БИР ГЎРМИЗ

- Ўзбекистонда 16 ёшли қизни икки эркак зўрлабди деса, айримлар "кечқурун кўчада нима қилиб юрибди?", "мусулмон эмас эканку, баттар бўлсин", "айб ўзида, муслималарга ўхшаб кийинганида зўрланмас эди" деб оқлаб ётишибди.

- Қирғизистонда 13 ёшли қизни келин қилиб ўғирлаб кетишибди. Бечора қиз бир амаллаб, ўғрилар қўлидан чиқиб уйига келса, ота-онаси ундан воз кечиб, кўчага ҳайдаб юборибди.

Қирғизистоннинг нуфузли нашрларидан бири бечора қизга ёрдам беринглар деб эълон тарқатди.

- Қозоғистонда бир ҳарбий аёллар ёрдам сўраб бақираётганини эшитиб қолиб югуриб борса, бир эркак икки аёлни ураётган экан. У ҳарбийни кўриб қочиб кетибди. Аёллардан бири унинг собиқ хотини бўлиб эркак унга 11 марта пичоқ урган экан, иккинчи аёл собиқ қайнонаси бўлиб, унга бир марта пичоқ урган экан. Эркакни қидириб, қабристондан топиб қамоққа олиб кетишибди. Бечора аёл эрдан ажрашиб ҳам қутулолмай фақат ўлиб қутулибди.

- Бултур Туркманистоннинг Франциядаги элчиси ўзининг 46 ёшли хотини ва 19 ёшли қизини уриб, хўрлагани учун бечора аёллар Франция полициясига ёрдам сўраб, ўз эридан қутқаришни сўраб мурожаат қилиб халқаро скандал юз берди. Бу ҳали кимсан дипломат туркман оиласидаги аҳвол. Туркманларда келинлар қайнота қайнонасига бир умр гапиришга ҳақлари бўлмайди.

Туркманистондаги аёлларнинг аҳволига бутун бошли президент ва давлат даражасида қилинаётган дискриминацияга қараб баҳо бераверасизлар.

- Атайлаб давлатлардан мисоллар терибди демаслигингиз учун Тожикистон ҳақида мисол ёзмайман. Биламан, ўзларингиз хоҳлаганча мисол топишларингиз мумкин.

Бу мисоллар билан нима демоқчиман?

Биз марказий осиёликлар нафақат келиб чиқишимиз, урф-одатларимиз ва фазилатларимиз борасида бир хилмиз. Балки бизлар нуқсонларимиз, иллатларимиз, қусурларимиз, аёлларимизга нисбатан ноинсоний муносабатларимизда ҳам бир гўрмиз.

Ва жумладан шу сабабга кўра ҳам ҳеч қачон одам бўлмаймиз!

Хулосани ўзингизга қолдираман!

"Уч замон" каналига обуна бўлиш учун ҳавола👉 https://t.me/uchzamon

ЗАРДУШТ БЎЛМА, АММО... ОТАНГНИ БОЙЛАБ БОҚ!

"Зардуштийлик шунчалик зўр бўлса, ўша динга ўтиб ол" деб қолди биттаси.

Мавзу зардуштийлик динидаги бир ҳолат борасида билим ва фикрларни алмашиш деб ўйласам мақсад зардуштийлик динига қарши кураш, уни ерга уриш ва унинг дини қанчалар буюклигини барчага кўрсатиб қўйиш экан.

Мен юқоридаги буйруқ қаҳрамони ва унинг "кураши"ни реклама қилмоқчи эмасман, аммо айрим юртдошларимиз томонидан зардуштийлик динига нисбатан нохолис муносабат ҳақида фикр билдирмоқчиман.

Сўз аввалида айтиб қўяй, зардуштийлик дини деярли йўқолиб бўлган (дунё бўйлаб 30 минг нафар зардуштий қолган ва улар ҳам эркинликларга эга эмаслар) ва ҳозирда "динлараро жаҳон чемпионати"да иштирок этмаётган дин ҳисобланади ва унга қарши курашиш ўзини "бир ярим миллиард эътиқод қилувчиси бор" деб керилувчи "полвонлар" учун шараф ва қаҳрамонлик ҳисобланмайди.

Энди зардуштийликнинг ўзига қайтамиз.

Эътибор берганмисиз, динга муккасидан кетган, дунёдаги диний диктатуралардан бири, Эрон ИСЛОМ республикаси зардуштийлик динини ўзиники қилиб олиш учун тиш-тирноғи билан курашади. Эронликлар буни зардуш бўлганликлари, мусулмон бўлмаганлари учун қиладиларми? Аксинча, эронлик муллаларда зардуштийликни ерга кўмиш учун биздаги динга берилганлардан кўра минг бора кўпроқ сабаб ва имкониятлар бор. Аммо шунга қарамасдан, Эрон деярли "ўлиб бўлган" зардуштийликни талашади, қадрлайди ва ўзини зардуштийлик ватани қилиб кўрсатишга уринади? Чунки эрон халқи қадимдан зукко, чуқур фалсафали, тош орасидаги марваридни кўра билган, ўз цивилизациясини яратиб, бошқа цивилизациялар панжасига панжа уриб келган халқ ҳисобланади.

Инсоният тарихида салмоқли, чуқур фундаментал фалсафага ва инсоният тамаддунига пойдевор қўя оладиган тизимли догмалар йиғиндисидан дин ярата олган халқлар кўп бўлган эмас. Динлар, секталар, ишониладиган илоҳлар ва қўрқув объектлари кўп бўлган, аммо халқ тафаккури, илм-фан ва фалсафа даражаси юксаклиги улардан бутун бошли бир тузум яратиб, уни максимум даражага тарқата олиш ҳолати кўп бўлган эмас.

Зардуштийлик яккахудолик динлари орасида ана шу ишни уддалаган илк дин ҳисобланади ва ушбу дин яралган юрт ва уни яратган халқ қадим замонлардаёқ буюк халқ бўлганлигини билдиради.

Дунёдаги кўплаб олимлар кейинги яккахудолик динлари, хусусан Иброҳимий динлар (ҳа, иудаизм, христианлик ва ислом) ўз фалсафси, асосларини зардуштийликдан олган деб айтадилар.

Яхшилик ва ёвузлик ўртасидаги кураш, пайғамбар, фаришталар, ўлимдан кейин қайта тирилиш ва яхшиликнинг ғалабаси каби модел илк бор зардуштийликдан келиб чиққан. Навбатдагилар ушбу ғояларни ўзларининг ҳудуд ва замонларига, реалликларига мослаб, такомиллаштириб борганлар.

"Зардуштийликда фалондай экан, яхшиям мусулмон бўлиб туғилганимиз" деб фикр қилиш ғирт билимсизлик бўлади.

Авваламбор, зардуштийлик билан ислом динининг яралган вақтлари орасида минг йиллар фарқ бор. Бу худди 2022 йилда қўлидаги Айфонга қараб туриб 2000 йил олдинги халқлар телефон нималигиниям билмаган деб устидан кулишдай гап.

Зардуштийлик ва ислом дини орасида (Марказий Осиёда кўпроқ зардуштийликдан исломга ўтилган бўлса-да) зардуштийлик догмаларини олган еврейлар уни такомиллаштириб, ундан христианлар янада такомиллаштириб, ислом дини "Айфоннинг ўз давридаги сўнгги модели"дан нусха олган бўлган. Зардуштийлик эса у пайтда 1990 йилларнинг Нокиасидай гап бўлган. Материали чидамли, антенна ва заряд яхши тутади, аммо замонавий эмас.

Ва ниҳоят динлараро курашда зардуштийлик дини, тўғрироғи, унга сиғинувчи ҳудудлардаги ҳукмдорлар ютқазганлар ва зардуштийликнинг ҳозирги аҳволи ўша пайтдаги воқеаларнинг оқибатидир. Мағлублик йўликка маҳкумликдир.

Тарих ҳақида "Агар ўша пайтда фалондай бўлганда нима бўларди?" деб фараз қилишни ёқтирмайман, чунки бу бефойда ва жавоби йўқ саволдир. Аммо мияга шок терапияси қилиш учун шу ишни бир қилиб кўрамиз.

Тасаввур қилинг, ислом дини тарқалаётган пайтда Хуросонда, Хоразмда, Бухоро ва Самарқандда мустаҳкам давлатлар, қудратли империялар иқтидорда бўлганларида ва арабларни янчиб, аксинча ўзларини босиб олганида нима бўлган бўлар эди?

Ислом дини тарқалишнинг ўрнига арабларнинг ўзларини зардуштийлик динига ўтказишса ва кейинчалик келадиган Қорахонийлар, Сомонийлар, Салжуқийлар, Хоразмшоҳлар, Темурийлар ва бошқалар ислом динини эмас зардуштийлик динининг тарқалишига сабабчи бўлсалар қандай бўлар эди ?

Балки ҳозир дунёда 1,5 миллиард зардушт бўлиб, ҳар маҳаллада бир оташпарастлик ибодатхонаси бўлган бўлармиди?

Зардуштийлик коҳинлари зардушт хотинларнинг иштонларини муҳокама қилиб, уларни қандай қилиб ўз никоҳларига олишни ўйлаб юрган пайтларида Фейсбукда диний блогерлар ва уларнинг муридлари "Ахурамаздани ҳақорат қилма нажас, Ахриманнинг малайи" деб ҳақоратлаб юрган бўлармидилар?

Мияларингиз чалкашиб кетмасидан олдин реал ҳаётга қайтамиз. Биз (ёки сиз) хоҳлаймизми ёки йўқми, зардуштийлик бу ота-боболаримизнинг дини бўлган. Бизнинг ота-боболаримизнинг зеҳни, зукколиги, тафаккур даражаларини уни яратган. Буни инкор қилиш, уни ёмон кўриш, ерга уриш ва йўққа чиқаришга уруниш нонкўрлик, ўз отасининг юзига оёқ қўйиш бўлади.

Ғолиб цивилизация миянгизни ўзгартиргани сизнинг отангизнинг зуволасидан яралганингизни йўққа чиқара олмайди...

Энди яна зардуштийликнинг аҳамияти мавзусига қайтамиз.

"Зардуштнинг Ватани қаер?", "Авесто қаерда яратилган?" ва ҳоказо деган баҳслар анчадан бери бор ва келажакда ҳам давом этади. Эронми, Хоразмми, Озарбайжонми, Самарқандми, Афғонистонми? Энг асосийси, бу саволларнинг жавобини ҳеч ким билмайди. Биламан деганлар ёки ўзини биладигандай кўрсатаётганлар ёлғон гапиради. Уларнинг бу борада ўз позициялари бор ва улар сизни ўша позицияга ишонтирмоқчи бўладилар. Бу ёғи сиёсат. Ким ўзиникини тўғри деб ўтказа олса ўша ҳақ бўлиб бораверади.

Эрон бу ишни 19-асрдан, яъни Марказий Осиёликлар ўз меросларини ҳимоя қила олмайдиган мустамлака бўлган замонлардан бери қилиб келади.

Дунёнинг барча китоблари зардуштийликни Эронники деб ёзиб, ўқиб, ўрганиб, ўргатиб келади.

Аммо Ўзбекистон мустақил бўлгач, Каримов ташаббуси билан шартта ЮНЕСКО орқали ўтиб Зардуштнинг ватани Хоразм ва Авесто Хоразмда яратилган деб тан олдирилди. Бу албатта ҳаводан олингани йўқ. Бунинг илмий асослари ҳам келтирилди. Фақат илмий консенсус йўқ бўлган ва бошқалар ўлсаям, қанча исботласангиз ҳам бериб қўймайдиган мавзуда Ўзбекистон илк ғалабасини қўлга киритди. Энди Эрон ва бошқалар зардуштийликни қанчалик ўзлариники деб тарғиб қилсинслар, ЮНЕСКО талқинида зардуштийлик ватани Хоразм, яъни Ўзбекистон ҳисобланади.

Фаросати жойида бўлган, зар қадрини бидадиган одам бу нарсани чуқур англайди. Бунинг учун зардуштийлик ҳақ дин деб билиш, унга сиғиниш ёки ўтиб олиш шарт эмас. Умуман олганда, зардуштийлик дунёдаги 10 минглаган динларнинг биттаси. Ислом дини ҳам, христиан дини ҳам шундай. Фақат зардуштийлик инсоният тарихида салмоқли ўринга, қудратли интеллектуал меросга эга дин ҳисобланади.

Халқимизда "Отанг тўнғиз бўлса боғлаб боқ" деган мақол бор. Чунки сен уни ёмон кўрсанг ҳам, инкор этсанг ҳам у сени отанг. Агар отанг зардуштийлик каби собиқ академик бўлса, ўз манфаатинг учун ҳам ундан воз кечиш керак эмас.

Зардуштийлик биз учун худди шундай. У бизнинг оталаримизнинг зукколиклари, юксак тафаккур эгалари эканликларининг исботидир. Буни тушуниш ва мерос сифатида қадрлашингиз учун зардуштийликка ўтиб олишингиз шарт эмас. Кўрсавод, нонкўр ва ношукур бўлмасангиз бўлди.

"Уч замон" каналига обуна бўлиш учун ҳавола👉 https://t.me/uchzamon

Толибон олдига чиққан пода тарафдорлари рус тиктокерлари келганда чиққан оломонга нега индамагандингизлар бла бла бла деб нолибди.

Уларнинг нозик кўнгиллари азият чекканига чидай олмадим.

Хафа бўлманглар. Толибон келганда Самарқандда олдига чиққан пода, Жириновский Бухорога борганда олдига чиққан пода, Тошкентга турк актёри ва рус тиктокери борганда олдига чиққан пода, Урганчга АМА борганда олдига чиққан пода, водийда Ҳаждан қайтган ҳар бир муллабизнесмен ва диний блогерларни худодай тавоф қилиб олдига чиқадиган подалар, БАРЧАЛАРИНГИЗ БИР ГЎРСИЗЛАР!

Бир пода, бир оломон, миллатимиз ва давлатимизнинг оёғидан бир хилда тортаётган, миялари (агар бор бўлса) ёнғоқ катталигида бўлган, зомбисифат бир балосизлар!

Энди хурсандмисизлар, толибонпарастлар? 😜😂👍

ПС. Раҳмат шарт эмас. Кетларингиз кўлдай бўлган бўлса бошимиз осмонда. 😊🙏

"Уч замон" каналига обуна бўлиш учун ҳавола👉 https://t.me/uchzamon

😂👍

"Уч замон" каналига обуна бўлиш учун ҳавола👉 https://t.me/uchzamon

☝☝☝

"Уч замон" каналига обуна бўлиш учун ҳавола👉 https://t.me/uchzamon

ЎМИ :
- Оломон Толибонни ўрамаган, ёлғончилар. Оломон муфтийни ўраган.

Ёлғончилар :
- Суратда Толибон-ку

ЎМИ :
- Ҳазрат муфтийимиз шулар-да

Ёлғончилар :
- Ҳа, унда узр. Янгиликдан бехабар қолибмиз

😜😂✌

"Уч замон" каналига обуна бўлиш учун ҳавола👉 https://t.me/uchzamon

ОЛДИН КЎП ХОТИНЛИ ЭКАНЛИГИМНИ ИСБОТЛА ?

Ўзбекистонда икки тоифа одамлари кўп хотинлидирлар десам деярли тўғри бўлса керак:
- Пулдорлар (жумладан мансабдорлар)
- Диндорлар деб умумлаштирмаслик учун динга берилганлар (жумладан пулдорлар)

Қолган қаланғи, қасанғилар ҳаваскорлар, ҳирслари қогунча ва чўнтаклари кўтаргунча "эркалик" қилиб, кейин ақллари кириб қолади.

Энди юқоридаги икки тоифага қайтамиз.

Улардан биринчилари қонунлардан устунроқ бўладилар, қонунлар устуворлигини таъминловчиларга таъсири ўтадиган бўладилар ва/ёки уларнинг ўзлари ҳам пулдор, ҳам мансабдор, ҳам қонун устуворлигини таъминлаши керак бўлган одамлар бўладилар. Масалан, вазирлар, ҳокимлар, суд ва прокурорлар, сенатор ёки бошқа амалдррларнинг бир неча хотинлари борлиги ҳақида ҳамма билади, лекин ҳеч ким ҳеч нарса демайди. Чунки деганниям фойдаси йўқ.

Аҳолисининг аксарияти ўртаҳол ва камбағаллардан иборат бўлган Ўзбекистонда кўп хотинликни орзу ва режа қиладиган ҳамда амалга оширадиган қатлам кам сонли ҳисобланади.

Иккинчи тоифа динга берилганлар, диний авторитет ва уламолар, бизнесмен ҳожилар ёки ҳожи бизнесменлар ва бошқа дин орқали обрў ва манфаат топганлар. Аҳолисининг аксарияти мусулмон бўлган аҳолининг аксариятида бундай муаммо йўқ. Кўп хотинлилик орзуси, режалари ва амаллари асосан динга берилган кам сонли қатлам орасида тарқалган.

Ўзбекистонда асосан (фақат эмас) мана шу икки тоифа вакиллари билан кўп хотинлилик муаммолар бор.

Эслатма учун, Ўзбекистон жиноят кодексида кўп хотинли бўлиш учун жазо бор. Мана ушбу модда:

"126-модда. Кўп хотинли бўлиш
Кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш
(базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади)"

Кўп хотинли бўлиш жиноят ҳисобланадиган бўлса, нега бу жиноятни қилган жиноятчилар жазосизлар? Шахсан мен ушбу модда бўйича жазо олган одамни билмайман. Балки бордир, аммо нафақат мен балки кўпчилик билган кўп хотинлилар бемалол кўп хотинли бўлиб юрибдилар.

Ҳатто омма олдида, ижтимоий тармоқларда кўп хотинли эканлигини ошкора айтиб, кўп хотинлиликни тарғиб қилиб, ҳатто кўп хотинлари сабаб боши жанжалдан чиқмай юрганлар ҳам бор. Аммо уларга жазо қўлланганлигини кўрганимиз йўқ.

Бир баҳсда юқоридаги моддани қўллаш қийинлиги ҳақида фикр билдилди.

Моддада "Кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш" дейилган, яъни бир хонадон ичида бир неча хотин билан полигам бўлиб яшаса, ушбу модда қўлланилиши мумкин. Аммо кўп хотинлиларнинг хотинлари алоҳида алоҳида рўзғор бўлиб, жуда кўпчилик ҳолларда яширин рўзғорда яшаганликлари учун расман ушбу моддани қўллаш имконсиздир.

Бунинг устига кўп хотинли бўлиш расмий никоҳ шартномаси орқали исботланиши керак. Кўп хотинлилар иккинчи ва қолган хотинларини асосан диний никоҳ орқали олиб олганликлари учун уларнинг кўп хотинли эканликларига расман исбот бўлмайди.

Хуллас, жиноят кодексида жиноят тури ва унга жазо бор. Жиноят аломатлари аниқ, жиноятчилар маълум, буни жиноятчиларнинг ўзлари ҳам, халқ ҳам, қонун устуворлигини таъминловчилар ҳам билади, аммо жиноятни исботлашнинг деярли иложи йўқ. Ёзиб қўйилган модда импотент.

Шунда умидни узавериш керакми?

Қўполроқ бир мисол орқали жавоб беришга ҳаракат қиламан. Кўп хотинлиликка даҳли йўқ ва бирга бир тўғри келадиган мисол эмас, аммо бир жиҳати бўйича параллел келтириш мумкин.

Бу фоҳишалик. Ўзбекистонда фоҳишалик муаммоси бор, аммо фоҳишалик учун жазо қаттиқ эмас. Бунинг ўзига яраша сабаблари бор, аммо мавзу бу ҳақда эмас. Давлат фоҳишаликка қарши курашиш учун қўшмачилик ва фоҳишаликни ташкил қилишга қарши курашади. Яъни фоҳишаликнинг юзага келиши, мавжуд бўлишини сабабчи бўлганларга қарши курашиб, муаммонинг илдизини қирқишга ҳаракат қилади.

Кўп хотинлилик билан ҳам худди шундай ҳолат. Кўп хотинлилик фоҳишалик каби бир жиноят. Фоҳишалар бир жиноятчи бўлса, кўп хотинлилар ҳам бир жиноятчи. Аммо фоҳишаларнинг фоҳишалик қилишларига ва кўп хотинлиларнинг кўп хотинли бўлишларига имкон яратганлар, сабабчи бўлганлар бор.

Аввалроқ, президент бир яхши гапни айтган эди. Кўп хотинлиларга ким никоҳ ўқияпти? Ана ўшаларни ушлаш ва тақиқланган ишни амалга оширгани учун жазосини бериш керак.

Ўзбекистон қонунлари бўйича давлат фуқаролик муносабатларида фақат биргина никоҳни қайд этиш мумкин. Иккинчисини қайд этиш мумкин эмас. Давлат органлари қайд этмаган никоҳни диний томондан ўқиш худди қўшмачилик, фоҳишаликни ташкил қилиш каби жиноят ҳисобланади. Бир рўзғор ичида бўладими ёки йўқми, буни бировлар биладими ёки йўқми, давлат берган қайд этиш гувоҳномаси йўқми, имом никоҳни ўқишга ҳаққи йўқ. Ўқидими у жиноятчи ва жазосини олиши керак.

Масалан, ижтимоий тармоқлардаги иккинчи, учинчи, тўртинчи хотинларни олганларнинг никоҳларини қайси имомлар қайси давлат ҳужжати асосида ўқиганлар?

Фоҳишалар ўз "мама розалари"ни таниганлари каби кўп хотинлилар ўз никоҳларини ўқиган имомларнинг кимлигини яхши биладилар. Уларни сўроқ қилиш, топиш ва жазосини бериш керак.

Агар уларнинг никоҳларини ҳеч ким ўқимаган бўлса ва ҳеч қандай никоҳсиз, севишиб, ишқий муносабатда бўлиб, болалар туғдириб юрган бўлсалар, улар ўзларини диндор ёки фаришта қилиб кўрсатмасликлари керак, зеро динда никоҳсиз қўшилиш зино ҳисобланади.

Юқоридагилардан келиб чиқиб айтиш мумкинки, кўп хотинлик ҳолатларидаги барча никоҳлар зинодан иборат ёки барча ҳолатларда имомлар жиноят содир этганлар ва уларнинг барчасини топиб жазосини бериш керак.

126-модданинг занжири учини имомлардан бошлаш керак. Калавани учи топилгач, кўп хотинлиликни ҳам исботлаш ва жазолаш мумкин бўлади.

Албатта кўп хотинлиликни исботлашни ижтимоий тармоқларда шахсларнинг ўзлари тан олиб ёзган иқрорлари орқали ҳам исботлаш мумкин. Бунинг учун хоҳиш бўлса кифоя.

"Уч замон" каналига обуна бўлиш учун ҳавола👉 https://t.me/uchzamon

Ўзбекистонда иссиқ шунчалик қаттиқ бўляптими? 😜👍

"Уч замон" каналига обуна бўлиш учун ҳавола👉 https://t.me/uchzamon

Олдинлари абитуриентлар учун Ахборотномалар тўплами чиқар эди.

Энди "Дуолар тўплами" чиқадиган бўлибди.

Ўқишга кириш анча осон бўлиб кетибди 😜😂

"Уч замон" каналига обуна бўлиш учун ҳавола👉 https://t.me/uchzamon

ЎЗБЕК ТИЛИМ, ЎЛДИНГ ТИЛИМ!

Эсингизда бўлса ўзбек тили тўғрисидаги қонун борасида қизғин баҳслар бўлган эди.

Бу орада "Ўзбекистонда ўзбек тилида иш юритиши керак" деганлиги учун Адлия вазири рус пропаганда канал ва сайтлари, ҳамда Ўзбекистондаги рус тилли ҳамда Путинпарастларнинг ҳужумига учраган эди.

Россия мулозимлари, жумладан собиқ қўғирчоқ президент Медведов "Украинани олгандан кейин қолган жойларниям оламиз" деб пост қилиб, кейин ўчириб ташлаган пайтда журналист Илёс Сафаров биз учун ҳаёт-момот масаласи бўлган "Давлат тили тўғрисидаги қонун" ҳақида янгилик, тўғрироғи шумхабарни чиқариб қолди.

Қонунчилик қуйи палатаси мазкур қонунни ими жимида қайта кўрилмайдиган қилиб "кўмиб юборган" экан.

Ачинарлиси, иштон, ғийбат, олди қочди мавзулар бўлса бош ёрадиган жамоатчиликка бу мавзу зиғирча таъсир қилмагандай. Янглишмасам биргина Шаҳноза Соатова бу ҳақда ёзганини кўрдим. Балки яна биронта кўрмаганларим бордир.

Асосийси, илгари халқ дардини кўтариб машҳур бўлган фаолларни мазкур муаммодан кўра твиттер очилганлиги кўпроқ қизиқтиргандек.

Барака топгурлар, қалбида заррача ватанпарварлик қолган, Путин ва унинг пропагандасидан қўрқмайдиганлар, дунёни бузиб ташланглар. Ўзбек тили ва унинг ривожи ушбу қонун билан ўлиб кетмасин.

Қуйида Илёс Сафаровнинг мақоласига ҳавола. Уни Путин акасидан қўрқадиганлар ўчиртириб юбормасидан олдин барчага тарқатинглар, скринлар олинглар, фикр ва муносабатларингизни, позицияларингизни билдиринглар.

https://kun.uz/94999347#

"Уч замон" каналига обуна бўлиш учун ҳавола👉 https://t.me/uchzamon

Гуландом опа анча ўзгариб кетибди. Костюм шим, бўйинбоғда бошқача кўринар экан. 😊✌

"Уч замон" каналига обуна бўлиш учун ҳавола👉 https://t.me/uchzamon

Наманганда тунги клубга борган қизларга "Ўтган кунлар"ни совға қилишибди ва буни овоза ҳам қилишди.

Суратда йигитлар ҳам бор. Савол: Уларга нима совға қилишган?

Ёки йигитларнинг маънавиятлари жойида бўлганмикан? Нима деб ўйлайсиз?

"Уч замон" каналига обуна бўлиш учун ҳавола👉 https://t.me/uchzamon

​​ЗОМБИЛАРНИНГ ЗОМБИ ЭКАНЛИГИГА ИСБОТ

Ушбу пост эгаси бир ижтимоий эксперимент ўтказган. Яъни у бўлмаган бир воқеани атайлаб ўзидан тўқиб ёзиб пост қилган ва постни тарқатишни сўраган.

Пост ва ундаги маълумотлар тўғри ёки нотўғри эканлигини ҳам текшириб кўрмасдан унга ишонган одамлар постни қисқа муддатларда 144 марта тарқатганлар.

Шунинг ўрнига биронта ақлли ёки фойдали пост бўлганида постни тарқаттириб бўлибсиз. Масалан менинг ўша куни ўзбек тили ҳақидаги долзарб постимни улашишишни сўраганимда бор йўғи 9 марта улашилди. Фейсбукда эса одамларнинг эътиборини тортиш учун постга рус гўзалининг суратини қўшиб қўйишимга тўғри келди.

Аммо миялари ўйламайдиган, пир ва домлалари мияларини форматлаб ташлаган зомбиларга бир иккита калит сўзлар билан пост қилиб буйруқ берсангиз ўйлаб ва текшириб кўрмасдан айтганингизни қилиб кетаверадилар.

Шунинг учун зомби ва зомбимаслар, фарқларини билиб олишлари керак. Зомбимаслар зомбилар ҳақида гапирилганида ҳар бир гапни ўзларига қарши олиб, ҳар бир ҳақиқатни динга қарши айтилган деб ўйлайвермасликлари керак.

Кўзларингизни, шуурларингизни, мияларингизни очинглар. Зомби бўлманглар. Зомби бўлсангизлар ўз миллат ва давлатингизнинг қонини сўрасизлар.

ПС. Ким зобми бўлмаса постни тарқатсин 😜


"Уч замон" каналига обуна бўлиш учун ҳавола👉 https://t.me/uchzamon