✅Shu munosabat bilan 27-iyul kuni soat 08:00 dan 18:00 ga qadar quyidagi mahallalarda tabiiy gaz ta’minoti vaqtincha to‘xtatiladi:
Yangiobod, Obod, Ma’rifat, Oybek, Obod turmush, To‘ytepa, Muqimiy, Dehqonobod va Navro‘z mahallalari.

O‘zbekiston Respublikasi Prezidentining 2026-yil 1-apreldagi “Aholi bilan muloqot tizimini samarali tashkil qilish bo‘yicha qo‘shimcha chora-tadbirlar to‘g‘risida”gi PF–51-son Farmonining 3-bandi “j” kichik bandiga muvofiq, Qoraqalpog‘iston Respublikasi Vazirlar Kengashi Raisi, viloyatlar va Toshkent shahri, tuman (shahar) hokimlari tomonidan har chorakda kamida bir marotaba ommaviy axborot vositalari yoki ijtimoiy tarmoqlardagi rasmiy sahifalari orqali aholi murojaatlari bilan ishlash faoliyati, hududdagi muammolarni hal etish bo‘yicha ko‘rilayotgan choralar, kelgusida amalga oshiriladigan ishlar va rejalar haqida keng jamoatchilikka axborot berib borish belgilangan.

Shundan kelib chiqib, Nurafshon shahar hokimligi tomonidan aholidan kelib tushayotgan murojaatlarni o‘rganish, ularni qonunchilikda belgilangan tartibda ko‘rib chiqish hamda imkon qadar amaliy yordam ko‘rsatish bilan bir qatorda, amalga oshirilayotgan ishlarni jamoatchilikka ochiq va shaffof tarzda yetkazib borishga alohida e’tibor qaratilmoqda.

Xususan, mazkur videomaterialda aks etgan holat ham fuqarodan kelib tushgan murojaat asosida o‘rganilib, oilaning ijtimoiy holati va mavjud muammolari tegishli mutasaddilar tomonidan ko‘rib chiqilgan. O‘rganish natijasida fuqaroning uy-joy sharoitini yaxshilashga ko‘maklashish maqsadida qurilish materiallari ajratilishi hamda otasining harakatlanishi uchun zarur bo‘lgan nogironlik aravachasi bilan ta’minlash bo‘yicha amaliy yordam ko‘rsatilgan.