💐 #نەورۆزتان_پیرۆز
"ئەم ڕۆژی ساڵی تازەیە نەورۆزە هاتەوە/ جێژنێکی کۆنی کوردە بەخۆشی و بەهاتەوە"

کە زستان ڕەنگی نامێنێ و چیا خاڵ بەڵەکی تێدەکەوێ، گوڵە گەزیزە مزگێنی نەورۆز و بەهار دەبخەشێت جۆش و خرۆشێک دەکوێتە دڵی ئۆگرانی نەورۆز و بەهاری سەربەستی و دەست دەگرین بۆ گۆڤەند و دیلانی ئازادی

هاونیشتمانیانی خۆشەویست، جەماوەری نیشتمان پەروەری  #پێگەی_هەواڵنێری_پیرانشار_ڕووداو

هەر بەو بۆنەوە ڕادەگێنین وەبیرتان دێنینەوە کە نەورۆز وەکوو کۆنترین جێژنی نەتەوەکەمانە و ئێمەش بۆ بەرز ڕاگرتنی ئەو جێژنە پیرۆزە بەرەو پیریەوە دەچین و لە هەر گۆشە و کەنارێک کە مەجالمان بۆ بڕەخسێت لەناخی پڕ لە هەستماندا بەرز و پیرۆزی ڕادەگرین و دەڕوانینە ساڵی نوێ و هەڵبڕانی ساڵێکی تر لە تەمەن

نەورۆزانەی سەری ساڵی بیر و ئامنجمانە دەبێ هەر وەک تیشکی رووناکی سینگی چیا دەنگوێ ، رووناکی رۆشەنگەری هزر و بیرمان بپێکێ، ئەم گۆڕانە هەوێنی هەڵگەڕانەوەی دیاردە دزێوەکان بێ کە ساڵانێکە وەک زۆردار بەرۆکی کۆمەڵگەکەمانی گرتووە

ئێمەش وەک دەستەی بەڕێوەبەرایەتی پێگەی هەواڵنێری پیرانشار ڕووداو، سەرەڕای پیرۆزبایی گەرمی خۆمان بە بۆنەی هاتنی ساڵی نوێ ، ئاواتەخوازین ساڵی داهاتوو ساڵێکی تەژی لە خۆشی، سەقامگیری کۆمەڵایەتی و حەسانەوە و بەدوور لە نەهامەتی و هەروەها دەستەبەرکردنی مافی ڕەوای خەڵکی نیشتمانی خۆشەیستمان بێ

ھیوادارین ساڵێکی پڕ لە خۆشی تێپەڕ کەین و سەرکەوتوویی گەلەکەمان لە تەواوی بوارەکان ئاوات و داخوازمانە

💐دەستەی بەڕێوەبەرایەتی پێگەی هەواڵنێری پیرانشار ڕووداو

⭐: @piranshahrrudaw

⭐: @sportrudaw

⭐: @etelaiehaa

🌐 : www.piranshahrrudaw.ir

🌐: Https://instagram.com/PiransharRudaw