✅✅✅✅

Nazorat va ijro – maktabgacha ta’lim tashkilotidagi kamchiliklar bartaraf etildi

❕2025-yil iyul oyida Nurafshon shahar hokimi Ilxom Klichxanov tomonidan shahar maktabgacha ta’lim muassasalarining faoliyati o‘rganilgan edi.

Tekshiruv jarayonida Nurafshon shahridagi 6-sonli maktabgacha ta’lim tashkilotida bir qator kamchiliklar mavjudligi aniqlangan. Jumladan, muassasa binosining ichki va tashqi fasad qismlari ta’mirtalab holatga kelib qolgani, shuningdek, elektr taqsimlagich moslamalari atrofida yetarli darajada xavfsizlik choralariga rioya etilmagani qayd etilgan.

✅ Mazkur kamchiliklarni bartaraf etish yuzasidan shahar hokimining topshirig‘iga binoan keng qamrovli amaliy ishlar olib borildi. Natijada bugungi kunga kelib maktabgacha ta’lim tashkilotining tashqi fasadi hamda ichki xonalari to‘liq ta’mirdan chiqarildi, muassasa hududi obodonlashtirildi.

Bundan tashqari, elektr taqsimlagich uskunalari to‘liq himoya va muhofaza moslamalari bilan jihozlanib, ularning atrofida zarur xavfsizlik choralarini ta’minlash bo‘yicha tegishli ishlar amalga oshirildi.

🤔 I.Klichxanov boshchiligida amalga oshirilgan ta’mirlash va obodonlashtirish ishlari natijasida muassasada tarbiyalanuvchilar uchun yanada qulay, xavfsiz hamda zamonaviy sharoitlar yaratildi.

✅Telegram 🌐Instagram 📹YouTube✅Facebook