#ڕۆژ_باش

#شێعری_پیرۆز

هەندێ جار، شێعر هەڵۆیە و
کوێستان ئەکا بە هێلانە
هەندێ جار، شێعر وێرانە و
ڕۆ دەچێتە نێو مەیخانە
هەندێ جار، شێعر عاشقە و
ئەبێتە ماچ ئەو لێوانە...

هەندێ جاریش، شێعر ئەبێت بە ماسی و
جەزیرەی جودایی ئەبڕێ
هەتا دەرکەی ئەو زیندانە...
هەندێ جاریش، شێعر پیرۆزە و دیارییە
بۆ یادێک و بۆ هەڵاتن،
هەتاوی ئەم کوردستانە...

#ئارام_مەلەکشا

🔺وێنە ئاوایی سەرتێز لە ناوچەی نەڵێنی پیرانشار

✅پیرانشار ڕووداو
https://telegram.me/joinchat/CRH1TDvO_pgtEpS31yhRpw

#دنیای_من

گەر دەسەڵاتم هەبایە
دنیام دەکرد
بە یەک دانە کافیشاپ و
یەک دەست کراسم
بۆ ساز دەکردی لە شیلەی هەنگوین و
تاجێکم بۆ دروس دەکردی
لە گوڵە ئۆرکیدە و ، باڵندەی بەهەشتی
شاعێرانی دنیام دەکرد بە چەپکە گوڵ و
دام دەنا،
لە سەر مێزێکی دوو کەسی،
کە ڕازاوە بێت
بە هەزاران هەزار پەپوولە و
عەسرێکی درێژ و بێ کۆتایی و
بارانێکی نەرم و
نیگاهێکی گەرم...
دنیا لە لام هیچ نییە کەنی
هەمووی دەکەم بە یەک دانە پرد و
تۆ بە سەریدا هاتوچوو بکەیت و پێبکەنی...

#ئارام_مەلەکشا

🔺وێنە:ئومید بەزرکار"شێلم جاڕان"

✅پیرانشار ڕووداو
🆔: @piranshahrrudaw