Telegram Yulduzlar: raqamli mahsulotlar va boshqalar uchun toʻlov

Har oy 400 milliondan ortiq foydalanuvchi Telegramda botlar va mini ilovalar bilan munosabatga kirishib, mahsulotlar sotib oladi, xizmatlardan foydalanadi, oʻyinlar oʻynaydi va boshqa imkoniyatlardan foydalanadi. Bugungi yangilanish bilan botlar va mini ilovalar raqamli mahsulotlar va xizmatlarni sotishi mumkin.

Raqamli mahsulotlar va xizmatlar

Yillar davomida bizneslar Telegram orqali botlar va mini ilovalar yordamida jismoniy mahsulotlarni sotish va dunyo boʻylab toʻlovlarni qabul qilish imkoniyatiga ega boʻldi. Bu oy biz Botlar yaratish platformasini yangiladik. Endi u raqamli mahsulotlar uchun toʻlovlarni ham qoʻllab-quvvatlaydi.

Telegram Yulduzlar

Telegram ekotizimi boʻylab raqamli mahsulotlar va xizmatlarga toʻlov qilish imkonini berish uchun biz Telegram Yulduzlarni ishga tushiryapmiz. Yulduzlarni Apple va Google orqali ilova ichidagi xaridlar yoki PremiumBot orqali xarid qilib, ularni botlar tomonidan taklif etiladigan raqamli mahsulotlar — elektron kitoblar va onlayn kurslardan tortib Telegram oʻyinlaridagi buyumlargacha sarflash mumkin.

Yuluzlar bilan toʻlovlarni @DurgerKingBot orqali sinashingiz mumkin. Bunda u maxsus tort (hatto tort yolgʻon boʻlsa ham, u pullarni qaytaradi) taklif qiladi.

Ilovalar doʻkonlari bilan integratsiya

Telegram Yulduzlar Apple va Google kompaniyalarining raqamli mahsulotlar savdosiga oid oxirgi siyosatlariga mos keladi hamda Telegram ekotizimidagi dasturchilar va ularning foydalanuvchilariga mobil ilovalar doʻkonlarida ilova ichidagi xaridlar imkoniyatidan misli koʻrilmagan darajada foydalanish imkonini beradi.

Tez orada dasturchilar oʻz botlari orqali ishlangan yulduzlarni Toncoinda Fragment orqali yechib olishi mumkin boʻladi.

Oʻzgarishlar jismoniy mahsulotlar va xizmatlariga taalluqli emas — ularni avvalgidek qoʻllab-quvvatlanadigan toʻlov provayderlaridan biri yordamida xarid qilish mumkin boʻladi. Dasturchilar raqamli mahsulotlar uchun oʻzgarishlar haqidagi batafsil axborotni ushbu sahifada oʻqishi mumkin.

Raqamli mahsulotlar va xizmatlar uchun tezkor, foydalanuvchilar uchun qulay toʻlovlar bilan bot va mini ilovalar platformasi yangi turdagi bizneslarga Telegram ichida 900 milliondan ortiq ehtimoliy mijozlarni qamrab olish imkoninini beradi.

Botlarda xarid qilishdan-da koʻproq

Bu Telegram Yulduzlar uchun shunchaki boshlanishi. Kelajakdagi yangilanishlarda Yulduzlar uchun kontent mualliflariga hadyalar va boshqa shu kabi qoʻshimcha funksiyalar va xususiyatlar taqdim etiladi.

Yulduzlar haqida batafsil axborot olish uchun bosh direktorimiz kanalidagi post, yangilangan Dasturchilar uchun Xizmat shartlari va Yulduzlarda toʻlovlar boʻyicha batafsil qoʻllanma bilan tanishing.

2024-yil 6-iyun,
Telegram jamoasi