Катаванні — гэта злачынства. Катаванні — гэта тое, што нельга апраўдаць. Катаванні — тое, што мае адысці ў нябыт

Спіс розных правоў чалавека досыць доўгі. Прычым частка з гэтых правоў можа ўваходзіць ў супярэчнасць з правамі іншых. Дзе тады мае праходзіць мяжа паміж правамі розных людзей, звычайна разбіраюцца юрысты, праваабаронцы і суды.

🔻Але ёсць 2 правы, якія не могуць абмяжоўвацца ніколі і ні пры якіх умовах. Гэта 1) права на свабоду ад рабства, і 2) права на свабоду ад катаванняў.

🔻Гэта значыць, што нікога нельга катаваць. Ні з якай мэтай. І ні пры якіх умовах. Гэта тое, што нельга апраўдаць ні ў якім разе (ні для "пакарання" жудаснага злачынцы — ні для расправы з "ворагамі" народу).

📅 26 чэрвеня адзначаецца Міжнародны дзень у падтрымку ахвяр катаванняў. І менавіта ў гэты дзень важна нагадаць:

🔻Катаванні — сур'ёзнае злачынства. І па беларускіх законах таксама. У залежнасці ад абставін гэта або арт.426 Крымінальнага кодэксу "Перавышэнне службовых паўнамоцтваў", або нават злачынства супраць чалавечнасці, якое здзяйсняецца прадстаўніком дзяржавы (ў такім выпадку тэрмінаў даўніны няма).

❕Калі вы пацярпелі ад катаванняў — пішыце на @ViasnaDOC | viasnadoc@spring96.org
Гэта спосаб дамагчыся адказнасці для тых, хто здзяйсняў катаванні.

🔧 37-гадовага мужчыну з Берасця асудзілі. Відаць, за каментары

Берасцейскі абласны суд вынес прысуд Яўгену Пяргаеву. У пазамінулую пятніцу яго дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

🔧 На імя мужчыны звярнула ўвагу Наша Ніва. Як высветліла выданне, Пяргаеў родам з Берасця. Мае вышэйшую адукацыю ў сферы будаўніцтва, і менавіта гэтым зарабляў апошнімі гадамі. На спецыялізаваных парталах дагэтуль вісяць яго абвесткі: як майстар ён прапаноўваў паслугі па ўкладванні ламінату, дэмантажы падлог, рамонце мэблі і выконваў дробныя сантэхнічныя працы, маючы за плячыма каля 8 гадоў досведу.

🔧 Са спісу "экстрэмістаў" вынікае, што Пяргаеву закідвалі артыкулы "заклікі да санкцый" ды "распальванне варожасці". Нагадаем, што беларускія ўлады вельмі шырока трактуюць "распальванне варожасці" (і часта пад гэта трапляюць проста эмацыйныя каментары пра сілавікоў).

МУС у спісе адзначыў, што мужчына "адбывае пакаранне". Гэта зазвычай азначае, што прысудзілі "хімію" ці калонію.

У Варшаве беларусы выйшлі на традыцыйную нядзельную акцыю. Нягледзячы на спёку

Учора ў цэнтры польскай сталіцы прайшла акцыя, прысвечаная салідарнасці з беларускімі палітвязнямі. Дадатковай тэмай сталі катаванні — паколькі 26 чэрвеня адзначаўся Міжнародны дзень у падтрымку ахвяр катаванняў.

Прысутныя нагадалі, што Беларусь яшчэ ў 1987 годзе падпісала Канвенцыю ААН супраць катаванняў. І прыгадалі практыкі катаванняў, якія адбываюцца з палітзняволенымі, нягледзячы на гэта.

Сярод удзельнікаў былі былыя палітвязні Берасцескай вобласці.

Акцыя доўжылася менш, чым звычайна, праз анамальную спёку (+39°).

У Кобрыне адбыўся фестываль на гонар перамогі расейскай арміі ў 1812 годзе

Удзельнікі ваенна-гістарычнай рэканструкцыі ўсклалі кветкі да бюста Суворава, хаця ён не мае ніякага дачынення да вайны з Напалеонам (Сувораў тады ўжо не жыў). Гэтую недарэчнасць заўважыла @BGazeta

Асобным пытаннем увогуле з'яўляецца, навошта шанаваць фігуру Суворава ў Беларусі, калі для нашай гісторыі гэта хутчэй адмоўны персанаж (ён крывава падавіў паўстанне Касцюшкі ў 1794 годзе).

⚙️ Асудзілі ўраджэнца Баранавічаў. Меркавана, па "справе Гаюна"

Берасцейскі абласны суд вынес прысуд Раману Булыгу. У пазамінулую пятніцу яго дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

⚙️ Як высветліла Наша Ніва, Булыга Булыга нарадзіўся ў Баранавічах, а ў Менску скончыў БДУ. Потым доўга працаваў у Расеі ў сферы продажы аўтазапчастак для фірм.

⚙️ Са спісу "экстрэмістаў" вынікае, што Булыгу закідвалі "садзейнічанне экстрэмісцкай дзейнасці" (апошнім часам па такім артыкуле судзяць за перадачу інфармацыі ў "Беларускі Гаюн").

МУС у спісе адзначыў, што ў мужчыны "асуджанасць непагашаная". Гэта зазвычай азначае, што прысудзілі "дамашнюю хімію".

🕊 "Памілаваны" шчэ 28 чалавек, асуджаных па палітычных справах

Лукашэнка да 3 ліпеня памілаваў 32 чалавека, сярод якіх 28 асуджаных па палітычных справах, паведамляе БелТА са спасылкай на прэс-службу А.Лукашэнкі.

Хаця дзяржаўнае медыя не выкарыстоўвае выраз "палітычныя справы" і замест гэтага выкарыстоўвае эфемізм "злачынствы экстрэмісцкай накіраванасці".

Сярод 32 памілаваных 12 мужчын і 20 жанчын.

❕Калі вам вядомыя імёны вызваленых, паведамляйце праваабароцам: 👉 @BrestSOS або @Viasnainfo

🏠 Закон аб кампенсацыях для тых, у каго забралі маёмасць. За яго распрацоўку выказаўся праваааронца, чыю кватэру ўчора прадалі з-за палітычнай справы

Мы пагутарылі з Уладзімірам Хільмановічам — праваабаронцай і публіцыстам з Горадні, якога метадычна пазбаўляюць беларускай маёмасці. Літаральна ўчора ўлады з аўкцыёна збылі яго кватэру.

Хільмановіч заявіў:

— Я думаю, што ў дэмакратычным асяроддзі павінны быць створаны адпаведныя законапраекты, якія стануць законамі пасля дэмакратызацыі Беларусі і прывядуць да станоўчых пазітыўных зменаў, да аднаўлення законнасці, справядлівасці і матэр'яльнай кампенсацыі ўсім тым, у каго незаконна забралі маёмасць, прадалі яе.

Таксама Хільмановіч адзначыў, што накіроўваў скаргу ў орган прымусовага выканання (які датычны да канфіскацыі яго маёмасці) — але нават не атрымаў адтуль ніякага адказу.

Цалкам каментар Хільмановіча чытайце на сайце.

👀В Брестскую крепость на 22 июня были организованы экскурсии для членов семей участников СВО. Организатор – МВД РБ.

Делегация из 15 семей участников СВО из Екатеринбурга и Свердловской области совершила масштабную ознакомительную поездку в Беларусь. Уральские СМИ организатором мероприятия называют Благотворительный фонд “Ветераны СВО и КТО” Сергея Павленко, который принял приглашение МВД Беларуси и спецподразделения по борьбе с терроризмом “Алмаз”. Сопровождал группу соучредитель фонда, бывший боец ЧВК “Вагнер” Иван Гагарин.

🔻В Минске делегацию водили на экскурсии на промпредприятия, а в столичном Храме-памятнике в честь Всех Святых и в память о жертвах, спасению Отечества нашего послуживших, её члены приняли участие в литии и помолились “о здравии военнослужащих-участников СВО”.

👮МВД, как партнёр поездки организовало экскурсию в свой профильный минский лицей. А кульминацией стало наблюдение за реконструкцией обороны Брестской крепости в пять часов утра 22 июня. Как пишет издание “Сигнал. Урал”, на уральцев, чьи мужья и отцы сейчас находятся в зоне СВО, мероприятие, особенно построенное на контрасте с демонстрацией сцен из мирной жизни, произвело очень сильное впечатление.

💛 Добрая навіна: збор на BySOL для Ганны Курыс з братам паспяхова закрыты

Ганна Курыс была асуджана да калоніі за інтэрнэт-пасты і сторыз. Калі апынулася на волі, то яе адразу ж выслалі з краіны. За мяжой Ганна не стала маўчаць, удзельнічала ў канферэнцыях, давала інтэрв'ю. За гэта супраць дзяўчыны завялі новую справу. А яшчэ сілавікі зацікавіліся яе братам, які таксама мусіў з'ехаць.

Для іх дваіх збіралі 3000 € — і як бачна, гэтая сума ўжо сабраная! 💛

Падобныя да паліцыі ці ваенных людзі хочуць праверыць вашыя дакументы — што рабіць? Інструкцыя для тых, хто ў Польшчы

Згодна з польскімі законамі, няма абавязку прад'яўляць свае дакументы тым, хто не з'яўляецца дзяржслужбоўцам (funkcjonariusze publiczne).

А да дзяржслужбоўцаў адносяцца, сярод іншых:
○ паліцыя (Policja)
○ муніцыпальная паліцыя (Straż Miejska)
○ памежнікі (Straż Graniczna)

Што вы можаце рабіць пры спробе праверыць вашыя дакументы:
✅ патрабаваць прадставіцца (дзяржслужбоўцы не могуць адмовіцца, і маюць абавязак назваць імя і прозвішча, паказаць службовае пасведчанне, а таксама назваць законную прычыну для сваіх дзеянняў)
✅ запісываць на відэа (але не для апублікавання; таксама вядзенне запісу мусіць не перашкаджаць дзяржслужбоўцам выконваць свае функцыі)
✅ пры парушэннях закона паведаміць у паліцыю

Варта памятаць, што выдаванне сябе за праваахоўныя органы — крымінальнае злачынства згодна з польскім заканадаўствам. Гэта падпадае пад арт.227 Крымінальнага Кодэкса пра самавольнае "прысваенне функцый дзяржслужбоўцаў" (przywłaszczenie funkcji publicznej). Калі бачыце такое злачынства, можна паведаміць у паліцыю (экстрэнны нумар 112).

👵Пенсіі для беларускіх зняволеных – рэальнасць або міф?

Гады прымусовай працы ў беларускіх калоніях могуць ператварыцца ўсяго ў некалькі дзён страхавога стажу. Да такой высновы прыйшоў праваабаронца «Вясны» Алег Мацкевіч у новым даследаванні, заснаваным на 22 сведчаннях былых палітвязняў, аналізе заканадаўства і дакументаў аб налічанай заработнай плаце ў калоніі.

Даследаванне паказвае, што дзейная сістэма фактычна пазбаўляе многіх былых зняволеных магчымасці назапасіць пенсійныя правы на роўных умовах з іншымі работнікамі.

«У беларускіх калоніях праца з’яўляецца абавязковым элементам адбывання пакарання, аднак памер аплаты такой працы застаецца вельмі нізкім. У выніку чалавек можа гадамі працаваць у месцах пазбаўлення волі, але не назапашваць страхавы стаж у тым аб’ёме, які неабходны для атрымання паўнавартаснай працоўнай пенсіі».

Чытаць па спасылцы 👉 https://spring96.org/be/news/120669

🌿Чытаць з Беларусі праз сайт-люстэрка

💛 Збор на BySOL для пінчукоў — муж з жонкай былыя палітвязні, і хочуць перавезці за мяжу (да сябе) дзяцей

Алена і Сяргей Маўшук — адны з тых, каго судзілі за пінскія пратэсты 2020 года. Аказаліся на волі крышачку раней за канец тэрміна. І абодвух адразу ж фактычна выслалі з краіны.

Яны паціху ўладкоўваюцца ў новай краіне, ў Літве. Але хочуць уз'яднацца са сваімі малодшымі дзецьмі, якія пакуль што застаюцца ў РБ.

💛 Падтрымаць Маўшукоў можна праз збор BySOL:
https://bysol.org/be/private/movshuk_family/

☝️ Сітуацыю з правамі чалавека ў Беларусі ацанілі ў 2,4 бала з 10

Беларускі Хельсінкскі камітэт апублікаваў Нацыянальны індэкс правоў чалавека ў Беларусі па выніках 2025 года.
Агульная ацэнка засталася на ўзроўні мінулага года — 2,4 бала з 10. Аднак эксперты адзначаюць: гэта не сведчыць пра паляпшэнне або стабілізацыю сітуацыі. Хутчэй, паказчык наблізіўся да мінімальнай мяжы.

Эксперты адзначаюць далейшае звужэнне магчымасцяў для рэалізацыі базавых правоў і ўзмацненне рэпрэсіўных практык.

У 2025 годзе пагоршылася сітуацыя з: правам на жыццё; свабодай думкі, сумлення і веравызнання; правам на адукацыю; сацыяльным забеспячэннем; удзелам у культурным жыцці.

Найбольшае падзенне зафіксавалі ў сферы культурных правоў. Таксама эксперты адзначылі сістэмнае пагаршэнне права на адукацыю — змяненні закранулі ўсе пяць ацэньваемых кампанентаў.

Пры гэтым, нават там, дзе выніковыя ацэнкі фармальна не змяніліся, амаль 100 з 290 паказчыкаў мелі адмоўную дынаміку.

✝️ Святара грэка-каталіцкай царквы асудзілі. Відаць, па "справе Гаюна"

Берасцейскі абласны суд вынес прысуд Віталю Быстрову. Сёння яго дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

✝️ Як высветліла Наша Ніва, гаворка пра святара родам з Камянца (Берасцейская вобласць). Ён шмат гадоў служыў у парафіі ў Івацэвічах, але летась парафію пазбавілі рэгістрацыі. Пасля гэтага, па інфармацыі журналістаў, Быстрова затрымалі і змяшчалі ў СІЗА.

✝️ Са спісу "экстрэмістаў" вынікае, што Быстрову закідвалі "садзейнічанне экстрэмісцкай дзейнасці" (апошнім часам па такім артыкуле судзяць за перадачу інфармацыі ў "Беларускі Гаюн").

МУС у спісе адзначыў, што ў мужчыны "асуджанасць непагашаная". Гэта зазвычай азначае, што прысудзілі "дамашнюю хімію".