✅✅✅✅

Nurafshonda 24/7 rejimda faoliyat yuritadigan zamonaviy ko‘cha tashkil etilmoqda

O‘zbekiston Respublikasi Prezidentining 2024-yil 23-sentabrdagi 330-son qarori bilan tasdiqlangan “Kambag‘allikdan farovonlik sari” dasturi ijrosi doirasida Nurafshon shahrida “Zarbdor” tajribasi asosida ishlab chiqilgan “Drayver” loyihalari bosqichma-bosqich hayotga tatbiq etilmoqda.

Mazkur loyihalar hududning iqtisodiy salohiyatini oshirish, yangi ish o‘rinlarini yaratish, tadbirkorlikni qo‘llab-quvvatlash hamda aholiga zamonaviy va qulay xizmatlar ko‘rsatish tizimini rivojlantirishga xizmat qilmoqda.

Shu maqsadda Nurafshon shahrining markaziy qismida joylashgan Toshkent yo‘li ko‘chasi zamonaviy infratuzilmaga ega, tun-u kun — 24/7 rejimida faoliyat yuritadigan xizmat va savdo ko‘chasiga aylantirilmoqda.

Loyiha doirasida ko‘chada obodonlashtirish va ko‘kalamzorlashtirish ishlari, zamonaviy yoritish tizimlarini o‘rnatish, piyodalar uchun qulay va xavfsiz yo‘laklar barpo etish, savdo va xizmat ko‘rsatish shoxobchalarini joylashtirish hamda dam olish maskanlarini tashkil etish ishlari amalga oshirilmoqda.

Ushbu tashabbus natijasida shaharda xizmatlar ko‘lami kengayib, tadbirkorlik subyektlari uchun yangi imkoniyatlar yaratiladi, aholi va mehmonlar uchun esa zamonaviy, xavfsiz hamda qulay shahar muhiti shakllantiriladi.

✅Telegram 🌐Instagram 🌐Website✅Facebook