Қорақалпоғистон Республикаси ва Хоразм вилоятидан 3 та жамоа Тошкент шаҳри томон билимлар жангида беллашиш учун йўлга тушишди. Сафарлари бехатар бўлсин, илоҳим.

Финалда иштирок этадиган барча жамоалар диққатига!

Финал ўйини эртага соат 9:00 да "Жозиба" ресторанида (Олмазор тумани, Сағбон кўчаси) бўлиб ўтади.

Барча жамоалар ушбу вақтдан кечикмасдан келишлари лозим.

Агар Тошкент шаҳри жамоалари таркиби ўзгарган бўлса, унда албатта ўзлари билан жамоа аъзоларининг тасдиқланган рўйхатини (ректор ёки проректор томонидан) олиб келишлари лозим. Ҳудудлардан келувчи жамоаларнинг бундай таркиби аллақачон олинган.

"Жозиба" ресторанига қуйидаги манзил орқали борилади:

https://goo.gl/maps/B4MPZwxUopD2

Ҳудудлардан барча 9 та жамоалар Тошкент шаҳрига етиб келишди ва "Роҳат" меҳмонхонасига жойлашишди. Уларга яхши дам олишларини тилаб қоламиз. Эртанги жангда барчага омад тилаймиз!

«Заковат» бўйича «Талабалар кубоги-2018»нинг ФИНАЛ босқичига старт берилди. Ҳудудий босқичларда ғолиб бўлган 15та ОТМ жамоаси чемпионлик учун курашмоқда. Бугун ким Италияга бориши маълум бўлади.

Финал босқичининг 2-туридан кейинги вазият. Олдинда ҳал қилувчи 3-тур турибди. Барчага омад тилаймиз.

Чемпион аниқланди

«Заковат» бўйича «Талабалар кубоги-2018» турнирининг республика босқичи ўз якунига етди. Ўта қизғин курашларга бой ўтган турнирда қуйидаги ОТМлар жамоаси кучли учликни банд қилишди:

1-ўрин: Тошкент педиатрия тиббиёт институти
2-ўрин: Жаҳон иқтисодиёти ва дипломатия университети
3-ўрин: Тошкент тиббиёт академияси

Энг қизиғи чемпион бўлган Тошкент педиатрия тиббиёт институти жамоаси саралаш босқичида 6-ўринни эгаллаб, финалга чиққан 15 та жамоа ўртасида энг ёмон натижа кўрсатган эди. Лекин омад бугун улар томонда бўлди.

Энди келгуси ҳафтада ТПТИ жамоаси «Заковат» кўрсатувининг махсус сонида иштирок этади. Келгуси йилнинг биринчи ярмида эса Италиянинг Турин шаҳрида бўладиган ўқув семинарида қатнашади.

Барча ғолибларни чин қалбдан табриклаймиз.

Шу билан илк маротаба ташкил этилган ва 80та олий таълим муассасаси қатнашган «Талабалар кубоги» турнири ўз ниҳоясига етди.

Фурсатдан фойдаланиб, Ўзбекистондаги энг йирик интеллектуал турнирни ташкил этган Ўзбекистон касаба уюшмалари Федерациясига, Халқаро меҳнат ташкилотига ҳамда Олий ва ўрта махсус таълим вазирлигига «Заковат» клуби номидан миннатдорлик билдирамиз.

Умид қиламизки, бу охиргиси эмас, ҳали яна бу каби тадбирлар кўп маротаба ташкил этилади.

Финал ўйинининг якуний натижаси. ТошПТИ 1-турда атиги 4 очко топганди. Лекин 2-турда уларнинг роса "кетмони учди".

Яна бир қизиқ томони Тошкентнинг барча 6та жамоаси 1-6 ўринларни эгаллашди.

Эсдалик учун. «Талабалар кубоги» финали. 16.11.2018.

Toshkent pediatriya tibbiyot instituti jamoasi “Zakovat” intellektual shousining "Talabalar kubogi-2018" turniri g‘olibi bo‘ldi

⭕️Batafsil: https://bit.ly/2TlTWTe

Talabalar o'rtasida "Zakovat" kubogi o'tkazildi. "Mehnat huquqlari" mavzulari bo'yicha eng kuchli "zakovatchilar" aniqlandi

t.me/hudud_my5

“Заковат” кубоги финалидан фоторепортаж

📷 https://turon24.uz/sections/reports/tz0jfoesh7eq-zakowat-kubogi-finalidan-fotoreportazh

«Талабалар кубоги» турнирида ўйналган саволларни ушбу каналда ҳам бериб борилишини истайсизми?

Талаб ва истакларни инобатга олиб, бугундан бошлаб ушбу каналда «Талабалар кубоги» турнирида ўйналган саволлар бериб борилади.

Саволлар берилгунга қадар фотосуратларга муҳрларган ФИНАЛдаги айрим лаҳзалар билан ўртоқлашмоқчимиз.

"Эҳ, нималар қилиб қўйдинг, Нортой" деган жойидан 😂

802-савол:
Ўзбекистон Республикаси Меҳнат кодексининг 154-моддасига биноан, ҳар бир ходим бажарган иши учун белгиланган иш ҳақи олиши кафолатлаб қўйилган. Қилган меҳнати учун ойлик олмайдиган ходимлар деярли учрамаса керак. Буни қарангки, Британия музейида 6 нафар ана шундай ходим бор экан. Улар ҳеч қачон маош олишмайди, лекин доим қорни тўқ ва мамнун ҳолда юришади. Ушбу ходимларнинг асосий вазифаси музей экспонатларини УЛАРдан ҳимоя қилиш. Диққат савол, нималардан ҳимоя қилишини 1 дақиқадан кейин ёзиб беринг.

Энг қизиқ мантиқий саволлар
👉 @zakovat - "Заковат" интеллектуал клубининг расмий каналида

802-савол:
Ўзбекистон Республикаси Меҳнат кодексининг 154-моддасига биноан, ҳар бир ходим бажарган иши учун белгиланган иш ҳақи олиши кафолатлаб қўйилган. Қилган меҳнати учун ойлик олмайдиган ходимлар деярли учрамаса керак. Буни қарангки, Британия музейида 6 нафар ана шундай ходим бор экан. Улар ҳеч қачон маош олишмайди, лекин доим қорни тўқ ва мамнун ҳолда юришади. Ушбу ходимларнинг асосий вазифаси музей экспонатларини УЛАРдан ҳимоя қилиш. Диққат савол, нималардан ҳимоя қилишини 1 дақиқадан кейин ёзиб беринг.

☝️ Жавоб: сичқон ёки каламушлар
Изоҳ: Британия музейида 6 нафар мушуклар расман ишлашади.

Энг қизиқ мантиқий саволлар
👉 @zakovat - "Заковат" интеллектуал клубининг расмий каналида

803-савол:
Брунейда бу мақсадда асосан пластик хомашёдан фойдаланишади. 1917 йилдан 1924 йилгача Хивада ипакдан яратилган нусхалар ҳозирда коллекционерлар тарафидан юқори баҳоланади. Унинг қадимги расмий варианти Хитойда мил. авв. 812 йилга тўғри келган. Энг каттаси эса, Венгрияда, 1946 йили яратилган бўлиб, адопенгё деб номланган. Диққат савол, гап нима ҳақида кетмоқда?

Энг қизиқ мантиқий саволлар
👉 @zakovat - "Заковат" интеллектуал клубининг расмий каналида