Sessiyada ta’lim tizimiga oid dolzarb masala ham qat’iy ko‘tarildi. 2023-yil 25-dekabrdagi 681-sonli qarorga muvofiq, maktab direktori lavozimiga tayinlanish uchun menejerlik sertifikati majburiy ekanligi eslatildi.

Ta’kidlandiki, sertifikatdan o‘ta olmagan rahbarni shunchaki boshqa lavozimga o‘tkazish muammoni hal qilmaydi. Asosiy maqsad — lavozimni saqlab qolish emas, balki ta’lim sifatini oshirishdir. Zarur bilim va boshqaruv kompetensiyasiga ega bo‘lmagan rahbar bilan maktabda keskin ijobiy o‘zgarish qilish qiyin.

Shu bois, past natija ko‘rsatgan maktablarga malakali, sertifikatga ega, tashabbuskor rahbar kadrlarni tayinlash zarurligi qat’iy belgilandi.

Mas’ullarga:
— past ko‘rsatkichli maktablarni chuqur tahlil qilish;
— rahbar va pedagoglar faoliyatiga adolatli baho berish;
— muammolar sababini ochiq ko‘rsatish;
— hamda aniq “yo‘l xaritasi” ishlab chiqish bo‘yicha topshiriqlar berildi.

Ta’lim sifati — bu kelajak masalasi. Endilikda har bir maktab faoliyati alohida nazoratda bo‘ladi.

✍️ Nurafshon shahri hokimligi Axborot xizmati

Sessiya davomida Toshkent viloyati hokimining oila va xotin-qizlar masalalari bo‘yicha o‘rinbosari N. Normirzayeva shahar hokimining Murojaatnomasidan so‘ng so‘zga chiqib, unda belgilab berilgan ustuvor vazifalar va istiqboldagi rejalar yuzasidan o‘z fikr-mulohazalarini bildirdi. U o‘z nutqida hududni kompleks rivojlantirish, ayniqsa oila institutini mustahkamlash, xotin-qizlarni har tomonlama qo‘llab-quvvatlash, ularning bandligini ta’minlash va ijtimoiy faolligini oshirish masalalariga alohida to‘xtaldi.

Ta’kidlab o‘tilganidek, iqtisodiy o‘sish va ijtimoiy barqarorlik, avvalo, oilalardagi farovonlik va xotin-qizlarning jamiyatdagi o‘rnini mustahkamlash bilan chambarchas bog‘liqdir. Shu bois 2026-yilda amalga oshiriladigan dasturlar doirasida xotin-qizlar tadbirkorligini rivojlantirish, kasb-hunarga o‘qitish, yosh qizlarni zamonaviy bilim va ko‘nikmalar bilan qurollantirish, ijtimoiy himoyaga muhtoj ayollarni manzilli qo‘llab-quvvatlash ustuvor yo‘nalishlardan biri bo‘lishi lozimligini qayd etdi.

Shuningdek, u mahalla va jamoatchilik institutlari bilan hamkorlikni yanada kuchaytirish, profilaktik va ma’naviy-ma’rifiy ishlarni tizimli tashkil etish orqali sog‘lom ijtimoiy muhitni shakllantirish zarurligini alohida urg‘uladi.

Yakunda N. Normirzayeva belgilangan vazifalarni amalga oshirishda barcha darajadagi rahbarlar, mutasaddilar va keng jamoatchilikni hamjihatlikda ishlashga chaqirib, Nurafshonning barqaror taraqqiyoti yo‘lida birgalikdagi sa’y-harakatlar muhim ahamiyat kasb etishini ta’kidladi.

✍️ Nurafshon shahri hokimligi Axborot xizmati

Sessiya yakunida Ilxom Maxmudjonovich Klichxanov 2025-yilda amalga oshirilgan ishlar hamda 2026-yil uchun belgilangan ustuvor vazifalarni yakuniy ravishda ta’kidladi. U shunday dedi:

“Bizning maqsadimiz — shaharimizning barcha infratuzilmasini modernizatsiya qilish, investitsiyalarni jalb etish va yangi ish o‘rinlari yaratish orqali har bir fuqaroning farovonligini oshirishdir.”

Hokim ta’kidladi:

“Yoshlar bandligini ta’minlash, ta’lim va sog‘liqni saqlash sohalarini rivojlantirish — shahar taraqqiyotining ustuvor yo‘nalishlaridir. Har bir loyiha jamoatchilik ishtirokida, oshkoralik va mas’uliyat bilan amalga oshiriladi.”

Sessiya yakunida u qatnashchilarga murojaat qilib:

“Nurafshon — taraqqiyot sari intilayotgan shahar. Birgalikda harakat qilsak, albatta yuksak natijalarga erishamiz!”

Shu bilan sessiya o‘z ishini yakunladi: barcha ustuvor vazifalar aniq belgilandi, kelgusidagi ishlar tizimli va samarali bajarilishi kafolatlandi.

✍️ Nurafshon shahri hokimligi Axborot xizmati

#trening

📌 Nurafshon shahrida ikki kunlik muhim treninglar bo‘lib o‘tdi

2026 yil 16–17 fevral kunlari Toshkent viloyatining Nurafshon shahrida mazmunli va amaliy ahamiyatga ega ikki kunlik treninglar tashkil etildi.

Unda xalq deputatlari Yuqori Chirchiq tumani va Zangiota tumani tumanlari hamda Nurafshon shahri Kengashlari huzuridagi Ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zolari, shuningdek Yoshlar maslahat guruhlari vakillari ishtirok etdi.

Treninglar Shvetsariya Taraqqiyot va hamkorlik agentligi moliyaviy ko‘magida, Yuksalish movement, UNICEF hamda United Nations Development Programme hamkorligida, BMTning “O‘zbekistonda yoshlar va bolalar uchun qulay mahalliy boshqaruvning inklyuziv transformatsiyasi” loyihasi doirasida o‘tkazildi.

Tadbirning asosiy maqsadi — yoshlarni qaror qabul qilish jarayonlariga faol jalb etish, mahalliy boshqaruvda ularning fikr va tashabbuslarini inobatga olish hamda yoshlar maslahatlari mexanizmlarini yanada rivojlantirishdan iborat bo‘ldi.

🔹 Mazkur treninglar mahalliy darajada ochiqlik, ishtirokchilik va samarali boshqaruv tamoyillarini mustahkamlashga xizmat qildi.


✍️ Nurafshon shahri hokimligi Axborot xizmati