✅✅✅✅

Taraqqiyot mahallasi taraqqiy etmoqda

Nurafshon shahrini zamonaviy infratuzilmaga ega hududga aylantirish, aholi uchun qulay va munosib yashash sharoitlarini yaratish borasida hududda izchil ishlar olib borilmoqda. Bu boradagi muhim qadam 2025-yil 24-dekabr kuni qabul qilingan Prezidentimizning PQ-393-son qarori bo‘lib, mazkur hujjat shaharni kompleks rivojlantirishning yangi bosqichini boshlab berdi.

Qarorga muvofiq, Nurafshon shahrining muhandislik-kommunikatsiya tarmoqlarini kengaytirish, ichki infratuzilmani modernizatsiya qilish hamda aholiga ko‘rsatilayotgan kommunal xizmatlar sifatini yaxshilash bo‘yicha keng ko‘lamli loyihalar amalga oshirilmoqda.

Shu asosda Evalik, Dehqonobod, Degantepa, Yuksalish, Taraqqiyot va Uchqun mahallalarida yangi oqova suv tarmoqlari hamda oqova nasos stansiyalarini barpo etish ishlari bosqichma-bosqich olib borilmoqda.

✔️ Bugungi kunda Taraqqiyot mahallasi Toshkent yo‘li ko‘chasida 8,4 kilometr uzunlikdagi yangi oqova suv tarmog‘ini qurish rejalashtirilgan bo‘lib, hozirga qadar uning 300 metr qismi tortildi.

✔️ Shuningdek, loyiha doirasida shahar bo‘yicha jami 24,4 kilometr oqova suv tarmoqlarini qurish belgilangan. Ayni paytda buning 6,3 kilometri qurib bitkazildi va ishlar belgilangan jadval asosida davom ettirilmoqda.

❕Mazkur bunyodkorlik ishlari natijasida yuzlab xonadonlarning markazlashgan oqova suv tizimiga ulanish imkoniyati kengayadi, sanitariya holati yaxshilanadi hamda mahallalarning muhandislik infratuzilmasi zamonaviy talablarga mos ravishda rivojlantiriladi.

🇺🇿 Prezident qarori ijrosi doirasida amalga oshirilayotgan ushbu loyihalar Nurafshon shahrining barqaror rivojlanishi, aholining farovon hayot kechirishi va kelajakda yanada qulay shahar muhitini shakllantirish yo‘lidagi muhim qadamlardan biri bo‘lib xizmat qilmoqda.

✅Telegram 🌐Instagram 🌐Website✅Facebook

✅✅✅✅

"E-auksion" platformasida Toshkent viloyati hududidan Avtotransport vositalarini sotib oling!

🔹Nurafshon shahrida 73 ta (Ko'rish)

Barchasini ko'rish

✅Telegram 🌐Instagram 🌐Website✅Facebook

#Murojaat

NURAFSHON SHAHAR PROKURORINING SHAHAR AHOLISIGA MUROJAATI

Hurmatli Nurafshon shahri aholisi!
Bugungi kunda mamlakatimizda qonun ustuvorligini ta’minlash, jamiyatda tinchlik va xavfsizlikni mustahkamlash, fuqarolarning huquq hamda qonuniy manfaatlarini ishonchli himoya qilish davlat siyosatining ustuvor yo‘nalishlaridan biri hisoblanadi. Bu vazifalarni amalga oshirishda huquqni muhofaza qiluvchi organlar bilan bir qatorda har bir fuqaroning huquqiy ongi, fuqarolik mas’uliyati va qonunga hurmati hal qiluvchi ahamiyat kasb etadi.

Ayniqsa, yoshlarimizni giyohvandlik vositalari va psixotrop moddalarning noqonuniy muomalasi kabi og‘ir illatlar ta’siridan asrash dolzarb vazifadir. O‘zbekiston Respublikasining 2026-yil 11-iyunda qabul qilingan O‘RQ–1151-sonli Qonuni mazkur yo‘nalishdagi huquqiy mexanizmlarni yanada takomillashtirib, bu turdagi jinoyatlarga qarshi kurashish samaradorligini oshirishga xizmat qiladi. Giyohvandlik nafaqat inson salomatligiga, balki oila tinchligiga, jamiyat barqarorligiga va kelajak avlod taqdiriga jiddiy xavf tug‘diradi. Shu bois har bir ota-ona, ta’lim muassasasi, mahalla va keng jamoatchilik bu illatning oldini olishda birdek mas’uldir.

Shu bilan birga, huquqbuzarliklarning oldini olishda korrupsiyaga qarshi murosasiz munosabatni shakllantirish ham muhim ahamiyatga ega. Korrupsiya qonun ustuvorligiga putur yetkazadi, adolat tamoyillarini izdan chiqaradi va jamiyatning davlat idoralariga bo‘lgan ishonchini susaytiradi. Shuning uchun korrupsiyaga sharoit yaratuvchi har qanday omillarga barham berish, davlat xizmatchilari va fuqarolar tomonidan qonun talablariga so‘zsiz rioya etilishi, eng muhimi, qonun oldida barcha teng va har qanday huquqbuzarlik uchun javobgarlik muqarrar ekanini anglash bugungi kunning muhim talabidir.

Raqamli texnologiyalar jadal rivojlanayotgan hozirgi davrda jinoyatchilikning yangi ko‘rinishi — kiberjinoyatlar ham tobora ko‘paymoqda. Internet tarmog‘i orqali giyohvandlik vositalarining tarqatilishi, noqonuniy moliyaviy operatsiyalar, firibgarlik, shaxsiy ma’lumotlarni talon-toroj qilish kabi holatlar fuqarolardan yanada yuqori darajadagi hushyorlikni talab etmoqda. Kiberxavfsizlik qoidalariga qat’iy amal qilish, shaxsiy ma’lumotlar va bank kartalariga oid maxfiy ma’lumotlarni hech kimga bermaslik, shubhali havolalar va internet manbalariga ishonmaslik har birimizning xavfsizligimiz uchun muhim ahamiyatga ega.

Aziz yurtdoshlar!
Giyohvandlikka qarshi kurashish, korrupsiyaning har qanday ko‘rinishiga murosasiz munosabatda bo‘lish va kiberxavfsizlik qoidalariga qat’iy rioya etish — bir-biri bilan chambarchas bog‘liq bo‘lgan, jamiyatimiz xavfsizligi va kelajagini ta’minlovchi muhim omillardir. Bu borada davlat organlari, huquqni muhofaza qiluvchi idoralar, mahalla institutlari va keng jamoatchilikning hamjihatligi eng katta kuchdir.

Nurafshon shahar prokuraturasi qonun ustuvorligini ta’minlash, huquqbuzarlik va jinoyatchilikning oldini olish, fuqarolarning huquq va erkinliklarini himoya qilish borasida o‘z xizmat vazifalarini qat’iyat va mas’uliyat bilan bajarishda davom etadi.

Yurtimiz tinchligi, xalqimiz osoyishtaligi va farzandlarimiz kelajagi uchun qonunga hurmat bilan yashaylik, huquqbuzarlikka nisbatan murosasiz bo‘laylik va jamiyat xavfsizligini ta’minlashga birgalikda hissa qo‘shaylik.

Nurafshon shahar prokurori
T. Karimov

✅Telegram 🌐Instagram 🌐Website✅Facebook