Quvvat tejash rejimi va boshqalar

Asl eʼlonni ingliz tilida oʻqish
Quvvat tejash rejimi va boshqalar

Bu yangilanishda yangi quvvat tejash rejimi, kuchsizroq Android qurilmalari uchun Telegramni optimallash, yanada koʻproq ijro tezligi variantlari va boshqalar taqdim etiladi.

Quvvat tejash rejimi

Telegramning chiroyli animatsiyalari va yengil hajmli effektlari istalgan telefonni kuchli qilish uchun optimallangan, lekin endi ularni batareya xizmat muddatini uzaytirish va unumdorlikni oshirish uchun faolsizlantirish mumkin.

Quvvat tejash rejimini endi batareya maʼlum foizga yetganida muayyan effektlarni faolsizlantirish imkonini beradigan alohida sozlamalar bilan avtomatik yoqiladigan qilib sozlash mumkin.

iOS foydalanuvchilari ham fondagi yangilanishlarni cheklash uchun quvvatni tejash sozlamalaridan foydalanishi mumkin. Lekin buni bajarishni maslahat bermaymiz, chunki ekranda “Yangilanmoqda…” yozuvi ancha koʻproq chiqadi.

Android uchun biz Telegram qanchalik yaxshi ishlashishini koʻrish maqsadida 200 dan ortiq qurilmani qoʻlda sinadik va barcha foydalanuvchilar eng yaxshi taassurot olishini taʼminlash uchun birlamchi sozlamalarni optimalladik.

Sozlamalar > Quvvat tejash ruknida Quvvat tejash rejimini yoki avtomatik ijro, animatsiyalar va effektlar uchun alohida sozlamalarni yoqish yoki faolsizlantirishingiz mumkin.

Ijro tezligi sozlamalari

Telegram foydalanuvchilari bir necha yildan buyon videolar, podkastlar, ovozli va video xabarlar uchun ijro tezligini oʻzgartirishi mumkin. Endi ilovada 0,2x dan 2,5x gacha istalgan ijro tezligini belgilashingiz mumkin – buning uchun 2x tugmasini bosib turish va kerakli tezlikni tanlash kifoya.

Videolar ijro tezligini oʻzgartirish uchun Menu Android yoki Menu iOS belgisini bosing, keyin “Ijro tezligi” bandini bosing va slayderni harakatlantiring.

Kichik guruhlarda xabarni oʻqish vaqti

Kichik jamoalarda hamkorlikni qulaylashtirish uchun 100 tadan kam aʼzoga ega guruhlarda endi xabaringiz har bir kishi tomonidan qachon oʻqilganini koʻrishingiz mumkin.

Taklif havolalarini avtomatik yuborish

Telegram foydalanuvchilari ularni kimlar guruhlarga qoʻshishiga ruxsat berishini boshqarishi mumkin. Agar buni cheklagan kimnidir taklif qilayotgan boʻlsangiz, endi ularga darhol taklif havolasini xabar sifatida yuborishingiz mumkin.

Endi chatlarda taklif havolalari qayerga yoʻnaltirishini koʻrish uchun ularga razm solishingiz mumkin.

Kimlar sizni bevosita guruhlarga qoʻsha olishini boshqarish uchun Sozlamalar > Maxfiylik va xavfsizlik > Guruhlar va kanallar rukniga kiring.

Stiker toʻplamlari uchun dinamik tartib

Avvalgi yangilanishdan boshlab yaqinda ishlatilgan stiker toʻplamlari oson kirish uchun panelning yuqori qismiga oʻtadigan boʻldi. Agar toʻplamlaringiz turgan joyida qolishini xohlasangiz, stikerlar panelida gear belgisini bosing va Dinamik toʻplamlar tartibi bandini faolsizlantiring.

Bot tavsiflari uchun tarjima

Bot foydalanuvchilari endi bot tavsiflarini va “Bu bot nimalar qila oladi?” boʻlimlarini bir nechta tilga tarjima qilish orqali botlarini toʻliq tarjima qilishi mumkin.

iOS uchun ilovada yaxshilangan jildlar

iOS foydalanuvchilari bitta bosish bilan jilddagi barcha xabarlarni oʻqilgan deb belgilashi mumkin. Xabarlarni uzatayotganda jildlardan toʻgʻri chatni tezda topish uchun foydalanish mumkin. Bu yaxshilanishlar keyingi yangilanishlarda Android ilovasi uchun ham taqdim etiladi.

Yangi animatsiyali emojilar

Telegram Premium foydalanuvchilari uchun maxsus emojilarning oʻnta yangi toʻplami tayyormi? Boshqacha boʻlishi mumkin emas.

Yangi interaktiv emoji va reaksiyalar

Animatorlarimiz 👾😡😎 🤷‍♀️🤷🤷‍♂️ emojilarining interaktiv versiyalarini qoʻshdi. Yakkama-yakka chatlarda ulardan istalgan birini yuboring, siz va suhbatdoshingiz uchun butun ekran effektini ishga tushirish uchun uning ustiga bosing. Istalgan kishi ushbu emojilardan reaksiyalar sifatida ham foydalanishi mumkin.

Koʻplab tuzatish va yaxshilanishlar

Faqat hech narsa qilmaydiganlar xatoliklardan sugʻurtalangan, asosiysi – ularni oʻz vaqtida bartaraf qilishdir. Bu safar Telegram dasturchilari yangi funksiyalarni joriy qilishni ikki haftaga kechiktirdi va turli platformalar uchun Telegram ilovalaridagi 400 dan ortiq maʼlum xatoliklarni bartaraf qilishga eʼtibor qaratdi.

Biz keyingi yangilanish ustida ishlayotganimizda istalgan kishi bugs.telegram.org manzili orqali jamoamizga muammolarni xabar berishi va suggestions.telegram.org manzili orqali takliflar bildirishi mumkin.

Unutmang, platforma arizalarni faqat ingliz tilida qabul qiladi. Muammo va takliflaringizni Sozlamalar > Savol berish rukni orqali oʻzbek tilini biluvchi koʻngillilarimizga yuborishingiz ham mumkin.


2023-yil 8-mart
Telegram jamoasi

Boshqa yangiliklar

Історії для груп і ще 8 нововведень

Telegram виводить спілкування в групах на новий рівень завдяки 9 можливостям, які вдосконалюють досвід комунікації. Тепер групи мають змогу публікувати історії та зберігати їх як публікації…
29-fev, 2024

Збережене 2.0, одноразові голосові повідомлення та ще 8 можливостей

Протягом січня Telegram отримав 10 нових можливостей, зокрема оновлений чат «Збережене», одноразові голосові та відеоповідомлення, які…
31-yan, 2024

Вдосконалені дзвінки, ефект «Клацу Таноса» та епічне оновлення ботів

У 10-му оновленні 2023 року Telegram додає вдосконалені дзвінки в новому кольоровому дизайні, що використовує менше заряду акумулятора…
31-dek, 2023

Зовнішній вигляд каналу, дописи в історіях та інші вдосконалення

У різдвяному оновленні канали можуть встановлювати шпалери, емоджі-статуси та фонові іконки профілю, користувачі можуть поширювати повідомлення…
23-dek, 2023