📌 Yoshlar uchun yangi imkoniyatlar!

Nurafshon shahri hokimligi hamda Yoshlar ishlari bo‘limi hamkorligida, maktab, oliy ta’lim muassasalari bitiruvchilari hamda ishsiz yoshlar ishtirokida Kambag‘allikni qisqartirish va bandlikka ko‘maklashish bo‘limi tomonidan mehnat yarmarkasi tashkil etildi.

Tadbir davomida yoshlar:
✅ ishga joylashish imkoniyatlari,
✅ kasb-hunarga yo‘naltirish,
✅ korxona va tashkilotlarning bo‘sh ish o‘rinlari bilan yaqindan tanishish imkoniga ega bo‘ldilar.

Bunday uchrashuvlar yoshlarning bandligini ta’minlash va kelajakda kasbini tanlashda muhim qadam bo‘lib xizmat qiladi.


✍️ Nurafshon shahri hokimligi Axborot xizmati

#sana

14-fevral  Zahiriddin Muhammad Bobur tavallud topgan kun

Bugun yurtimiz bo‘ylab Oʻrta asr Sharq madaniyati, adabiyoti va she’riyatida o‘ziga xos o‘rin egallagan adib, shoir, olim, yirik davlat arbobi va sarkarda buyuk bobokalonimizning 543 yilligi keng nishonlanmoqda.

Zahiriddin Muhammad Boburning g‘azal va ruboiylari turkiy she’riyatining eng nodir durdonalari bo‘lib, "Mubayyin", "Xatti Boburiy", "Harb ishi", Aruz haqidagi risolalari islom huquqshunosligi, she’riyat va til nazariyasi sohalari rivojida munosib o‘ringa ega.

✅Telegram 🌐Website 📹YouTube✅Facebook 🕊Twitter

📣 DIQQAT, E’LON!

TADBIRKORLAR DIQQATIGA!

Hurmatli tadbirkorlar!
Nurafshon shahri hokimligi hamda Respublika va viloyat ishchi guruhlari tomonidan tadbirkorlar va tadbirkorlik faoliyatini boshlash istagida bo‘lgan fuqarolar bilan ochiq muloqot uchrashuvlari o‘tkaziladi.

🗓 Muloqot uchrashuvlari quyidagi mahallalarda bo‘lib o‘tadi:
🟢 16-fevral, soat 11:00
1-sektor hududi — “Ma’rifat” MFY
📍 Nurafshon shahri hokimligi binosi

🟢 18-fevral, soat 11:00
2-sektor hududi — “Nurafshon” MFY
📍 “Tong” madaniyat markazi binosi

🟢 20-fevral, soat 11:00
3-sektor hududi — “Oybek” MFY
📍 Xalq qabulxonasi binosi

🟢 24-fevral, soat 11:00
4-sektor hududi — “Dehqonobod” MFY
📍 “Dehqonobod” MFY binosi

📌 Uchrashuvlar davomida:
1️⃣ O‘zbekiston Respublikasi Prezidenti Shavkat Mirziyoyevning Oliy Majlisga va O‘zbekiston xalqiga Murojaatnomasi hamda Xavfsizlik kengashi yig‘ilishida belgilangan tadbirkorlikni qo‘llab-quvvatlashga doir vazifalarning mazmun-mohiyati tushuntiriladi;
2️⃣ Tadbirkorlar uchun qonunchilikda nazarda tutilgan imkoniyatlar va imtiyozlar haqida batafsil ma’lumot beriladi;
3️⃣ Tadbirkorlarni qiynab kelayotgan muammolar tinglanib, ularni hal etish bo‘yicha aniq choralar belgilanadi;
4️⃣ Shahardagi mavjud imkoniyatlar, yangi loyihalar, bo‘sh turgan bino-inshootlar hamda zaxiradagi yer uchastkalari bilan tanishtiriladi;
5️⃣ Yangi ish o‘rinlari yaratib, hududimiz ijtimoiy-iqtisodiy rivojiga hissa qo‘shayotgan tadbirkorlar rag‘batlantiriladi.

🔴 Muloqot uchrashuvlari belgilangan jadval asosida shaharning barcha hududida o‘tkaziladi.

‼️ Nurafshon shahridagi barcha tadbirkorlar va tadbirkorlikka qiziquvchi fuqarolarni ushbu muloqot uchrashuvlarida faol ishtirok etishga taklif qilamiz!

📞 Qo‘shimcha ma’lumot uchun:
• Savdo-sanoat palatasi Nurafshon shahri bo‘limi boshlig‘i — S.Tursunov
📱 +998 94 335 31 67
• Nurafshon shahri hokimligi mutaxassisi — A.Hakimov
📱 +998 97 048 44 00

Nurafshon shahri hokimligi
🌍🌍🌍🌍🌍

👉 t.me/Nurafshonpressa

Bizning rasmiy sahifalarimiz👇

🧭Web-site 😎 Telegram 😎Instagram 😎 Facebook 😎YouTube

#iqtibos

"O‘n ikki yoshidan keyin Ramazon hayitini bir yerda ikki marta kutib olish unga nasib etmadi..."

Bobur Mirzo hazratlari hayotidan dilbar asarlar yozgan adib, O‘zbekiston Xalq yozuvchisi Xayriddin Sulton fikrlari:

Bu mumtoz inson tariximizning eng murakkab, eng jozibador, eng dramatik siymolaridan biridir. U dunyoga kelib, uzoq yashamadi — bor-yo‘g‘i 47 yil umr kechirdi. Lekin shu suronli umri mobaynida u jahon tarixidan shavkatli o‘rin olib ulgurdi...

Aslida uning umr yo‘li boshdan oyoq taqdir imtihonlaridan iborat edi, desak yanglish bo‘lmas.

U 12 yoshida otadan yetim qoldi.

Hali ayriliq ko‘z yoshlari tinmay turib, qismat uning go‘dak boshiga toju taxt minnatini soldi.

Marhum padarining qirqi o‘tmasdan u g‘animlarga qarshi qilich yalang‘ochlab, jang maydoniga chiqishga majbur bo‘ldi.

O‘n ikki yoshdan keyin Ramazon hayitini bir yerda ikki marta kutib olish unga nasib etmadi. Chunki umri mudom ot ustida, jangu jadallarda, siyosat girdoblarida o‘tdi...

✅Telegram 🌐Website 📹YouTube✅Facebook 🕊Twitter

#so‘z_mo‘jizasi

Bobur Mirzoning ushbu baytini dastlab o‘ngdan chapga, keyin chapdan o‘ngga qarab o‘qing va ajib she’riy moʻjizadan bahramand bo‘ling:

Balodur manga hajring, davodur manga vasling,
Itobing manga ofat, hadising manga darmon...

Endi shul baytni o‘ngdan chapga, ya’ni teskarisiga o‘qiymiz. Mana bunday shakl yuzaga keladi:

...Darmon manga hadising, ofat manga itobing,
Vasling manga davodur, hajring manga balodur...

So‘zning o‘ziga xos mo‘jizasini qarang. Baytni teskari o‘qisangiz ham ma’no saqlanibgina qolmay, aksincha u yanada kuchayadi.

Izoh: Bobur portreti sun'iy intellekt tomonidan chizilgan.

✅Telegram 🌐Website 📹YouTube✅Facebook 🕊Twitter

🟦🟦🟦

Nurafshon shahar IIB boshlig‘ining fuqarolar qabuli bo‘lib o‘tadi

Joriy yilning 15-fevral kuni soat 11:00 da Nurafshon shahar Ichki ishlar bo‘limi boshlig‘i A.Yuldashev tomonidan ichki ishlar sohasiga oid masalalar yuzasidan fuqarolar uchun shaxsiy qabul o‘tkaziladi.

Qabul jarayonida fuqarolar o‘zlarini qiziqtirgan masalalar, mavjud muammolar hamda takliflar bilan bevosita murojaat qilishlari mumkin.

📍Mazkur qabul "Toʼy-tepa" mahallasida bo‘lib o‘tadi.

https://t.me/Nurafshonpressa

#hamkorlik

Xabar berganimizdek,  Zoyir Mirzayev rahbarligidagi Toshkent viloyati delegatsiyasi Boshqirdiston Respublikasida xizmat safarida bo‘lib turibdi. 

Safarning ilk kunida viloyat delegatsiyasi mezbonlar hamrohligida mamlakatdagi ijtimoiy-iqtisodiy,  sanoat va agrar sohaga mansub yirik tuzilmalar faoliyati bilan tanishtirildi.

Samimiy,  ochiq va do‘stona ruhda o‘tgan muloqot va muzokaralarda ikki hudud o‘rtasidagi hamkorlik istiqbollariga xizmat qiluvchi qator kelishuvlarga erishilmoqda.

✅Telegram 🌐Website 📹YouTube✅Facebook 🕊Twitter