4u by @USA2A

#ገምሃልያ_ክፍል_18
........የታድኤል ደብዳቤ........
ቁጥር አንድ

#ሊናዬ እስከዛሬ ለፅኑ 146 ደብዳቤዎችን ፅፌላታለው ይህ ደሞ ላንቺ መፃፍ የምጀምረው አዲስ ደብዳቤ ነው አውቃለው አንቺ ደብዳቤ ማንበብ እንደምትወጂ እስከዛሬ ለምን ላንቺ እንዳልፃፍኩልሽ ሳስበው ቆጨኝ! ሊናዬ እኔ አንቺን ከሚባለው በላይ አከብርሻለው፣ አምንሻለው፣ አስብልሻለው፣ እወድሻለው አፈቅርሻለው በቅደም ተከተል። ከመውደድ በፊት ክብር ይቀድማል ከማፍቀር በፊት ማመን ይቀድማል። እኔ አንቺን ሳፈቅርሽ በነኚ ነገሮች ሁሉ ውስጥ አልፌ ነው መጀመሪያ ስንተዋወቅ ለሰው ያለሽን ክብር አይቼ አከበርኩሽ ከዛም ለአምላክሽ ያለሽን ታማኝነትሽን እምነትሽን አይቼ አመንኩሽ አምኜሽም አልቀረው ዘውትር ስላንቺ ማሰብ መጨነቅ ጀመርኩ ሳላስበው እየወደድኩሽ መጣው መውደዴ በመውደድ ብቻ አልቀረም ለእህትሽ ያለሽን ጥልቅ ፍቅር አይቼ አፈቀርኩሽ! እኛ እምቶጃቸው ዘፋኝ ነብሳቸውን ይማረውና ጋሽ ሚኒሊክ ፍቅር አያረጅም አይደል ያሉት እኔና አንቺ አብረን ሆነን ፍቅራችን ሳያረጅ አብረን እንድናረጅ እፈልጋለው ሆሌም ከእንቅልፌ ስነሳ መጀመሪያ ማየት የምፈልገው ያንቺን ፈገታ ነው ቀኑ አሳልፌም ማታ ደክሞኝ ስተኛ መጨረሻ ማየት የምፈልገው ያንቺን ገፅ ነው ሊናዬ እኔ አንቺን ምንያህል እንደማፈቅርሽ ከምነግርሽ ይልቅ ባሳይሽ እመርጣለው ፍቅር የሚነገር ሳይሆን በተግባር የሚታይ ነገር ነውና። አንቺ ለኔ አለሜ ነሽ ባዶ የነበረው ህይወቴ መጣፈጥ የጀመረው አንቺን ካወቅኩበት ቀን ጀምሮ ነው ትናንት ከዚህ በላይ ማፍቀር የለም ብዬ አስቤ ነበር ዛሬ ደግሞ ይበልጥ ሳፈቅርሽ ይበልጥ ስወድሽ እና ማንነቴን ስትቆጣጠሪ ይሰማኛል ከዚያ የብቸኝነት ህይወት ያወጣሽኝ አንቺ ነሽ ህይወቴ አንቺ እስክትመጪበት ድረስ ባዶ ነበር ያንን ባዶ ልብ ግን አንቺ በፍቅር ሞላሽው ሊናዬ በመልካሙም ሆነ በክፉ ግዜ ይበልጥ ላፈቅርሽና ከጎንሽ ልሆንልሽ ቃል እገባልሻለው። አብረን እጅ ለእጅ እንደተያያዝን ሞት መጥቶ እስኪለያየን ድረስ አንድ ላይ እንድንሆ እፈልጋለው፣ ፍቅር አያረጅም መውደድ አያረጅም እድሜ ቢጠወልግ ሰውነት ቢጃጅም እያልን ባረጀ በሰለለ ድምፃችን እንደወጣትነታችን እንድንዘምር እመኛለው፣ የምንወልዳቸው ልጆች ወግ መአረግ እንዲያሳዩን ሲያገቡ ወደ ትምህርት ቤት ሲሄዱ ማየት እናፍቃለው፣ አንቺ እርጉዝ ሆነሽ ይሄ አማረኝ ይሄን አድርግልኝ ስትይኝ ልሰማ እናፍቃለው.... ግ...ን ግን... ያ... ሁሉ እንዲሆን መጀመሪያ ለኔ አንድ ጥያቄ መመለስ አለብሽ.... ታ....ገ...ቢ...ኛ.....ለ.....ሽ?

.................................................

ሊና የታዲን ደብዳቤ ጮክ ብላ ስታነበው በደስታ ብዛት ስቅስቅ ብላ እያለቀሰች እንባዋን እየጠረገች ነበር እኔም በቅናት ይሁን በደስታ ብዛት እያለቀስኩ ነበር። ሊና ወረቀቱን ወደታች ስታረገው ታዲ ቀለበቱን እንደተንበረከከ ይዞታል ሊና ይበልጥ በደስታ መንሰቅሰቅ ቀጠለች ታዲ እንደተንበረከከ ወደሷ እየተጠጋ ሊናዬ አንቺን እንድታገቢኝ ከመጠየቄ በፊት ፅናትን ጠይቂያት ደስተኛ ከመሆኗ የተነሷ ሁሉንም ነገር ያዘጋጀችው እሷ ናት ምግቡን አበባውን ሻማውን ሁሉንም ነገር... ያው እዛጋ ተደብቃ እየጠበቀች ነው አላት እየሳቀ ሊና የታዲ እጅ አደጠቆመበት ወደኔ አቅጣጫ ስትዞር መብራቱን አበራሁት እኔም ሳይታወቀኝ እንባ በእንባ ሆኜ ነበር ታዲ የፃፈው ደብዳቤ በጣም ያምር ነበር። እእእ ሊኑዬ መልስሽን እኮ እየጠበቀ ነው አልኳት ሊና በደስታ እሺ አገባሃለው የኔ ፍቅር ብላ እሷም ተንበርክካ ተጠመጠመችበት ተቃቅፈው ተላቅሰው ሲያበቁ ታዲ ቀለበቱን እጇ ላይ አደረገላት ምሽቱን በደስታ አሳለፍን። ግን ምን ያደርጋል... አየህ አንዳንዴ ትልቅ ደስታ ትልቅ ሃዘንን ከጀርባው ይዞ ይከተላል እኔ በህይወቴ ታላቅ ስብራት ያጋጠመኝ ይሄኔ ነበር አንዳንዴ ስትደሰት ደስታዬን ለበጎ አድርገው ብለህ ፀልይ ቀጥሎ ምን እንደሚያጋጥምህ አታውቅምና ታላቅ ደስታ ታላቅ ሃዘንን ይዞ መጣ!
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_19_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/usa2a
በ @USA2A የቀረበ