#Xorijiy_hamkorlik
#Koreya

✅ Bugun Maktabgacha va maktab ta'limi vazirligida Koreya Respublikasi Ta’lim vazirligining Sejong shahri boshqarmasi vakillari va Koreya Respublikasining O‘zbekistondagi elchixonasi huzuridagi Koreya ta’lim markazi bilan uchrashuv bo'lib o'tdi.

Unda Maktabgacha va maktab ta'limi vaziri o'rinbosari Dilshod Kenjayev va vazirlik mas'ullari ishtirok etishdi.

📍 Uchrashuv davomida tomonlar:

✔️ koreys tili o‘qituvchilar malakasini oshirish,
✔️ koreys tili ikkinchi xorijiy til sifatida joriy qilinishi rejalashtirilgan maktablar uchun koreys tili o‘quv dasturini ishlab chiqish hamda darsliklar bilan ta’minlash,
✔️ o'quvchilar va o'qituvchilar almashinuv dasturi,
✔️ kasbiy ta’lim yo‘nalishida o‘quvchilarning Koreyada almashinuv dasturlarida ishtirok etishi,
✔️ maktab boshqaruvi bo‘yicha kadrlar salohiyatini oshirish,
✔️ maktabdan tashqari ta’lim yo‘nalishida turli loyihalarni amalga oshirish kabi sohalarda hamkorlik qilish masalalarini muhokama qilishdi.

❗️ Uchrashuv doirasida Koreya ta’lim markazi direktori Pang Chu Man, direktor o'rinbosari Jang Hyeongki va markaz vakili Jung Jaewonga samarali hamkorlik uchun Maktabgacha va maktab ta'limi vazirining tashakkurnomasi topshirildi.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Xorijiy_hamkorlik
#Koreya

Endi 1000 ta umumta'lim maktabida "Smart sinflar" tashkil etiladi

✅ Bugun Maktabgacha va maktab ta'limi vazirligida "Hancom academy" rahbariyati bilan "O‘zbekistondagi umumta'lim maktablarida axborot kommunikatsiya texnologiyalariga ixtisoslashtirilgan “Smart sinflar” tashkil etish" hamkorlik loyihasini amalga oshirish yuzasidan uchrashuv bo'lib o'tdi.

➖ Unda vazir Hilola Umarova, "Hancom academy" Bosh direktori Kvan-Xon Li, ijrochi direktori Pak Kinxyon hamda tashkilotning O‘zbekistondagi rasmiy vakili Li Sang Il va vazirlik mas'ullari ishtirok etishdi.

❗️Uchrashuvda "Hancom academy" tomonidan maktablarda AKTdan foydalanish, IT kasb yo‘nalishlarida to‘garaklar tashkil etish maqsadida 2027-yilga qadar 1000 ta o‘quv kompyuter sinflari to‘plami bosqichma-bosqich tarzda vazirlikka taqdim etilishi ma'lum qilindi.

Shuningdek hamkorlik imkoniyatlarining kelgusi qadamlarini ishlab chiqish va rejalashtirish uchun tomonlar o‘rtasida Anglashuv memorandumi imzolandi.

Vazirlikning rasmiy sahifalariga ulanish
Telegram | Youtube | Facebook | Instagram

#Xalqaro_hamkorlik
#Koreya

✅ Maktabgacha va maktab ta'limi vazirligi tomonidan Koreyaning O‘zbekistondagi elchixonasi, Koreya Ta'lim markazi bilan hamkorlikda umumta'lim ustozlarini kasbiy qayta tayyorlash loyihasiga start berildi.

❕Bugun "Yangi O‘zbekiston" universitetida mazkur loyihaning rasmiy ochilish marosimi bo‘lib o‘tdi.

Tadbir avvalida vazir o‘rinbosari Sardor Rajabov so‘zga chiqib, ustozlar uchun yaratilayotgan imkoniyatlar, xususan mazkur loyihaning ahamiyati haqida so‘z yuritdi.

Ochilish marosimida, shuningdek elchixona maslahatchisi va Bosh Konsuli Kuk Jang Hyun, Koreya Ta'lim markazi rahbari Pang Chu Man, vazirlik va elchixona mas'ullari hamda loyiha ishtirokchisi bo‘lgan ustozlar qatnashdi.

➖ Ma'lumot o‘rnida: qayta tayyorlov kurslari offlayn va onlayn shaklda tashkil etilmoqda va 25-dekabrga qadar davom etadi.

Ushbu loyihada eng yaxshi natija qayd etgan ustozlar Koreyada amaliyot o‘tash uchun yuborilishi ko‘zda tutilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik
#Koreya

Vazirlik tizimidagi barcha hududiy rahbarlar ilk bora birgalikda xorijda malaka oshirishmoqda

🔴 Maktabgacha va maktab taʼlimi vazirligi tizimidagi hududiy bo‘linmalar rahbarlari va vazirlik markaziy apparati xodimlari ishtirokidagi delegatsiya ayni vaqtda Janubiy Koreya Respublikasida bo'lib turibdi.

Bundan ko‘zlangan maqsad — maktabgacha va maktab taʼlimi sohasida Koreyaning ilgʻor tajribasi, xususan, Koreya amaliyotida taʼlim, boshqaruv tizimi va pedagog kadrlar malakasini oshirishda zamonaviy pedagogik texnologiyalar va yechimlarni joriy etish yuzasidan tajriba almashishdan iborat.

✅ Uchrashuvlar doirasida o‘quv seminarlari va ochiq muloqotlar oʻtkazish hamda bir qator taʼlim muassasalari, xususan:

➖Handulmulbit bolalar bog‘chasi,
➖Mosan boshlang‘ich maktabi,
➖Sejon Jang Yeongsil yuqori maktabi,
➖Koreya Milliy Ta'lim instituti faoliyati bilan tanishish ham rejalashtirilgan.

📍 Tadbirlar davomida, shuningdek Koreyaning diqqatga sazovor maskanlari va tarixiy qamdajolari bilan tanishish ham ko‘zda tutilmoqda.

⏳ Uchrashuvlar joriy yilning 29-sentabriga qadar davom etadi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik
#Koreya

📍 Baholash tizimi, kasb-hunarga o‘qitish va kitobxonlik madaniyati — Janubiy Koreya tajribasi o‘rganilmoqda

✅ Xabar berganimizdek, ayni vaqtda Maktabgacha va maktab taʼlimi vazirligi delegatsiyasi Janubiy Koreyada bo‘lib turibdi.

Bugun delegatsiya vakillari Koreya Milliy universitetida universitet professor o‘qituvchilar tomonidan tashkil etilgan o‘quv seminarda ishtirok etishdi.

Unda o‘quvchilarda tanqidiy hamda ijodiy fikrlash ko‘nikmalarini shakllantirish, baholash tizimining ta'lim sifatini oshirishdagi roli, maktablarda do‘stona ijtimoiy muhitni shakllantirish kabi mavzularda o‘zaro fikr almashildi.

➖ Bundan tashqari, loyiha doirasida Koreyaning Sejong shahrida tabiiy fanlarga ixtisoslashtirilgan maktab rahbariyati tomonidan ishtirokchilar uchun seminar-trening o‘tkazildi. Unda xususan:

➖ ta'lim muassasalarida boshqaruvni samarali yo‘lga qo‘yish,
➖o‘quv-tarbiya jarayonlarini zamonaviy usullarda tashkil etish,
➖kadrlar salohiyatini oshirish,
➖ta'lim sifatini rivojlantirish va monitoring qilishda innovatsion yondashuvlar haqida so‘z bordi.

Delegatsiya vakillari Kyowongde universiteti qoshidagi Milliy kutubxonada faoliyati hamda kutubxonalarga o‘quvchilarni ko‘proq jalb qilish tajribasi bilan ham yaqindan tanishishdi.

✔️Delegatsiya vakillari Koreyaning maktabgacha ta'lim va o‘quvchilarni kasb-hunarga yo‘naltirishdagi tajribasini o‘rganish maqsadida Handulmulbit bolalar bog‘chasi va Sejong Jang Yeongsil yuqori litseyida ham bo‘lishdi.

Unda mas’ullar muassasalar faoliyati hamda yaratilgan sharoitlarni ko‘zdan kechirishdi.

🔴 Uchrashuvlar davom etmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik
#Koreya

📍 Maktabgacha va boshlang'ich ta'lim uzviyligi — Janubiy Koreya tajribasi o‘rganilmoqda

✅ Xabar berganimizdek, ayni vaqtda Maktabgacha va maktab taʼlimi vazirligi delegatsiyasi Janubiy Koreyada bo‘lib turibdi.

Delegatsiya vakillari Chungcheongbuk-do provinsiyasi ta'lim boshqarmasi rahbariyati bilan uchrashuvda ishtirok etdi. Uchrashuvda ikki mamlakat o'rtasida ta'lim sohasida olib borilayotgan hamkorlik, maktabgacha va boshlang'ich ta'lim uzviyligini ta'minlashda ilg'or tajribalar haqida fikr yuritildi.

➖ Bundan tashqari, loyiha doirasida Koreyaning Sejong shahridagi ekobog'cha faoliyati bilan tanishib, ta'lim muassasasida amaliy seminar-trening o‘tkazildi. Unda xususan:

➖ ta'lim muassasasida bolalarni tabiat bilan uyg'un rivojlantirish,
➖o‘quv-tarbiya jarayonlarini zamonaviy va amaliy usullarda, o'rmon hamda tabiat qo'ynida tashkil etish haqida so‘z bordi.

Delegatsiya vakillari Sejong bolalar muzeyi faoliyati hamda maktabgacha ta'lim yoshidagi bolalar va o‘quvchilarning bo'sh vaqtini mazmunli o'tkazish uchun ularni muzeylarga ko‘proq jalb qilish tajribasi bilan ham yaqindan tanishishdi.

✔️Shuningdek, Koreyaning maktabgacha ta'limda raqamli texnologiyalarni qo'llash tajribasini o‘rganish maqsadida raqamli qurilmalar yordamida ta'lim va amaliyotni o'zida jamlagan bolalar bog‘chasida ham bo‘lishdi.

Mas’ullar tashkilot faoliyati hamda yaratilgan sharoitlarni ko‘zdan kechirishdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin