🇰🇷 Janubiy Koreyadagi yurtdoshlarimiz o‘rtasida "Zakovat" musobaqasi o‘tkazildi

🏆 "Zakovat" endi Janubiy Koreyadagi vatandoshlarimizni birlashtirdi! Ushbu mamlakatda yashab, tahsil olayotgan o‘zbekistonlik yoshlar o‘rtasida "Zakovat" o‘yini tashkil etildi.

🤝 Musobaqa Tashqi ishlar vazirligi, O‘zbekistonning Janubiy Koreyadagi elchixonasi, “Vatandoshlar” jamoat fondi hamda “Zakovat” klubi hamkorligida o‘tkazildi.

🎤 Kyongbuk universitetida yig‘ilgan vatandoshlarimiz ko‘plab qiziqarli mantiqiy savollar bilan o‘zlarining bilim va mantiqiy fikrlash ko‘nikmalarini sinovdan o‘tkazdi. O‘yin “Zakovat” klubi prezidenti, O‘zbekistonda xizmat ko‘rsatgan yoshlar murabbiysi Abdurasul Abdullayev tomonidan olib borildi.

🎁 O‘yin yakunida g‘olib bo‘lgan jamoa a’zolari tashkilotchilar tomonidan esdalik sovg‘alari bilan taqdirlandi.

Telegram I Facebook I Instagram I YouTube I TikTok

📹 Vazirlik va idoralar o‘rtasida o‘tkazilgan Mustaqillik kubogidan videorolik

Telegram I Facebook I Instagram I YouTube I TikTok

🍁 Kuzgi mavsumga oz qoldi!

🔜 Tez kunlarda “Zakovat” teleo‘yinining kuzgi mavsumi boshlanadi!

Ko‘rsatuv homiysi - 📗“Agrobank” aksiyadorlik tijorat banki.

Texnologik hamkor - 🔥 “Yandex Uzbekistan”.

Telegram I Facebook I Instagram I YouTube I TikTok

Oliy ta’lim tashkilotlari talabalari o‘rtasida Intellektual olimpiadani o‘tkazish tartibi to‘g‘risidagi nizom

Ushbu nizom bilan musobaqaga quyidagi asosiy o‘zgartirishlar kiritilmoqda:

1️⃣ Oʻyin formatiga koʻra Shaxsiy oʻyin bilan oʻxshashligi sababli Erudit-kvartet oʻyini Intellektual olimpiada dasturidan chiqarib tashlanmoqda.

2️⃣ Hozirgi zamonaviy dunyoda yoshlarning sun’iy intellekt yechimlaridan to‘g‘ri yo‘nalishda foydalanishlarini ta’minlash va yoshlarning g‘oyalarini jamiyatdagi turli muammolarni hal qilishda rag‘batlantirish yo‘li orqali yuzaga chiqarish maqsadida Intellektual olimpiada dasturiga yangi yoʻnalish - sun’iy intellekt bo‘yicha “Zakovat Xakaton” musobaqasi qo‘shilmoqda.

3️⃣ Yangi bilimdonlarni kashf qilish, oliy ta’lim tashkilotlarida intellektual toʻgaraklar faoliyatini rivojlantirish, talabalar orasida bilim boʻyicha seleksiya ishlarini tizimli yoʻlga qoʻyish maqsadida musobaqada ishtirok etish boʻyicha quyidagi qoʻshimcha cheklovlar joriy etilmoqda:

- Intellektual olimpiadada oliy ta’lim tashkilotining ayni paytdagi talabasi boʻlmagan, xususan, akademik taʻtilga chiqqan, belgilangan tartibda kursdan kursga oʻtkazilmagan (kursdan qoldirilgan) yoki ta’lim tashkilotidan chetlashtirilgan (oʻqishdan haydalgan) shaxslarning ishtirok etishiga yoʻl qoʻyilmaydi;
- magistratura bosqichida tahsil olayotgan talabalar turli yillarda oʻtkaziladigan Intellektual olimpiada musobaqalarida magistrant sifatida faqat bir marotaba ishtirok etish huquqiga ega boʻlib, ularning qayta ishtirok etishiga ruxsat berilmaydi;
- Bakalavriat bosqichi talabalari uchun ishtirok etish huquqi turli yillarda oʻtkaziladigan Intellektual olimpiada musobaqalarida har bir oʻquv kursi kesimida bir marotaba bilan cheklanadi. Bunda talaba keyingi kursga oʻtgan taqdirda, navbatdagi kurs doirasida yana bir bor ishtirok etish huquqiga ega hisoblanadi;

Yuqorida nazarda tutilgan ishtirok etish cheklovlari avvalgi yillarda tashkil etilgan Intellektual olimpiadalar doirasida talabalarning ishtirok etganlik holatlari inobatga olingan holda qoʻllaniladi. Ishtirokchilar hisobini yuritish, ularning avvalgi yillardagi ishtirokini aniqlash hamda takroriy qatnashish holatlari oldini olish maqsadida Tashkiliy guruh tomonidan yagona maʻlumotlar reyestri shakllantiriladi. Mazkur reyestr hududiy saralash bosqichidan boshlab yuritiladi hamda keyingi bosqichda ishtirokchilarni tasdiqlashda asosiy axborot manbai sifatida foydalaniladi.

4️⃣ Yangi tartibda “Zakovat”, “Breyn-ring” va “Shaxsiy oʻyin” turnirlarida ishtirok etuvchi oliy taʻlim tashkilotlari “Zakovat” intellektual oʻyini natijalariga koʻra aniqlansa, “Shaxmat”, “Shashka” va “Zakovat Xakaton” turnirlarida ishtirok etuvchi oliy taʻlim tashkilotlari har bir oʻyin turi boʻyicha alohida saralash bosqichi orqali aniqlanadi hamda ushbu yo‘nalishlar bo‘yicha respublika bosqichiga kvotalar kelib tushgan arizalar soniga qarab alohida belgilanadi.

ℹ️ Musobaqani o‘tkazish tartibiga oid boshqa yangiliklar bilan nizomni to‘liq o‘qib chiqib tanishishingiz mumkin.

Telegram I Facebook I Instagram I YouTube I TikTok

👩‍🏫 O‘qituvchilar o‘rtasida “Zakovat” musobaqasi uchun ro‘yxatdan o‘tish boshlandi!

🗓 26-sentabr, shanba kuni soat 10:00 da O‘qituvchilar o‘rtasida “Zakovat” musobaqasining saralash bosqichi o‘tkaziladi!

🏫 Musobaqada O‘zbekiston Respublikasida faoliyat ko‘rsatayotgan umumiy o‘rta va o‘rta maxsus, kasbiy hamda oliy ta’lim tashkilotlari o‘qituvchilaridan tuzilgan jamoalar qatnashishi mumkin.

1️⃣ Musobaqada har bir ta’lim muassasasi nomidan faqat bitta jamoa ishtirok etishi mumkin.

👥 Unda ishtirok etuvchi jamoalar tarkibi 6 nafar asosiy va 1 nafar zaxira ishtirokchidan iborat bo‘ladi. Jamoalar tarkibida 2 nafardan ortiq professional bilimdonlar boʻlishiga ruxsat berilmaydi. Professional bilimdon deganda quyidagi xususiyatlarga to‘g‘ri keladigan bilimdonlar tushuniladi:
- Toshkent shahridagi “Zakovat” intellektual klubi Professional ligasining 2025-yil kuzgi, qishki, 2026-yil bahorgi va yozgi mavsumlaridan biri yoki bir nechtasida ishtirok etgan bilimdon;
- Respublika hududlarida “Zakovat” intellektual klublaridagi Professional ligalarda 2025-yil kuzgi, qishki, 2026-yil bahorgi va yozgi mavsumlardan biri yoki bir nechtasida 1-, 2- va 3-o‘rinni qo‘lga kiritgan jamoalardan birining a’zosi bo‘lgan bilimdon;
- “Zakovat” teleo‘yinining mavsumiy bahslarida (shou o‘yinlar bundan mustasno) 2026-yil yozgi mavsumidan hisoblaganda oxirgi uch yil mobaynida jamoalar tarkibida kamida ikki mavsum ishtirok etgan bilimdon.

2️⃣ Musobaqa quyidagi ikki bosqichda o‘tkaziladi:
- saralash bosqichi
- respublika bosqichi

🔝3️⃣ Har bir hududdagi saralash o‘yinlaridan o‘tgan 3 tadan jamoa Respublika bosqichida ishtirok etadi.

✏ Musobaqada ishtirok etish uchun o‘qituvchilar jamoasi dastlab zakovatklubi.uz saytidan o‘z hududidagi musobaqani tanlab ro‘yxatdan o‘tishi, shuningdek musobaqa nizomiga ilovada keltirilgan ariza namunasini to‘ldirib, ta’lim muassasasi rahbari imzosi hamda tashkilot muhri bilan tasdiqlangan holda ustoz@zakovat.tv elektron pochtasiga 24-sentabr kuni soat 23:59 gacha ariza yuborishlari lozim.

💵 Musobaqaning respublika bosqichida g‘olib bo‘lgan jamoalar quyidagi miqdorda pul mukofotlari bilan taqdirlanadi:

🥇1-o‘rin uchun - 100 mln so‘m
🥈2-o‘rin uchun - 60 mln so‘m
🥉3-o‘rin uchun - 40 mln so‘m

Telegram I Facebook I Instagram I YouTube I TikTok