#tajriba

Viloyat delegatsiyasi yana bir yuqori texnologiyali korxonaning ishlab chiqarish jarayonlarini kuzatdi

Viloyat hokimi Zoyir Mirzayev Boshqirdistondagi neft va gaz quduqlarini burg‘ilash uchun zamonaviy uskunalar ishlab chiqaruvchi yirik korxona – “BURINTEX” faoliyati bilan yaqindan tanishdi.

Tanishuv mobaynida viloyatimiz delegatsiyasi a’zolariga korxonaning ishlab chiqarish quvvatlari, texnologik jarayonlar va ilmiy-tadqiqot yo‘nalishlari, shuningdek, kompaniyaning xalqaro bozordagi o‘rni, eksport geografiyasi hamda innovasion ishlanmalari haqida batafsil ma’lumot berildi.

Qayd etilganidek, korxona Ufa shahridagi ikki yirik ishlab chiqarish maydonida 500 dan ortiq zamonaviy, jumladan CHPU dastgohlari yordamida yuqori aniqlikdagi mahsulotlar ishlab chiqaradi. Yillik ishlab chiqarish hajmi esa, qariyb 115 ming donani tashkil etadi.

Muzokaralar chog‘ida neft-gaz sohasida ilg‘or texnologiyalarni joriy etish, qo‘shma loyihalarni amalga oshirish va tajriba almashish masalalari yuzasidan fikr almashildi.

✅Telegram 🌐Website 📹YouTube✅Facebook 🕊Twitter

#ta'lim
#hamkorlik

Viloyat delegatsiyasi Ufa shahrida xalqaro darajasidagi zamonaviy kampus faoliyati bilan tanishdi

Toshkent viloyati hokimi Zoyir Mirzayev boshchiligidagi viloyat delegatsiyasi Boshqirdiston Respublikasiga amaliy safari doirasida Ufa shahrida joylashgan Yevroosiyo ilmiy-ta’lim markazi (NOS)  faoliyati bilan tanishdi

Mazkur kampus Bashqirdistonni ta’lim, ilm-fan va innovatsiyalar sohasida xalqaro raqobatbardosh hududga aylantirishga qaratilgan yirik loyiha hisoblanadi.

Loyiha  yashash, o‘qish, ilmiy tadqiqot va startaplar uchun yagona zamonaviy muhit yaratilgan. Kampus hududida o‘quv-auditoriya binolari, ilmiy laboratoriyalar, IT-texnopark, kovorking va jamoat joylari, shuningdek, talabalar va yosh olimlar uchun turar joy majmualarini qamrab olgan.

Markazning asosiy maqsadi ilg‘or ilmiy-texnik ishlanmalarni ishlab chiqish va ularni iqtisodiyotning real sektoriga joriy etishdan iborat. Kampus bir nechta oliy ta’lim muassasalarini yagona hududda birlashtirib, ilm-fan va biznes integratsiyasini ta’minlaydi, talabalarning ish beruvchilar bilan to‘g‘ridan-to‘g‘ri hamkorlik qilish imkoniyatlarini kengaytiradi.

Tanishuv jarayonida delegatsiya a’zolariga markazning infratuzilmasi, zamonaviy arxitektura yechimlari hamda xalqaro hamkorlik yo‘nalishlari haqida batafsil ma’lumot berildi.

Uchrashuv davomida ta’lim, ilmiy tadqiqotlar va innovasion loyihalarni amalga oshirish bo‘yicha ikki hudud o‘rtasidagi hamkorlikni rivojlantirish masalalari muhokama qilindi.

✅Telegram 🌐Website 📹YouTube✅Facebook 🕊Twitter

#jarayon

Boshqird sportchilarining parvoz maydoni

Zoyir Mirzayev rahbarligidagi viloyat delegatsiyasi Ufa shahrida joylashgan Boshqirdiston Respublikasi sport tayyorlov markazi — Kurash saroyi faoliyati bilan tanishdi.

Mazkur zamonaviy majmua Ufaning 450 yilligi munosabati bilan barpo etilgan yirik inshootlardan biri bo‘lib, 2024-yil 31-avgust kuni foydalanishga topshirilgan. Inshoot xalqaro, federal va hududiy darajadagi musobaqalarni o‘tkazish imkoniyatiga ega.

Bu yerda sport va erkin kurash, sambo, dzyudo, boshqird milliy kurashi (keresh), grek-rim kurashi kabilar bo‘yicha musobaqalar va o‘quv-mashg‘ulot yig‘inlari tashkil etiladi. Majmua Boshqirdiston terma jamoasi uchun muhim baza hisoblanadi.

Shuningdek, saroyda madaniy-ommaviy tadbirlar o‘tkazish imkoniyati mavjud bo‘lib, 5000 nafar tomoshabin sig‘imiga ega.

Tashrif davomida delegatsiya a’zolari majmuada yaratilgan sharoitlar, bu yerda sportchilar tayyorlash bosqichlari, amaliy va taktik jarayonlar bilan tanishdilar.

✅Telegram 🌐Website 📹YouTube✅Facebook 🕊Twitter