлигидан хабари ҳам йўқ.

Иккинчидан, алтернатив манбалар орқали уруш бўлаётганлигидан хабар топган инсонлар ўз норозиликларини билдиришсалар, 15 йилга қамалишлари мумкин. Ўзимиз 15 суткага қамалмаслик учун бир умр "қисиб" яшаган ҳолда, руслардан икки сўзни айтгани учун 15 йилга қамалишни сўрашимиз мантиқсизлик бўлади.

Аммо шунга қарамасдан 15 йилга қамалишларини билиб туриб, кўплаб жасур руслар диктаторга қарши намойишларга чиқмоқдалар, йўлларини топиб, ўз норозиликларини билдириб, қамалиб кетмоқдалар. Ҳозирга келиб, Россияда "Урушга йўқ" деган икки сўзни айтгани учун ўн минглаб инсонлар ҳибсга олинганлар.

Бундай инсонларнинг жасоратларини фақат олқишлаш ва офарин дейиш мумкин. Чунки уларга бу қилган ишлари учун биронта одам ёрдамга келмайди ва улар ҳеч қандай фойда кўрмаганлари ҳолда Россиянинг вахший қамоқхоналарига кетишга рози бўлмоқдалар.

Ушбуларни ҳисобга олиб, "руслар" ҳақида гапирганда умумлаштирмаслик, миллатчилик қилмаслик керак деб ҳисоблайман. Бир неча бор айтганимдай, ҳозирги вазиятнинг илк қурбонлари русларнинг ўзлари бўладилар.

"Уч замон" каналига обуна бўлиш учун ҳавола👉 https://t.me/uchzamon

​​КОНЦЕРТ МАДАНИЯТИМИЗ ҲАҚИДА

Юлдуз Усмонованинг концертида юз берган ҳолат видеосини кўпчилик аллақачон кўрган бўлса керак. Кўпчилик Юлдуз Усмоновани сўкяпти, Маданият вазирлиги ҳам вазиятни қоралашини айтиб муносабат билдирди. Шунинг учун унга тўхталмайман. Фақатгина мен ҳам Юлдуз Усмонованинг қилган ишини оқламаслигимни, умуман унинг сўнгги пайтлардаги кўплаб чиқишларини оқламаслинимни қўшимча қиламан.

Энди вазиятнинг ўзига келсак. Тушунишимча, концерт пайтида парда тўлиқ очилмай қолган ва шунга одамлар шовқин қилиб, бир аёл ҳақорат қилган.

Бу ҳолат бизнинг савиямиз, концертларда иштирок этиш маданиятимиз масаласига олиб келади.

Ижтимоий тармоқлардаги маданиятсизлар, савиясизлар, оғзи шалоқ сўконғичлар ва бошқаларни биламиз. Бундайлар кундалик ҳаётимизда, кўчаларда, ҳатто таниш ва дўстларимиз орасида ҳам учраб туради.

Аммо концерт саройи бу концерт саройи. У жой маданият даргоҳи. У ерда маданиятсизлар ҳам қусурларини йиғиштириб, маданиятли бўлиб кирадилар. Бу худди мусулмон бўлмаса ҳам масжидга кирганида ҳурмат юзасидан ёпиниб киргандай гап.

Концерт бу маданий озуқа, куй, мусиқа, ашула ва рақслар оламига шўнғиш орқали кундалик ҳаёт ташвишларини унутиш имконияти дегани.

Шу сабабли, у ерга киришда маълум маданий ва мантиқий қоидаларга амал қилинади. У ерга ўзгаларнинг табини хира қилмайдиган шаклда кийниб борилади, концерт давомида унинг руҳига шўнғиб, қарсаклар чалинади, санъаткорлар қўллаб-қувватланади ва концерт якунида миннатдорчиликлар изҳор қилинади.

Табиийки, концерт залига писта пўчоқлари ташланмайди, бўзрайиб ўтирилмайди, бошқалар ҳақорат қилинмайди, бошидан охиригача телефонда видеога олиб, ҳамманинг жонига тегилмайди.

Энг асосийси, концертга 3-4 нафар ёш болалари, айниқса гўдаклари билан кирилмайди. Чунки биринчидан, концертдаги товуш баландлиги болаларнинг қулоқлари учун оғир ва соғликлари учун хавфли ҳисобланади.

Иккинчидан, катталар учун мўлжалланган концерт болалар учун зерикарли бўлиб, бу уларнинг маданиятларига эмас, руҳан чўкишларига сабаб бўлади.

Учинчидан, гўдаклар, паст ёшдаги болалар йиғлайди, зерикканлар югуриб ўйнагиси келади. Бундай ҳолатларда, бефаросат ва худбин ота-оналарни деб концертлар дабдала ўтади.

Францияда концертларда 3 ёшгача, айрим муассасалар, кабаре ва шоуларда 6 ёшгача бўлган болалар киришлари тақиқланади. Агар ота-оналар буни ҳисобга олмасдан концертга борсалар, киритилмайдилар ва билетларининг пули қайтиб берилмайди. 6 ёшдан катталарга концертга киришга рухсат берилса ҳам, уларнинг қулоқларини ҳимоя қилиш учун махсус қулоқчинлар тақиб қўйилади. Шунда ҳам болалар албатта катталар билан бирга боришлари керак бўлади. Фақатгина 16 ёшдан ўсмирларга концертга ўзлари киришга рухсат берилади.

Бошқа томондан, болалар учун кинотеатрлар, театрлар, концерт ва кўнгилочар тадбирлар ташкил қилинади ва ота-оналар фарзандларини ўша жойларга олиб боришлари мумкин бўлади.

Ўзимиздаги концертларга тушган бўлсангиз гувоҳ бўлгандирсиз ёки истаган коцертнинг видеосини Ютубдан томоша қилиб кўринг, кўплаб ота-оналар ёш болалари билан боради, деярли ҳамма телефонда видеога олиб ўтиради ва айримлар бўзрайиб ўтиради.

Албатта Юлдуз Усмонованинг қилган ишини қоралашимиз керак. Аммо ўзимизнинг маданиятимиз устида ҳам ишласак ёмон бўлмайди деб ўйлайман.

"Уч замон" каналига обуна бўлиш учун ҳавола👉 https://t.me/uchzamon

Оғир кунда ёрдамнинг катта-кичиги бўлмайди.

Украинада ўзбеклар палов пишириб тарқатибди. ❤🙏

"Уч замон" каналига обуна бўлиш учун ҳавола👉 https://t.me/uchzamon

Наврўз муборак, Учзамончилар! 🙏🌷🌺🌹

"Уч замон" каналига обуна бўлиш учун ҳавола👉 https://t.me/uchzamon

НАВРЎЗ-ЎЗИМИЗНИНГ БАЙРАМ!

Кеча "Наврўз ўзимизнинг байрам" деган фикримга кимлардир қўшилди, кимлардир қўшилмади. Яна кимлардир ҳазил деб ўйлаб кулиб қўйди.

Қаршиларнинг бирлари Наврўз оташпарастларнинг диний байрам эканлиги ва ислом динига кўра мумкин эмаслигини айтган бўлса, яна бировлар Наврўз Эронники эканлигини айтдилар.

Шуларга қисқача муносабат билдирмоқчиман.

Авваламбор, Наврўз байрами қадимги Эрон ва Турон, яъни форс кўрфазидан то шарқий Туркистонгача бўлган барча халқларнинг байрами ҳисобланади. Маълумот учун ЮНЕСКО рўйхатига кирган умуминсоний номоддий ёдгорликлар орасида Наврўз бир вақтнинг ўзида энг кўп халқларга тегишли деб топилган камдан кам байрамлардан бири ҳисобланади.

Наврўз байрамининг моҳияти, унинг анъаналари, фалсафаси, мақсад ва мазмунига қаралса, Наврўз ҳақиқатдан айнан бизларнинг (ўзбеклар, туркманлар, эронликлар, қозоқлар, қирғизлар, қисқаси эрон ва туронликлар) характерларимиз, темпераментларимиз, табиатимиз, жўғрофиямиз ва ҳоказоларни намоён этади.

Иккинчидан, Наврўз айримлар айтганидай, оташпарастлик, яъни зардуштийликнинг диний байрами ҳисобланмайди. Аксинча Наврўз байрами Зардуштдан олдин ҳам ҳудудларимизда нишонланиб, кейинчалик зардуштий ота-боболаримиз, улардан кейин буддист, шомон, христиан, мусулмон ва динсиз ота-боболаримиз томонидан нишонланиб келган. Чунки бу байрам динийдан кўра ҳудудий-табиий-анъанавий байрам бўлиб, у шу ҳудудларда яшовчи инсонларнинг ҳар бирига тегишли бўлган.

Учинчидан, Наврўзнинг келиб чиқиш сабаблари табиий бўлиб, у табиат ҳодисалари билан боғлиқ. Масалан Наврўзнинг сабаблари, анъаналари, мақсадларини Африка, Европа, Америка ёки Океаниядаги бошқа бир ҳудудларга, ҳатто яқин шарқ, яъни араб диёрларига олиб бориб қўлласангиз уларнинг реалликларига тўғри келмайди. Чунки Ер юзининг ҳамма жойларида 4 та фасл йўқ, ҳамма жойларда табиат қишда уйқуга кетиб, баҳорда уйғонмайди, ҳамма жойда континентал иқлим сабабли ёзда жуда иссиқ ва қишда жуда совуқ бўлмайди, ҳамма жойларда деҳқончилик, суғориш тизимлари, чорвачилик ва ҳоказо деган нарсалар йўқ.

Ҳозирги кунда мева ва сабзовотларни сақлаш учун совуткичлар, музлаткичлар ва иссиқхоналар борлиги, самолётлар чегараларни яқинлаштирганлиги сабабли қиш ва баҳорда мева ва сабзовотларни ейишимиз, кузда баҳор гулларини ҳидлаб, майсаларни истеъмол қилишимиз мумкин. Аммо минг йиллар давомида ота-боболаримизнинг нима ейиш-ичишлари, тақдирлари табиат берган неъматларга боғлиқ бўлган.

Бизнинг шароитларимизда табиат ва иқлим шароитлари сабабли баҳорда экилиб, ёз ва кузда ҳосил олиниб, қишда айиқларга ўхшаб минимум ҳаракат қилиниб, кам калорияли қоқли махсулотлар еб кун кечирганлар.

Касалликларга бой, неъматлардан мосуво қаҳратон қишдан иссиқ кунларга, баҳорга эсон-омон чиқиб олиш ота-боболаримиз учун ҳақиқий хурсандчилик бўлган. Шу сабабли, улар баҳорнинг келишини, илк майсалар ниш уришини, дарахтлар гуллашини байрам қилганлар.

Бизнинг ҳудудларимиз табиат қоидаларига кўра деҳқончилик илк баҳордан, яъни одамлар кучсизланиб қолган даврга тўғри келади. Шу сабабдан, улар қисқа муддатларда куч тўплаш учун бизнинг табиатимиз берадиган буғдой илдизларидан сумалаклар, ялпиз, исмалоқ ва бедалардан "кўк таом"лар пишириб еганлар.

Тўпланган кучлар туфайли улар суғориш тизимларини тозалаганлар, ариқ ва каналларни қазганлар, далаларни тайёрлаб, уруғларни экканлар. Шу сабабли, Наврўзни экологик байрам деб аташ мумкин ва унинг моҳияти бутун инсониятга ўрнак бўлиши мумкин.

Тўртинчидан, бу байрам тинлик байрами бўлиб, унинг фалсафасига кўра гина-қудуратлар унутилган, бир-биридан хафа бўлганлар, бир-бирларини кечирганлар, уруш ва тўқнашувларга сарфланадиган кучларини эзгу ишларга сарфлаганлар. Шу сабабли, Наврўзни инсонпарвар байрам деб бемалол айтишимиз мумкин.

Бешинчидан, Наврўз бу цивилизация ва илм-фан тараққиёти, ота-боболаримизнинг донишмандлиги рамзи ҳисобланади. Чунки Наврўз тенг кунлик (экинокс), яъни тун ва кун бир хил вақтга тенглашиб, кунлар узайишни бошлайдиган даврга тўғри келади. Минг йиллар олдин бу кунни топиш ва уни байрам қилиш учун халқлардан астрономия, математика, география, иқлимшунослик ва бошқа соҳаларда юксак билимлар талаб қилинган. Ҳудудларимизда бундан 2000-2500 йиллар олдин расадхоналар бор бўлганлиги бежиз эмас.

Ушбу сабаблар, ўзига хосликлар, ўзимизга хосликлар сабабли Наврўз байрамини айнан бизнинг байрамимиз деб аташимиз, нишонлашимиз ва фахрланишимиз мумкин.

БАРЧАГА ЯНА БИР БОР НАВРЎЗ МУБОРАК !

"Уч замон" каналига обуна бўлиш учун ҳавола👉 https://t.me/uchzamon

ЭЪЛОН!

ТАБИИЙ БИОЛОГИК БУДИЛНИК СОТИЛАДИ

Табиий биологик будилник сотилади. Кўриниши, аҳволи яхши. Мурувватини бураб режалаштиришингиз шарт эмас. Будилник қўйишни унутсангиз ҳам эрталаб кун чиқмасдан олдин уйғотади.

Агар қўшниларингиз билан қўшиб уйғотмаса сўйиб енг.

🐓😜🤣

"Уч замон" каналига обуна бўлиш учун ҳавола👉 https://t.me/uchzamon

Фаросатли милиционер 🤣👍

"Уч замон" каналига обуна бўлиш учун ҳавола👉 https://t.me/uchzamon

ЛЕГИТИМЛИК ҲАҚИДА

Кўпинча легитимлик ҳақида гапирилганда кўпчилик гап нима ҳақдалигини тушунмайди. Чунки бир тарафдан бу сўз чет тилидаги сўз ва бошқа тарафдан, легаллик (қонунийлик) дан фарқли равишда унинг юридик аҳамияти мавжуд эмас.

Бу худди ҳаққингиз бор ёки йўқлигини англатувчи ёзилмаган қоидадай гап. Легитимликни қайсидир маънода виждон иши деб ҳам айтиш мумкин. Агар ҳаққингиз бўлмаган ишни қилсангиз, сизники бўлмаган нарсани олсангиз, сизга ёмонлик қилмаган одамга ёмонлик қилсангиз ва ҳоказо бундан сизнинг виждонингиз қийналиши мумкин. Агар сизнинг виждонингиз қийналмаса, буни бошқалар кўриб туради ва шунга қараб сизга баҳо беради, ҳукм чиқарадилар. Шу сабабдан, бошқаларнинг сизга муносабатлари, сизнинг келажагингиз, тақдирингиз легитимликка боғлиқ бўлади.

Легитимлик ҳиссиётлар, тасаввурлар, яъни кўринмас туйғулардан иборат бирлик бўлганлиги сабабли, легитимликни сунъий яратиш, инсонларни манипуляция қилиб, фикрларини шакллантириш мумкин.

Масалан, сиёсатда доим легитимлик қидирилади. Ҳатто ноқонуний ишларни, кимнидир қамаш, ўлдириб юбориш, қўшни давлатга ҳужум қилиш ва ҳоказоларни амалга ошириш учун уни легитимлаштиришга, яъни бошқаларнинг (ва ўзининг) кўзи олдида бунга ҳақли қилиб кўрсатишга интилинади. Кундалик ҳаётимиз ҳам сиёсатдан иборат. Масалан, бизга болалигимдан "Хўроз сўйишдан олдин "Айбинг бўйнингда" деб айт деб ўргатишган. Аслида сўйилаётган хўроз бизга ҳеч нарса қилмаган бўлади. Ҳатто хўроз юз бераётган ҳолат учун биздан хафа бўлиб, айблай олмайди. Аммо унинг гўшти бизга керак бўлганлиги учун сўяётган бўлсак ҳам ўз виждонимиз олдида қилмишимизни легитимлаштириб олишимиз учун шу сўзларни айтамиз. Сиёсатда "Итингни ўлдирмоқчи бўлсанг уни қутурган деб айт" деган ибора бор. Шунда ҳеч қандай сабабсиз итни ўлдирсангиз ҳам одамлар сизни ёвузликда айбламайдилар, аксинча одамларни бир қутурган итдан холос қилганлингиз учун миннатдорчилик ҳам билдиришлари мумкин.

Тарихдаги буюк саркардалар, император ва босқинчиларнинг барчаси ўз қилмишларини олдин легитимлаштириб олганлар ва юриш бошлашдан олдин уларни нималардадир айблаганлар. Масалан Чингизхон Хоразмга уруш бошлаши учун чегараларда узоқ гижгижлаш ишларини олиб борган ва ниҳоят 500 кишилик карвон масаласида ўз мақсадига эришган. Бу ишни Македонский ҳам, Амир Темур ҳам, Наполеон, Жорж Буш ва бошқалар ҳам қилган, қилишда давом этмоқда ва келажакда ҳам қиладилар.

Масалан, 2008 йилда Россия Грузияга бостириб кирганида бир неча ойлар давомида Грузияни гижгижлаган, чегарадан атайлаб ўтиб келиб юрган, чегарачилар ўртасида отишмалар ташкил қилган. Охир оқибат, Грузия армияси қўполроқ жавоб берган пайтида "рус аскарлари ўлдирилди" деган важ билан анча олдиндан тайёрлаб қўйилган режа бўйича Грузия босиб олинган. Россия урушни айёрлик билан легитимлаштириб олганлиги сабабли жаҳон ҳамжамияти бирон нарса (амалда) деёлмаган ва қилолмаган. Рус (ва рус медиаси таъсиридаги инсонлар) жамияти эса ўз давлатини тўлиқ қўллаб-қувватлаган.

Бундай ҳолат 2014 йилда, Россия Қиримни аннекция қилиб олганида ҳам юз берган. Киевда юз берган инқилоблардан фойдаланиб, Россия Қиримда русларни ўлдиришаётгани ва шу каби важлар билан олдиндан тайёрланган режа бўйича қисқа муддатлар ичида Қиримни Россияга қўшиб олган. Жаҳон ҳамжамияти "махинация"ни тушунган ва шу сабабли Россияга нисбатан санкциялар қўллаган бўлса ҳам Россия ноқонуний қилмишини "легитимлаштириб" олганлиги сабабли рус жамияти (ва рус медиаси таъсиридаги инсонлар) олдида "юзи ёруғ" бўлган. Ҳатто Путин қаҳрамон даражасида кўрилиб, Россияга нисбатан қўлланилаётган санкциялар нолегитим деб ишонилган.

Путин Украина билан ҳам худди шундай қилмоқчи бўлди, аммо негадир бу сафар у ишни шунчалар нўноқ тарзда амалга оширдики, бундан Путиннинг ўзи ҳам ҳайратда бўлса керак. Балки Путин Украинага ҳужумини легитимлаштириб бўлдим деб ўйлагандир, аммо бу катта хато бўлди. Украина эса легитиилик борасида виждони пок бўлганлиги сабабли, уруш унинг фойдасига айланди.

Тасаввур қилинг, бир қудратли қўшнингиз (Россия) ва у ўз таъсирига олишга интиладиган бошқа бир кучсизроқ қўшнингиз (Украина) бор. Иккаласи келишмасилигини ҳамма билади, лекин бири иккинчисига ёмонлик қилишларига асос йўқ.

Бир куни қудратли хонадоннинг диктатор отаси болаларини олиб, уларга гап нимадалигини ҳам айтмасдан қўшнининг уйига бостириб кириб, унинг ҳудудларини бомбалаб, болаларини ўлдира бошлади. Қудратли қўшни маҳалладаги бошқаларга "Аралашманглар, акс ҳолда атом бомбамни портлатаман ва ҳаммамиз ўламиз" деб огоҳлантирди ва кучсиз қўшнисига ҳеч ким ёрдамга кела олмаслигини кафолатлаб унинг болаларини ўлдиришда давом этди.

Бу ҳолатда кучсиз қўшни адолатсиз равишда ҳаққи топталган ҳар бир инсон каби адолатсизликка қарши оёққа турди. Ҳеч ким унга ёрдам бермаслигини, ўзини ўзи ҳимоя қилмаса ноҳақ қўшни унинг уйини эгаллаб олишини, болаларини қул қилишини билгач, ҳаёт-момот учун ҳимояга отланди. Бошқа томонда эса, қудратли қўшни ўз қилмишининг сабабини нафақат украинларга ва жаҳон ҳамжамиятига, ҳатто ўз оидасидагиларга ҳам тушунтириб бера олмади.

Аксинча, ундан урушнинг сабабини сўраган, урушни тўхтатишни сўраганларни 15-20 йилга қамашини айтиб, қонун қабул қилиб олди.

Мана шу ҳолат легитимлик ва нолегитимликнинг таърифини аниқ ифодалайди. Путиннинг қилаётган иши нолегал (ноқонуний) ва нолегитим (асоссиз, адолатсиз, мантиқсиз, ҳақсиз) дир. Шу сабабдан, уни фақат миялари захарланган бир ҳовуч инсонларгина ўз компютерлари ортида қўллашга бесамар ҳаракат қилмоқдалар. Рус аскарлари эса ҳеч қандай айб қилмаган қўшнисининг болаларини нега ўлдиришлари кераклигини ва нега, қандай буюк ғоя ҳимояси учун ўлишлари кераклигини билмасдан мажбурликдан номига ҳаракат қилмоқдалар. Чунки украинлар "Айбинг бўйнингда" деб сўйиб, гўштини еб юборса бўладиган хўрозлар бўлиб қолмасдан аксинча ҳудудлари асоссиз ҳужумга учраган яраланган шерларга айландилар. Бу ҳолатда легитимлик улар тарафда ва шу сабабли ҳам ғалабага олиб бориши мумкин бўлган устунлик улар тарафдадир.

"Уч замон" каналига обуна бўлиш учун ҳавола👉 https://t.me/uchzamon

Бошқа ҳамма оппоқ. 🤣

"Уч замон" каналига обуна бўлиш учун ҳавола👉 https://t.me/uchzamon

#Тавсия

Ҳужайра.уз канали муаллифи, ихтиолог олим Бахтиёр Шералиевнинг ушбу интервьюсининг видеоси ҳақида унинг парчалари чиққандаёқ пост қилиш ҳақида ўйлагандим. Аммо видеони тўлиқ кўрмай туриб, у ҳақда мақтаб, тавсия қилиб пост қилсам ўзимни ўзимга, принципларимга ва Бахтиёрга ҳиёнат қилгандай ҳис қилган бўлардим.

Ниҳоят видеони тўлиқ кўриб чиқдим ва кўриш учун сарфлаган 2 соатдан ортиқ вақтимга ачинмадим. Бахтиёр кучли олим бўлиш билан биргаликда ажойиб ҳамсуҳбат ва билимларини соддалаштириб етказиб берувчи илм тарғиботчиси эканлиги намоён бўлган.

Барчага эринмай кўришни ва ўрнак учун бошқаларга ҳам тарқатишни тавсия қиламан.

ПС. Савол: видеода Бахтиёр "Дарвин эволюция назариясига кўра одам қайси маймун туридан келиб чиққан" деб айтган? 😜

Видео ҳаволаси: https://youtu.be/D3F4jnHb_po