✅✅✅✅

Jinoyat muhokamasi — ogohlik va xulosa uchun muhim

Nurafshon shahar prokurori o‘rinbosari S.Qarshiyev hamda shahar IIB boshlig‘i o‘rinbosari I.Kubekbayevlar boshchiligida “Navro‘z” mahallasi aholisi ishtirokida navbatdagi jinoyat muhokamasi o‘tkazildi.

Muhokama davomida sodir etilgan jinoyat va huquqbuzarlik holatlari atroflicha ko‘rib chiqilib, ularning kelib chiqish sabablari hamda oqibatlari yuzasidan keng tushuntirishlar berildi.

Jumladan, fuqarolardan biri internet ijtimoiy tarmoqlari orqali noqonuniy psixotrop moddalar savdosi bilan shug‘ullanib kelgani aniqlanib, tezkor tadbir davomida kuchli ta’sir qiluvchi dori vositalarini sotish vaqtida ushlangani muhokama qilindi. Ushbu jinoyatning ayanchli oqibatlari, ayniqsa yoshlar salomatligi va kelajagiga yetkazadigan zarari haqida alohida to‘xtalib o‘tildi. Mutasaddilar tomonidan giyohvandlik va psixotrop moddalar asr vabosi ekanligi, bu illatga qarshi barcha birgalikda kurashishi lozimligi ta’kidlandi.

Shuningdek, boshqa bir holatda spirtli ichimlik ta’sirida jamoat tartibini buzib, atrofdagilarning tinchligini izdan chiqargan fuqaroning xatti-harakatlari muhokama qilinib, bunday holatlar mahalla osoyishtaligi va jamoat xavfsizligiga salbiy ta’sir ko‘rsatishi qayd etildi.

Tadbir davomida aholiga huquqbuzarlik va jinoyatlarning oldini olish, farzandlar tarbiyasiga jiddiy e’tibor qaratish, yoshlarni turli yot g‘oya va zararli illatlar ta’siridan asrash borasida tavsiya va tushuntirishlar berildi.

Yig‘ilish yakunida fuqarolar qonunlarga hurmat ruhida yashashga, mahallada tinchlik va osoyishtalikni saqlashda faol ishtirok etishga chaqirildi.

✅Telegram 🌐Instagram 🌐Website✅Facebook

✅✅✅✅

🔴Avval xabar berilganidek Nurafshon shahridagi “Nurafshon arena” majmuasida “Besh tashabbus paralimpiadasi” ning 2026-yilgi mavsumi doirasida viloyat bosqichi musobaqalari boʻlib oʻtmoqda.

Musobaqaning ochilish marosimida soʻz olganlar ishtirokchilarga omad tiladi hamda nogironligi bor shaxslarni matonati, mustahkam irodasi va hayotga intilishi barcha uchun ibrat ekanini ta’kidladi.

Shuningdek, mazkur musobaqa nafaqat sport bellashuvi, balki imkoniyatlar tengligi, o‘zaro qo‘llab-quvvatlash va inson qadrini ulug‘lash maydoni ekanini qayd etdi.

Musobaqada imkoniyati cheklangan shaxslar faol ishtirok etib, o‘z iqtidor va salohiyatlarini namoyon etmoqda.

✅Telegram 🌐Instagram 🌐Website✅Facebook