Nurafshon shahrida "Ramazon hayit" namozi tadbirlari uchun tayyorgarlik ko‘rilmoqda

Nurafshon shahrida "Ramazon hayit" namozining yuqori saviyada o‘tishini ta’minlash maqsadida keng qamrovli tayyorgarlik ishlari olib borilmoqda. Shu munosabat bilan shahar hokimi I. Klichxanov va shahar IIB boshlig‘i M. Sottiyev jome masjidlarini ko‘zdan kechirdi.

Tadbir davomida jamoat tartibini saqlash, aholi xavfsizligini ta’minlash hamda yo‘l-transport harakatini tartibga solish masalalariga alohida e’tibor qaratildi. Namozxonlarga qulay sharoit yaratish maqsadida masjidlarga tutash ko‘chalar vaqtincha yopilib, qo‘shimcha joylar ajratilishi belgilandi. Ichki ishlar, sog‘liqni saqlash va boshqa mutasaddi idoralar tomonidan navbatchilik tashkil etilishi bo‘yicha tegishli topshiriqlar berildi.

Mazkur chora-tadbirlar shahar aholisi va mehmonlari uchun "Ramazon hayit" namozini osoyishta va tartibli ravishda ado etish imkonini yaratadi.

Nurafshon shahar hokimligi Axborot xizmati
Telegram |Facebook | Instagram |You tube

Qardoshlik – do‘stlik va hamjihatlik timsoli

Nurafshon shahri madaniy-ma’rifiy jamoasii "Do‘stlik va hamjihatlik ulug‘langan yurt" shiori ostida O‘zbekiston va Tojikiston chegaradosh hududi, Piskent tumanining "Mustaqillik" mahallasida tashkil etilgan madaniy-ma’rifiy tadbirda ishtirok etdi.

Tadbir davomida shahar madaniyat xodimlari qardosh xalqlarning milliy urf-odatlari, qadriyatlari va san’atini namoyish etib, mehmonlar uchun konsert dasturi, sahna chiqishlari hamda samimiy muloqotlar tashkil etdilar. Shuningdek, katta doshqozonlarda sumalak, halim, osh va sho‘rva tayyorlanib, barchaga ulashildi.

Ushbu uchrashuv qardosh xalqlar o‘rtasidagi do‘stlik va hamkorlikni yanada mustahkamlashga xizmat qiladi.

#Qardoshlik #Do‘stlik #Hamjihatlik #Nurafshon #Madaniyat #O‘zbekistonTojikistonDo‘stligi

Nurafshon shahar hokimligi Axborot xizmati
Telegram |Facebook | Instagram |You tube | Web sayt