Платформа эмодзі Telegram, карыстальніцкія наборы эмодзі, Telegram Premium як падарунак і шмат чаго яшчэ

Чытаць арыгінальны допіс па-англійску
Карыстальніцкія наборы эмодзі, Telegram Premium як падарунак і шмат чаго яшчэ

Гэтым летам Telegram мінуў адзнаку у 700 мільёнаў актыўных карыстальнікаў і дадаў Premium Telegram Premium – спецыяльную падпіску, якая дазваляе падтрымаць распрацоўку Telegram і атрымаць доступ да эксклюзіўных дадатковых магчымасцей.

Сённяшняе абнаўленне дадае платформу эмодзі Telegram, анімаваныя эмодзі ў паведамленнях і подпісах да медыяфайлаў, карыстальніцкія наборы эмодзі, магчымасць падарыць Telegram Premium, новую наладу прыватнасці для галасавых паведамленняў – і гэта не ўсё!

Premium Карыстальніцкія анімаваныя эмодзі

Сёння мы запускаем адкрытую платформу эмодзі, на якой кожны можа стварыць і загрузіць уласны набор з унікальным стылем і персанажамі для карыстальнікаў Premium.

Новыя анімаваныя эмодзі можна дадаваць у тэкст паведамленняў і подпісы да файлаў, тым самым напаўняючы вашы чаты яскравымі эмоцыямі. Карыстальнікі Premium адразу атрымліваюць 10 набораў эмодзі, у якіх ёсць больш за 500 эксклюзіўных эмодзі — і ў будучыні іх будзе больш.

Калі вы пачняце пісаць паведамленне, Stickers кнопка стыкераў ператворыцца ў Emoji кнопку эмодзі, праз якую можна адкрыць новую панэль эмодзі – каб вы маглі хутка прагледзець вашы наборы эмодзі або дадаць новыя.

Усе карыстальнікі — з падпіскай Premium або без – будуць бачыць любы анімаваны эмодзі. Таксама кожны можа ужываць усе анімаваныя эмодзі абсалютна бясплатна ў сваім чаце «Захаванае», каб праверыць іх або аздобіць свае нататкі і напаміны.

Усе наборы падтрымліваюць прапановы — проста ўвядзіце скарачэнне накшталт :усмешка або :ахах, каб убачыць вынікі з усёй бібліятэкі вашых эмодзі. А калі вы ўведзяце статычны эмодзі, то таксама атрымаеце прапановы, якімі анімаванымі яго можна замяніць.

Дадатковыя інтэрактыўныя эмодзі

Многія папулярныя карыстальніцкія эмодзі таксама зроблены інтэрактыўнымі, то-бок калі вы адправіце іх у асабісты чат, то вы і ваш суразмовец могуць націснуць на іх, каб прайграць сінхранізаваны поўнаэкранны эфект.

Паспрабуйце іх са звычайнымі эмодзі 😂😍😁😱❤️👍🎉 і незвычайнымі, накшталт 💸🔥👻.

Новая панэль стыкераў, анімацый і эмодзі для iOS

Мы зрабілі новы дызайн для панэлі стыкераў на iOS, з асобнымі ўкладкамі для стыкераў, анімацый і эмодзі – як гэта зроблена ў праграмах для Android, камп'ютараў, а таксама ў вэб-версіях.

Ва ўсіх праграмах укладка з анімацыямі мае тысячы высакаякасных анімацый з вашых любімых фільмаў і шоу – дзякуючы ўдзельнікам нашага нядаўняга конкурсу.

Premium Налады прыватнасці для галасавых паведамленняў

Карыстальнікі Premium атрымліваюць новую наладу, якая дазваляе ім вызначаць, хто можа адпраўляць ім галасавыя і відэапаведамленніУсе, Мае кантакты, або Ніхто.

Налады прыватнасці для відэа- і галасавых паведамленняў

Як і ў іншых наладах прыватнасці, тут таксама можна дадаваць выключэнні, каб асобныя карыстальнікі або групы карыстальнікаў ніколі або заўсёды мелі дазвол на адпраўку вам такіх паведамленняў.

А нават калі нехта з вашага спісу Заўсёды дазваляць злоўжыў гэтым вашым дазволам і адправіў галасавое паведамленне ў вельмі нязручны час, то вы можаце сканвертаваць яго ў тэкст.

Каб змяніць гэтую наладу, перайдзіце ў Налады > Прыватнасць і бяспека > Галасавыя паведамленні.

Premium Telegram Premium як падарунак

Калі вы ўжо падпісаліся на Telegram Premium, то цяпер вы можаце адкрыць цудоўны гэты цудоўны свет для сваіх сяброў, сваякоў і калег, адпраўляючы ім аплачаную падпіску на 3, 6 або 12 месяцаў – са скідкай.

Адкрыйце профіль карыстальніка і націсніце Menu iOS або Menu Android, а пасля выберыце Падарыць Premium. Падораная падпіска адразу прыйдзе карыстальніку як спецыяльнае паведамленне – з анімаванай каробкай для падарунка.

Калі вы карыстаецеся праграмай Telegram для камп'ютараў або спампавалі праграму для Android напрамую з нашага сайта, то вы можаце скарыстацца дапамогай бота @PremiumBot, каб падпісацца на Telegram Premium або падарыць падпіску.

Частыя пытанні цяпер маюць асобны раздзел для Telegram Premium – там вы даведаецеся, як кіраваць сваёй падпіскай, якія магчымасці яна прапануе і чаму ад яе такія цёплыя і прыемныя пачуцці.

Новыя інтэрактыўныя эмодзі

Дадаванне новых інтэрактыўных эмодзі з поўнаэкраннымі эфектамі стала добрай традыцыяй для кожнага абнаўлення, таму сёння мы дадаём 🍌🤨⚡️💔🏆😐. Адпраўце любы з гэтых эмодзі ў асабісты чат, каб атрымаць вялікі анімаваны эмодзі, які прайграе спецыяльны эфект, калі на яго націснуць:

Гэтыя эмодзі таксама даступныя як рэакцыі – пакуль што толькі для падпісчыкаў Premium.

Любы карыстальнік можа карыстацца эксклюзіўнай рэакцыяй на паведамленне, калі папярэдне на яго ім адрэагаваў падпісчык Premium.

На сёння ўсё. Хай лета цешыць вас, а мы пакуль вернемся назад у свае падземныя сутарэнні – там няма спёкі, а новае абнаўленне ўжо пакрысе падрастае.


12 жніўня, 2022
Каманда Telegram

Іншыя навіны

استوری‌های گروه و ۸ قابلیت دیگر

تلگرام، با ۹ قابلیت جدید، مکالمات درون گروه‌ها را وارد مرحله جدیدی می‌کند و معنای ارتباط چند به چند را تغییر می‌دهد. از این پس، گروه‌ها می‌توانند استوری منتشر کنند و آن‌ها را به عنوان…
29 Лют, 2024

پیام‌های ذخیره شده 2.0، پیام‌های صوتی یک بار پخش‌شونده و ۸ قابلیت دیگر

۱۰ قابلیت جدید به تلگرام اضافه کردیم که شامل پیام‌های ذخیره شده‌ی ارتقا یافته، پیام‌های صوتی و ویدیویی یک بار مصرف که پس از پخش حذف می‌شوند،…
31 Сту, 2024

تماس‌های ارتقا یافته، جلوه‌ی تانوس و ربات‌های بهتر

در دهمین به‌روزرسانی سال ۲۰۲۳، تماس‌ها با افزایش عملکرد و کاهش میزان مصرف باتری بهبود یافته، جلوه‌ی جدیدی برای حذف پیام‌ها و چندین مورد…
31 Сне, 2023

ظاهر کانال، پست در استوری و موارد دیگر

در به‌روزرسانی کریسمس تلگرام، قابلیت تنظیم پس‌زمینه، اموجی وضعیت و لوگوی پروفایل برای کانال‌ها نیز فعال شده، کاربران می‌توانند پست‌های کانال‌ها را در استوری بازنشر کرده و امکان هدیه…
23 Сне, 2023