Nurafshon shahrida aholini ijtimoiy qo‘llab-quvvatlash, ehtiyojmand oilalarga manzilli yordam ko‘rsatish hamda ijtimoiy xizmatlar samaradorligini oshirish maqsadida navbatdagi amaliy uchrashuv va o‘rganish ishlari tashkil etildi.

Mazkur tadbirda O‘zbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy inspeksiya bosh mutaxassisi X.Rahmonov, Nurafshon shahar Inson ijtimoiy xizmatlar markazi Bolalarni ijtimoiy himoya qilish sho‘ba mudiri A.A. Jonqobilov hamda shahar "Inson" ijtimoiy xizmatlar markazi nogironligi bo‘lgan shaxslarni tibbiy-ijtimoiy rivojlantirish sho‘basi mutaxassisi X.S. Tojiboyeva ishtirok etdi.

Tadbir O‘zbekiston Respublikasi Vazirlar Mahkamasining 2024-yil 27-dekabrdagi 893-sonli qarori ijrosini ta’minlash maqsadida o‘tkazildi.

Uchrashuv davomida aholiga ko‘rsatilayotgan ijtimoiy xizmatlar, bolalarning ijtimoiy himoyasi, nogironligi bo‘lgan shaxslarning huquq va manfaatlarini ta’minlash, ularni tibbiy-ijtimoiy rivojlantirish hamda manzilli ijtimoiy yordam ko‘rsatish masalalari atroflicha muhokama qilindi. Shuningdek, faoliyat jarayonida uchrayotgan muammo va kamchiliklar, ularning sabablari hamda bartaraf etish bo‘yicha aniq taklif va tavsiyalar ishlab chiqildi.

Mas’ullar tomonidan ijtimoiy himoya tizimida qonunchilik talablariga qat’iy rioya qilish, fuqarolar murojaatlarini o‘z vaqtida ko‘rib chiqish, har bir holatni individual yondashuv asosida o‘rganish zarurligi ta’kidlandi.

Mazkur ishlar kelgusida ijtimoiy himoya tizimini yanada takomillashtirish, ehtiyojmand aholi qatlamlarini qo‘llab-quvvatlash hamda fuqarolar uchun qulay va samarali ijtimoiy xizmatlar ko‘rsatishga xizmat qiladi.


✍️ Nurafshon shahri hokimligi Axborot xizmati