4 u by @USA2A #ገምሃልያ_ክፍል_19

#ህይወት ቀጠለች.... ግዜያት ሄዱ እኔም ከቤት ወጥቼ ከሃናን ጋር አንድ ላይ መኖር ጀመርን በዚህ ወሳኔዬ ሊና መጀመሪያ ላይ ብዙም ደስ ባይላትም ግን በጊዜ ሂደት ተቀበለችው እጩዎቹ ሙሽሮች ሊና እና ታዲም አንድ ላይ ይፍቅር ህይወታቸውን ያለማንም ከልካይ ይኖራሉ ለግዜውም ቢሆን ከነሱ መሬቄ ለኔም ለነሱም አሪፍ ነበር ለነሱ የግል ግዜያቸውን ሲያገኙበት ለኔ ደሞ ወደራሴ መለስ ብዬ ተረጋግቼ ነገሮችን እንዳስብ እድል ሰጥቶኛል ሁሌም ቢሆን ሰለታዲ ማሰቤን አላቆምኩም የፈለገ ከሱ ብርቅም ስለሱ ማሰቤን ግን ማቆም አልቻልኩም ቢቸግረኝ ቤተክርስቲያን ሄጄ ይህንን አዚም ነቅሎ ይጥልልኝ ዘንድ ፀሎት አደረኩ ፍቅር በፀሎት ይተው ይመስል....
ሳምንቱን ሙሉ በስራ ተጠምጄ እውልና ቅዳሜ ወይ እሁድ እነሊናን ልጠይቃቸው ቤት እሄዳለው ስሄድ ናፍቀውኝ እንዳልሄድኩ ስመለስ ግን በቅናት ተቃጥዬ ፊቴ ጠቁሮ እመለሳለው ሁሌም ቤት ስሄድ ያላቸው የማይሰለች ፍቅር ዘውትር እየጨመረ ይበልጥ ሲዋደዱ አያቸዋለው። ቤቱ ውስጥ በትልቅ ፍሬም የተለጠፉት አብረዋቸው የተነሷቸው ፎቶዎችን ሳይ በሊና ፋንታ እኔ ልሆን እንደምችል እኔ ልሆን እንደሚገባ እያሰብኩ በቅናት እበግናለው!። ሴት እንዴት የእህቷን ባል ልትመኝ ትችላለች ብዬ እጠይቃለው መልሼ ደግሞ እኔ እኮ ነኝ መጀመሪያ ታዲን የማውቀው እኔ እኮ ነኝ መጀመሪያ የወደድኩት ብዬ ከራሴ ጋር ሙግት እየገጠምኩ ወደቤት እመለሳለው እንዲ መጨናነቁና ቅናቱ እየበዛብኝ ሲመጣ እኔም ቀስ በቀስ እነሱጋ መሄድ አቆምኩ ስጠፋባቸው እየደወሉ ይጠሩኛል ተገናኝተን ለምን እንደጠፋው ሲጠይቁኝ ስራ እያጨናነቀኝ እንደሆነ ነግራቸዋለው ታውቃለህ በዚህ አለም ላይ ከባዱ ስሜት የሚወዱት ሰው ሌላ ሰው ሲወዱ ማየት ነው ይህንን ያየው ብቻ ነው ሚያውቀው። አውቃለው ታዲ የኔ መቼም እንደማይሆን ግን በቃ የሆነ ተአምር ተፈጥሮ የኔ እንዲሆን እፀልያለው ሁሌም! ሁሌ ለሃናን ስለታዲ እያወራው ሳሰለቻት ትቆጣኛለች። አንድ ቀን ሲሰለቻት ምናልባት ታዲን እሚያስረሳኝ ከሆነ ብላ አንድ ጓደኛዋን ካላስትዋወቅኩሽ በላ ይዛኝ ሄደች ኤልሻዳይ ይባላል። ሁለታችንን አስተዋውቃን ትንሽ ካወራን በኃላ ሃናን መጣው ብላኝ በዛው ሄዳ ቀረኝ ልታጣብሰኝ እየሞከረች እንደሆነ ቆይቶ ነበር የገባኝ።
ኤልሻዳይን ትንሽ እንዳየሁት ደበረኝ ታድኤልን ባየሁበት አይን ኤልሻዳይን ሳየው በጣም አስጠላኝ ምናቸውም አይገናኝም ኤልሻዳይ ማለት የዘመኑ አይነት ወጠጤ ወንዶች ማለት ነው ችኩል በሱ ቤት ማጨስ ማቃም መጠጣት በየመሸታ ቤቱ መዋል አሪፍነት ነው የአውሮፓ እና የአሜሪካ መጢቃ ወይኔ እንዴት እንዳስጠላኝ... በዛላ ላይ ደግሞ በዛ ኮሳሳ ሰውነቱ ላይ ጥብቅ ያለ ብጭቅጭቁ የወጣ ቡተቱ ሱሪ አድርጎ ሲመጣ... እኔ ከወንድ እሚያስጠላኝ ነገር ቢኖር ሴታሴት ወንድ ነው በእድሜ እኩል ብንሆንም ግን በጣም መብሰል የሚቀረው የከተማ ጥሬ መስሎ ታየኝ። በኔ አመለካከት አሪፍ ወንድ ማለት እንደወንድ ስነስርአት ያለው አለባበስ የሚለብስ የተረጋጋ ሲናገር በማስተዋል እና በእርጋታ የሚናገር ከጊዜያዊ ነገሮች ይልቅ የወደፊቱን አርቆ እሚያይ ማለት ነው። ማንም ሴት እንዲ አይነት ወንድ ባትወደው እንኳን ታከብረዋለች "gentle" ስለሆነ ደግሞ አንድ እውነት ልንገርህ ሴቶች እንደኤልሻዳይ አይነት ያሉ የዘመኑ ወጣቶችን አብረው ግዜ ለማሳለፊያነት ሊጠቀሙበት ይችላሉ እንጂ መቼም ለቁምነገር አያስበትም ነገርግን እንደታዲ ያሉ አስተዋዮችን ግን ለብዙ ነገር ያስቧቸዋል ይህንን ማንንም ሴት ብትጠይቅ ትነግርሃለች አለችኝና ፈገግ አለች እኔም አሁን ያለውን ትውልድ አስተውዬ ፈገግ አልኩ ፅናት የምትጠላቸውን ነገሮች እኔም ብዙም አይመቹኝም በግሌ አሁን ያሉትን ወንዶች ሳያቸው ከወንድነታችው ይልቅ ሴታሴትነታቸው ጎልቶ ይታየኛል ልክ እንደሴት ሰውነት ላይ ልጥጥጥጥ...ፍ የሚል ሱሪ፣ ፀጉራቸውን እንደሴት ተቆርጦ ቀለም መቀባት ሎቲ ማንጠልጠል፣ አውራራቸው እንደሴት ሁሉ ነገራቸው እንደሴት የወንድነት ለዛው ይኑረን!። ወዴት እየሄድን ነው? ብዬ እያሰብኩ እንዳለ ፅናት ቆይማ የኤልሻዳይን ፎቶ ላሳይህ ብላ ስልኳን ከፍታ አሳየችኝ ከት ብዬ ሳቅኩ ከፅናት ጋር ይህንን እያወራን ከት ብለን ተሳሳቅን ስናበቃ ታሪኳን ካቆመችልኝ ቦታ ቀጠለችልኝ...
እና እልሃለው ከእንደዚ አይነት ፎዞ ጋር ነበር ሃናን ልታጣብሰኝ የፈለገችው የተወሰነ ቀን ሃናን በግድ እየጨቀጨቀችኝ በግድ እየሄድኩ ኤልሻዳይን አገኘሁት ይበልጥ እያስጠላኝ መጣ እሚያወራቸው ነገሮች በሙሉ ገና ልጅነቱን ያልጨረስ ህፃን ነው። ሁሌ እስከዛሬ ስለጠበሳቸው ቆንጆ ቆንጆ ሴቶች፣ ስለቤተሰቦቹ ሃብት፣ ስለሚለብሳቸው ብራንድ ልብሶች ሲበጠረቅ ይውላል የሆነ ቀን ምርር ሲለኝ እንዴ አንተ አይሰለችህም እንዴ እንዲ አይነት ወሬ ማውራት ስታየኝ ያንተን ሃብት ልመዘግብ የመጣው ማዘጋጃ ቤት መስልሃለው አልገባህም እንጂ እምታወራው ወሬ ሆድ ይነፋል ህፃን ሁለተኛ እንዳትደውልልኝ ብዬ ሰድቤው ሄድኩ። ፅናት በብሽቀት ይህንን ስትነግረኝ የሰደበችው ስድብ በጣም አስቆኝ በሳቅ ሞትኩ ፅናትም አብራኝ ሳቀች።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_20_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/usa2a
በ @USA2A የቀረበ

#Others: የኔ #ህይወት ውጣ ውረድ የበዛበት ነው
.
.
.
.
#Me፡ የኔ ደግሞ #ውጣ የለውም። #ውረድ ብቻ ነው😏😏😂

#stay-safe

@USA2A