Ta’lim24.uz
101K subscribers
32.6K photos
7.88K videos
148 files
16.7K links
Download Telegram
⁉️Ҳудудингиздаги мактаблар ҳолати ҳақида кимга маълум қилишни билмаяпсизми? Энди бунинг йўли осон.

Халқ таълим вазирлиги томонидан ишлаб чиқилган @maktab_uzedubot орқали шахсингизни кўрсатмаган ҳолда фарзандингиз таҳсил олаётган ёки ўзингиз фаолият юритадиган мактабнинг куз-қиш мавсумига тайёргарлик ҳолати ҳақида маълумот беришингиз мумкин.

Эслатиб ўтамиз, Ўзбекистон Республикаси Президентининг 2018 йил 5 сентябрдаги Қарорига мувофиқ ҳудудлардаги мактабларни куз-қиш мавсумига ўз вақтида ва самарали тайёрлашга маҳаллий ҳокимликлар жавобгар ҳисобланади.

📎Халқ таълими вазирлигининг ҳудудлардаги штаблари:

✅Қорақалпоғистон Рес: 61 222-95-13;
✅Андижон вил: 74 228-26-27;
✅Бухоро вил: 95 600-34-35;
✅Жиззах вил: 72 222-08-68;
✅Қашқадарё вил: 75 223-41-19;
✅Навоий вил: 79 220-61-82;
✅Наманган вил: 69 232-61-15;
✅Самарқанд вил: 66 238-88-10;
✅Сурхондарё вил: 76 227-35-55;
✅Сирдарё вил: 67 225-4017;
✅Тошкент вил: 71 231-65-73;
✅Фарғона вил: 73 244-31-19;
✅Хоразм вил: 62 228-11-52;
✅Тошкент шаҳ: 71 237-08-01.
Халқ таълими вазирлиги раҳбарияти ҳудудий халқ таълими бошқарма раҳбарлари билан учрашди

Халқ таълими вазирлигининг барча ҳудудий бошқарма раҳбарларининг пойтахтга ташрифи доирасида Халқ таълими вазирлигида вазирлик раҳбарияти билан учрашув ташкил этилди.

Учрашув доирасида сўнгги йилларда таълимга берилаётган эътибор, маънавий-маърифий соҳадаги ўзгаришлар, молиялаштириш тизимидаги муаммолар ва уларнинг ечимлари тўғрисида суҳбат олиб борилди.

Учрашув якунида барча ҳудудий раҳбарларга таълим-тарбия сифатини янада ошириш, иш фаолиятидаги камчиликларни бартараф этиш бўйича тегишли кўрсатма ва тавсиялар берилди.
Forwarded from IT taʼlim
​Sayyoramizning eng yaxshi oʻqituvchisi va men

2009-yil, yozning soʻngi kunlari. Axborot texnologiyalari mutaxassisi boʻlish ilinjida Jurnalistika va ommaviy aloqalar fakultetini tamomlagan Ranjitning maqsadlari kutilmaganda tubdan oʻzgarib ketdi. Kambagʻalning bolasi sifatida u qashshoqlikka qarshi kurashda eng yaxshi vosita taʼlim ekanini anglab yetgan edi. Ranjit boshqa qashshoq oilalarning bolalari ham sifatli taʼlim olishlarini orzu qilar, bu yoʻlda koʻmaklashishni maqsad qilgan edi. Kunlarning birida shu niyatda u nari-beri maktabga aylantirilgan, odmigina binoga kirdi. Bu yerda kam taʼminlangan oilalarning qizlari boshlangʻich taʼlimni olishadi.

Ranjit binoga kirdi-yu, shundan soʻng bu yerdagi bilimga chanqoq, koʻzlarida hurmat jo, kitobga ixlosmand bolalarni tashlab ketishga koʻzi qiymadi. Tasodiflar tasodif emas, degan gap bor -- u bu goʻdaklarning taqdiriga oʻzini masʼul ekanini angladi, shu yerda oʻqituvchi sifatida qoldi. Ranjit bolalarga darsni tushunish oson boʻlishi uchun “QR-kodli darsliklar” loyihasini boshladi. Tuni bilan fanlarga oid bilimlarni toʻplar, ularni video shaklga keltirar, virtual platformalarga joylab, darsliklarga ilova qilib, darsda foydalanar edi. Koʻp oʻtmasdan u yaratgan maxsus taʼlim platformasi foydalanuvchilari soni 6 milliondan oshadi. Ana-mana deb oradan 11 yil oʻtdi. Ranjit shaxsiy qiziqishlarini ham unutib, shu davr ichida millionlab bolalar taqdirini oʻzgartirayotgan taʼlim bilan toʻliq band boʻldi. Oʻquvchilarga, ayniqsa, pandemiya sharoitida bu videodarslar katta yordam boʻldi.

2020-yil, qishning soʻngi kunlari. “Xalqaro ustoz mukofoti” (Global Teacher Prize 2020) uchun gʻoliblarni eʼlon qilish marosimida taʼlimdagi fidokorona xizmatlari uchun sayyoramizdagi eng zoʻr ustoz nomi yangradi: “Ranjitsinh Dizale!”, Hindistonning davlat maktabida kambagʻallarning bolalariga boshlangʻich taʼlimdan saboq beruvchi 32 yoshli oʻqituvchi. 140 mamlakatdan ishtirok etgan 12 mingdan ziyod oʻqituvchilar orasidan aynan u sayyorada “eng zoʻri” deb topildi.

Hamma “1 million AQSH dollari Hindistonga ketdi”, deb turganida Ranjit taʼlim uchun yana bir bor mardlik qildi. U olgan mukofotining teng yarmini finalgacha yetib kelgan “top-10” ta nomzodga taqsimlab berdi. Oxirgi marta 6 yil avval shunday holat sodir boʻlgan -- kimdir katta pulning katta qismini boshqalar bilan boʻlishgan edi.

Bularni nega yozdim?

Ranjit ham orzu-havaslari, shaxsiy rejalari ortidan borib, taʼlimga yuz burib ketsa yoki mehnatkashligi va isteʼdodini kattaroq pul topishga sarf qilsa boʻlar edi. Ammo u azbaroyi odamlar hayotini oʻzgartirishni istagan vijdoni amriga itoat qildi. U yoshlik gʻayratini, borini taʼlimga tikdi.

Darvoqe, Ranjit bilan bir davrda bitta taʼlim muassasasida oʻqigan ekanmiz (2008-2009-yillarda Jurnalistika va ommaviy aloqalar fakultetida (Hindiston, Maharashtra). Garchi oʻshanda u bilan tanishmagan boʻlsam ham, yutugʻidan quvondim, u bilan faxrlandim. Ehtimol, bugun oʻzim ham taʼlimda boʻlganim uchun shunday hislarga berilayotgandirman. Taʼlim mazmunida katta oʻzgarishlar yoqasida turibmiz. Bu sinovlar boʻsagʻasida olis Hindistonda yashayotgan oʻqituvchining ulkan yutugʻi, jasorati va fidoyiligi menga zulmatda koʻringan mayoqdek tuyildi.

Taʼlim yoʻlida hammamizdan fidoyilik talab qilinadi. manfaatlardan, maza qilib dam olishdan, Kezi kelganda oiladan, shaxsiy rejalardan ustun turadigan, tinmay mehnat va sabrni talab qilgan fidoyilik.

Imom Gʻazzoliyda shunday oʻgit bor: “Siz ilmga bor-yoʻgʻingizni bermaguningizcha, u sizga biror narsa bermaydi”.

©️Shuhrat Sattorov, Xalq taʼlimi vazirligi huzuridagi Respublika taʼlim markazi direktori

Kanalga obuna bo`lish:
👇👇👇
Telegram|Facebook|Instagram
«Сайёр қабул ойлиги»да икки кунда 300 дан ортиқ мурожаат қабул қилинди

Халқ таълими вазирлиги жорий йилнинг 10 декабридан «Сайёр қабул ойлиги» бошлангани ҳақида эълон қилган эди.

Икки кун давомида сайёр қабуллар орқали фуқаролардан 338 та мурожаат қабул қилинди.

Мурожаатларнинг барчаси рўйхатга олиниб, 68 нафар фуқаронинг мурожаати жойида ижобий ҳал этилди. 141 нафар фуқарога мурожаатлари бўйича тегишли тушунчалар берилиб, қолганларини ўрганиб чиқиш бўйича топшириқ берилди.

Ҳудудларда Сайёр қабулларни ўтказиш жадвали ва манзили билан қуйидаги ҳаволалар орқали танишиш мумкин:

👉Қорақалпоғистон Республикаси
👉
Андижон вилояти
👉Бухоро вилояти
👉Жиззах вилояти
👉Қашқадарё вилояти
👉Навоий вилояти
👉Наманган вилояти
👉Самарқанд вилояти
👉Сирдарё вилояти
👉Cурхондарё вилояти
👉Тошкент вилояти
👉Фарғона вилояти
👉Хоразм вилояти
👉Тошкент шаҳри

Эслатиб ўтамиз, Сайёр қабуллар 10 январга қадар давом этади.
СИНФ ХОНАСИДА ПИРОТЕХНИКА ВОСИТАСИНИ ПОРТЛАТГАН ЎҚУВЧИНИНГ ОТА-ОНАСИГА ЧОРА КЎРИЛДИ

Ижтимоий тармоқларда синф хонасида ўқитувчисини олдида пиротехника воситасини портлатган ўқувчининг тасвири акс этган видео кўплаб муҳокамаларга сабаб бўлди.

Маълум бўлишича, синфда пиротехника воситасини портлатган ўқувчи Фарғона вилояти Боғдод туманидаги 15-умумий ўрта таълим мактабининг 11-синфида таҳсил олиши маълум бўлди.

Ҳодиса ишчи гурух томонидан ўрганилганда қуйидагилар маълум бўлди:

Мактабнинг она тили ва адабиёт фани ўқитувчиси биринчи навбат тўртинчи соатдан кейинги танаффус пайтида мактабнинг 11-синф ўқувчиларининг тинчлигини сақлаш мақсадида хонага кирган, ўқувчиларни тартибга чақириб шу синф ўқувчиси Ж.Ш.га хонадаги парта стулларни тўғрилашни буюрган. Ж.Ш. ўқитувчининг танбеҳидан нотўғри хулоса чиқариб пиротехника воситасини ёқиб юборган. Ушбу ҳолатни шу синф ўқувчилари А.Қ. ва Н.С.лар видеога олиб ўзининг Тик-Токдаги шахсий профилига жойлаган.

Воқеа юзасидан шу куннинг ўзидаёқ жамоатчилик ва ҳуқуқ тартибот орган ходимлари ҳамкорлигида ўрганиш ишлари олиб борилиб, ўқувчиларнинг ота-оналарига МЖтКнинг 47-моддаси 1-қисмида назарда тутилган маъмурий ҳуқуқбузарликни содир этган деб ҳисобланиб, базавий ҳисоблашнинг 2 баравари миқдорида, яъни 446 минг сўм миқдорида жарима қўлланилган.

Ўқувчилар бир йил муддатга туман ИИБда профилактик ишлари олиб бориш учун рўйхатга олинди.

Ўқувчилар мактабининг тажрибали педагог ходимларидан мураббий бириктириб, таълим тарбиясини назоратга олиш ҳамда қизиқишига кўра тўгаракка жалб қилиш тўғрисида якуний хулосага келинди.

Келгусида мактаб маъмурияти ҳамда педагог жамоаси ўртасида бундай салбий холатларга йўл қўймаслик ва ўқувчилар, ўқитувчилар тартиб интизомини қаттиқ назоратга олиш, МФЙ профилактика инспекторлари билан хамкорликни янада кучайтиришга келишиб олинди.

Халқ таълими вазирлиги бу каби ҳолатлар аянчли оқибатларга олиб келмаслиги учун ота-оналардан фарзанд тарбиясига масъулият билан қарашга чақириб қолади.
Forwarded from Edu Kids
Media is too big
VIEW IN TELEGRAM
🎬 #EduKids #Digest37

🧑🏻‍💻 "Ijtimoiy tarmoqlarning ta'siri" haqida nimalarni bilasiz? Uning foyda va zarari haqida qisqa, lo'nda ma'lumotlarga ega bo'lishni istasangiz #EduKids'ning navbatdagi videolavhasini tomosha qiling!

Kanallarimizga ulanish uchun:
👉https://t.me/edukids_uz
👉https://t.me/itsmuzb
''Ustoz - 2020'' finalini jonli efirda kuzatishni istaysizmi?
Anonymous Poll
78%
Albatta, menga qiziq
13%
Yo'q, qiziq emas
9%
Farqi yo'q
#Баёнот

МАКТАБЛАРДА ЯНГИ ЙИЛ БАЙРАМИНИ НИШОНЛАШ БИЛАН БОҒЛИҚ ЧЕКЛОВЛАР БОЛАЛАР ХАВФСИЗЛИГИ ҲАМДА ПУЛ ЙИҒИМЛАРИНИНГ ОЛДИНИ ОЛИШ МАҚСАДИДА ЖОРИЙ ҚИЛИНДИ

Халқ таълими вазирлиги Янги йил байрамини нишонлаш билан боғлиқ чекловлар пандемия шароитида болалар ва ходимлар хавфсизлигини таъминлаш, мактабларда ота-оналардан турли ноқонуний пул йиғимларини олдини олиш мақсадида жорий этилаётганини маълум қилади.

Шунингдек умумтаълим мактабларининг ўқувчилари иштирокида ёпиқ биноларда турли байрам тадбирлари ва кечаларини ташкил этиш ва ўтказиш Республика махсус комиссиясининг қарори билан эпидемиологик вазиятнинг барқарорлигини сақлаб қолиш мақсадида ҳам тақиқланади.

Мактаб фойеси ва синф хоналарини ўқувчиларнинг қўллари билан ясалган безаклардан ташқари, сунъий арча ва электр чироқлар билан безатиш билан боғлиқ чекловлар ёнғин юзага келиш хавфини олдини олишни кўзда тутади.

Болалар билан Янги йил байрами тадбирларини Ўзбекистон миллий телерадиокомпаниясининг “Болажон” ва “Ёшлар” телеканаллари орқали ташкил этиладиган Янги йил телемарафонини томоша қилиш ҳамда оила даврасида ўтказиш тавсия этилади.

Болалар хавфсизлиги ва саломатлиги барча нарсадан устун!
#Заявление

В ШКОЛАХ ВВОДЯТСЯ ОГРАНИЧЕНИЯ ПО ПРАЗДНОВАНИЮ НОВОГО ГОДА В ЦЕЛЯХ БЕЗОПАСНОСТИ УЧАЩИХСЯ И ПРЕДОТВРАЩЕНИЯ СБОРА ДЕНЕЖНЫХ СРЕДСТВ

Министерство народного образования сообщает, что ограничения по празднованию Нового года в общеобразовательных школах вводится в целях обеспечения безопасности детей и персонала в условиях пандемии, и предотвращения различного рода незаконного сбора денежных средств у родителей

Организация и проведение различных праздничных мероприятий и вечеров с участием учащихся общеобразовательных школ в закрытых помещениях запрещено и решением Специальной Республиканской комиссии в целях поддержания стабильности эпидемиологической ситуации.

Ограничения, связанные с украшением школьного фойе и классов искусственной ёлкой и электрическими лампами, за исключением тех, которые сделаны руками учащихся, предполагают обеспечение пожарной безопасности в образовательных учреждениях.
Рекомендуется проведение новогодних мероприятий посредством просмотра Новогоднего телемарафона по телеканалам «Болажон» и «Ёшлар»
Национальной телерадиокомпании Узбекистана и в кругу семьи.

Здоровье и безопасность детей превыше всего!