Nurafshonda tadbirkorlar bilan ochiq muloqot o‘tkazildi

Nurafshon shahar hokimi I.Klichxanov boshchiligida shahar prokurori T.Karimov, shahar soliq inspeksiyasi rahbari J.Sayfiyev hamda boshqa mas’ullar ishtirokida tadbirkorlar bilan ochiq muloqot tashkil etildi.

Mazkur muloqotdan asosiy maqsad — tadbirkorlik faoliyatida duch kelinayotgan muammo va to‘siqlarni o‘rganish, ularni joyida bartaraf etishdan iborat bo‘ldi.

Uchrashuv davomida yer ajratish, kommunal xizmatlar, kredit mablag‘laridan foydalanish kabi dolzarb masalalar muhokama qilindi. Tadbirkorlar o‘z taklif va tashabbuslarini bayon qilishdi.

Shahar hokimi har bir murojaatni diqqat bilan tinglab, ayrim muammolarga joyida yechim topdi. Qolgan masalalar bo‘yicha esa tegishli mutasaddilarga topshiriqlar berildi va ularning ijrosi nazoratga olindi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#Besh_tashabbus

Nurafshon shahrining Markaziy oʻyingohida joylashgan street workaut maydonchasida sportning workaut turi bo‘yicha "Besh tashabbus olimpiadasi" doirasida musobaqalarning shahar bosqichi bo'lib o'tdi.

Sektor bosqichidan saralanib kelgan sportga qiziquvchi yoshlar o‘rtasida o‘tkazilgan mazkur musobaqa qizg‘in va murosasiz bahslarga boy bo‘lib o‘tkazildi.

Musobaqada g‘olib va sovrindorlar diplom bilan taqdirlanib, viloyat bosqichiga yo‘llanmani qo‘lga kiritdi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Shahar hokimi obodonlashtirish ishlarini ko‘zdan kechirdi

Shahar hokimi obodonlashtirish jarayonlari bilan tanishdi. Jumladan, Obodonlashtirish boshqarmasi tomonidan markaziy ko‘cha bo‘ylab gul ko‘chatlari ekish ishlari olib borilmoqda. Ushbu ishlar shahar ko‘rkini oshirish va fuqarolar uchun yanada qulay muhit yaratishga xizmat qiladi.

#Obodonlashtirish #YashilMakondaHayot #ShaharKo‘rki #Gulzorlar #TozaShahar #Ko‘rkamHayot

Nurafshon shahar hokimligi Axborot xizmati
Telegram |Facebook | Instagram |You tube | Web sayt