✅✅✅✅

Mahallalarda aholi bandligi va kambag‘allikni qisqartirish bo‘yicha ishlar o‘rganildi

💠Nurafshon shahrida mahallalarda aholini xonadonbay o‘rganish, mavjud muammolarni aniqlash va ularni manzilli hal etish, shuningdek, fuqarolarni kambag‘allikdan chiqarish hamda barqaror daromad manbalarini yaratish borasida amalga oshirilayotgan ishlar o‘rganildi.

✔️O‘rganishlar hokim o‘rinbosari N. Jumanova hamda Xalq deputatlari Nurafshon shahar Kengashi kotibiyati mudiri Z. Mahsudova tomonidan shahardagi mahallalarda olib borildi. Jarayon davomida mahalla yettiligi tomonidan xonadonlarni xatlovdan o‘tkazish, oilalarning ijtimoiy-iqtisodiy holatini o‘rganish va mavjud muammolarni aniqlash bo‘yicha amalga oshirilayotgan ishlar tahlil qilindi.

Shuningdek, aniqlangan muammolarni bartaraf etish, ishsiz fuqarolarni doimiy va barqaror daromad keltiruvchi ish o‘rinlariga yo‘naltirish, kasb-hunarga o‘qitish hamda tadbirkorlik faoliyatini boshlash istagidagi fuqarolarni qo‘llab-quvvatlash masalalariga alohida e’tibor qaratildi.

❗️Mazkur ishlar mahallalarda aholi farovonligini oshirish, bandlikni ta’minlash va har bir oilaga barqaror daromad manbaini yaratishga qaratilgan amaliy choralarni izchil davom ettirishga xizmat qiladi.

✅Telegram 🌐Instagram 📹YouTube✅Facebook

✅✅✅✅

Taraqqiyot mahallasida elektr tarmoqlari yangilanmoqda

✅Nurafshon shahar "Taraqqiyot" MFY hududida elektr ta’minotining barqarorligini ta’minlash va mavjud tarmoqlarning texnik imkoniyatlarini yaxshilash maqsadida amaliy ishlar olib borilmoqda.

✔️Xususan, TP-302 transformator punkti uchun yangi transformator tayanchlarini o‘rnatish hamda SIP kabellarini tortish ishlari amalga oshirilmoqda. Mazkur ishlar hududdagi elektr tarmoqlarini modernizatsiya qilish va iste’molchilarga elektr energiyasini barqaror yetkazib berishga xizmat qiladi.

❕Amalga oshirilayotgan mazkur chora-tadbirlar Taraqqiyot mahallasida elektr ta’minoti sifatini yaxshilash, tarmoqdagi yuklamalarni me’yorlashtirish hamda aholiga yanada ishonchli va barqaror elektr ta’minotini yaratishga qaratilgan.


✅Telegram 🌐Instagram 📹YouTube✅Facebook

✅✅✅✅

Nurafshonda OIV/OITS mavzusida matbuot anjumani o‘tkazildi

✅Bugungi kunda OIV/OITS (odamning immunitet tanqisligi virusi/orttirilgan immunitet tanqisligi sindromi) keng qamrovli profilaktik va targ‘ibot-tushuntirish choralarini talab etadigan dolzarb global muammolardan biri bo‘lib qolmoqda.

🔘Shu munosabat bilan Nurafshon shahrida OIV/OITSning oldini olish, kasallikning tarqalishiga yo‘l qo‘ymaslik hamda aholining tibbiy savodxonligini oshirish masalalariga bag‘ishlangan matbuot anjumani tashkil etildi.

🔘Unda ommaviy axborot vositalari vakillari hamda soha mutaxassislari ishtirok etib, OIV infeksiyasining yuqish yo‘llari, profilaktika choralari, erta aniqlash va muntazam tibbiy tekshiruvlarning ahamiyati yuzasidan fikr almashildi.

Matbuot anjumanida jurnalistlar tomonidan mavzu doirasida turli savollar berilib, mutaxassislar tomonidan ularga batafsil va asoslantirilgan javoblar taqdim etildi. Shuningdek, aholiga OIV/OITS bo‘yicha ishonchli va to‘g‘ri ma’lumotlarni yetkazish, kasallikning oldini olishda jamoatchilik xabardorligini oshirish muhimligi ta’kidlandi.

❗️Mazkur tadbir OIV/OITSning oldini olish borasidagi targ‘ibot ishlarini kuchaytirish, aholining xabardorligini oshirish va sog‘lom turmush tarzini qo‘llab-quvvatlashga xizmat qiladi.

✅Telegram 🌐Instagram 📹YouTube✅Facebook

✅✅✅✅

“Situatsion tahliliy markaz – Aqlli shahar” faoliyati yuzasidan seminar o‘tkazildi

Nurafshon shahar prokurorining katta yordamchisi E. Abdualiyev tomonidan shaharda tashkil etilgan “Situatsion tahliliy markaz – Aqlli shahar” faoliyatini samarali yo‘lga qo‘yish, belgilangan vazifalar ijrosini ta’minlash hamda mas’ul xodimlarning bu boradagi bilim va ko‘nikmalarini oshirish maqsadida seminar o‘tkazildi.

Seminar davomida aholi bandligini ta’minlash, yangi ish o‘rinlarini yaratish, yashirin iqtisodiyotni qisqartirish, savdo va xizmat ko‘rsatish sohalarida shaffoflikni ta’minlash, shuningdek, bozorlarni raqamlashtirish borasida amalga oshirilayotgan ishlarni tahliliy monitoring qilish tartibi va usullari yuzasidan tushunchalar berildi.

Shuningdek, raqamlashtirish jarayonida mavjud muammolar, ularning kelib chiqish sabablari va bartaraf etish choralari muhokama qilindi. Aniqlangan kamchiliklarni bartaraf etish, belgilangan vazifalar ijrosini ta’minlash hamda qonuniylikni yanada mustahkamlash yuzasidan mas’ullarga tegishli tushuntirish va ko‘rsatmalar berildi.

Seminar yakunida “Situatsion tahliliy markaz – Aqlli shahar” faoliyatini samarali tashkil etish, amalga oshirilayotgan ishlarni tizimli ravishda tahlil qilib borish hamda belgilangan vazifalarning sifatli va o‘z vaqtida bajarilishini ta’minlash muhimligi ta’kidlandi.

✅Telegram 🌐Instagram 📹YouTube✅Facebook