👨🏻‍⚖ Sudyalar va sud xodimlari “Zakovat”da kuch sinashdi!

🏆 25-iyul - Sudyalar va sud apparati xodimlari farovonligi xalqaro kuni munosabati bilan Oliy sud va viloyat sudlarining jamoalari o‘rtasida “Zakovat” o‘yini bo‘lib o‘tdi.

🎤 Tadbirda O‘zbekiston Respublikasi Prezidenti Administratsiyasi rahbarining sud tizimini isloh qilish bo‘yicha o‘rinbosari N.Xakimova, Oliy sud raisi R.Maxmudova hamda Sudyalar oliy kengashi raisi X.Yodgorov ishtirok etib, sudyalar va sud apparati xodimlarini bayram bilan tabriklab, ularning salomatligi, ruhiy xotirjamligi hamda munosib mehnat sharoitlariga ega bo‘lishi davlatimiz rahbarining e’tiborida ekanligini alohida ta’kidladilar.

✅ Viloyat bosqichidan muvaffaqiyatli o‘tib kelgan ishtirokchilar respublika bosqichi o‘yinida qizg‘in bellashuv olib bordi.

🏅Bilim va mantiqiy fikrlash bahsida quyidagi jamoalar sovrinli o‘rinlarni qo‘lga kiritdi:

🥇1-o‘rin: Qoraqalpog‘iston Respublikasining “Aral” jamoasi;
🥈2-o‘rin: Navoiy viloyatining “Turkiston” jamoasi;
🥈3-o‘rin: Namangan viloyatining “Triumf” jamoasi.

🎁 Mazkur jamoalar a’zolariga tashkilotchilarning qimmatbaho sovg‘alari topshirildi.

Telegram I Facebook I Instagram I YouTube I TikTok