✅✅✅✅

To‘yga — to‘yona: Nurafshonda yangi yer osti yo‘lagi foydalanishga topshirildi

🇺🇿 Mustaqilligimizning 35 yillik shodiyonalari arafasida Nurafshon shahrida yana bir muhim infratuzilma loyihasi — zamonaviy yer osti piyodalar o‘tish yo‘lagi foydalanishga topshirildi. Mazkur inshoot shahardagi transport harakatini tartibga solish, piyodalar xavfsizligini ta’minlash va aholi uchun yanada qulay shahar muhitini yaratishga xizmat qiladi.

Tantanali ochilish marosimida Toshkent viloyati hokimi Zoyir Mirzayev, viloyat jamoatchiligi, Nurafshon shahar hokimi Qobil Xamdamov, soha mutaxassislari, nuroniylar, faollar va shahar aholisi ishtirok etdi.

Tadbir davomida yangi inshootning imkoniyatlari va shaharning transport-piyoda infratuzilmasini rivojlantirish borasidagi ishlar haqida ma’lumot berildi.

Uzunligi 44 metr, kengligi 4,5 metr, balandligi 2,5 metr bo‘lgan zamonaviy yer osti yo‘lagi piyodalar uchun xavfsiz va qulay harakatlanish imkonini beradi. Inshootning foydalanishga topshirilishi, ayniqsa, serqatnov hududda transport vositalari va piyodalar harakatini xavfsiz tashkil etishda muhim ahamiyat kasb etadi.

❕Bu kabi bunyodkorlik ishlari Mustaqilligimizning 35 yilligi arafasida Nurafshon shahriga munosib tuhfa bo‘lib, shaharning zamonaviy qiyofasini yanada boyitmoqda.

✅Telegram 🌐Instagram 📹YouTube✅Facebook