У Берасці выстава партрэтаў з серыі "V Z гляд". Побач з малюнкамі Берасцейскай крэпасці — выявы расейскіх захопнікаў

На ўрачыстым адкрыцці прысутнічалі шкаляры з гімназіі №4 горада Берасця.

Падрабязней: https://brestspring.org/tpost/e7x5cs97j1

27-гадовага пінчука Дзяніса Дзенісенку завочна асудзілі
Відаць, за пратэсты 2020 года

Пінскі суд у снежні асудзіў Дзеніса Дзенісенку на 4 гады калоніі. Працэс праходзіў завочна (ў адсутнасць Дзенісенкі). Маладзёну закідвалі арт.293 КК. Мяркуючы па артыкулу, падставай для справы сталі пратэсты, якія праходзілі ў ноч з 9 на 10 жніўня 2020 у Пінску.

У пятніцу 20.02.2026 прайшла апеляцыя — завочны прысуд пакінулі без зменаў.

❕Нагадаем, што завочныя суды з'явіліся ў Беларусі ў 2022 годзе. Такім чынам беларускія ўлады атрымалі магчымасць судзіць з'ехаўшых за мяжу людзей. Па ацэнках праваабаронцаў, сама завочная форма судовых паседжанняў у беларускай практыцы парушае права тых, каго судзяць (яе мінімум права на справядлівае судовае разбіральніцтва).

Двух былых кіраўнікоў баранавіцкага выдання Intex‑press асудзілі на 12 ды 14 гадоў калоніі

Як даведалася БАЖ, 26 лютага 2026 суворыя прысуды атрымалі Уладзімір Янукевіч і Андрэй Пакаленка. Такое рашэнне вынес Берасцейскі абласны суд.

Янукевіча і Пакаленку абвінавацілі з "здрадзе дзяржаве" (арт.356 КК). Суд праходзіў у закрытым рэжыме. Янукевіч атрымаў 14 гадоў пазбаўлення волі ды штраф 3000 б.в. (135 тыс рублёў). Пакаленка — 12 гадоў калоніі й штраф 1000 б.в. (45 тыс рублёў).

Нагадаем, што супрацоўнікаў (ўжо закрытага) незалежнага выдання Intex‑press затрымалі напрыканцы 2024 года. Пазней былі асуджаны 4 былыя журналісты гэтага медыя: Наталля Семяновіч, Мікіта Пятроўскі, Руслан Равяка і Людміла Зелянькова атрымалі "хатнюю хімію" за нібы "садзейнічанне экстрэмісцкай дзейнасці" (арт.361-4 КК).

📸 Пакаленка і Янукевіч. Калаж: БАЖ

💛 Добрыя навіны: пінчуку, які адсядзеў за пінскія пратэсты, сабралі неабходную суму праз збор BySOL

Уладзіслаў Наварыч летам 2024 года трапіў за краты: яго затрымалі за пратэсты, якія адбыліся ў Пінску ў 2020 годзе. Пазней асудзілі да калоніі. Тэрмін ён адбыў цалкам.

Як многія за кратамі, атрымаў там праблемы са здароўем.

Мужчына вызваліўся напачатку снежня-2025, спрабаваў знайсці працу ў Беларусі — беспаспяхова. Прыняў рашэнне з'ехаць у Польшчу і пачаць будаваць новае жыццё ў новай краіне.

BySOL менш за месяц таму распачаў збор для Уладзіслава — і ўся неабходная сума (1800 €) ужо сабраная! 💛

💛 За кратамі напісаў верш, які прысвяціў "палітвязням Якубу Коласу і Максіму Танку". Ідзе збор для экс-палітвязня

Віталь Чаркасаў быў затрыманы ў снежні-2023. Яму далі калонію за берасцейскія пратэсты, якія адбыліся яшчэ ў жніўні-2020. Выйшаў датэрмінова праз памілаванне.

Пасля вызвалення мужчына не збіраўся з'язджаць. Ён дапамагаў маці з анкалогіяй. Але ў лістападзе-2025 да Віталя ізноў прыйшлі сілавікі, цяпер з пагрозамі крымінальнай справы з-за пратэстаў 2020 года у Жабінцы. Тады былы палітвязень вырашыў уцякаць у Літву.

Пра свае прыгоды ў зняволенні Віталь распавёў у інтэрв'ю "Вясне".

💛 Падтрымаць экс-палітвязня праз збор (BySOL):
https://bysol.org/be/private/vitali_cherkasov/

У берасцейскім СІЗА сядзела дзяўчына, якая напісала данос на свайго хлопца за ўдзел у пратэстах — а ў выніку за пратэсты затрымалі яе

Такую гісторыю распавяла Ганна Курыс, экс-палітзняволеная з Баранавічаў. Нагадаем, яе ў снежні-2025 вызвалілі па памілаванню — і адразу ж выслалі з краіны.

У інтэрв'ю Вясне Ганна распавяла:
👉 як яе саму пакаралі за малюнак кацяня, якога намалявала ў калоніі крэйдай, бо хацела парадаваць іншых
👉 з кім перасякалася за кратамі
👉 праз што сама прайшла ў зняволенні

Чытаць:
https://spring96.org/be/news/119691

В Брестской области стало на 2 политзаключенных больше

Сегодня беларуское правозащитное сообщество признало политзаключенными на Брестчине:
▪️Янукевич Владимир — ранее возглавлял барановичское независимое издание Intex‑press. После его вынужденного закрытия, занимался другим барановичским СМИ BAR24. Задержан в декабре-2024 вместе с еще несколькими бывшими работниками издания Intex‑press. В феврале-2026 Брестоблсуд вынес суровый приговор: 14 лет колонии и огромный штраф. Суть обвинений неизвестна, суд проходил в закрытом режиме по статье "Измена государству".
▪️Поколенко Андрей — был замом Янукевича в том же Intex‑press. Также был задержан в декабре-2024. В феврале-2026 мужчине дали 12 лет колонии, тоже за якобы "измену государству".

Таким образом, в данный момент в стране правозащитники считают 1144 человек политическими заключенными. Из них, по нашим подсчетам, в Брестской области 208.

Написать нам | Наш Instagram

У Пінску змяніўся кіраўнік міліцыі. Што пра яго вядома?

У 2021 годзе Ігар Ярохін атрымаў "маральную кампенсацыю" ад асуджанага палітычнай справе, бо пра міліцыянта напісалі ў "Каратели Беларуси".

А жонка працавала ў баранавіцкім СІЗА.

Падрабязней у артыкуле, падрыхтаваным берасцейскімі журналістамі @BGazeta разам з BELPOL:
https://bgmedia.site/society/chto-izvestnogo-pro-novogo-nachalnika-pinskogo-govd/

❔Супрацоўнік ДАІ даведаўся, што чалавек "часова беспрацоўны" і загадаў прыйсці ў цэнтр занятасці. Што рабіць?

У сацсетках адна карыстальніца з Беларусі падзялілася сваёй гісторыяй: супрацоўнік ДАІ даў ёй паперу з "паведамленнем аб яўцы" ў цэнтр сацыяльнай занятасці. Гэта адбылося пасля таго, як супрацоўнік ДАІ даведаўся, што жанчына на дадзены момант не працуе.

На паперцы пазначана: куды прыходзіць (цэнтр занятасці выканкама), у якія гадзіны (гадзіны працы Цэнтра), з якімі дакументамі, дата калі дадзенае паведамленне ўручана. Але ці з'явіўся абавязак у чалавека прыйсці ў цэнтр занятасці з-за такой паперы?

✅ Кароткі адказ: не, прыходзіць неабавязкова.

Пра гэта напісана ў самой паперцы: "рэкамендуецца" прыйсці ў Цэнтр сац. занятасці. Ніякай адказнасці за тое, што падобныя рэкамендацыі праігнаруюцца, дзейным беларускім заканадаўствам не прадугледжана.

🕊 Вызваляюць яшчэ 15 палітвязняў

Сёння Лукашэнка падпісаў загад пра памілаванне 18 чалавек. Пра гэта паведаміла БелТА са спасылкай на прэс-службу А.Лукашэнкі.

З паведамлення афіцыйных крыніц вынікае, што сярод "памілаваных" 15 палітвязняў. Большасць памілаваных — жанчыны.

Праваабаронцы віталі ранейшыя падобныя вызваленні палітвязняў. Аднак нагадвалі, што па справядлівасці трэба вызваляць усіх палітвязняў (іх застаецца больш за тысячу). Апроч таго, вызваленых трэба рэабілітаваць (зняць асуджанасць, кампенсаваць шкоды здароўю, маральныя і матэрыяльныя страты).

❕Калі вам вядомыя імёны вызваленых палітвязняў, паведамляйце праваабаронцам: 👉 @BrestSOS або @Viasnainfo

💡Анлайн-лекцыя "За што змагаецца фемінізм сёння?"

На мерапрыемстве ад ініцыятывы Prismatica (пры падтрымцы арганізацыі "Іншыя") можна будзе даведацца:

▫️чаму фемінізм усё яшчэ патрэбны
▫️чаму аўтарытарныя рэжымы так любяць гаварыць пра "традыцыйныя каштоўнасці"
▫️чаму становішча жанчын — адзін з самых яскравых індыкатараў, наколькі свабодная краіна

Нават калі вам падаецца, што фемінізм гэта не пра вас, што ён патрэбны толькі жанчынам — прыходзьце!

Калі: 7 сакавіка, 15:00 (па Менску)
Дзе: анлайн (Zoom)

👉 Форма рэгістрацыі 👈

Улады ізноў спрабуюць прадаць маёмасць гарадзенскага праваабаронцы

У чарговы раз на аўкцыён выстаўлена лецішча Ўладзіміра Хільмановіча. Гэта ўжо трэцяя спроба ўладаў прадаць нерухомасць праваабаронцы. Раней ахвочых для набыцця лецішча не знайшлося, таму на яго паступова зніжаюць цану.

Нагадаем, што беларускія ўлады арыштавалі нерухомасць Хільмановіча з-за палітычнага прысуду. Пры гэтым Хільмановіча асудзілі ў яго адсутнасць (мужчына ўжо некалькі гадоў знаходзіцца па-за межамі Беларусі). Праваабаронцу далі (завочна) калонію, а таксама штраф памерам 40 тысяч рублеў. Менавіта з-за гэтага несправядліва прызначанага штрафа ўлады прадаюць маёмасць Хільмановіча.

💡Анлайн-трэнінг "Не показалось" пра хатні гвалт

Актывіста Станіслава Цярэнцьева распавядзе пра рамантызацыю аб'юза ў фільмах/кнігах/музыцы — і пра тое, як аб'юз у стасунках пачынае здавацца нармальным.

Што чакае:
▫️ якія прыкметы аб'юзіўных стасункаў
▫️ як працуе нармалізацыя аб'юза ў грамадстве
▫️ якія віды гвалту існуюць
▫️ дзе шукаць дапамогу

Дзе: анлайн
Калі: 11 сакавіка 18:00-20:00 па Варшаве (20:00-22:00 па Менску)

👉 Форма рэгістрацыі 👈

Улады прапануюць рэпрэсаваным, хто адбывае "хатнюю хімію", пераход на "папраўчыя работы"

Але як высвятляецца, гэта опцыя не для ўсіх.

Нам вядомы прыклады з Берасцейскай вобласці, калі тым, хто адбывае "хатнюю хімію", прадстаўнікі крымінальна-выканаўчай інспекцыі спярша прапанавалі падаць заяву на змену пакарання на "папраўчыя работы". Пры гэтай форме пакарання дзяржава забірае 10-25% ад заробка, але менш кантролю за месцазнаходжаннем чалавека. Але калі некаторыя пачалі пісаць заявы, ім адмаўляюць з тлумачэннямі, што трэба б знайсці працу з зарплатай павышэй, і тады перавод на папраўчыя работы задаволяць.

Праваабаронцы з Віцебскай нядаўна паведамлялі пра падобнае ў сваім рэгіёне.

Алгарытм, як самастойна падаць заяву аб змене пакарання з "хатняй хіміі" на папраўчыя работы размешчаны на сайце віцебскіх праваабаронцаў.

✅ Патрэбная дапамога ў напісанні заявы на змену пакарання? Ці хочаце напісаць на ўмоўна-датэрміновае вызваленне ад пакарання? Звяртайцеся