SIM kartasiz hisob ochish, global avtomatik oʻchirish, mavzular 2.0 va boshqalar

Asl eʼlonni ingliz tilida oʻqish
SIM kartasiz hisob ochish, global avtomatik oʻchirish, mavzular 2.0 va boshqalar

Bugundan boshlab SIM kartasiz Telegram hisobi ochishingiz va barcha yangi chatlardagi xabarlarni avtomatik oʻchirish uchun global taymer sozlashingiz mumkin. Guruhlardagi mavzular endi yanada kuchli va undan 100 dan ortiq aʼzoga ega guruhlar ham foydalanishi mumkin.

SIM kartasiz hisob ochish

Telegramda telefon raqamingiz hech qachon begonalarga koʻrinmagan: foydalanuvchilarimiz telefon raqamini kimlar koʻrishi mumkinligi va boshqalar ularni telefon raqami orqali topish yoki topa olmasligini boshqarishi mumkin.

Bugun maxfiylikning yangi davri boshlanadi. Siz Fragment platformasida mavjud boʻlgan blokcheyn asosidagi anonim raqamlar yordamida SIM kartasiz Telegram hisobiga ega boʻlishingiz va hisobga kirishingiz mumkin.

Global avtomatik oʻchirish taymeri

Telegram 2013-yilda oʻchib ketuvchi xabarlarni tanishtirgan edi. Foydalanuvchilar istalgan yuborgan va qabul qilgan xabarini har ikkala tomondan izsiz oʻchirib tashlashi mumkin. Ular muayyan vaqtdan keyin alohida chatlarni tozalash uchun avtomatik oʻchirish taymerlarini ham sozlashi mumkin.

Bugun raqamli izingizni nazorat qilishingizni kelajakka kengaytirmoqdamiz. Endi barcha yangi chatlarda xabarlarni avtomatik olib tashlash uchun global avtomatik taymer sozlashingiz mumkin.

Bu mavjud chatlarga taʼsir qilmaydi, lekin Sozlamalar > Maxfiylik va xavfsizlik > Xabarlarni avtomatik oʻchirish ruknidagi yangi menyudan ularning istalganiga avtomatik oʻchirish sozlamalaringizni oson tatbiq qilishingiz mumkin.

Taymer barcha foydalanuvchilar bilan kim boshlaganidan qatʼi nazar barcha yangi chatlaringizga va siz yaratadigan barcha yangi guruhlarga avtomatik tatbiq qilinadi.

Shuningdek, kichik maxfiy guruhlarda avtomatik oʻchirish funksiyasini sozlash osonlashtirildi: taymerni endi guruh nomi va rasmini oʻzgartirishga ruxsat berilgan istalgan aʼzo oʻzgartirishi mumkin.

Maksimal maxfiylik

Telegramning xabarlarni barcha ishtirokchilar uchun izsiz olib tashlash, mavjud va kelgusi chatlarni avtomatik oʻchirish taymeri bilan oʻchirishning unikal birlashmasi butun xabarlar tarixingiz ustidan toʻliq egalik qilish imkonini beradi. U hisobingizdan SIM kartasiz foydalanish bilan birga maksimal maxfiylik taqdim etadi.

Mavzular 2.0

Avvalgi yangilanishimiz katta guruhlar adminlariga klassik internet forumlarini oxirgi xabarlashuv texnologiyalari bilan birlashtirgan holda muhokamalarni mavzularga tartiblash imkoniyatini taqdim etgan edi. Bugun mavzular yanada kuchli imkoniyatlarga ega boʻldi va endi ulardan 100 ta yoki undan ortiq aʼzoga ega guruhlar foydalanishi mumkin.

Mavzuli guruhlar qulay ikki ustunli rejimda ochiladi, shuning uchun boshqa chatlaringizga avvalgidek tez kirishingiz mumkin. Bevosita chatlaringiz roʻyxatidan oxirgi mavzuga almashtirish uchun shunchaki razm solish oynasidagi yangi tugmani bosing.

Guruhlar endi Umumiy deb nomlanuvchi birlamchi mavzuga ega. Unda guruhning xizmat xabarlari va mavzularga oʻtishdan oldingi xabarlar tarixi saqlanadi. Bu mavzuga eskiroq xabarlarni topish uchun barcha guruh aʼzolari kirishi mumkin, lekin adminlar mavzuni qayta nomlashi yoki asosiy roʻyxatdan berkitishi mumkin.

Barcha oxirgi xabarlarni birdaniga koʻrish uchun “Xabarlar sifatida koʻrish” rejimiga almashtirishingiz mumkin. Chat rejimidagi har bir xabar endi u qayerda joylanganini koʻrsatuvchi tugmaga ega va uni bosib, bevosita ushbu mavzuga kirishingiz mumkin.

Mavzular roʻyxatida harakatlanishingizga yordam berish uchun siz allaqachon kirgan mavzular uchun nishon hisoblagichlari qalinroq ajralib turuvchi rangdan, siz hech qachon ochmaganlari esa ochroq rangdan foydalanadi.

Tuzilma va tartib muxlislari uchun guruhlar endi 5 tagacha qadalgan mavzuga ega boʻlishi mumkin va har bir mavzuda cheklanmagan miqdordagi xabarlarni qadash mumkin.

Guruh egalari guruh sozlamalarida mavzularni yoqishi va Ruxsatlar ruknida kimlarga mavzularni yaratish va boshqarish ruxsati berilishini nazorat qilishi mumkin. Bu ingliz tilidagi ommaviy guruhda barcha foydalanuvchilar mavzularni sinashi mumkin.

Spamga qarshi kuchaytirilgan himoya

Dunyoda eng koʻp yuklab olingan 5 ta ilovadan biri boʻlish spamerlar uchun Telegramni eng koʻp xohlangan 5 ta nishondan biriga ham aylantiradi. Yirik Telegram chatlari baʼzan adminlarga ularni tozalashga yordam berishi uchun tashqi spamga qarshi botlarga suyanadi. Bunday botlar samarali boʻlishi mumkin, chunki ular Telegramning foydalanuvchi maxfiyligiga bo‘lgan sodiqligi bilan cheklanmaydi va o‘rnatilgan spamga qarshi tizimlarimizga qaraganda faolroq boʻla oladi.

Endi 200 dan ortiq aʼzoga ega guruh adminlari yangi Spamga qarshi kuchaytirilgan himoya rejimini yoqish orqali spamerlarga qarshi Telegramning butun kuchini yoʻnaltirishi mumkin.

Guruh adminlari bevosita Oxirgi amallar sahifasidan xato aniqlashlar haqida xabar berishi mumkin. Bu tizimimiz foydalanuvchilar xotirjamligini yanada ishonchli himoyalashi uchun uni takomillashtirishimizga yordam beradi.

Vaqtincha QR kodlar

Ommaviy foydalanuvchi nomiga ega Telegram foydalanuvchilari atrofidagi odamlar bilan bogʻlanish uchun QR kodlarni hosil qilishi mumkin.

Agar foydalanuvchi nomingiz boʻlmasa va barchadan telefon raqamingizni berkitayotgan boʻlsangiz, endi vaqtincha QR kodlar hosil qilishingiz mumkin. Bu kodni skanerlash odamlarga telefon raqamingizni bilmasdan sizni darhol kontakt sifatida qoʻshish imkonini beradi.

iOS uchun ilovada emoji qidirish

Telegram iOS foydalanuvchilari eng mos emojini, jumladan, maxsus toʻplamlaringiz ichidan qidirish uchun allaqachon Android uchun ilovada mavjud boʻlgan Emoji qidirish funksiyasidan foydalanishi mumkin.

Emojilar panelini ochish uchun xabar yozayotganingizda kiritish maydoningizda shunchaki Emoji belgisini bosing.

Agar emoji kalit soʻzi boʻlmasa, uni Tarjima platformamizda tavsiya etishingiz mumkin. Faqat chapdagi roʻyxatdan tilingizni tanlashni unutmang.

Xabar boshida “xursand” yoki “tabassum” kabi kalit soʻzlarni kiritish orqali u asosidagi emoji tavsiyalarini koʻrishingiz ham mumkin yoki istalgan xabarda :bazm yoki :niqob kabi ikki nuqta va kalit soʻz kiriting. Bu yangi funksiya emas, shunchaki u juda qulay ekanini eslatmoqdamiz.

Android uchun ilovada batafsil xotiradan foydalanish va boshqalar

Android uchun ilovada Xotiradan foydalanish sahifasi dizayni iOS uchun ilovaga oʻxshash tarzda yangilandi. U endi har bir chat qurilmangizda qancha joydan foydalanayotganini aks ettiradi.

Alohida chatlar mediasini endi rasmlar, videolar, musiqalar va fayllar kabi fayl turi asosidan filtrlangan keshingizdan tozalab tashlash mumkin.

Shu bilan birga, Android dasturchilari Jonli joylashuvlarni tashqi xarita ilovalarida ochish imkoniyatini qoʻshdi va chatlardagi xabarlar, profil rasmlari va jonli joylashuvlar kabi elementlarni yuklash dizayni yaxshiladi.

Premium Yangi maxsus emojilar

Telegram rassomlari Premium foydalanuvchilariga xabarlar, reaksiyalar va statuslarda oʻzlarini ifoda etishning koʻproq usullarini taqdim etgan holda yana 10 ta maxsus emojilar toʻplamini taqdim etdi.

Koʻproq interaktiv emojilar

Yana bitta Telegram yangilanishi yangi interaktiv emojilarni anglatadi: yakkama-yakka chatda bitta 😇 🫡 🤝 🙈 🤗 ✍️ 😨 emojisini yuboring hamda butun ekran effektlari siz va suhbatdoshingiz uchun sinxronlanadi. Barcha foydalanuvchilar ushbu emojilardan reaksiyalar sifatida ham foydalanishi mumkin.

Yana koʻplab emojilardan, jumladan, 🇮🇳🇧🇷🇮🇩 bayroqlari, 📨📱🛒 kabi kundalik obyektlar va 🔝🔞🦄 kabi abstrakt emojilardan animatsiyali emojilar sifatida foydalanish mumkin.


Buguncha shular. Bu yil uchun (balki) yakuniy yangilanish ustida ishlashimiz davomida maksimal maxfiylikdan zavqlaning.


2022-yil, 6-dekabr
Telegram jamoasi

Boshqa yangiliklar

그룹을 위한 스토리와 8가지 추가 기능

텔레그램은 9가지 새로운 기능으로 그룹 내 대화를 전혀 다른 수준으로 끌어올려 다대다 커뮤니케이션을 재정의합니다. 이제 그룹은 스토리를 게시하고 그들의 프로필 페이지에 게시물로 저장할 수 있습니다. 그룹은 독특한 배경화면과 상태를 설정할 수 있으며, 그룹의 프로필 커버의 색상과 로고 또는 링크 스타일에 이르기까지 가장 세부적인…
29-fev, 2024

저장한 메시지 2.0, 일회용 음성 메시지 및 8가지 추가 기능

1월 동안, 저희는 텔레그램에 10가지 새로운 기능을 추가했습니다 – 업그레이드된 저장한 메시지, 재생 후 삭제되는 일회용 음성 및 영상 메시지, 언제 당신의 메시지가 읽혔는지를 보여주는 상세한 읽음 확인 등 포함하여 더 많은 기능들이 있습니다.
31-yan, 2024

다채로운 전화, 타노스 스냅 효과 및 대규모 봇 업데이트

텔레그램의 2023년 10번째 업데이트는 향상된 전화 기능을 추가하여 성능을 개선하고 배터리 소모를 적게시키는 다채로운 색상의 새로운 디자인 적용, 메시지 삭제시 적용되는 새로운 증발 효과, 그리고 텔레그램 역사상 가장 큰 봇 업데이트 등을 포함하고 있습니다.
31-dek, 2023

채널 외관, 스토리 게시 등

이번 텔레그램 크리스마스 업데이트에서 채널은 배경화면, 이모지 상태 및 프로필 로고를 설정할 수 있고, 사용자는 채널 메시지를 스토리에 재게시할 수 있으며, 텔레그램 프리미엄을 한 번에 여러 사람에게 제공할 수 있으며, 경품 행사에 추가 상품을 포함할 수 있습니다.
23-dek, 2023