#Davlat_xizmatchisi

Davlat xizmatchisi – burch, sadoqat va mas’uliyat timsoli

Joriy yilning 31-oktabr kuni Nurafshon shahri hokimligi majlislar zalida apparat xodimlari, bo‘lim boshliqlari, shahar korxona, tashkilot va muassasalari rahbarlari hamda o‘zini o‘zi boshqarish organlari vakillari uchun “Siyosiy-ma’rifat soati” o‘tkazildi.

Tadbir davomida ishtirokchilar hafta davomida yurtimizda va xorijda yuz bergan muhim voqea va hodisalar, ular bilan bog‘liq tahliliy ma’lumotlar bilan tanishdilar. Shuningdek, monitor orqali turli ijtimoiy videolavhalar va infografikalar namoyish etildi. Ularda ko‘tarilgan dolzarb masalalar yuzasidan jonli muhokamalar bo‘lib o‘tdi, bu esa hech bir ishtirokchini befarq qoldirmadi.

Tadbirda ta’kidlanganidek, yurt taraqqiyoti va xalq farovonligi yo‘lida fidokorona xizmat qilish – har bir davlat xizmatchisining sharafli burchidir. Sadoqat, mas’uliyat va vatanparvarlik hislari davlat xizmatining asosiy mezonlari sifatida qayd etildi.

Shu kabi siyosiy-ma’rifiy soatlar davlat xizmatchilarining siyosiy savodxonligini oshirish, ularning ijtimoiy faolligini hamda fuqarolik pozitsiyasini mustahkamlash maqsadida muntazam ravishda o‘tkazib kelinmoqda.

https://t.me/Nurafshonpressa

#Nurafshon_manzarasi

Nurafshon city — farovonlik va qulaylik manzili

Toshkent viloyatining ma’muriy markazi bo‘lgan Nurafshon shahri bugungi kunda jadal rivojlanish bosqichini boshdan kechirmoqda. Geografik jihatdan qulay joylashuvi, zamonaviy infratuzilmasi va investorlar uchun yaratilgan qulay sharoitlar tufayli shahar urbanizatsiya jarayonlarining ilg‘or markaziga aylanib bormoqda.

Qisqa vaqt ichida Nurafshonda keng ko‘lamli bunyodkorlik ishlari amalga oshirildi. Zamonaviy ko‘p qavatli turar-joylar, ravon yo‘llar, mahalla markazlari, ijtimoiy infratuzilma obyektlari hamda turli xizmat ko‘rsatish maskanlari barpo etildi.

Yangi uy-joylar yuzlab oilalarga qulay maskan yaratib, aholiga yanada zamonaviy va farovon hayot tarzini taklif etmoqda.

Nurafshon shahrida olib borilayotgan mazkur islohotlar kelgusida hududning iqtisodiy salohiyatini yanada oshirishga, zamonaviy shaharsozlik standartlarini amalga tatbiq etishga xizmat qiladi.

https://t.me/Nurafshonpressa

#Yashil_makon

Yashil makon — tabiatga ehtirom va kelajak uchun investitsiya

Nurafshon shahrida bunyodkorlik va qurilish ishlari keng ko‘lamda amalga oshirilayotgan bir vaqtda, hududni yashil makonga aylantirish ishlari ham izchil davom etmoqda.

Bugun Nurafshon city hududida keng miqyosda ko‘chat ekish va bog‘ barpo etish tadbiri o‘tkazildi.

Tadbirda Toshkent viloyati hokimi o‘rinbosari Sh.Mahmudov, Nurafshon shahri hokimi I. Klichxanov, hokimlik mas’ullari, korxona va tashkilot rahbarlari, nuroniylar, yoshlar hamda keng jamoatchilik vakillari ishtirok etdi.

E’tiborli jihati shundaki, rahbarlar shaxsan o‘zlari ko‘chat ekish jarayonida faol qatnashib, boshqalarga o‘rnak bo‘ldilar.

Iqlim sharoitiga mos bo‘lgan daraxt va butalar — Yaponiya saforasi, yasen, chinor, Qrim qarag‘ayi, Sharq tuyasi, Kanada bagrianikasi, qayrag‘och, pavloniya, tut va boshqa turlardagi jami

1700 ta ko‘chat

qariyb

1,2 gektar maydonga

ekildi.

Yurtimiz bo‘ylab “Yashil makon” umumxalq harakati izchil davom etmoqda.

https://t.me/Nurafshonpressa

#Bayram_shukuhi

🇺🇿 Ichki ishlar organlari xodimlari kuni Nurafshonda bayramona nishonlandi

Bugun “O‘zbegim” tantanalar uyida tinchlik va osoyishtalik posbonlari — ichki ishlar xodimlari uchun bayram tadbiri o‘tkazildi.

Tadbirda hokimlik rahbariyati, soha xodimlari, faxriylar va yoshlar ishtirok etdi.

Shahar hokimining birinchi o‘rinbosari A. Eshbayev va shahar IIB boshlig‘i, podpolkovnik A. Yuldashev tabrik nutqi bilan chiqish qildi.

🇺🇿 Mamlakatimizda so‘nggi yillarda tizimning ochiqligi, xalqparvarligi va samaradorligini oshirish yo‘lida keng ko‘lamli islohotlar amalga oshirilmoqda.

Tadbir yakunida bir qator xodimlar va faxriylar taqdirlandi. San’at ustalarining chiqishlari kechaga bayramona ruh bag‘ishladi.

https://t.me/Nurafshonpressa