📆 Gaz ta’minoti 2026-yil 10-avgust kuni soat 08:00 dan 13-avgust kuni soat 18:00 ga qadar quyidagi hududlarda to‘xtatiladi:

🔘"Qumariq" MFY — barcha ko‘chalar;
🔘"Navro‘z" MFY — Sug‘diyona, Shifokorlar va A. Sahoba ko‘chalari;
🔘"Obod turmush" MFY — Evalak ko‘chasi;
🔘"Dehqonobod" MFY — barcha ko‘chalar;
🔘"To‘ytepa" MFY — Mash’al (Chordona) ko‘chasi.

Hurmatli Prezidentimiz ham joriy yil 16-iyul kuni o‘tkazilgan selektor yig‘ilishida obodonlik xonadondan, o‘zingiz yashaydigan ko‘chadan va mahalladan boshlanishi masalasiga alohida e’tibor qaratdilar. Eng ulug‘, eng aziz bayramimiz — Vatanimiz mustaqilligining 35 yilligi bayramini mahallalarda ko‘tarinki ruhda o‘tkazish uchun “Mahallada obodlik va mehr-saxovat oyligi” e’lon qilindi.

Shu nuqtai nazardan, mahallamizning bunyodkorlik va obodlik maskaniga aylantirishda mahallamizning barcha aholisi bir yoqadan bosh chiqarib, faollik ko‘rsatishi insoniy burchimizdir.

Aziz mahalladoshlar!
Davlatimiz Rahbarining tashabbuslari bilan yurtimizda har bir mahallaga, tuman (shahar)ga Yangi O‘zbekiston qiyofasini olib kirish, har birimizning oilalarimizning turmush sharoitini yaxshilash bo‘yicha uylarimizni, elektr, suv, gaz ta’minotini yaxshilash bo‘yicha milliardlab mablag‘lar ajratilmoqda, yangi loyihalar amalga oshirilmoqda, magistral yo‘llar va osmono‘par binolar qurilmoqda.

Bu yangilanishlar va o‘zgarishlarga obod bo‘lgan xonadonlar yarashishini hammamiz yaxshi tushunamiz.
Lekin, ayrim odamlarimiz mahallasini, o‘zining mulki bo‘lgan uy-joyini, ko‘p qavatli uylarning yon-atrofi va kirish yo‘laklarini saranjom qilishni unutib qo‘yganligi ham ayni haqiqatdir!

Shu boisdan, eng avvalo, ishni o‘zimizni o‘zgartirishdan, majburlashdan boshlaylik! Agar biz vijdon amri bo‘lgan bu ishni qilmasak, o‘zimizni qiynamasak, oilamizda, mahallamizda, jamiyatimizda muhitni o‘zgartira olmaymiz!

Uyimizga, mahallamizga kelgan mehmonlar esa: “Bu uyda baraka, fayz yo‘q ekan”, “Avloddan-avlodga o‘tib kelayotgan milliy urf-odatimiz, iftixorimiz bo‘lgan uy odobiga, xonadon sarishtaligiga rioya qilinmas ekan”, “Tarbiya, madaniyat yo‘q ekan”, degan o‘y-fikrga borishlari aniq!

Shuning uchun, eng avvalo, o‘zimiz uchun, farzandlarimizning ma’naviyati va tarbiyasi uchun uyimizni obod qilaylik! Farzandlarimizga obodlikni, xonadon va turmush madaniyatini, chiqindi tashlash tartibini qayta-qayta o‘rgataylik va ularning ongiga singdiraylik, har kuni ularga bu ezgu amallarni ko‘rsatib beraylik! Madaniyatni bolalarimizga har kuni ko‘rsatib beradigan, takrorlanadigan odatga aylantiraylik!

Hurmatli mahalla faollari, ko‘pni ko‘rgan nuroniylar, ko‘chaboshilar!
Mahallamizdagi uylarni, tandirxona, qo‘yxona va boshqa yordamchi xo‘jalik binolarini obod qilishni, tomorqadan samarali foydalanishni, gul-rayhonlar ekishni hamma joyda, to‘y-ma’rakalar va boshqa tadbirlarda ham odamlarga targ‘ib qilaylik! Dastlab o‘zimiz ibrat-namunasini ko‘rsatib beraylik hamda boquvchisi yo‘q va kam ta’minlangan oilalarning xonadonlarida hashаrlar uyushtiraylik!

✅ Shuningdek, ishga joylashish masalasida qo‘shimcha ma’lumot olish yoki amaliy ko‘makka ehtiyoj sezsangiz, yashash hududingizdagi hokim yordamchisi yoki mahalla yettiligi a’zolariga murojaat qilishingiz mumkin.