#tajriba

Viloyat delegatsiyasi yana bir yuqori texnologiyali korxonaning ishlab chiqarish jarayonlarini kuzatdi

Viloyat hokimi Zoyir Mirzayev Boshqirdistondagi neft va gaz quduqlarini burg‘ilash uchun zamonaviy uskunalar ishlab chiqaruvchi yirik korxona – “BURINTEX” faoliyati bilan yaqindan tanishdi.

Tanishuv mobaynida viloyatimiz delegatsiyasi a’zolariga korxonaning ishlab chiqarish quvvatlari, texnologik jarayonlar va ilmiy-tadqiqot yo‘nalishlari, shuningdek, kompaniyaning xalqaro bozordagi o‘rni, eksport geografiyasi hamda innovasion ishlanmalari haqida batafsil ma’lumot berildi.

Qayd etilganidek, korxona Ufa shahridagi ikki yirik ishlab chiqarish maydonida 500 dan ortiq zamonaviy, jumladan CHPU dastgohlari yordamida yuqori aniqlikdagi mahsulotlar ishlab chiqaradi. Yillik ishlab chiqarish hajmi esa, qariyb 115 ming donani tashkil etadi.

Muzokaralar chog‘ida neft-gaz sohasida ilg‘or texnologiyalarni joriy etish, qo‘shma loyihalarni amalga oshirish va tajriba almashish masalalari yuzasidan fikr almashildi.

✅Telegram 🌐Website 📹YouTube✅Facebook 🕊Twitter

#tajriba_almashish

Tuman va shahar hokimlari Ijtimoiy himoya majmuasi faoliyati bilan tanishdi

Toshkent viloyatida ilk bor tashkil etilgan Ijtimoiy himoya majmuasi aholining ijtimoiy himoyaga muhtoj qatlamiga davlat xizmatlarini kompleks va qulay shaklda ko‘rsatishga xizmat qilmoqda.

Majmua tarkibida Ijtimoiy himoya milliy agentligining Toshkent viloyati boshqarmasi, Hududiy ijtimoiy inspeksiya, Nurafshon shahri "Inson" ijtimoiy xizmatlar markazi, Tibbiy-ijtimoiy ekspert komissiyasi hamda Hududiy ijtimoiy xizmatlar markazi faoliyat yuritmoqda.

Bugun Toshkent viloyati hokimi Zoyir Mirzayev boshchiligida viloyatning 22 ta tuman va shahar hokimlari mazkur majmuada yaratilgan shart-sharoitlar, fuqarolarga ko‘rsatilayotgan xizmatlar sifati hamda zamonaviy ish jarayonlari bilan tanishdi.

Muloqot davomida Ijtimoiy himoya milliy agentligi Toshkent viloyati boshqarmasi boshlig‘i Miraziz Mirsultonov tomonidan joriy etilgan yangi tizimlar, yaratilgan imkoniyatlar hamda istiqboldagi ustuvor vazifalar yuzasidan taqdimot qilindi.

Ta’kidlanganidek, mazkur majmua aholining ijtimoiy xizmatlardan foydalanish imkoniyatlarini yanada kengaytirish, murojaatlarni tezkor va samarali hal etish hamda ijtimoiy himoya tizimi faoliyatini takomillashtirishga xizmat qiladi.

✅Telegram 🌐Website 📹YouTube✅Facebook 🕊Twitter 🌐Instagram