✅ Mehnat xavfsizligi bo‘yicha targ‘ibot ishlari davom etmoqda

Nurafshon shahar Favqulodda vaziyatlar bo‘limi xodimlari tomonidan Yangi O‘zbekiston massivida joylashgan “KING HOUSE 002” MCHJ qurilish maydonida profilaktik tadbirlar o‘tkazildi.

Targ‘ibot jarayonida qurilishda band bo‘lgan ishchilarga mehnat xavfsizligi, yong‘in xavfsizligi, va favqulodda vaziyatlarda harakatlanish qoidalari tushuntirildi. Shu bilan birga, hodisa yuz berganda tezkor chora ko‘rish tartiblari ham amaliy misollar asosida ko‘rsatib berildi.

Bunday tadbirlar qurilish jarayonlarida xavfsizlikni ta’minlash, inson salomatligini asrash va favqulodda holatlarning oldini olishda muhim ahamiyat kasb etadi.

#Nurafshon #FavquloddaVaziyatlar #Xavfsizlik #Profilaktika #QurilishdaXavfsizlik

✅ Shahar hokimi obodonlashtirish ishlarini ko‘zdan kechirdi

Nurafshon shahar hokimi I.Klichxanov Toshkent yo‘li ko‘chasi bo‘ylab olib borilayotgan obodonlashtirish ishlari bilan tanishdi.

Uchrashuv davomida “Yashil makon” doirasida ko‘cha bo‘ylab atirgul ko‘chatlari ekish, ularni parvarish qilish va tokzorlar barpo etish ishlari jarayoni ko‘zdan kechirildi.

Shuningdek, yashil hududlarni kengaytirish, shahar ko‘rkini oshirishga qaratilgan tashabbuslarning amalga oshirilishi yuzasidan mas’ullarga tegishli topshiriqlar berildi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt