✅✅✅✅

"Nurafshon" mahallasi obod maskanga aylandi

🇺🇿Mamlakatimizda Davlat rahbari boshchiligida amalga oshirilayotgan keng ko‘lamli islohotlar natijasida har bir mahalla Yangi O‘zbekiston qiyofasi bilan yanada go‘zal va zamonaviy tus olmoqda.

🌀Jumladan, bugun Nurafshon shahrining “Nurafshon” mahallasi ham mutlaqo yangi qiyofa kasb etdi. Mahallada Navro‘z bayrami tantanalari doirasida “Obod mahalla, obod ko‘cha, obod xonadon” dasturi asosida bir qator ijtimoiy soha obyektlari foydalanishga topshirildi.

Tadbirda shahar hokimi Ilxom Klichxanov boshchiligidagi hudud mutasaddilari, nuroniylar, deputatlar va keng jamoatchilik vakillari ishtirok etdi.

✅️O‘zgarishlar avvalo hudud kirish qismidanoq sezildi: mahalla nomi yozilgan muhtasham arka, zamonaviy viloyat Qon quyish markazi, shahar Oilaviy poliklinikasi, xususiy tibbiyot muassasalari va maktabgacha ta'lim tashkiloti mahalla ahli uchun chinakam bayram tuhfasi bo'ldi. Shu bilan birga, “Nurafshon” MFY binosi ham yangi zamonaviy qiyofa kasb etdi. Mahalla hududida kutubxona va yangi strit-vorkaut maydonchasi ham barpo etildi.

❕Bayram munosabati bilan doshqozonlarda sumalak, palov va milliy taomlar tayyorlanib, dasturxon yozildi. Shuningdek, mazkur bunyodkorlik ishlariga o'z hissasini qo'shgan mahalla yettiligi xodimlari munosib taqdirlandilar.

✅Telegram 🌐Instagram 📹YouTube✅Facebook

✅✅✅✅

“Nurafshon” mahallasida maktabgacha ta’lim qamrovi yanada oshdi

✅️Davlat va jamiyat rivojida xususiy sektorning o‘rni muhim hisoblanadi. Nurafshon shahrida bu yo‘nalishda ham salmoqli ishlar amalga oshirilmoqda.

❕Jumladan, bugun “Nurafshon” mahallasida 4 mlrd. so‘m mablag‘ evaziga tadbirkor tomonidan barpo etilgan “Wonder Land” xususiy maktabgacha ta’lim tashkiloti foydalanishga topshirildi. Ushbu loyiha hududda maktabgacha ta’limni rivojlantirish borasidagi muhim qadam bo‘ldi.

Muassasa 80 nafar tarbiyalanuvchini qabul qilish quvvatiga ega bo‘lib, zamonaviy talablar asosida qurilgan hamda barcha kommunikatsiya tizimlari bilan ta’minlangan.

🌀Bog‘chada bolalar uchun ochiq suv havzasi, mini futbol maydoni va zamonaviy o‘yin maydonchalari yaratilgan. Ta’lim-tarbiya jarayoni o‘zbek, rus va ingliz tillarida olib boriladi. Shuningdek, mental arifmetika, gimnastika, taekvondo, mini futbol va tennis kabi to‘garaklar ham yo‘lga qo‘yilgan.

Ochilish marosimida Nurafshon shahar hokimi Ilxom Klichxanov ishtirok etib, ushbu xususiy maktabgacha ta’lim tashkiloti hududda maktabgacha ta’lim qamrovini yanada oshirishini alohida ta’kidladi.

✅Telegram 🌐Instagram 📹YouTube✅Facebook

✅✅✅✅

Xodimlar salomatligi nazoratda

🟢Xodimlar uchun qulay va xavfsiz mehnat sharoitlarini yaratish bilan birga, ularning salomatligini muhofaza qilish ham ustuvor vazifalardan biri hisoblanadi. Sog‘lom mehnat jamoasi shakllanishi esa tashkilot faoliyatining samaradorligini oshirishga xizmat qiladi.

⚡Mazkur yo‘nalishda olib borilayotgan ishlar doirasida bugun Nurafshon shahri hokimligida malakali tibbiyot xodimlar ishtirokida keng qamrovli tibbiy ko‘rik bo‘lib o‘tdi. Unda rahbar va barcha ishchi-xodimlar kardiolog, terapevt, nevropatolog, endokrinolog hamda stomatolog kabi tor doiradagi mutaxassislar tomonidan ko‘rikdan o‘tkazildi.

🟢Shu bilan birga, xodimlar uchun laborator tekshiruvlar, jumladan qon tahlillari hamda zamonaviy ultratovush (UTT) diagnostika xizmatlari tashkil etildi. O‘tkazilgan ko‘riklar orqali xodimlar salomatligi chuqur o‘rganilib, zarur tavsiyalar berildi.

✅Telegram 🌐Instagram 📹YouTube✅Facebook