🇺🇿Осиё ўйинларида ғолиб бўлган спортчиларга бериладиган пул мукофоти миқдори 2,5 баробар оширилди

Ўзбекистон Республикаси Президентининг 2023 йил 7 апрелдаги ПҚ-114-сон қарорига ўзгартиришлар киритилди. Унга кўра, жорий Осиё ва Параосиё ўйинларидан бошлаб, ушбу комплекс мусобақанинг олтин медаль соҳиблари 25 минг, кумуш медаль эгалари 12 минг ва учинчи ўринни қўлга киритган спортчилар 6 минг 250 АҚШ доллари мукофот пулига эга бўлади.

Илгари олтин медаль учун ажратиладиган сумма 10 минг АҚШ долларини ташкил этарди.

Осиё ва Параосиё ўйинларида ғолиб ва совриндор бўлган спортчиларни тайёрлаган мураббийлар эса қуйидаги миқдорда бир марталик пул мукофоти билан рағбатлантирилади:
олтин медаль учун — 10 000 АҚШ доллари
кумуш медаль учун — 5 000 АҚШ доллари
бронза медаль учун — 2 500 АҚШ доллари

Telegram l YouTube l Instagram