PiranshahrRudaw

گۆشەنیگایەک بە چیرۆکی نابینایەک!

وەرگێڕ: عەبدوڵڵاعەلیپوور

دەگێڕنەوە لە نەخۆشخانەیەک، دوو نەخۆش لە یەک ژوور خەوێنرابوون. یەکێک لەو نەخۆشانە ڕێگەی پێ درابوو هەموو ڕۆژێ دوانیوەڕۆ، یەک کاتژمێر لەسەر تەختەکەی لە لای پەنجەرە دانیشێ؛ بەڵام نەخۆشەکەی دیی بە پێچەوانە دەبوایە ڕێک لەسەر تەختەکەی خۆی دانیشێ و جووڵە نەکات و هاوکات لەگەڵ ئەوەشدا، دەبێ لەسەر تەختەکەی پشت بە هاوڕێیەکەی ڕاکشێت.
بەڵێ؛ ئەوان ڕۆژگارێکی زۆر لەو هۆدە، بەیەکەوە ژیانیان بردەسەر. شەو و ڕۆژ بابەتگەلێکی زۆر لە چەشنی: خێزان، هاوسەر، مناڵ و ڕابردووی ژیانی خۆیان بۆ یەکتری دەگێڕایەوە. هەموو ڕۆژێک هاوڕێیەکەی لای پەنجەرە، ڕوو بە حەوشەی نەخۆشخانە دادەنیشت و جەماڵ و قۆزیەتی و جوانی دەڕەوەی بۆ هاوڕێکەی دەگێڕایەوە. دەی وت: لەو حەوشەیە، زرێبارێکی قۆزی لێیە کە لەناو ئەو زرێبارە جوانه‌، پەڵەوەری ڕەنگاوڕەنگی وەک مراوی و… خەریکی سەماکردنن و مناڵە چاوگەشەکان وا بە لۆتکە و بەلەم لەناو ئاوەکەدا دێن و دەچن. لە دار و دەوەن و هەنارێز و هێلانەی پەلەوەرەکانی ناو لک و پۆی ئەو دەڤەرە، وێنەیەکی دڵگیر و ناوازەی بۆ هاوڕێیەکەی وێنا دەکرد، هاوڕێیەکەی لە کاتی بیستنی ئەو چیرۆک و وێنا جوانە، چاوەکانی لەیەک دەنانن و ئەو وڵاتە دڵگیر و نایاب و دڵاوێنەی دەهێنایە بەرچاوی خۆی و زەردەخەنە ناخی دڵی دادەگرت و لە بیروهزری خۆیدا لەناو ئەو هەسارەیەدا پیاسەی دەکرد…! بەڵێ؛ چەندین شەوڕۆژ و حەوتە بەو شێوازە تێپەڕین و بەیەکەوە ژیان. ڕۆژێک لە ناکاو کرێکارەکانی نەخۆشخانە هاتن، جەستە و لاشەی بێ ڕوحی ئەو پیاوەی کە بەردەوام لای پەنچەرەکە بوو و بە گێڕانەوە و وێناکردنی حەوشەی نەخۆشخانە بۆ هاوڕێیەکەی، هۆدە و ژووری خۆیانی دەڕازاندەوە، بێ ئەوە دەرفەتی ماڵاواییان لەیەکتری هەبێت بردیان…!
ئەو ڕووداوە دەڵهەژێنە کاریگەری قوورسی لەسەر ڕوحی هاورێیەکەی هەبوو، هەر بۆیە داوای لە بەرپرس و کرێکارەکانی نەخۆشخانە کرد، بۆ ئۆقرەیی و ئارامی دڵی، جێگاکەی بگوازنەوە بۆ سەر تەختی هاوڕێیەکەی و لەوێ لای پەنجەرە بیخەوێنن، ئەوانیش بێدڵیان نەکرد و نەخۆشەکەیان بردە سەر تەختی هاوڕێ کۆچکردوویەکەی. دوای ئەوە لەسەر تەختی هاوڕێیەکەی خەواندیان، لەگەڵ ئەوە کە ئازاری جەستەی زۆر بوو، بەڵام هێدی هێدی خۆی گەیاندە حاندی پەنجەرەکە، بۆ ئەوەی ئەو وێنا جوان و قۆزەی کە ڕۆژانە هاوڕێیەکەی بۆی دەگوازتەوە، بە یاد و بیری هاوڕێیەکەی ئەوجار بە چاوی خۆی بیبینێ.
بەڵێ؛ کاتێک خۆی گەیاندە حاندی پەنجەرەکە، ئەوەی کە بینی، جێگەی باوەڕ نەبوو، چۆن شتی وا دەبێ!؟ دیوارێک تا چاو هەتەرێ دەکات به‌رز!! یانی هەر ئەوه‌یە! مەگەر شتی وا دەکرێ؟! پیاوەکە سەری سووڕمابوو،! بۆیە لە په‌رەستاری نەخۆشخانەی پرسی و وتی: ئەو هاوڕێیەی من کە لێرە خەوێنڕابوو، بەردەوام دیمەنێکی ڕازاوە و دڵگیری لە دەرەوەی ئەو پەنجەرەیە بۆ من وێنا دەکرد، ئەی بۆ من جگە لە دیوارێکی به‌رز، هیچ شتێکی تر نابینم شتی وا دەکرێت…؟! کوان ئەو هەموو شتە جوان و قۆز و دڵگیرەی باسی لێوە دەکرد…!؟ پەرستارەکە هێدی و لەسەرخۆ وەتی: مامەگیان، ئەو پیاوەی لێرەوە دانیشتبوو، کوێر بوو، واتە چاوی هیچی نەدەبینی...!

وانەی چیرۆک: ژیان ڕێک وەک قوتابخانەیەک وایە، دەبێ هێندێک لە وانەکان، لە ئاسمان بنووسرێنەوە تاکوو هەموو بیبینن و لێی تێبگەن! ژیان، کێبەڕکێ نییە، ژیان یێک سەفەرە، تۆ ببە بەو ڕێبوارە کە لەهەر هەنگاوێکی، سۆزەیەکی ناوازەی چرکەساتەکانی هاوگیانە…

✅پیرانشهر رووداو
🆔: @piranshahrrudaw

❤34👍14😢4😡1

12K views19:17