#دەنگی_خەڵک

⭕️گڵەیی کۆڵبەران لە شێوازی بەڕێوەبردنی نۆبەتی دەروازەی حاجی عومەران

🔹ژمارەیەک لە کۆڵبەرانی پیرانشار بە ناردنی پەیامێک بۆ پیرانشار ڕوداو، گڵەییان لە شێوازی بەڕێوەبردنی نۆبەتی کۆڵبەری کردووە و داوای چارەسەرکردنی ئەم کێشەیەیان لە فەرمانداری و لایەنە پەیوەندیدارەکان کردووە.

🔹بەپێی وتەی ئەم کۆڵبەرانە، ئەمڕۆ سەدان کەس بە پەیامی کورت (SMS) بانگهێشت کرابوون بۆ چوونە دەروازەی حاجی عومەران بۆ کارکردن، بەڵام بەهۆی ناڕێکی و کێشە لە بەڕێوەبردنی نۆبەتەکان، ژمارەیەکی زۆریان دەستبەتاڵ گەڕاونەتەوە.

🔹کۆڵبەران دەڵێن هەندێک کەس، سەرەڕای ئەوەی نۆبەتیان نەبووە، چوونەتە ناو دەروازە و بە شێوەیەک مافی ئەوانەیان خستوەتە ژێر پێ کە بە فەرمی بانگهێشت کرابوون.

🔹ئەوان لە کۆتایی پەیامەکەیاندا داوایان لە فەرمانداری و هەموو بەرپرسان کردووە بە خێرایی ئەم دۆخە ڕێکبخەن و ڕێگاچارەیەکی دادپەروەرانە بۆ پاراستنی مافی هەموو کۆڵبەران دابنێن، چونکە بە وتەی خۆیان: "بەڕاستی ماندوو بووین."

🆔: @piranshahrrudaw
✅پیرانشهر رووداو
https://t.me/+O87-mN-n0JiCPBBL

#دەنگی _خەڵک

⭕️هاووڵاتییان داوای چارەسەری خێرای کێشەی ئاوی ناوچەی مام خەلیل دەکەن

🔹بەپێی ڤیدیۆیەک کە بۆ پیرانشار ڕووداو نێردراوە، هاووڵاتیانی ناوچەی مام خەلیل گڵەیی لە بەردەوامبوونی کێشەی دابینکردنی ئاو دەکەن.

🔹بەپێی وتەی هاووڵاتییەک، لە کاتژمێرانی بەیانییەوە تا نزیکەی کاتژمێر ١٢ی شەو، ئاو بەردەست نییە و ئەم دۆخە ژیانی ڕۆژانەی خەڵکی ناوچەکەی تووشی کێشەی زۆر کردووە.

🔹هاووڵاتییەکان دەڵێن: «ئێمە بەڕاستی ماندوو بووین لەم دۆخە، تکایە بەرپرسانی پەیوەندیدار بە خێرایی ڕاگەیشتن و چارەسەری ئەم کێشەیە بکەن، چونکە بەردەوامبوونی ئەم بارودۆخە قبوڵ ناکرێت.»

🔹چاوەڕوان دەکرێت بەرپرسانی ئیدارەی ئاوی پیرانشار بە خێرایی هەنگاو بۆ چارەسەرکردنی ئەم کێشەیە بنێن.

🆔: @piranshahrrudaw
✅پیرانشهر رووداو
https://t.me/+O87-mN-n0JiCPBBL

#دەنگی_هاووڵاتیان

⭕️ گڵەیی لە نەبوونی هێڵ و لاوازی ئینتەرنێت لە گەڕەکی پاداشی پیرانشار

بەپێی گوتەی ژمارەیەک لە دانیشتووانی گەڕەکی پاداشی پیرانشار، ماوەیەکە کێشەی لاوازی هێڵی تەلەفۆن و ئینتەرنێت بە شێوەیەکی بەردەوام بووەتە هۆی ئازاریان و ژیانی ڕۆژانەیان و کاریان تێکداوە.

هاووڵاتیان دەڵێن پەیوەندی تەلەفۆنیان زۆرجار دادەبڕێت و خزمەتگوزاری ئینتەرنێتیش زۆر لاوازە، ئەمەش وای کردووە نەتوانن بە باشی کارە ڕۆژانەکان و پەیوەندییەکانیان بەڕێوە بەرن.

دانیشتووانی ئەو گەڕەکە داوایان لە بەرپرسانی کۆمپانیای تەلەکۆم و ئێرانسێڵ و هەموو لایەنە پەیوەندیدارەکان کردووە بە خێرایی ئەم کێشەیە چارەسەر بکەن و هێڵ و ئینتەرنێتی ناوچەی پاداش باشتر بکەن.

✅پیرانشهر رووداو
🆔: @piranshahrrudaw

#دەنگی_خەڵک

🔹 نیگەرانی هاوڵاتیان لە بەکارهێنانی ماتۆڕی بچووک لەلایەن منداڵان لە شەقامەکانی پیرانشار

یەکێک لە هاوڵاتیان بە ناردنی پەیامێک بۆ پیرانشار ڕووداو، سکاڵای خۆی لە بەکارهێنانی ماتۆڕ و ئۆتۆمبێلی بچووک لەلایەن منداڵان لە ناو کۆڵان و شەقامەکانی شار دەربڕی.

ئەم هاوڵاتییە دەڵێت: ماوەیەکە ئەم جۆرە ئامێرانە کە بۆ خۆشی و کاری تایبەت دروست کراون، لەلایەن منداڵانەوە بەبێ ئاگاداری لە یاسا و ڕێساکانی هاتووچۆ بەکاردێن، کە بووەتە هۆی قەرەباڵغی لە هەندێک کۆڵان و دروستبوونی نیگەرانی بۆ خەڵک، بە تایبەتی شۆفێران.

ئەم هاوڵاتییە :داوای لە خێزانەکان کردووە زیاتر ئاگاداری منداڵەکانیان بن و ڕێنمایییان بکەن کە بە شێوەیەکی بەرپرسیارانە لەو ئامێرانە بەکاربهێنن.

هەروەها داوای لە هاتووچۆ و لایەنە پەیوەندیدارەکان کردووە کە بۆ ئەم بابەتە چاودێری زیاتر بکەن و ڕێکاری گونجاو بۆ پاراستنی سەلامەتی هاوڵاتیان دابین بکەن.

🆔: @piranshahrrudaw
✅پیرانشهر رووداو
https://t.me/+O87-mN-n0JiCPB

#دەنگی_خەڵک

🔹گڵەیی دانیشتووانی شەقامی مامۆستا حەقیقی پیرانشار لە کاتی بڕینی کارەبا

🔹پیرانشار رووداو ،هەندێک لە دانیشتووانی شەقامی مامۆستا حەقیقی لە پیرانشار، سەبارەت بە کاتی بڕینی کارەبا لەلایەن ئیدارەی کارەباوە گڵەییان هەیە و داوای پێداچوونەوەیان کرد.

🔹بەپێی گوتەی دانیشتووانی ئەم شەقامە، کارەبا لە ماوەی ڕۆژدا، بە تایبەتی لە کاتژمێر ١٢ی نیوەڕۆ تا ٢ی دوای نیوەڕۆ کە پلەی گەرما زۆرترین ئاستی خۆی دەگات، زۆرجار دەبڕدرێت.

🔹یەکێک لە هاووڵاتیان بە پیرانشار رووداو گوت:
«داواکاری ئێمە ئەوەیە کاتەکانی بڕینی کارەبا لە ناو گەڕەکەکان بە شێوەیەکی دادپەروەرانە دابەش بکرێت، نابێت هەمیشە لە کاتی زۆرترین گەرما ئەم ناوچەیە بێ کارەبا بمێنێتەوە.»

🔹دانیشتووان دەڵێن، هەرچەندە لەوانەیە بڕینی کارەبا بە نۆرە بێت، بەڵام لە ماوەی رابردوودا زۆرجار لە شەقامی مامۆستا حەقیقی لە هەمان کاتدا، واتە دەوروبەری کاتژمێر ١٢ی نیوەڕۆ، کارەبا بڕاوەتەوە.

🔹هاووڵاتیانی ئەم ناوچەیە داوا لە بەرپرسانی ئیدارەی کارەبا دەکەن کە کاتی بڕینەکان لە ناو گەڕەکەکاندا بە شێوەیەکی هاوسەنگ ڕێکبخرێت، بەتایبەتی لەو ڕۆژانەی کە گەرما بەرزە.

🆔: @piranshahrrudaw
✅پیرانشهر رووداو
https://t.me/+O87-mN-n0JiCPB