"متخسرش دينك عشان دنيا غيرك"

يعني لما صاحبتك تشتكي لك من ظلم زوجها، أو شدة والدتها، أو سوء معاملة صاحبتها، أو عدم اهتمام قريبتها؛ متفرطيش في دينك بإنك تيجي مع صاحبتك على -الطرف اللي مش موجود- وتنتقديه أو حتى تأيديها على أي قرار هي خدته ضد -الطرف اللي مزعلها- عشان حاجتين:

١- "فتبينوا" ده أمر من ربنا -سبحانه وتعالى- في القرآن إن أي خبر يتنقل ليك تتبيني منه بنفسك، وتسمعي من الطرفين في أي خلاف قبل ما تفعلي أو تقولي أي شيء؛ أما إن عجزت عن السماع للطرف الثاني فعليك بالكلمة الطيبة أو امتنعي عن الكلام قال -صلى الله عليه وسلم- "فليقل خيرا أو ليصمت".

٢- عشان يوم القيامة الناس اللي اتكلمت عليهم وجاملت صاحبتك على حسابهم! هيوقفوك على (القنطرة) يقتصوا منك -لغيبتك ليهم-! فياخدوا حقهم فياخدوا من حسناتك! ولو خلصت حسناتك؟ هيدوك من سيئاتهم.

أما بقى صاحبتك اللي كانت أخت ليك في الله وكانت عشرة عمر و و .. هتفر منك! وتتبرأ من فعلك يوم القيامة! قال تعالى: "يوم يفر المرء من أخيه".

فاتقوا الله إماء الله؛ حقوق العباد شيء مش هين؛ فعلى إيه وعشان مين نفرط في شيء من ديننا.

لو صاحبتك أو أختك دي هتدخلك الجنة، أو تخرجك من النار، أو تتحمل عنك العذاب والسؤال = جامليها براحتك .. ‌

#نبتٌ_طيِّب

#توليب