#muhim_eslatma

Dehqon va fermer xo‘jaliklari diqqatiga!

Yurtimizda bahor faslining kirib kelishi bilan dala va bog‘larda mavsumiy agrotexnik ishlar bosqichma-bosqich boshlanmoqda. Dehqon va bog‘bonlar ekin maydonlarini yangi mavsumga tayyorlash, yerlarni tozalash, o‘t-o‘lan va xas-xashak qoldiqlarini yig‘ishtirish ishlarini amalga oshirmoqda.

Shu munosabat bilan magistral elektr uzatish tarmoqlari “muhofaza zonasi” hududlarida ish olib borishda ehtiyot choralariga qat’iy rioya qilish zarurligi eslatib o‘tiladi.

Yuqori kuchlanishli elektr uzatish liniyalari va podstansiyalar yaqinida quyidagi harakatlarni amalga oshirish taqiqlanadi:

– elektr uzatish liniyalari ustunlariga chiqish, ularni shikastlash yoki ularga begona buyumlar tashlash;
– ustunlarning metall qismlarini yechib olish yoki konstruksiyasiga zarar yetkazish;
– elektr tarmoqlariga xizmat ko‘rsatuvchi brigadalar va texnikalar harakatiga to‘sqinlik qiluvchi buyumlar yoki materiallarni joylashtirish;
– elektr uzatish liniyalari va kabel tarmoqlari muhofaza zonalarida olov yoqish;
– xas-xashak, qishloq xo‘jaligi chiqindilari yoki boshqa yonuvchan moddalarni to‘plash hamda yoqish;
– yoqilg‘i-moylash materiallarini saqlash, tashlash yoki quyish;
– odamlar ko‘p yig‘iladigan tadbirlar o‘tkazish, savdo rastalari yoki chiqindixonalar tashkil etish.

📌 O‘zbekiston Respublikasi Vazirlar Mahkamasining 2018-yil 26-dekabrdagi 1050-son qaroriga muvofiq elektr uzatish liniyalari uchun muhofaza zonalari quyidagi masofalarda belgilangan:

🔴35 kV kuchlanishli liniyalar uchun — 15 metr
🔴110 kV kuchlanishli liniyalar uchun — 20 metr
🔴 220 kV kuchlanishli liniyalar uchun — 25 metr
🔴500 kV kuchlanishli liniyalar uchun — 30 metr

Mazkur hududlarda ekologik zarar yetkazishi yoki yong‘in xavfini keltirib chiqarishi mumkin bo‘lgan har qanday harakatlar qat’iyan man etiladi.

Shuningdek, elektr uzatish liniyalari muhofaza zonalarida noqonuniy qurilmalar barpo etish ham qonunbuzarlik hisoblanadi. Bunday holatlar aniqlangan taqdirda, ular vakolatli organlar tomonidan belgilangan tartibda bartaraf etiladi.

Elektr tarmoqlari yaqinida ishlashda xavfsizlik qoidalariga amal qilish — inson hayoti, mulk xavfsizligi va elektr tarmoqlarining barqaror ishlashi uchun muhimdir.

Bu haqida «O‘zbekiston MET» AJ Axborot xizmati ma’lum qiladi.

✅Telegram 🌐Website 📹YouTube✅Facebook 🕊Twitter

✅✅✅✅

Yo‘l qoidasi – umr foydasi. Targ'ibot tadbirlari davom etmoqda

✅Ichki ishlar vazirligi tomonidan Respublika bo‘ylab 1-martdan 1-aprelga qadar o‘tkazilayotgan “Xavfsiz va sog‘lom yurt” tezkor-profilaktika oyligi doirasida Nurafshon shahar 19-sonli umumta’lim maktabida targ‘ibot tadbiri tashkil etildi.

⚡️Tadbirda Nurafshon shahar IIB XPB VYMB katta inspektor-psixologi, kapitan M. I. Djumabayeva hamda shahar YHXB inspektori S. Norboyevlar ishtirok etib, o'quvchilarga voyaga yetmaganlar tomonidan transport vositalarini boshqarishning salbiy oqibatlari to'g'risida atroflicha tushuntirishlar berildi.

🏷Shuningdek, o‘quvchilarga yo‘l harakati qoidalariga qat’iy rioya qilish lozimligi yetkazildi.

✅Telegram 🌐Instagram 📹YouTube✅Facebook

Boshqaruv sifatini oshirish yo‘lida: Davlat xizmatchilarini tayyorlashda Vengriyaning yetakchi universiteti bilan hamkorlik yo‘lga qo'yiladi

O‘zbekiston Respublikasi Prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi Farmonida belgilangan vazifalar ijrosi yuzasidan O‘zbekiston Respublikasi Prezidenti huzuridagi Boshqaruv samaradorligi agentligi rahbari U.Xusainov Vengriyaning Ludovika davlat xizmati universiteti rektori Dr.Gergely Deli bilan uchrashdi.

Ma'lumot uchun, Ludovika davlat xizmati universiteti – Budapesht shahridagi oliy ta’lim muassasasi bo‘lib, Vengriyaning yetakchi universitetlaridan hisoblanadi. U 2011 yilda Milliy mudofaa universiteti, Politsiya akademiyasi va Korvin universitetining Davlat boshqaruvi fakulteti birlashishi natijasida tashkil etilgan.

Universitetda:

▫️Davlat boshqaruvi va xalqaro tadqiqotlar
▫️Harbiy bilimlar va harbiylar malakasini oshirish
▫️Huquqni muhofaza qilish
▫️Suvni tadqiq qilish fakultetlari mavjud.

Universitet tomonidan davlat xizmatchilari uchun majburiy va ixtiyoriy ko‘rinishdagi o‘quv dasturlarining 90 % onlayn, 10 % an’anaviy tarzda tashkil etiladi.

Muloqot davomida tomonlar quyidagi masalalarni muhokama qildilar:

➡️

Ludovika universiteti bilan hamkorlikda rahbar kadrlarning strategik fikrlash va zamonaviy boshqaruv ko‘nikmalarini rivojlantirishga xizmat qiluvchi maxsus ta’lim dasturini tashkil etish;

➡️ Davlat organlari mutaxassislari uchun kiberxavfsizlik bo‘yicha malaka oshirish kurslarini tashkil etish;

➡️Kelgusida O‘zbekistonda kiberxavfsizlik bo‘yicha qo‘shma ta’lim va tadqiqot dasturlarini ishlab chiqish;

➡️Suv resurslarini boshqarish bo‘yicha mutaxassislar tayyorlash,transchegaraviy suv resurslarini boshqarishga oid tadqiqotlar hamda suv diplomatiyasi sohasida bilim va ko‘nikmalarni rivojlantirish, hamkorlik doirasida Ludovika universiteti va Buxoro davlat universiteti o‘rtasida qo‘shma ta’lim dasturini tashkil etish;

➡️Istiqbolli yosh davlat xizmatchilari uchun qo‘shma “Future Public Leaders” dasturini tashkil etish;

Dastur doirasida har yili 25–30 nafar istiqbolli yosh davlat xizmatchilari birgalikda tanlab olinadi va ular uchun Ludovika universitetida 2-3 haftalik o‘quv modullari tashkil etiladi hamda eng yaxshi ishtirokchilar Vengriya davlat organlarida stajirovka (2-3 oylik) o‘taydi.

➡️Vengriya tajribasi asosida Sirdaryo viloyati Xovos tumanida “Smart Village” konsepsiyasiga asoslangan pilot loyihalarni amalga oshirish imkoniyatlari ko'rib chiqildi.

Uchrashuv yakunida tomonlar amaliy va uzoq muddatli hamkorlikni yanada rivojlantirishdan manfaatdor ekanliklarini bildirishdi..

Eslatib o'tamiz,

2025-yil dekabr oyida Ishchi guruhning Vengriyaga xizmat safari doirasida Budapesht shahrida bo‘lib o‘tgan ilk uchrashuvda O‘zbekiston davlat xizmatchilari uchun Vengriyada stajirovka dasturlarini tashkil etish, vengriyalik ekspertlarni jalb qilish hamda Buxoro davlat universiteti bilan suv resurslarini boshqarish bo‘yicha qo‘shma ta’lim dasturini yo‘lga qo‘yish bo‘yicha dastlabki kelishuvlarga erishilgandi.

Rasmiy sahifalarimiz
Veb-sayt|Telegram|Facebook|Instagram|You Tube|X|Aloqa