Chat mavzulari, interaktiv emojilar, guruhlarda oʻqilganlik hisobotlari va jonli efirni yozib olish

Asl eʼlonni ingliz tilida oʻqish
Chat mavzulari, guruhlarda oʻqilganlik hisobotlari, jonli efirni yozib olish va interaktiv emojilar bilan tanishing

Bugungi yangilanish sizga alohida chatlar uchun turli mavzularni tanlash, toʻliq ekran effektiga ega interaktiv emojilar yordamida yaqinlaringizga hissiyotlarni ulashish, kichik guruhlarda oʻqilganlik hisobotlarini koʻrish va jonli efirlardan video va audio yozib olish imkonini beradi.

Chat mavzulari

Telegram chatlaringizni tartiblash va koʻrinishini moslash uchun chat jildlaridan tortib animatsiyali fonlargacha oʻnlab funksiyalarga ega. Bugungi yangilanish istalgan shaxsiy chatda mavzu tanlash imkonini beradi – chatlarni rang asosida tizimlashtirish yoki shunchaki oʻz didingizga moslab bezashingiz mumkin.

Dizaynerlarimiz muayyan chatlarga tatbiq etishingiz mumkin boʻlgan 8 ta yangi mavzu yaratdi. Yangi mavzularning har biri gradiyent xabar pufaklari, chiroyli animatsiyali fonlar va unikal fon naqshlariga ega.

Tanlangan mavzu chatning har ikkala ishtirokchisida va barcha qurilmalarda bir xil koʻrinadi. Sizda qaysi chat ochiqligini tezda aniqlash uchun ish va oilaviy chatlar uchun turli ranglarni berish mumkin.

Chatingizga mavzu tanlash uchun Android qurilmasida chat yuqori panelini bosib, ⋮ > Ranglarni oʻzgartirish rukniga kiring. iOS qurilmasida chat yuqori panelini bosib, ⋯ > Ranglarni oʻzgartirish rukniga kiring. Chatdagi suhbatdoshingiz Telegramning oxirgi versiyasidan foydalanayotgan boʻlsagina mavzuni koʻradi.

Har bir rangli mavzu uchun kunduzgi va tungi versiyalar mavjud. Ular tungi versiyaga oddiy usulda almashtirganda ham, kechasi mavzu avtomatik almashganida ham butun ilova uchun tungi rejim sozlamalaringizga muvofiq almashadi.

Ilk 8 ta mavzu hali boshlanishi – dizaynerlarimiz allaqachon yana boshqalarini qoʻshish ustida ishlamoqda.

Interaktiv emojilar

Biz har bir yangilanishda animatsiyali emojilar qatorini toʻldirib bormoqdamiz, lekin bugungi yangilanish oʻzgacha. Istalgan shaxsiy chatda bitta 🎆 🎉 🎈 👍 💩 yoki ❤️ emojisini yuboring, keyin butun ekran effektini ishga tushirish uchun animatsiyali emojini bosing.

Agar suhbatdoshingizda siz bilan chat ochiq boʻlsa, u emojini bosgan lahzangizda effektlarni koʻradi. Telefon tebranishi ham har ikkala tomon uchun ishlaydi.

Chatdagi suhbatdoshingiz Telegramning oxirgi versiyasidan foydalanayotgan boʻlsagina effektlarni koʻradi.

Bu blogni oʻqiyotganingizda rassomlar boshqa animatsiyali emojilar uchun butun ekran effektlarini ishlashga shoʻngʻib ketishdi.

Kichik guruhlarda oʻqilganlik hisobotlari

Chat mavzulari va interaktiv emojilar ayni paytda faqat shaxsiy chatlarda ishlaydi. Lekin ushbu yangilanishda guruhlar uchun katta oʻzgarish ham oʻrin olgan.

Guruhdagi xabarlar ularni kamida bitta ishtirokchi oʻqiganida “Oʻqilgan” (✓✓) belgisini oladi. Endi kichik guruhlarda qoʻshimcha axborot olish imkoni paydo boʻldi – siz yuborgan xabarni qaysi ishtirokchilar oʻqiganini koʻrish mumkin.

Foydalanuvchilar maxfiyligini himoyalash uchun guruhlarda oʻqilganlik hisobotlari xabar yuborilganidan keyin faqat 7 kun saqlanadi. Telegram nimalarni oʻqiyotganingiz haqidagi axborotni saqlamaydi.

Jonli efir va videolarni yozib olish

Telegram guruh chatlari millionlab odamlar tomonidan foydalanilmoqda – avvalgi yangilanishdan boshlab ularda cheklanmagan sondagi tomoshabinlar bilan videochatlarni oʻtkazish mumkin boʻldi. Endi jonli efir yoki videochat adminlari barcha xohlovchilar yorqin lahzalarni qayta tomosha qilishi yoki real vaqt rejimida oʻtkazib yuborgan hodisani tomosha qilishi uchun nafaqat ovoz, balki videoni ham yozib olishi mumkin.

Adminlar jonli efir yoki videochat menyusidan Video va audio yoki Faqat audio variantlari bilan yozib olishni boshlashi mumkin. Video yozib olish uchun yakuniy video fayli Vertikal yoki Gorizontal ekran holatini tanlang. Yozib olishni yakunlaganingizdan yoki jonli efirni tugatganingizdan keyin fayl Saqlangan xabarlaringizga darhol yuklanadi.

Translatsiya menyusini ochish uchun ⋮ yoki ⋯ belgisini bosing va yozib olishni boshlang. Yozib olinayotganida translatsiya nomi yonida qizil nuqta paydo boʻladi.

Buguncha shular. Biz keyingi yangilanish ustida ishlashga qaytamiz. Tez orada koʻrishguncha!


2021-yil, 19-sentabr
Telegram jamoasi

Boshqa yangiliklar

그룹을 위한 스토리와 8가지 추가 기능

텔레그램은 9가지 새로운 기능으로 그룹 내 대화를 전혀 다른 수준으로 끌어올려 다대다 커뮤니케이션을 재정의합니다. 이제 그룹은 스토리를 게시하고 그들의 프로필 페이지에 게시물로 저장할 수 있습니다. 그룹은 독특한 배경화면과 상태를 설정할 수 있으며, 그룹의 프로필 커버의 색상과 로고 또는 링크 스타일에 이르기까지 가장 세부적인…
29-fev, 2024

저장한 메시지 2.0, 일회용 음성 메시지 및 8가지 추가 기능

1월 동안, 저희는 텔레그램에 10가지 새로운 기능을 추가했습니다 – 업그레이드된 저장한 메시지, 재생 후 삭제되는 일회용 음성 및 영상 메시지, 언제 당신의 메시지가 읽혔는지를 보여주는 상세한 읽음 확인 등 포함하여 더 많은 기능들이 있습니다.
31-yan, 2024

다채로운 전화, 타노스 스냅 효과 및 대규모 봇 업데이트

텔레그램의 2023년 10번째 업데이트는 향상된 전화 기능을 추가하여 성능을 개선하고 배터리 소모를 적게시키는 다채로운 색상의 새로운 디자인 적용, 메시지 삭제시 적용되는 새로운 증발 효과, 그리고 텔레그램 역사상 가장 큰 봇 업데이트 등을 포함하고 있습니다.
31-dek, 2023

채널 외관, 스토리 게시 등

이번 텔레그램 크리스마스 업데이트에서 채널은 배경화면, 이모지 상태 및 프로필 로고를 설정할 수 있고, 사용자는 채널 메시지를 스토리에 재게시할 수 있으며, 텔레그램 프리미엄을 한 번에 여러 사람에게 제공할 수 있으며, 경품 행사에 추가 상품을 포함할 수 있습니다.
23-dek, 2023