ЗЕЛЕНСКИЙ НАТОГА (ҲОЗИР) ҚАБУЛ ҚИЛИНМАСЛИГИНИ БИЛМАЙДИМИ?

Россия Украинанинг бир неча вилоятларини аннекция қилиб олиши ортидан Владимир Зеленский Украинани тезлаштирилган тартибга НАТОга қабул қилишни сўраб мурожаат қилди. Қисқа муддатларда НАТО Украинани ҳозирча НАТОга қабул қила олмаслигини билдириб баёнот берди. Буни путинпарастлар худди Зеленский ўз "ҳомийси" НАТО томонидан шармандаларча рад этилди деб хурсанд бўлган бўлсалар, Украина ҳудудий яхлитлиги тарафдорлари "НАТО Украинани ҳозирча қабул қила олмаслиги аниқ эди-ку, Зеленский рад жавобини олишини била туриб нега яна сўради" деб ҳайрон бўлишди.

Хўш, Зеленсикий мен, сиз ва оддий одамлар билиб турган нарсаларни билмайдими? Дўстларни хафа, душманларни хурсанд қилишини билиб туриб, минг марта рад жавобини олган нарсани қайта сўрадими?

Бошида масхарабоз деб калака қилинган Зеленский ўзини давлат раҳбари ва ҳарбий қўмондон эканлигини исботлаб бўлди. Аммо унинг яна бир қирраси дунёдаги аксарият давлат раҳбарларида йўқ эканлигини кўпчилик пайқамайди. Ҳатто ривожланган давлатларда ҳам сиёсий коммуникация, дипломатик коммуникация, ҳарбий коммуникация ва ҳоказолар билан бутун бошли департаментлар, жамоалар, мутахассислар ишлайдилар ва давлат раҳбарларининг ҳар бир ҳаракатлари, қарорлари, кўринишлари, сўзлари, ташаббусларигача ўргатиб турадилар. Ёш, замонавий ахборот технологиялар, санъат ва бошқаларнинг моҳир ижрочиси Зеленский эса сиёсий, ҳарбий, дипломатик ва ҳоказо коммуникацияларни ўзи олиб боради. Балки унинг ҳам ёнида маслаҳатчилари, жамоаси бордир, аммо уларнинг раҳбари унинг ўзи бўлади.

Зеленский воқеалар ривожини, давлатлар позицияларини, қачон нимани сўраш ёки сўрамаслик кераклиги, қандай шаклда сўраш кераклини, сўрашнинг оқибатларида нималарга эришиши мумкинлигини нозик ҳис қилади. У худди моҳир шаҳматчига ўхшайди. Баъзан ниманидир бериб юбориши ёки барчага кулгили бўлган фигурани илгари суриши мумкин, аммо зийрак кузатувчи (ҳамма эмас) икки-уч юришдан кейин у кўп нарсаларга эришганлиги, ҳатто муваффақият қозонганлигининг гувоҳи бўлади.

Украинанинг бирламчи манфаатлари фақат Украинанинг ўзига керак. Кўпчилик айтганидай бошқалар, жумладан Ғарб давлатлари у ерда ўз манфаатларини ҳимоя қилмоқдалар. Агар улар Украинада манфаат кўрмай қолсалар ёки манфаатларига зарар кўрсалар, секингина "ўйин"дан чиқишлари, Украинани ўз ҳолига ёки Россияга ташлаб қўйишлари ҳам мумкин. Умуман олганда бу сиёсат. Бу гаплар ҳеч кимга сир эмас.

Шундай экан, Зеленский бирон иш қилганида албатта Россияга принципиал қаршилиги ёки Ғарбга садоқати учун эмас, балки Украина манфаатларидан келиб чиқиб амалга оширади.

Масалан, бир неча йиллардан бери Россия бизга бостириб келади деб юрган Украина февраль ойида АҚШ Россия бостириб келади деб огоҳлантирганида "Бўлмаган гап" деб туриб олди. АҚШ махсус хизматлари ёки Украина махсус хизматлари буни билмаганмиди? Албатта биларди. Аммо уруш бўлиши муқаррар бўлган пайтда Украина дод солиб, ўз ҳудудларидаги барча чет эл, хусусан Ғарб корхоналари, сармоядорларини кетказиб юбориши ўз мағлубиятига олдиндан имзо чекишга тенг бўларди. Чунки бу билан Украина ўз иқтисодиётини синдирар, ғарбликларни кетказиб юбориб, Россияга "Мана ҳамма кетди, битта ўзим қолдим, энди мени хоҳлаганингдай босиб олавер" деган бўларди. Путин гитлерчасига бостириб кирганида Украина ҳудудларида ғарбликлар (фуқаролар ва корхоналар) турган эди. АҚШдан мустақил бўлишга интилаётган Европа давлатлари Украина гапига ишониб, уруш бўлмайди деган хулосага келган эдилар. Масалан Франция махсус хизматлари раҳбари жумладан Украинада уруш бошланишини кўра олмагани учун ишдан олинди.

Бир томондан Россия Украинадаги ғарб фуқаролари ва корхоналарни йўқ қилишга, Ғарб билан тўқнашувга журъат қила олмасди ва кўзига қарашга мажбур эди. Бошқа томондан эса Ғарб давлатлари Украина ҳудудларидаги манфаатлари сабабли Россияга босим қилишга ва Украинага мисли кўрилмаган даражада ёрдам қилишга мажбур эдилар.

Бу орада, Зеленский гоҳ Европа иттифоқига, гоҳ НАТОга қабул қилишларини қайта-қайта сўраб, Ғарбга босим ўтказар эди. Бундай қистовларни у дуч келган пайтда эмас, ҳар сафар Россия бирон қирғин уюштирган, бирон катта шаҳарни босиб олган ёки шунга ўхшаган аянчли ҳолатдан кейин ва Украинага албатта ёрдам керак бўлган пайтда қилади.

"Бола йиғламаса она кўкрак бермайди" деган гап бор. Зеленский эса, Украина оч бўлган пайтда "йиғлаш"ни қойиллатиб келмоқда. У ҳар сафар бирон ёрдам керак бўлганида Ғарбдан бера олмайдиган нарсасини сўрайди ва сўралган нарсани бера олмаган Ғарб жавобини моддий ва ҳарбий ёрдам билан қоплайди. Сўровларнинг Украинада юз берган аянчли воқеалар фонида сўралиши Ғарб оммасининг фикрини юмшатиб, уларнинг давлат раҳбарлари ёрдамларни халқидан қўрқмасдан босимларсиз беришларига имкон яратади.

Масалан, Украинанинг НАТОга қабул қилинмаслиги фонида АҚШ сенати Украинага 12 миллиард долларлик ёрдам тўғрисида қонун имўоладилар ва Европа давлатлари Украинага янги ҳарбий техникалар юборадиган бўлдилар.

Шу ва шу каби сўроқлар орқали Зеленский Ғарбни Украина воқеаларига чуқур олиб кириб, уларнинг манфаатларини Украина манфаатларидан узилмас ҳолга олиб бормоқда. Украина мағлубияти Ғарбнинг ҳам мағлубиятини билдиргач, Ғарб Украиани қанча пул кетса ҳам, қандай қийинчиликларга дуч келса ҳам ўз манфаатларилай ҳимоя қилишга мажбур бўладилар. Қайта-қайта сўралавергач, шароитга қараб Украина номзоди Европа иттифоқи, НАТОга қабул қилинди, ваҳоланки, илгари унинг номзодини кўриб чиқиш ҳақида гап бўлиши ҳам мумкин эмас эди.

Зеленскийнинг ҳамма биладиган нарсаларни сўраб рад жавобини олиши, ғарб оммаси, университетлари, олимлари билан фаол агитация олиб бориши, юз берган ҳар бир фожиадан кейин қандайдир ғалати баёнотлар қилиши оддий кўзга кўринмас сиёсий коммуникациянинг нозик мастерклассларидир. У нега бундай қилганлигини билмоқчи бўлсангиз, бир-икки доналар сурилгандан кейин нималар юз беришини кузатиб туринг.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

2000 ЕВРОГА СОТМОҚЧИ БЎЛГАН КЎЗАСИНИ 9 МИЛЛИОН ЕВРОГА ОЛИШИБДИ

Францияда бир аёл бувисидан қолган хитой чинни кўзасини кимошди савдосида сотмоқчи бўлибди. У кўзани 1500-2000 евроларга олишса керак деб ўйлаб, кимошдига келмасдан кўзани бировдан бериб юборибди. Унга экспертлар шундай пулга сотилади дейишган экан.

Кимошди савдоси бошлангач, савдога бир неча хитойликлар аралашиб, нархни мисли кўрилмаган даражагача кўтариб, охири 9 миллион еврога сотиб олишибди.

2000 евродан умид қилган аёлнинг ҳолатини тасаввур қила олмаяпман. Жуда хафа бўлса керак. 😜

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Биргина постига 3 миллионта лайк. Қойил 😜👍

ПС. Кўролмайдиганлар буни фейк деб ўйлайди 😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

😒😒😒

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​ЎЗГАНИНГ СУРАТИНИ ТАРҚАТМАНГ. АЙНИҚСА АҲМОҚОНА ҲАЗИЛЛАРИНГИЗ УЧУН

Сўнгги кунларда Фейсбукда ушбу суратни кўпчилик, жумладан дўстларимиз орасидагилар ҳам тарқатганлигини кузатдим. Кўпчилик унда гўёки бир ҳазил қилгандай киноялар ёзган эди.

Менга нима деб ўтказиб юбормоқчи бўлгандим-у, барибир постлардаги нолойиқлик ва номуносибликлар эътиборимни тортганди.

Унда гўё Россиядан қочиб келган руслар пахта териб юрганлари тасвирланган эди. Бу иддаоларнинг ҳазил бўлса ҳам сафсата эканлигини фаросати бор одам суратга бир қарашдан билиб олган бўлар эди.

Биринчидан, Россиядан келган руслар Ўзбекистонгача қочиб келиб, шу ерда кун кўришга пули бор руслардир ва улар Ўзбекистондан Ғарбга ёки бошқа давлатга етиб олгунча етадиган пуллари бор русладир. Кун кўриш учун пахта теришга мажбур бўладиган руслар Россиядан кета олмай болаларини мажбурликдан урушга юбормоқдалар.

Иккинчидан, пахта териш бу меҳнат, ўғирлик эмас. Агар мобадо руслар ростдан пахта теришга мажбур бўлса, бунга кулиш эмас, ачиниш керак. Умуман олганда, бунинг ёмон жойи йўқ.

Учинчидан, суратдаги инсонлар ўзимизнинг "ўзбекча" руслар эканликлари уларнинг юзларидан, кўринишларидан, далада ҳам ўз юртидагидай дадил турганликларидан билиниб турибди. Улар, балки уларнинг ота-боболари қанча авлоддан бери Ўзбекистонда туғилган бўлсалар керак ва улар ҳар биримиз каби ўзбекистонликлар ҳисобланадилар.

Тўртинчидан, Ўзбекистонда 120 дан ортиқ миллат ва элат вакиллари истиқомат қиладилар ва уларнинг кўпчилиги вилоятларда, қишлоқларда ҳам истиқомат қиладилар ва барча қатори пахта ҳам терадилар, кўча ҳам супурадилар. Самарқандда йўл тозалаб, ўлиб кетган Диананинг кўриниши шу қизлардан бошқача эдими? Мен ўзим биладиган бир неча рус оилалари оддий ўзбек оилалари каби далаларда меҳнат қилиб кун кўрадилар. Суратдаги қизлар балки пахта тергандир, балки йўл-йўлакай суратга тушгандир. Нима аҳамияти бор? Билиб билмай, таниб танимай улардан бирининг суратини олиб, ижтимоий тармоқда калака қилиб кулинишини мен шахсан ўзимни калака қилингандай қабул қилган бўлар эдим.

Бу сурат ўзбекистонлик русларникими, Россиядан келган русларникими, умуман русларники эмас бошқа бировларникими, танларининг рангги ва кўринишлари сабабли уларнинг суратларини олиб тарқатиш, тағин калака қилиб тарқатиш ирқчилик дейилади. Бу ишни қилганлар, ҳазиллашиб қилган бўлсалар ҳам ўзларининг тубанлашганликларидан уялишлари керак.

Ва ниҳоят, ушбу скринда бу аёл ҳақиқатдан ҳам Россиядан келиб пахта терган рус эмас, балки суратлари ноҳақ тарқатилган ўз юртдошимиз эканлигининг исботи. Бу аёл ўз юртида ўз юртдошлари томонидан шундай ирқчилик, миллатчиликка дуч келиши тўғрими? У кимга нима ёмонлик қилди?

Бировнинг суратини билмай туриб тарқатишдан олдин, ўзингизни, йўқ, қизингиз ёки онангизни унинг ўрнига қўйиб кўринг. Ўзбекистонда, Россияда ёки бошқа бирон давлатда қизингизнинг суратини тармоқдан олиб "Чурка кўча тозалаяпти", "Узбечка фоҳишалик қиляпти" ва ҳоказо деб тарқатиб юборишса, қандай ёмон таъсир қилади?

Ёш бола эмасмиз. Айрим аҳмоқликларни қилмаслик учун озгина фикрласак, фаросатни ишлатсак етарли. Илтимос, билмай туриб бировларнинг суратларини калака қилиб тарқатманглар.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​ДИНОЗАВРДАН БЎЛГАНЛАР

Менинг товуқларим динозаврлардир. Тўғрироғи, дунёдаги барча товуқлар тирик динозаврлардир. Сал илмийроқ қилиб айтса, уларнинг келиб чиқиши қадимдаги динозаврлар билан бир илдизга бориб тақалади. Худди одамлар ва маймунлар миллион йиллар олдин қайсидир бир илдизга бориб тақалганидай.

Агар тарихда одамлар эмас, товуқлар тараққий этиб кетганида ва уларда илм-фан ривожланиб кетганида қандай бўлган бўлар эди?

Менимча 19 асрларда Дарвин деган битта хўроз чиқиб, "Табиий танланиш йўли билан турларнинг келиб чиқиши" деган китоб ёзган ва ушбу китобда товуқлар ва динозаврларнинг битта илдизга бориб тақалишларини кўрсатиб берган бўлар эди.

2022 йилга келиб эса айрим давлатлардаги хўрозлар товуқхонада бир неча товуқни хотин қилиб олиш, уларнинг бошларидаги тожларини беркитиш ва тухум туғадиган жойларидан оёқларигача ёпишнинг ҳаракатида юрган бўлар эдилар.

Улар Дарвин деган хўрознинг эволюция тўғрисидаги фикрларига ишонганларни "Динозаврлардан бўлганлар" деб ўзларича ҳақоратлаб, товуқларнинг ҳуқуқларини талаб қилганларни ёмон кўриб юрган бўлар эдилар.

Бўлди, бугунча товуқларни кўпроқ боқиб юбордим шекилли, товуқча фалсафалар яна гуллай бошлади. Уларни товуқхонасига олиб кира қолай. Менинг динозаврчаларим!

🐔😜😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

😜😂✌

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​Мари Кюри:

- Сорбонна университети фан дипломини олган илк аёл
- Францияда фан соҳасида докторлик даражасига эга бўлган илк аёл
- Биринчи бор Нобель мукофоти олган аёл
- Нобель мукофотини икки марта олган ягона аёл
Нобель мукофотини иккита алоҳида соҳалар бўйича олган ягона аёл.

Асли полшалик аёл Францияда чет эллик бўла туриб, шунча ишларни амалга оширган. На илм-фанда, на жамиятда аёлларга имкониятлар берилмаган, ҳатто аёлларда сайлов ҳуқуқи бўлмаган замонларда унинг жасорати, илм-фанда эгаллаган ўрни бутун дунёга аёллар ҳам таълим олиши, университетларда ўқиши, фан доктори бўлиши, ҳатто иккиталаб Нобель мукофоти олиши мумкинлигини исботлаб берган.

Ҳозирда дунёдаги жамиятларда, жумладан Ўзбекистонда аёллар ўқиши, ишлаши, илм-фан билан шуғулланиши, жамиятда ўз ўрнини топиши деган тушунчалар шаклланиши, менталитетлар бундай қарашларни қабул қила олишида Мари Кюри каби аёлларнинг роли катта.

Айтишларича, буюк олим Пьер Кюрининг аёли бўлган Марига журналист "Буюк даҳонинг турмуш ўртоғи бўлиш қандай?" деб савол беради. Мари Кюри унга "Буни билмоқчи бўлсангиз эримдан сўраб кўринг" деб жавоб беради.

Мари Кюри ўзини аёл сифатида камситилишини рад этган ва инсон сифатида ҳурмат қмлишларига эришган буюк даҳо аёл бўлган.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Итининг турини билолмаяпман. Булдокми, чўпонми ё гуржими? 🤔😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

ФРАНЦИЯДА АЁЛНИ ЎЛДИРИШСА, ҲАММА ЖОЙДА ЎЛДИРАВЕРСА БЎЛАДИМИ?

Аёлларнинг ҳуқуқлари борасида таҳлилий мақолалар ёзганимда, уларнинг ҳуқуқлари топталган ҳолатларда, уларни урган ёки ўлдирилганлиги ҳақида хабарлар чиққанида танқидий муносабатлар билдирганимда айрим мизогинлар, аёлларни ҳайвон ёки предмет деб биладиган нусхалар фикрларимга нисбатан фикр билдира олмасдан менга "Сенинг Франциянгда фалондай экан" деб ёзиб қолишади. Одатда шахсга ўтадиган пасткашларнинг даражаларига тушиб жавоб бермайман. Аммо уларнинг йиғиндиси ҳосил бўлганда умумий қилиб бир таҳлилий-оммабоп жавоб қайтараман. Зора бу уларга жавоб бўлиш баробарида уларга етиб бормаётган томонларни очиқлаб, кўрга ҳасса, оғизга чайнаб берилган нон бўлиб хизмат қилса.

Мавзуга киришдан олдин бир-икки ҳолатга қисқача жавоблар.

Биринчидан, "Менинг Франциям эмас, французларнинг Францияси". У ерда яхши ёмон гапларга французларнинг ўзлари жавоб берадилар. Мен ўзбек аёлларининг муаммоларига, ўзбек жамияти иллатларига куюниб ёзяпманми, демак "Менинг Ўзбекистоним" ҳақида ёзяпман. Уни мендан айириб олиб, патентлаб олганлар патентларини кўрсатишлари мумкин.

Иккинчидан, фикрга нисбатан фикр билдиришнинг ўрнига "Сенинг Франциянг" ҳақида гапириш бу шахсга ўтиш дейилади ва пасткашлик ҳисобланади. Умуман олганда, юқорида айтганимдай, менинг Франциям бўлмагач, бу уринишлар менга бир грамм ҳам тегмайди ва ўқни бехуда ҳавога отган пасткаш бўлиб қолаверасиз.

Энди мавзунинг ўзига қайтамиз. Ўзбекистонда аёлни урган ё ўлдирган ҳолат танқид қилинганда менга Франциядаги мисол билан жавоб беришга ҳаракат қилганлар аслида "Ана, деморатия ва инсон ҳуқуқлари разми бўлган Францияда ҳам аҳвол шундай-ку" дейиш билан биргаликда "Бас шундай экан, бизни аёлларни одам ўрнида кўрмаслигимизга, уларни ўзимиз хоҳлагандай уриш, зўрлаш, хўрлаш ва ўлдиришимизга қўйиб бер" демоқчи бўладилар.

Энди бу ҳолатга жавоб.

Биринчидан, Францияда ҳам аёлни урадиган ва ўлдирадиган бўлса, демак бу Ўзбекистонда ҳам бемалол уриб ўлдираверса бўлади дегани бўладими? Бундай қоида қаердан чиққан?

Иккинчидан, ким, қачон, қаерда Францияда аҳвол зўр, аёлларнинг ҳуқуқлари идеал ҳолатда деб айтган? Франциядаги аҳвол балки Ўзбекистондагидан яхшироқ бўлиши мумкин, аммо Францияда ҳам аёллар ҳуқуқлари борасида кўп муаммолар ва ечимини кутаётган ислоҳотлар бор. Айримларнинг кўнгилхотиржамликлари учун бўлса ҳам айтай, Францияда ҳам аёллар ҳуқуқлари аҳволи ёмон. Мана айрим статистик маълумотлар:

- Францияда эркаклар 1844 йилдан сайлаш ҳуқуқига эга бўлган бўлсалар, аёллар бу ҳуқуққа бор йўғи 1944 йилда эришганлар.
- 1930 йилларда парламентга сайланган уч нафар аёлни парламентга бошига рўмол ўраб киритганлар ва уларнинг касбий таклифларини жиддий олмасдан нуқул кийинишлари, кўринишларини муҳокама қилганлар.
- Катта ижтимоий курашлардан сўнг 1975 йилда аборт қилдирии ҳуқуқи қўлга киритилган.
- Мана бу гапга эса томингиз кетиб қолиши аниқ. 2013 йилгача Францияда аёлларда шим кийиш ҳуқуқи бўлмаган. Тўғри, амалда аёллар аллақачон шим кийиб юришган, аммо 1800 йилда Наполеон даврида қабул қилинган ва амалда бўлган қонунга биноан француз аёллари шим кийишлари мумкин бўлмаган. 1900 йиллар бошларида аёлларга фақат велосипед ҳайдаганда ва отга минганда шим кийишга қисқа муддат рухсат берилган холос. 1970 йилларда бир депутат аёлни шимда келгани учун парламентга кииритишмаган ва у "Агар шимим халақит қилаётган бўлса, марҳамат шимимни ечиб кираман" деб тўполон қилганидан сўнг истисно тарзида киритишга мажбур бўлишган. Маълумот учун 2022 йилда ҳам депутат аёллар парламентга жинси шимда келишга ҳақлари йўқ.

Энди жиддийроқ маълумотлар:

- 2019 йилда 230 000 нафар фрацуз аёллари эрлари ёки собиқ эрлари томонидан жисмоний ёки жинсий зўравонликка учраганлар.
- француз аёллари француз эркакларидан 22% кам миқдорда маош оладилар
- 2021 йилда 122 нафар аёл эри ёки собиқ эри томонидан ўлдирилган. Тўғри, аёли томонидан ўлдирилган эркаклар ҳолатлари ҳам бор. Оилавий зўравонликлардаги ўлимларда аёлларнинг ҳиссаси 82% экан
- Ва ҳоказо.

Мана Франциядаги аҳвол. Ўзининг манфур хоҳишларини хаспўшламоқчи бўлиб, Францияга осиладиганлар, мен бу маълумотларни билмайман, Францияда аёллар ҳуқуқлари идеал ҳолатда деб ҳисоблайман деб ўйлайсизларми?

Дунёда аёлларнинг ҳуқуқлари идеал ҳолатда бўлган жамият ва давлат мавжуд эмас. У Францияда ҳам, АҚШда ҳам, Хитой, Ҳиндистон ёки Бразилияда ҳам йўқ. Фақат айрим жойларда вазият бошқаларидан яхшироқ холос.

Шундан келиб чиқиб, аёлларни уриш, хўрлаш, зўрлаш, дискриминация қилиш, ҳайвон ёки предмет ўрнида кўриш, ўлдириш Францияда ҳам, АҚШда ҳам, Хитой, Африка, Ўзбекистонда ҳам бир хилда аянчли ва вахшийликдир.

Бундан буён, аёлларни одам ўрнида кўрмайдиган пасткаш, мияси чириган, зосбинавис нусха бўладиган бўлсангиз "Сенинг Франциянгда", "Ўзи кўзини сузгандир", "Аёл боши билан ярим тунда нима қилиб юрибди?" ва ҳоказо деб баҳона қидириб юрмасдан асл башарангизни очиб, борингизни тан олиб қўяверинг.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Бечора қўйларнинг куни бўрига қолибди.

Бу мансабни эгаллаган одам бола дўппосланган ҳолатни олдин тагига етишни сўраётгани, яъни қандайдир сабабга кўра болани урса бўлади деб ҳисоблаётгани аянчли ҳолатдир.

Хўш, тагига етдик ҳам дейлик. Қандай сабаб бўлса ўқитувчининг қилмиши вахшийлик бўлмай қолади? Дейлик бола бетарбия, ифлос, боринг ашаддий жиноятчи. Қачондан бери ўқитувчи дегани ўзи ҳукм чиқариб, ўзи ижро этиб, болани самосуд қилишга ҳаққи бор?

Бу худди аёлни эри ўлдирганда ёки бирон ёш қиз зўрланганда "олдин нима бўлагинин билиш керак", "балки айб ўзидадир", "балки ҳиёнат қилгандир","ярим тунда кўчада нима қилиб юрибди" ва ҳоказо деганга ўхшаган ҳолат. Ваҳоланки ҳеч нарса аёлнинг ўлдирилишини, қизнинг зўрланишини, боланинг дўппосланишини оқламайди. Бундай ҳолатда таги нима бўлишидан қатъий назар ҳолат қораланиши ва айбдор жазоланиши керак.

Блогерларга ташланиш эса опанинг "ҳақиқий мулозим" эканлигидан далолат. Демак келажаги бор аёл экан.


"Уч замон" каналига ҳавола: 👉 https://t.me/uchzamon

​​БИЗ ШУНДАЙ АВЛОД ВАКИЛИМИЗ

Биз шундай авлод вакилларимиз:

- Бизнинг деворларимизда қаёққа ўтсангиз ҳам қараб турадиган хитойлик қизлар суратлари ёпиштирилиб турарди

- Биз қора сақичдан ичидан Турбо машина, Ван-Дамнинг суратлари чиқадиган, 5 минутда чириб қоладиган ширали сақичларга ўтганмиз

- Биз қорни катта, омбир билан бураб канал алмаштирадиган телевизордан илк рангли телевизорларга, кассетали видеомагнитофонларга, улардан DVD дискларга ўтганмиз

- Биз телефон рақамларини бармоқ билан барабанда терадиган, жетон ташлаб ёки почтада кабинадан телефон қиладиган даврлардан бозорларда битта телефон қилиб беришга пул тўлаб бировларнинг уяли телефонларидан фойдаланадиган, ҳатто уларни бир кечага ижарага олиб келадиган даврларни кўрганмиз

- Биз илк компьютерларни интенрет кафеларда клиплар кўриб, ютса ечинадиган қизлар бор шашкаларни ўйнаб кашф қилганмиз

- Биз дискетдан дискка, дискдан флешкага, флешкадан ҳард дискларга ўтган даврларни кўрганмиз

- Биз аудио кассеталар муомаладан йўқолишидан олдин уларни ручка билан айлантириб ишлатган сўнгги авлодларданмиз

- Биз октябрят бўлиб, пионер бўлишга тайёргарлик кўриб юрганда давлатимиз мустақил бўлиб қолгани учун тадбир бекор бўлиб кетган авлод вакилларимиз

- Биз гугурт 1 тийин бўлган ва 1 миллион сўм бўлган замонларни кўрганмиз

- Биз буғдой далаларидан комбайн орқасидан тўкилган бошоқларни териб, кун кўрган, одамлар маккажўхори, оқжўхори, ҳатто супурги донларини нон қилиб еган даврларни кўрганмиз

- Биз ҳар бир маҳалланинг, туманнинг, шаҳар ва вилоятнинг "разбор"лари, мафиялари бор бўлган, юртни давлат эмас "кўча" бошқарган даврларни кўрганмиз

- Телевизорда диний сериаллар берилиб, ҳар жой ҳар жойларда ваҳобийлар деган радикал диндорлар чиқиб қабрларни бузган, масжидларда имомларни ҳақоратлаган, ўз она-оналарини кофир деб болта билан чопган ва ниҳоят террорчиликлар қилган замонларни кўрганмиз

- Биз ўқитувчилар, шифокорлар жамиятда энг обрўли, давлат томонидан яхши таъминланган ва эъзозланган дарвлардан уларни далаларда хўрлашгаса бўлган "ўтиш" даврига гувоҳ бўлганмиз

- Биз мактабда ўқишни сентябрда пахта теришдан бошлаб, декабрда тезак ортиш билан давом эттириб, баҳорда чигит экиш, плёнка ёйиш, ўтоқ ва қатқалоқ қилиш билан давом эттириб, ўқув йилини буғдой, шоли, беда ўриш билан тугатган авлод вакилларимиз

- Биз ҳатто пойтахт Тошкентга, баъзан ўз вилоятининг марказига бориб кўрмаган миллионлаб одамларнинг дастлаб Қозоғистонга, кейин Россияга, сўнгра, Туркия, Жанубий Корея ва ниҳоят чириган Ғарбга тарқалиб кетишини кўрганмиз

- Биз ўзи туғилган давлати мавжуд бўлмаган, сиёсий, иқтисодий, ижтимоий, технологик ва экологик ўзгаришлар, инқилоблар ва барча соҳаларда "ўтиш" даврини яшаб келаётган авлод вакилларимиз

- Биз туғилганлик гувоҳномаси СССРники, паспорти Ўзбекистонники бўлган, на тўлиқ совет одами, на тўлиқ мустақиллик одами бўлган, аммо иккаласига ҳам расман даъво қила оладиган "аросат" авлод вакилларимиз

- Биз барча ўтиш ва ўзгаришлардан тегишли хулоса қилган, ўзлари кўп ишларни қойиллата олмаган, чет элларда, баъзан энг оғир ишларда ишлаб юриб соғлигини йўқотса ҳам, миллионлаб суперконтрактлар тўласа ҳам болалари, келгуси авлодлар биз кўрган қийинчиликларни кўрмасин, ўқисин, одам бўлсин, фаровон ҳаёт кечирсин, давлатимиз тепасига келиб, уни барча иллатлардан тозалаб қудратли давлатга айлантирсин дейдиган ниятлари пок, кўнгли тоза авлол вакилларимиз!

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Нифига себя, узбек!

Муассасамизга қурилишда ишлайдиган бир неча руслар мижоз бўлиб келди. Уларнинг ишхонаси пулини тўлаб брон қилган эди.

Компания номи французча ва брон қилган одам француз бўлганлиги учун мижозлар руслар эканлигини билмаган эдим. Улар кириб келиши билан кўринишларидан дарров руслар эканлигини билдим.

Уларни шу атрофда яшайдиган маҳаллий циганлар орқасидан келиб қўрқитган экан, таниш циганлар мени кўриб, ҳурматимни қилиб қайтиб кетишди.

Руслар қийналиб зўрға французча гапиришарди ва мен одатга кўра ишни француз тилида олиб бордим ва барчасини французча инглизча тушунтирдим.

Циганлардан қўрқиб гангиб қолган ва французчани ва инглизчани яхши тушунмаганидан баттар ожиз қолган рус йигит нимадир сўрамоқчи бўлди-ю, сўролмади. Французчасини топа олмади. Нима, гапир, тушунтир десам "Майли, қўявер" деб кета бошлади.

Охири, қайси тилда гапирасан, тушунтир десам, "Барибир тушунмайсанку" дегандай оҳангда "Рашшн" деди. Унга рус тилида жавоб бердим "Бўлмаса рус тилида гапир".

Мижоз қотиб қолди ва анча енгил тортди. Дардини айтди, тушунтирдим, ёрдам бердим. Кейин сўради:
- Сен қаердансан?
- Ўзбекистондан
- Нифига себя

У менинг ўзбеклигимни билгач янада ҳайратда қолган бўлса, қаердаги бир ўзбек муассаса раҳбари эканлигини билгач, томи янада кетиб қолди. У тинмасдан "Нифига себя" дерди.

Менам гапни чўзмасдан уларга рухсат бердим ва ишимни давом эттирдим. Орадан бир неча сония ўтгач, йўлини топиб кетишдими экан деб чиқиб улар кетган томонга қарадим. Улар анча узоқлашиб қолган эдилар. Узоқ бўлса ҳам бир овоз эшитиларди: "Нифига себя!

😂😂😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Ўқувчимиз саволи:

Ассалом адаш ака вактиз буганда франциядаги кредитлар фоизини куриб беринг чет элликлар ун

Жавоб:

Ассалому алайкум.

Асосий савол Франциядаги кредит фоизлари эмас, юқоридаги каби хабарлар фирибми ёки йўқми?

Жавоб, ҳа, бу ёлғон.

1. Тўғри, Францияда фоизлар арзон. Илгарироқ 2-2,5% лик кредитлар бор эди. Ҳозир 3-4% ларга кўтарилди, барибир арзон.

2. Франция чет эл фуқароларига кредит берадими? Франция ўз давлати ҳудудида яшаш, ишлаш ва ҳоказо ҳуқуқларига эга бўлган фуқароларгагина кредит бериши мумкин. Шунда ҳам осонгина бериб қўймайди. Жуда кўп ҳужжатбозликлар, текширувлар, кафолатлардан кейин беради.

3. Франция банклари чет эллардаги фуқароларга кредит бериш учун алоқага чиқадими? Албатта йўқ. Кредит бермайдиган одамларига алоқага чиқиб кредит таклиф қилиш мантиқсизлик-ку. Ўзи умуман, Франция банклари кредит таклиф қилиб юрмайди. Керак бўлса кредит олувчининг ўзи кредит сўраб боради. Ёки банкдаги тегишли ходимлари ўзларининг мижозларининг шароитидан келиб чиқиб маслаҳатлар бериши мумкин. Фақат ўз мижозларига.

Чет элликлар эса Франциядан кредит олмоқчи бўлса, олдин у ерга яшаш (ишлаш, бизнес ва ҳоказо) учун бориши ва ҳужжатларни қўлга киритишлари керак бўлади.

4. Франция  банклари кредит бериш учун 100 доллар сўрайдими? Пул бермоқчи бўлган одамнинг пул сўрашининг ўзи мантиқсизлик-ку. Шунинг ўзиёқ фирибгарликни билдиради. Банк ҳаражатлар пулини олади, бу 100 евро (доллар эмас) бўлиши мумкин, аммо буни фақат кредит чиққанидан кейин олади.

5. Кредит бераман деб алоқага чиққан "Франция банки"нинг "IP" адресларини текшириб кўринг, Африкадан топасиз.

Хулоса, бундай таклифларга ишонманглар. Франциядаги фоизлар нол фоиз бўлса ҳам буни сизга Африкадаги магенниклар орқали таклиф қилмайди.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon