🟥 Мужчыну з Берасця абвясцілі "тэрарыстам". Яго асудзілі па артыкулах, па якіх судзілі ветэранаў Палка Каліноўскага

Учора КДБ апублікавала абноўлены "спіс тэрарыстаў".

Адтуль прыбралі імя Дзяніса Карабана — экс-палітвязня з Жабінкі, які быў асуджаны па "справе Зельцара". Мужчына вызваліўся 2 гады таму.

🔹Адначасова КДБ дадало ў спіс жыхара Берасця Аляксандра Рудчыка (на фота). Журналісты "Нашай Нівы" высветлілі, што вядома пра мужчыну, і за што яго маглі асудзіць.

🔹Паводле выдання, Рудчык нарадзіўся ў Расеі, там скончыў Вайсковы фінансава-эканамічны інстытут. Пазней служыў лейтэнантам. Потым пераехаў у Беларусь. З 2003 да 2019 меў у Беларусі ІП. У сацсетках не хаваў свае антыпуцінскія і антылукашэнкаўскія погляды. У 2022 годзе пераехаў у Польшчу, і яшчэ напачатку 2025 года выкладваў фота адтуль. Але па невядомых прычынах апынуўся ў Беларусі.

🔹А па вяртанні з-за мяжы над Рудчыкам адбыўся суд, высветлілі журналісты. Справу разгледзеў Берасцейскі абласны суд па артыкулах "Стварэнне злачыннай арганізацыі" (ч.2 арт.285), "Удзел у тэрарыстычнай дзейнасці" (арт.290-3, ч.2 арт.290-4) і "Удзел ва ўзброеным канфлікце на тэрыторыі замежнай дзяржавы" (ч.1 арт.361-3).

Журналісты падкрэслілі: па такіх артыкулах раней судзілі толькі ветэранаў Палка Каліноўскага. Пры гэтым невядома, ці ваяваў сам Рудчык. Але вядома, што яму прысудзілі пазбаўленне волі.

🗣«Доля моцных — дараваць». Размова з Марфай Рабковай пасля пяці з паловай гадоў за кратамі

Не прайшло і двух месяцаў з моманту вызвалення, а Марфа Рабкова ўжо поўнасцю ўключылася ў праваабарончую дзейнасць. На сябе няма часу. Дзіўная ўласцівасць некаторых людзей, і Марфы ў тым ліку: думаць перш за ўсё пра іншых.

2009 дзён — столькі яна правяла за кратамі: два з паловай гады ў СІЗА, тры ў калоніі. Сумны рэкорд сярод жанчын: «Спадзяюся, яго ніхто не паб'е», — кажа Марфа, не хаваючы, што ўсе яе намаганні зараз накіраваныя на тое, каб спрыяць больш хуткаму вызваленню палітвязняў.

У інтэрв'ю Марыне Золатавай Марфа расказвае, як змянілася сама за гэтыя пяць з паловай гадоў, як перажыла смерць бацькі, як пазбавілася нянавісці і навучылася дараваць. А яшчэ шмат пра тое, як разглядзець чалавека і ў сукамерніцы, і ў супрацоўніку адміністрацыі. І пра тое, навошта гэта патрэбна.

Чытаць па спасылцы

🔍 Экс-палітвязні Берасцейскай вобласці. Хто трапіў у базу вышуку ў РФ

Медыязона.Беларусь адсочвае, каго з беларусаў дадаюць у вышук у Расеі. Сёння выданне апублікавала, каго дадалі ў адпаведную базу за апошнія паўгады (больш за 1100 чалавек!)

Мы знайшлі, хто быў асуджаны па палітычных справах у Берасцейскай вобласці, і апошнімі месяцамі трапіў у вышук (спіс непоўны):
Дзмітрый Баніт (асуджаны завочна), экс-палітвязні Мікіта Лосік, Уладзіслаў Ефімовіч, Сяргей Наліўка, Якаў Шафарэнка, Антон Арцюх.

Праверыць сябе і сваіх знаёмых можна тут (прагартайце да канца артыкула, там пошук): 👉
https://mediazonaby.com/article/2026/05/13/wanted_rb

💛 Экс-палітзняволеная з Баранавічаў просіць падтрымкі

Ганна Курыс была асуджана за інтэрнэт-пасты і сторыз да калоніі. Штосьці тычылася расейска-ўкраінскай вайны, штосьці было пра Лукашэнку. Ганну асудзілі да пазбаўлення волі.

Пра адно з абвінавачанняў, за якое дзяўчыну адправілі ў калонію, яна распавяла так:

"У мяне была сторыз, дзе я пісала, што з тэрыторыі Беларусі па Украіне ляцелі ракеты. На пасяджэнні суддзя заявіў, што гэта няпраўда, і прызнаў мяне вінаватай у дыскрэдытацыі нашай краіны".

Дзяўчыну выпусцілі з калоніі раней — і адразу выслалі ва Ўкраіну. Ужо пасля высылкі, супраць дзяўчыны завялі новую крымінальную справу (за інтэрв'ю "Вясне"). Таксама сілавікі зацікавіліся малодшым братам Ганны, і ён вымушана з'ехаў.

💛 Падтрымаць Ганну (з братам) можна праз збор (BySOL):
https://bysol.org/be/private/anna_support/

❗️Партыя "Белая Русь" масава парушае заканадаўства ў Берасцейскай вобласці. Праводзяць партыйную дзейнасць у адукацыйных установах, хаця гэта прама забаронена

Як мы высветлілі, члены партыі "Белая Русь" у нашай вобласці:
❌ уручаюць партыйныя білеты проста ў школах
❌ праводзяць партыйныя мерапрыемствы ў адукацыйных установах, дзе абіраюць свае партыйныя выбарныя ворганы
❌ ладзяць агітацыю сярод вучняў і педагогаў

Хаця арт.2 Кодэкса аб адукацыі Рэспублікі Беларусь прама забараняе дзейнасць палітычных партый ва ўстановах адукацыі.

Сабралі больш за паўсотні выпадкаў з пачатку 2025 года.
Падрабязнасці на сайце.

🇮🇹Асацыяцыя «Талака» ладзіць анлайн-курсы італьянскай мовы (A2–B2) — выкладаць будзе Наталля Дуліна

Хто можа ўдзельнічаць?
🔻беларусы з дадатковай абаронай ці статусам уцекача;
🔻асобы, якія падалі на абарону і чакаюць рашэння;
🔻асобы з дакументальнымі пацверджаннямі палітычнага пераследу (нават без статусу).

⚠️Іншыя удзельнікі могуць трапіць на курсы пры наяўнасці свабодных месц, піша @belarusinitalia.

Важна:
🔸удзел бясплатны;
🔸магчымы набор на С1 (платны);
🔸апрацоўка персанальных дадзеных і верыфікацыя ўдзельнікаў — абавязковыя;
🔸арганізатары аддаюць перавагу тым, хто жыве ў Італіі.

Запаўняйце форму 👉 https://forms.gle/Sdx9295xJPYkAg769

❔У школе патрабуюць запоўніць дакумент са звесткамі, дзе і ў каго дзіцё будзе на канікулах. Гэта законна?

Перад канікуламі ў некаторых беларускіх школах настаўнікі просяць бацькоў запоўніць паперу і пазначыць, у якіх месцах будзе знаходзіцца дзіцёнак на канікулах. Звычайна там жа патрабуюць пазначыць такія звесткі, як адрас, тэлефон, іншыя персанальныя дадзеныя кантактных асоб.

Ці адукацыйная ўстанова мае права збіраць такую інфармацыю?

На гэтае пытанне ўжо даваў адказ Нацыянальны цэнтр абароны персанальных дадзеных Беларусі. І калі коратка:
❌ адукацыйныя ўстановы не могуць збіраць такія звесткі

Выключэнні прадугледжаны заканадаўствам, але гэта тычыцца не самых распаўсюджаных выпадкаў (напрыклад, калі сям'я стаіць на ўліку СНС — сацыяльна небяспечнае становішча, рус. СОП).

💡Адукацыйная магчымасць: школа па правах чалавека з 2 частах

"Прававая ініцыятыва" праводзіць школу пад назвай "Правы чалавека ў дзеянні". Яна арыентавана на актывістаў і усіх, хто цікавіцца тэмай правоў чалавека.

🗓 Першая сесія: 21—24 траўня 2026
🗓 Другая сесія: 18—21 чэрвеня 2026
📍Месца: Вільнюс (Літва)

Што чакае:
✔️ Прынцыпы і метады праваабарончай дзейнасці
✔️ Асноўныя міжнародныя дакументы ў сферы абароны правоў чалавека
✔️ Міжнародныя механізмы абароны правоў чалавека

Арганізатар_кі забяспечваюць харчаванне. Пражыванне забяспечваецца людзям не з Вільнюса. Праезд за ўласны кошт.

👉 Падрабязнасці і рэгістрацыя 👈
⚡️ Дэдлайн падачы заявак: 18 траўня (ўключна)

💛 Экс-палітзняволеная Алена Гнаўк просіць падтрымкі

Алена Гнаук з Пружаншчыны стала вядомая далёка за межамі свайго раёна пасля 2020 года. Пенсіянерку асудзілі некалькі разоў па палітычных справах — яна правяла за кратамі амаль 4 гады.

Жанчына апынулася на свабодзе ў снежні, але не ў Беларусі. Яе вытурлілі з краіны разам з яшчэ сотняй палітвязняў.

Гнаук просіць падтрымкі на самае неабходнае: на арэнду жытла, харчаванне.

💛 Падтрымаць яе можна праз збор BySOL:
https://bysol.org/be/private/elena_gnauk/

🚑 Галоўную медсястру Цэнтральнай райпаліклінікі Баранавічаў асудзілі па палітычнай справе. І пазбавілі працы

Берасцейскі абласны суд вынес прысуд Вользе Казлоўскай. У пятніцу яе дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

🚑 На імя жанчыны звярнула ўвагу Наша Ніва. Як высветліла выданне, Вольга Казлоўская аддала медыцыне 20 гадоў свайг жыцця. Яшчэ нядаўна працавала галоўнай медсястрой у баранавіцкай паліклініцы — але цяпер яе месца займае іншы чалавек.

🚑 Страта працоўнага месца, найверагодней, адбылася праз палітычны пераслед. Са спісу "экстрэмістаў" вынікае, што жанчыне закідвалі "садзейнічанне экстрэмісцкай дзейнасці" (гэты артыкул апошнім часам звычайна выкарыстоўваюць па справе "Беларускага Гаюна").

🚑 МУС у спісе адзначыў, што ў Казлоўскай "асуджанасць непагашаная". Гэта зазвычай азначае, што прысудзілі "дамашнюю хімію".

"Вогненае хрышчэнне" Алены Гнаўк: Праз краты да новай стратэгіі вызвалення і дапамогі

Алена Гнаўк, вядомая актывістка і былая палітзняволеная, якая правяла за кратамі чатыры гады, выступіла перад беларускай супольнасцю Беластоку. Яна распавяла пра жорсткі досвед у калоніі № 4 у Гомелі, канфлікты ўнутры дэмакратычных структураў і сваю амбіцыйную праграму "Перамога плюс", з якой яна ідзе ў Каардынацыйную раду.

✅ Пачытайце, якой яна бачыць Беларусь у будучыні!

❗️«Мянты хадзілі па галовах звязаных людзей». Экс-палітвязень пра «пінскую справу», год у ШІЗА і турэмную салідарнасць

«Пінская справа» стала адной з самых масавых і беспрэцэдэнтна жорсткіх у гісторыі беларускіх пратэстаў. Адзін з яе фігурантаў, Вячаслаў Рагашчук, у прамым сэнсе адбіваў мірных людзей ад АМАПа вечарам 9 жніўня 2020 года.

Былы палітвязень прабыў у зняволенні 6 гадоў, страціў бізнес і сям'ю, атрымаў 57 рапартаў і правёў 237 сутак у карцары. У Пінскім аддзяленні міліцыі пінчука збівалі да страты прытомнасці і адмаўлялі ў медыцынскай дапамозе. Вячаслаў распавёў пра турэмную салідарнасць, дапамогу Алесю Пушкіну ў яго апошнія дні і пра тое, чаму ні пра што не шкадуе.

«Я казаў ім у вочы, што каяцца не збіраюся, бо паступіў правільна. Перад кім прасіць памілавання? Перад прэзідэнтам, які, на мой погляд, не прэзідэнт?».

Чытаць па спасылцы 👉 https://spring96.org/be/news/120294

🌿Чытаць з Беларусі праз сайт-люстэрка

✍️Артыкул падрыхтаваны ў межах спецыяльнага цыкла матэрыялаў да Дня палітвязняў

🥀 Загінуў экс-палітвязень з Берасця Ціхан Клюкач

Ціхан ваяваў на баку Украіны супраць Расеі. Быў забіты пад час выканання баявога задання.

Смерць Ціхана пацвердзіў вайсковец Радзівон Батулін:

"Парэшткі атрымалася забраць"

На гэту заяву звярнула ўвагу беларуская Медыязона.

Яшчэ зусім нядаўна Ціхан лічыўся зніклым без звестак (паколькі не было цела).

Нагадаем, што Ціхан адбыў тэрмін у паўтары гады калоніі за менскія пратэсты 2020 года, цалкам адбыў зняволенне. Пасля з'ехаў з Беларусі. Ваяваў на баку Украіны супраць Расеі. За гэта беларускія ўлады асудзілі яго яшчэ раз завочна (ў яго адсутнасць).

⚡️ У менскай кватэры праваабаронцы "Вясны" адбываецца ператрус

Сам праваабаронца, былы палітзняволены Ўладзь Лабковіч знаходзіцца за мяжой (яго выслалі з краіны ў снежні).

Сутнасць абвінавачвання і іншыя падрабязнасці пакуль невядомыя.

📸 Фота: Ўладзь Лабковіч / Вясна

🎨 У Вільнюсе выстаўлены малюнкі памерлага экс-палітвязня Ціхана Клюкача

У межах Кангрэса па палітзняволеных у Беларусі, які праходзіць 21-22 траўня ў сталіцы Літвы, праходзіць выстава малюнкаў палітвязняў.

Ёсць там і выявы, якія намаляваў падчас свайго зняволення берасцеец Ціхан Клюкач.

Больш малюнкаў Ціхана (а таксама малюнкі іншых беларускіх экс-палітвязняў) сабраныя на сайце:
https://prisonart.spring96.org/kliukach-tikhan

📅 21 траўня — Дзень палітвязняў

Сёння па ініцыятыве праваабаронцаў адзначаецца Дзень палітвязняў Беларусі. Гэта нагода каб успомніць пра ўсіх, хто сёння за кратамі — і пра тых, хто загінуў у няволі.

За кратамі застаюцца праваабаронцы: берасцеец Чопік, мазыранін Целяпун.

За кратамі медыкі і чыгуначнікі, айцішнікі і журналісты, святары і юрысты.

Яны ўсе маюць быць на свабодзе.

І новыя затрыманні не маюць працягвацца. Новых закладнікаў замест папярэдніх не мусяць набіраць.

У краіне мусіць быць нуль палітвязняў. Ужо сёння. І заўтра таксама павінна быць 0 палітвязняў.

Свабоду ўсім палітзняволеным!

💛 Добрая навіна: збор на BySOL для Алены Гнаўк паспяхова закрыты

Алена Гнаук з Пружаншчыны стала вядомая далёка за межамі свайго раёна пасля 2020 года. Жанчыну асудзілі 4 разы па палітычных крымінальных справах. У выніку пенсіянерка правяла за кратамі амаль 4 гады.

BySOL 10 дзён таму распачаў збор для Гнаук — і ўся неабходная сума (2500 €) ужо сабраная! 💛