#Sport

Nurafshon shahrida Ichki ishlar kubogi uchun voleybol musobaqasi o‘z nihoyasiga yetdi. Qizg‘in va kuchli raqobat ruhida o‘tgan bellashuvlarda g‘oliblikni qo‘lga kiritgan jamoalar tantanali tarzda taqdirlandi.

Mukofotlarni Nurafshon shahar IIB boshlig‘i А.Yuldashov topshirib, sportchilarga muvaffaqiyatlar tiladi hamda bunday musobaqalar yoshlarni intizom, iroda va jamoaviylikka chorlayotganini alohida ta’kidladi.

Nurafshonda sportga e’tibor — yoshlar kelajagiga e’tibor.

https://t.me/Nurafshonpressa

#YoshlarYetakchilari
#Nurafshon

🌿 Nurafshonda ezgu an’anaga aylangan hashar

Ro‘zmatilla Ibragimov Nurafshon shahridagi To‘ytepa mahallasiga yoshlar yetakchisi etib tayinlanganiga hali ko‘p vaqt bo‘lmagan bo‘lsa-da, qisqa muddatda mahallada tub o‘zgarishlarga zamin yaratmoqda. Uning yangi tashabbuslari va faoliyati keng jamoatchilik e’tiborini qozonmoqda.

Bugun Yoshlar ishlari bo‘limi tashabbusi bilan “Adham sahoba” ziyoratgohi hududida hashar o‘tkazildi. 🌳🧹

Tadbirda Nodirbek singari fidoyi yoshlar ham faol qatnashib, birlik va hamjihatlik namunalarini ko‘rsatishdi 🤝✨
🗣 B. Abduqodirov, Yoshlar ishlari bo‘limi boshlig‘i:

“Hashar – bu nafaqat jismoniy mehnat, balki xalqimizning birligi, ahilligi va mehr-oqibatining yorqin ifodasi. Har birimiz mahallamiz uchun mas’ulmiz. Kelajak avlod uchun toza va obod Vatan qoldirish — barchamizning burchimizdir” deb taʻkidladi.

✅ Hashar davomida hudud tozalandi, atrof obodonlashtirildi, muhit yanada chiroyli ko‘rinishga keltirildi.

https://t.me/Nurafshonpressa

#Kuz_Qish

Mahallalarda kuz-qish mavsumiga tayyorgarlik va chiqindi toʻlovlari boʻyicha targʻibot ishlari davom etmoqda

Nurafshon shahrida kuz-qish mavsumiga tayyorgarlik jarayonlari doirasida aholi bilan ochiq muloqotlar oʻtkazilmoqda. Tadbirlar davomida mavsumga mas’uliyat bilan kirishish, issiqlik, elektr va suvdan oqilona foydalanish hamda chiqindi xizmatlari uchun toʻlovlarni o‘z vaqtida amalga oshirish masalalari muhokama qilinmoqda.

Mazkur jarayonlarda Nurafshon shahri prokuraturasi va O‘zbekiston Mahallalari uyushmasi shahar boʻlimi vakillari tomonidan 16 ta mahallada tushuntirish ishlari olib borildi.

Fuqarolarga isitish tizimlari, energiya va suvdan tejamkor foydalanish boʻyicha tavsiyalar berildi.

Shuningdek, chiqindi toʻlovlari boʻyicha mavjud muammolar eshitilib, ularni hal etish bo‘yicha tushuntirishlar berildi hamda aholi takliflari o‘rganildi.

https://t.me/Nurafshonpressa