✅✅✅✅

Nurafshonda nuroniylar o‘rtasida shaxmat va shashka musobaqasi o‘tkazildi

🇺🇿Prezidentimizning 2023-yil 11-martdagi “Keksalarni har tomonlama qo‘llab-quvvatlash va ularning ijtimoiy faolligini oshirishga oid qo‘shimcha chora-tadbirlar to‘g‘risida”gi 92-sonli qarori ijrosini ta’minlash maqsadida Nurafshon shahrida nuroniylar o‘rtasida shaxmat va shashka musobaqasi tashkil etildi.

🔂Musobaqada mahallalardan tashrif buyurgan nuroniy otaxon va onaxonlar shaxmat hamda shashka yo‘nalishlarida o‘zlarining boy tajribasi, puxta strategik fikrlashi va yuksak mahoratlarini namoyon etdilar. Har bir bahs murosasiz va qiziqarli kechib, ishtirokchilarning aql-zakovati, sabr-toqati hamda hayotiy tajribasi yorqin ifodasini topdi.

Tadbir yakunida “Nuroniylar” jamg‘armasi shahar bo‘limi raisi J. Axmedqulov so‘zga chiqib, jamoat ishlarida faol ishtirok etib, yosh avlodga ibrat bo‘lib kelayotgan nuroniy sportchilarga samimiy minnatdorchilik bildirdi. Shuningdek, musobaqa g‘oliblari va faol ishtirokchilari diplom hamda esdalik sovg‘alari bilan taqdirlandi.

✅Telegram 🌐Instagram 📹YouTube✅Facebook