#КунАнекдоти!

Учта боқибеғам учрашиб қолибди.
1-боқибеғам :
- Кеча менинг бир умр пул йиғиб сотиб олган қимматбаҳо Феррари машинамни ёқиб юборишибди. Машина бир уюм темир-терсакка айланди. Лекин менга фарқи йўқ. Чунки, мен яна пул ишлаб янгисини сотиб оламан.

2-боқибеғам :
- Кеча менинг бир умр пул йиғиб қурган 3 қаватли уйимни ёқиб юборишибди. Куйиб, кули кўкка совурилди. Лекин менга фарқи йўқ. Чунки мен яна пул ишлаб янгисини қуриб оламан.

3-боқибеғам :
- Кеча мен кўчада бораётсам олдимдан тўртта барзанги чиқиб, менга "Телеграмдаги Уч замон каналига ҳалиям аъзо бўлмаган сенмисан ?" деб сўради. Мен "Ҳа" деб жавоб бердим. Шундан кейин улар мени чеккага олиб, уриб, тепкилай бошладилар. Калтакларнинг зўридан хушимдан кетиб қолган эканман. Кўзимни очсам касалхонада ётибман. Иккита қовурғам синган, юзларим дабдала, оёқ-қўлларим зирқираб оғрийди. Лекин менга фарқи йўқ, чунки мен "Уч замон" каналига аллақачон аъзо бўлиб бўлганман. Аъзо бўлмаган мен эмасман 😜😂😎

👉 https://t.me/uchzamon

Шарл де Гол: "ФРАНЦУЗЛАР БУЗОҚЛАРДИР"

Француз республикасининг отаси Шарл де Гол бир жойда "Французлар бузоқлардир" деб айтиб ўтиб кетади. Бошқа жойда унга ушбу сўзларини эслатиб, "қаердан сизда сигир зотига шунчалик нафрат пайдо бўлган?" деб савол беришади.

Шарл де Гол, узр сўраган ҳолда жавоб беради: "Тўғрисини айтсам сиз ҳақсиз. Менинг Французлар ҳақидаги ушбу сўзларимни билмасдан айтиб юборибман. Сўзларим айрим сигир зотларини, айникса инглиз сигирларини ранжитиб қўйишини ўйламабман. Тўғриси, мен французларни ёмон кўрмайман... Яхшиси уларни аҳмоқ эшакларга ўхшатаман, лекин айтиб қўяй, менинг эшаклар оиласига ҳам ҳеч қандай хусуматим йўқ.

ПС. Бу гапларни Шарл де Гол французларнинг устидан кулиш учун эмас, аксинча уларнинг ҳаракатсизлиги, пассивлигидан норози бўлган пайтида айтган.

"Уч замон" каналига аъзо бўлиш учун ҳавола👉 https://t.me/uchzamon

#Маҳаллийтуризм! #Mahalliyturizm!

САРМИШСОЙ ТАСВИРЛАРИ.

Сармишсой тасвирлари ҳақида эшитганмисиз?

Сармишсой дараси Навоий вилоятининг шимолий-шарқида жойлашган бўлиб, у ерда 5000 дан 10 000 гача петроглифлар, яъни қояларга ўйилган тасвирлар бор.
Петроглифлар 2,5 километр кенгликка тарқалган бўлиб, уларнинг энг қадимгилари эр. ав. 9000 йилларга ва энг сўнггилари Ўрта асрларга тегишлидир. Неолит, бронза даврларига оид тасвирларда ҳайвонлар, ов ва маросимлар тасвирланган бўлса, Ўрта асрларга оид тасвирларда эса арабча ёзувлар бор.

Бу тасвирлар ҳудудларимизда инсонлар қадим замонлардан бери яшаганликларига ва ўзларидан мерослар қолдирганлигига яна бир исбот бўлади.

"Уч замон" каналига аъзо бўлиш учун ҳавола👉 https://t.me/uchzamon

#Маҳаллийтуризм! #Mahalliyturizm!

ДИҚҚАТ! МАҲАЛЛИЙ ТУРИЗМНИ ҚЎЛЛАБ-ҚУВВАТЛАЙМИЗ!

Кўрган бўлсангиз мен юртимиздаги ажойиб ва ўзига хос жойлар ҳақида пост қила бошладим. Маҳаллий туризмга ўз ҳиссамни қўшиш учун бу анъанани давом эттирмоқчиман.

Ишончим комил, юртимизнинг ҳар бир бўлагида диққатга сазовор жойлар етарли ва бу ҳақда инсонлар билмайдилар.

Келинглар, биргаликда маҳаллий туризмга ўз ҳиссамизни қўшамиз. Сиз ўзингиз яшайдиган ҳудуд ва унинг атрофларидаги кўпчилик билмайдиган жойлар ҳақида ботга маълумотлар ва суратлар юборинглар. Мен улардан қисқа материал қилиб, сизнинг номингиз билан чиқараман.

Қолган барча аъзолар постларни барчага тарқатадилар. Келишдикми?

Бошладик!

Бот манзили: @Uchzamongamaktub_bot

"Уч замон" каналига аъзо бўлиш учун ҳавола👉 https://t.me/uchzamon

#КунАнекдоти!

Бир корхонанинг раҳбари ҳодимини ўз олдига чақирибди. Ҳодим чопиб раҳбарнинг кабинетига келибди. Раҳбар ҳодимга савол берибди :

- Фалончиев, сиз ўлимдан кейин ҳаёт борлигига ишонасизми?
- Ҳа, хўжайин, албатта ишонаман
- Ундай бўлса яхши экан. Чунки кеча сиз мендан рухсат сўраб жанозасига кетган бувингиз сиз кетгандан кейин бу ерга сизни излаб келди...😜😂

"Уч замон" каналига аъзо бўлиш учун ҳавола👉 https://t.me/uchzamon

"АЙТИНГ ВА ДАРРОВ УЗР СЎРАНГ"

Яқинда ИИВ ҳажвий жамоалар "Қаҳқаҳа" ва "Шўрданак"ларга ҳажвий чиқишлари учун узр сўраттиргани халқнинг қаттиқ норозилигига дучор бўлган эди.

Аваз Охун ва бир гуруҳ ҳажвчилар "Гурунг зўрда" кўрсатувида ИИВга чиройли усулда жавоб қилиб ўтиб кетишибди.

Қойил, энди бир узр сўраб юборишса ҳаммаси яхши бўлиб кетади. 😜👏 Видеони томоша қилинг ва тарқатинг!

"Уч замон" каналига аъзо бўлиш учун ҳавола👉 https://t.me/uchzamon

РОССИЯДА КОНСТИТЦИЯГА ЎЗГАРТИРИШЛАР КИРИТИШ БЎЙИЧА РЕФЕРЕНДУМ.

Коронавирус сабабли ортга сурилган Россияси Конституциясига ўзгартиришлар киритиш бўйича референдуми 2020 йил 25 июндан 1 июлгача бўлиб ўтди.

Бир тарафдан, бу Россиянинг ички ишлари, аммо бошқа томондан ён қўшни ва бизнинг тақдиримизга жиддий қизиқаётган империалистик амбицияли давлат сифатида у ердаги янгиликлардан хабардор бўлиб бориш бизга зарар қилмайди.

Референдум ва у билан боғлиқ хавотирлар ҳақида жуда кўп ва хўп ёзилди ва мен уларнинг барчасини такрорлаш ниятим йўқ. Мен фақат хавотирларда асослар борлигини афсус билан такрорлайман. Референдум бўйича қисқа хулоса қилсам, мен уни Россия давлатининг Чор империясига қисман айланиши ва Путин яккаҳокимлигининг мустаҳкамланиши деб атаган бўлар эдим. Ўзгаришлардан эътиборга моликлари қуйидагилар деган бўлардим.

1. Конституцияга кўра бошқа сайланишга на юридик, на маънавий ҳаққи қолмаган Путин худди олдин сайланмаган номзоддай мавқега эга бўлди ва яна икки муддатга сайланиш ҳуқуқига эга бўлди.

2. Прездиентликка номзодлар энди сўнгги 25 йилда Россияда яшаган бўлишлари керак. Илгари 10 йил бўлган бу қоида энди Путинга рақиб бўлиши мумкин бўлган анча номзодларни "ўйиндан чиқариб ташлайди".

3. Президентга қарашли "Давлат кенгаши"нинг ҳуқуқлари мислсиз оширилди ва энди Путинга яққол ҳокимликни таъминлайди.

4. "Русларнинг Худога эътиқоди" конституцияга киритилди. Бу орқали Россиянинг дунёвий давлат эканлигига катта зарба берилди ва Россия федерацияси Чор империяси мақомига яқинлашди.

"Уч замон" каналига аъзо бўлиш учун ҳавола👉 https://t.me/uchzamon

Жонатан Хеник : "Умид қиламизки, Ўзбекистон аҳолиси ўзларига энг фойдали танловни қилиши учун...Жаҳон савдо ташкилотига аъзолик масаласини синчковлик билан ўрганиб чиқади"

Олдинроқ "С5+1" форматида АҚШ, Марказий Осиё давлатлари ва Афғонистон вакилларининг онлайн учрашуви бўлиб ўтиши ҳақида хабар берган эдик. Учрашув доирасида Афғонистон муаммоси ва Марказий Осиё минтақасига оид масалалар кўриб чиқилган.

Учрашувдан сўнг, АҚШ вакили Жонатан Хеник журналистларнинг Ўзбекистоннинг ЕОИИга кузатувчи бўлиб киришига муносабатини сўраб берган саволига дипломатик тарзда жавоб берган :

"АҚШ ЕОИИнинг аъзоси эмас, шу сабабли мен Ўзбекистоннинг музокараларини изоҳлай олмайман. Менинг билишимча, бу масала Ўзбекистон аҳолисини жуда хавотирлантиради. Биз Ўзбекистон фуқароларининг дунё бозорлари ва инвестицияларидан фойдаланишга интилишини қўллаб-қувватлаймиз. Умид қиламизки, Ўзбекистон аҳолиси ўзларига энг фойдали танловни қилиши учун барча мавжуд маҳаллий блокларни, савдо алоқаларини ва Жаҳон савдо ташкилотига аъзолик масаласини синчковлик билан ўрганиб чиқади.

Манба : https://www.kommersant.ru/doc/4399182

"Уч замон" каналига аъзо бўлиш учун ҳавола👉 https://t.me/uchzamon

2 июль – “Ўзбекистон Республикаси Давлат герби тўғрисида”ги қонун қабул қилинган кун. 👏👏👏

ҲОЗИРЖАВОБ ЧЕРЧИЛ.

Бир депутат аёл Черчилга нафратини билдириш учун унга "Агар мен сизнинг аёлингиз бўлганимда сизнинг қаҳвангизга заҳар солиб қўйган бўлар эдим" дейди.

Гапга чечан Черчил эса унга "Агар мен сизнинг эрингиз бўлганимда ўша заҳар солинган қаҳвани ичган бўлар эдим" деб жавоб беради ва мот қилади.

"Уч замон" каналига аъзо бўлиш учун ҳавола👉 https://t.me/uchzamon

Ижтимоий тармоқларда айланавериб, сийқаси чиқиб кетган, лекин ҳар сафар ҳаммани қизиқтирадиган бир мавзу бўйича савол. Кўпхотинликка қандай қарайсиз ?
public poll

Қаршиман – 78
👍👍👍👍👍👍👍 52%

Қўллаб-қувватлайман – 73
👍👍👍👍👍👍👍 48%

👥 151 people voted so far. Poll closed.

#Маҳаллийтуризм! #Mahalliyturizm!

РАПҚОН ШАҲАРЧАСИ

Рапқон шаҳарчаси ҳақида эшитганмисиз?

Фарғона вилояти, Бешариқ туманида жойлашган, ҳудуди 3000 гектардан сал ошадиган Рапқон шаҳарчаси аллақачон республикага танилган.

Рапқон сўлим табиати, тоза ҳавосидан ташқари ўзининг ширин-шакар мевалари, деҳқончилик махсулотлари, айниқса пиёз етиштириш бўйича илғорлиги билан танилган.

Рапқондаги "Оқмозор бува" зиёратгоҳи маҳалиий аҳоли орасида машҳур бўлиб, у ерга инсонлар зиёратга ва ҳордик чиқариш учун ҳам борадилар.

Рапқоннинг бутун республика танийдиган яна бир томони бу "Рапқон спорт мактаби"дир. Мактаб республика миқёсидаги мусобақаларни қабул қилиб туришидан ташқари у ердан етишиб чиққан машҳур спортчилар билан ҳам фаҳрланиши мумкин. Биргина мисол қилиб, машҳур боксчи Шоҳжаҳон Эргашев шу мактабдан етишиб чиққанлигини эслатиш кифоя деб ўйлайман.

Фарғонага йўлингиз тушса, Рапқонга албатта боришни тавсия қиламан.

Кредит : Нишонов Умиджон

"Уч замон" каналига аъзо бўлиш учун ҳавола👉 https://t.me/uchzamon

Кўпхотинлик : рухсатми ёки тақиқ ?

Бугун "Кўпхотинликка қандай қарайсиз ?" деб сўровнома қўйган эдим. Унда қатнашган 151 инсоннинг қарийб ярми (73 киши, 48%) кўпхотинликни қўллаб-қувватлашини билдирган бўлса, ярмидан кўпроғи (78 киши, 52%) унга қаршилигини билдирган. Жамиятимизда одатда "кўпхотинлик" мавзусига ҳолис ва соғлом муносабат билдирилмайди. Унинг оқибатлари ҳам кўнгил, яъни ҳиссиётларга асосланиб билдирилади. Ваҳоланки, қонунлар "кўпхотинлик"ни тақиқлаган бўлса, бу ишни фақатгина эхтиросларга таяниб қилмаган. Бу "иллат"нинг жамиятнинг тақдирига таъсири ва оқибатлари таҳлил қилинса, кўпхотинлик фақат "тўшак"дангина иборат эмаслиги аён бўлади.

Қуйидаги ушбу мавзуга бағишланган мақоламни улашяпман. Эринмасдан ўқиб чиқишни тавсия қиламан.


Кўпхотинликни ёқлаётган ёки тарғиб қилаётганлар (асосан эркаклар, чунки аксарият аёллар қарши бўлмоқда) нинг илгари сураётган “асос”лари таҳминан қуйидагилар :

- Ислом дини бунга рухсат беради.

- Ўзбекистонда кўпхотинлилик кенг тарқалган. Фақат у қонун билан таъқиқланганлиги учун ҳамма жойларда яширинча қилинмоқда.

- Хотинининг устига хотин оладиганлар мухтож аёлларга яхшилик қиладилар.

Уларнинг фикрича, шу ва шунга ўхшаган асосларга кўра, Ўзбекистонда кўпхотинлиликка рухсат бериш керак экан.

Мақолани тўлиқ ўқиш учун ҳавола : https://telegra.ph/Kopxotinlilik-07-03

"Уч замон" каналига аъзо бўлиш учун ҳавола👉 https://t.me/uchzamon

ХАВФСИЗЛИК БИРИНЧИ ЎРИНДА!

Кун.уз Хоразм вилояти, Қўшкўпир туманида 4 йил давлмида "Феррари"га ўхшаш машина ясаганлиги ҳақида репортаж берди.

Уста ҳақида анчадан бери билардим. Репортаж учун Кун.узга ҳам миннатдорчилик билдираман, зеро эътибор устага рағбат бериши турган гап.

Аммо машина ичини кўрсатилганда, ташқарисидан гўзал машина ичкаридан хавфсиз эмаслиги аён бўлди. Оддий хавфсизлик камари, хавфсизлик ёстиқчалари, ўриндиқлардаги шароитлар йўқлиги "Феррари" учун хавф-хатарнинг уяси эканлигини билиш учун катта билим керак эмас.

"Демонстрация" пайтида видеони "ишқилиб халокатга учрашмасин" деб хавотир билан кўрдим.

Менинг устага дўстона ва "земляклик" маслаҳатим. Машина тошбақа тезлигида ёки самолёт тезлигида юрадими, асосийси хавфсиз бўлиши керак. Машинанинг ташқарисини ясашни қандай ўрганган бўлсангиз, унинг хавфсизлик анжомларини ясашни ҳам шундай ўрганиб, уларни ўрнатиб олинг.

Машинангизнинг тагидан шамол ўтиб турганда ичидаги инсонлар манзилга эсон-омон етиб борсинлар!

👉 https://t.me/uchzamon

#КунАнекдоти !

Бир бойвачча одам вазир танишига телефон қилибди :

- Ака, шу ўғлимга ёрдам қилмасангиз бўлмайди. Университетга олиб кириб қўйдим, эплаб кета олмади. Ўзимнинг компаниямда иш бердим, қўлидан иш келмади. Нуқул ичиб, кайф-сафо қилиб, қизлар билан юргани юрган. Шу ўғлимни ёнингизга ишга олсангиз ва ўзингиз қараб туриб, уни одам қилиб берсангиз. Унга шундай иш берингки, ҳам иш ўргансин, ҳам пулнинг қадрига етадиган бўлсин, ҳам одамларга фойдаси тегадиган бўлсин.

- Майли ака, вазир бўлишимда кўп ёрдамингиз тегган. Энди сизнинг ўғлингизга ёрдамим тегса тегибди. Ўғлингизни бир катта бўлимга бошлиқ қилиб ишга оламан ва 9 миллион 600 минг сўм ойлик белгилайман. Бўладими ?

- Йўқ, йўқ, бунақа ишда у яна талтайиб кетади. Унга ойлиги камроқ, обрўси ҳам пастроқ иш берсангиз.

- Унда ўғлингизни лойиҳа менежери қилиб ишга оламан ва унга 6 миллион 500 минг сўм ойлик тайинлайман. Нима дейсиз ?

- Йўқ, буям кўп. Ундан ҳам кам ойлик берадиган иш йўқми ?

- Бўлмаса ўша лойиҳалар бўлимида оддий ходим қилиб ишга оламан ва 3 миллион 450 минг сўм ойлик тайинлайман. Қалай ?

- Йўқ, буям бўлмайди. Биронта узоғи билан 1-1.5 миллион сўм атрофида ойлик берадиган, вазирликка даҳли йўқ, обрўсиям йўқ, ўқитувчими, шифокорми, журналистми ёки шунга ўхшаган ишлар йўқми ?

- Афсуски йўқ, ака. Ўғлингизни бундай ишларга ололмайман.

- Нимага ололмайсиз ?

- Бунақа ишларга олиш учун Университетда ўқиган, дипломи бор, билими кучли, фидокор ва ҳалол одам бўлиши керак!

😎😜😂

"Уч замон" каналига аъзо бўлиш учун ҳавола👉 https://t.me/uchzamon

Мамнуният билан сизларга "Уч замон" каналининг янги логотипини тақдим этаман.

ТАРИХНИНГ АЧЧИҚ САҲИФАЛАРИДАН!

Сталин, Рузвелт ва Черчил 2-Жаҳон урушининг ғолиблари сифатида мағлуб Германиянинг тақдирини ҳал қилиш учун йиғилишади.

Йиғилишда Сталин Германиянинг энг сара 50 000 нафар зобитини отиб ташлашни таклиф қилади. Черчил эса Англия аҳолиси ҳеч қачон бундай шафқатсизликни қабул қилмайди, мен қаршиман деб норозилик билдиради. У ўзининг сўзини қўллаб-қувватлашидан умид қилиб, Рузвелтга юзланади. Рузвелт эса Сталин ва Черчилга тиржайиб қарайдида, шундай дейди: "Ўртоклар, муаммони жанжалсиз ҳал қилайлик. Мен иккалангизга ҳам тўғри келадиган таклиф айтаман. Яхшиси, келинглар 50 000 нафар зобитнинг ўрнига 49 000 нафар зобитни отиб ташлаймиз".

Бу билан у ўзининг Сталин билан рози эканлигини кўрсатади. Черчил эса ўша лаҳзада бундан буён Англиянинг кучсиз давлатга айланганлигини ва бундан буён дунёнинг тақдирини бошқа давлатлар ҳал қилишларини тушуниб етади ва маюс тортади!

"Уч замон" каналига аъзо бўлиш учун ҳавола👉 https://t.me/uchzamon

#Ретро.

Бир сафар Лувр музейига борганимизда музей олдидаги ҳайкалларнинг қип яланғоч эканлигини кўриб, ҳайкални ўзбекона миллийча қилиб кийинтириб қўйишга қарор қилдик. Ва буни қўлдан келганча амалга оширдик.

Опа туппа тузук аёл бўлди қолди. Қалай чиқибди? Баҳо беринглар 😜

"Уч замон" каналига аъзо бўлиш учун ҳавола : https://t.me/uchzamon

"Уч замон" каналига аъзо бўлиш учун ҳавола : https://t.me/uchzamon