4 u by @USA2A

#ገምሃልያ_ክፍል_5

#ታዲ የላከውን የፅሁፍ መልእክት በፍጥነት ከፍቼ አነበብኩት። ሰላም ነው ፅናት ምነው ከመሸ በሰላም ነው አለኝ። ሳነበው ደስ አለኝ ደግሜ ደጋግሜ አነበብኩት። ብዙ እማውቃቸውም እማላውቃቸውም ሰዎች ሲጠሩኝ ፂ ፅኑ ምናምን እያሉ ነው ግን ታድኤል ፅናት! ብሎ ሙሉ ስሜን ከነግሳንግሱ ሲጠራው ሙሉ ስሜ ትዝ ይለኝና እገረማለው። እንዲው ሳስበው ከሁሉም ሰው እሚለይ ፀባይ ያለው ይመስለኛል የሆነ ልዩ አስተሳሰብ ያለው ፍጥረት። ብዙ ሳስብ ከቆየው በኃላ አይ ደህና ነኝ ታዲ እዲው ቅድም ስለዋልክልኝ ውለታ ላመሰግንህ ስለፈለኩ ነው ብዬ ፅፌ ላኩለት። ትንሽ ቆይቶ ችግር የለውም አትጨናነቂ ማንም ሰው እሚያደርገውን ነገር ነው ያደረግኩልሽ እእእ ነገ በጥዋት ቤተክርስቲያን ስለምሄድ አሁን ልተኛ ሰላም እደሪ ብሎ ላከልኝ። ሳነበው ተበሳጨው ምንም ሳላወራው ስለም እደሪ ይለኛል እንዴ አልኩ ለራሴ እሺ ሰላም እደር መልካም ለሊት አልኩት እየተበሳጨው።
ትንሽ ቆይቼ ይቅርታ ግን የት ቤተክርስቲያን ነው ምትሄደው ብዬ መልሼ ፃፍኩለት። ጠበቅኩ ምንም መልስ የለም ደቂቃዎች አለፉ። ስልኩ ላይ እንደፈጠጥኩ 20 ደቂቃ አለፈ እንደማይመልስልኝ ሲገባኝ ይበልጥ ተበሳጨው እሱ ማን ሆኖ ነው የማይመልስልኝ!። ትንሽ ቆይቼ መረጋጋት ጀመርኩ ለራሴ ምክንያት ሰጥቼ ራሴን ማረጋጋት ቀጠልኩ አይ ተኝቶ ነው እሚሆነው በቃ አልኩ። አእምሮዬ ግን ማብሰልሰል አላቆም አለ ሳይታወቀኝ በእግሬ መሬቱን እየጠበጠብኩት ነበር እሱን አቆምኩና ፌስቡክ ላይ ገብቼ የሱን ስም ፅፌ መፈለግ ጀመርኩ ምንም ላገኝ አልቻልኩም ምንም አይነት ሶሻል ሚዲያ አይጠቀምም!።
ምን አይነት ሰው ነው በዚ ዘመን ያለ ሰው እንደዚህ መሆን ሚከብድ ይመስለኛል። ስለ ታዲ በጣም ብዙ እያብሰለሰልኩ እንደሆነ ሲገባኝ እንዴ... ፅናት ምን እየሆንሽ ነው ዋ... አልኩ ለራሴ ራሴን ስቆጣ ብዙ ግዜ ፍቅር ከሚይዘኝ ኤሌትሪክ ቢይዘኝ ይቀለኛል እላለው ኤጭጭጭ... የራሱ ጉዳይ ብዬ ቲቪውን አጥፍቼ እዛው ሶፋ ላይጥቅልል ብዬ ተኛው።

በለሊት ስልኬ ቂ..ውው... ብላ ስትጮህ ነቃው ጥሎብኝ ትንሽ ከሽታ ከሰማው ቶሎ እምነቃ አይነት ሰው ነኝ እየተበሰጫጨው አይኔን እያጨናበስኩ ነቅቼ ስልኬን ከፈትኩት ግና ሳይነጋ 11፡15 ይላል ማነው! በዚ ሰአት.. እያልኩ ስከፍት የታዲ ቴክስት ገብቷል ይቅርታ ማታ ተኝቼ ሳልመልስልሽ ስልኬን አጥፍቼ ነው ምተኛው አሁን ወደ እስጢፋኖስ ቤተክርስቲያን እየሄድኩ ነው ይላል ፅሁፉ። ብስጭቴ እንደለጋ ቅቤ ሙሽሽ ብሎ ጠፋ።ውይ የአጋጣሚ ነገር ሲገርም እኔም እኮ አሁን እስጢፋኖስ ልሄድ እየተዠገጃጀው ነበር በቃ እዛው ጠብቀኝ ትንሽ ቆይቼ እደርሳለው አልኩት። አይ እዳ በዚ ለሉት ታዲን ለማግኘት የውሸት ቀበጣጠርኩ ይቅር በለኝ አምላኬ ብዬ በሩጫ እየተነሳው ቢጃማዬን ቀይሬ ቀሚስ እና ነጠላ አድርጌ ከቤት ወጣው ልክ በሩ ጋር ስደርስ ገና እንዳልነጋ ድቅድቅ ጨለማ እንደሆነብገባኝ የጨለማው ግርማሞገስ አስፈራኝ ግን ከታዲ ግርማሞገስ አልበልጥ አለኝ በድፍረት በሩን ከፍቼ ወጣው። ሰፈር ውስጥ ያለው ድባብ በጣም ያስፈራል ፒያሳ በቀንና ለሊት የቀለጠው መንደር ስትመስል በጥዋት ግን ምንም የሌለባት የመናፍስት ከተማ መስላለች ልቤ በፍጥነት እየመጣ እኔም በፍጥነት እየሄድኩ አስፓልት ላይ ወጥቼ ወደ ስቴዲየም እስጢፋኖስ እሚወስደኝ ኮንትራት መኪና መጠበቅ ጀመርኩ
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

#ክፍል_6_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:
http://t.me/usa2a

4 u by @USA2A
#ገምሃልያ_ክፍል_24
#ታዲ በዶክተሩ ትእዛዝ መሰረት ላብራቶሪ ምርመራ ካደረጉለት በኃላ ውጤቱ ወደ ዶክረተሩ ተመለሰ። ዶክተሩ ራሱን እየወዘወዘ የታዲ ጉበቱ እና ጨጓራው በሚጠጣው አልኮሆል ምክንያት በጣም እንደተጎዳ ነገረን እናም ከዚህ በኃላ መጠጥ በደረሰበት እንዳይደርስ አስጠንቅቆ መክሮት ለኔም እንድጠብቀው አስጠንቅቆኝ ለህመሙ የሚሆን መድሃኒት ሰጥቶት ሸኘን።
ወደቤት ስንመለስ ታዲ ወደኔ ዞረና እንባ እያቀረረ ሊና ናፈ..ቀችኝ!! አለኝ አንጀቴ ተላወሰ ውስጤ ድብልቅል ያለ ስሜት ቱማኝ ታዲ ቢያሳዝነኝም በስንት አመት አድርጎት እማያውቀውን ሲያዋራኝ በጣም ደስ አለኝ። እንባ ያቀረሩ አይኖቹን እየጠረግኩለት እሷ ጋር ደርሰን እንምጣ ሄደህ ካየሃት እኮ በጣም ቆየህ አልኩት። ምንም ሳያመነታ አዎ እንሂድ አለኝ መንገዳችንን ቀየርንና ታክሲ ያዝን።
የሊና መቃብር ቦታ ስንደርስ ታዲ እንባ አውጥቶ ማልቀስ ጀመረ። እሱን ለማፅናናት አልሞከርኩም ሊና ማረፏን መቶ በመቶ እስከዛሬ ድረስ አምኖ አልተቀበለም ነበር... አስታውሳለው የዛን ቀን ያለቀሰው ለቅሶ ከሁሉም ይለይ ነበር ለምን እንደሆነ ባላውቅም የስንብት አይነት ለቅሶ መሰለኝ እንደሌላው ግዜ ንዴት እና እልህ ጩኀት የተቀላቀለበት አይነት ለቅሶ አልነበረም መቃብሯን እቅፍ አድርጎ ይዞ በለሆሳስ ስቅስቅ ብሎ አለቀሰ...
ለሰአታት አልቅሶ ሲበቃው በረጅሙ ተነፈሰና እንባውን እየጠራረገ ተነስቶ ወደኔ መጣ እቀፊው የሚል ስሜት መጣብኝ ጥምጥምምም ብዬ አቀፍኩት ታዲ ከለቅሶው እንደበረደ ሃዘኑ የቀለለው ይመስል እስትንፋሱ እየተቆራረጠ አፍፍፍፍፍ... ብሎ በረጅሙ ተነፈሰ። አይዞህ ታዲ አይዞ...ህህህ አውቃለው ሊናን ማጣት ከባድ ነው ለኔም ቀላል ግዜ አልነበረም ያለፈው አመት ጨለማ ነበር ለማክሰኞ ተራውን የማይለቅ ሰኞ የለም፤ ለብርሃን ተራውን የማይለቅ ጨለማ የለም ዋናው ነገር በትእግስት መጠበቅ ነው ሁሉም ነገር መልካም ይሆናል። በጨለማውም ግዜ አብሬህ ነበርኩ በብርሃኑም ግዜ አብሬህ እሆናለው አልለይህም እሺ ታዴ ቃሌ ነው promise? ብዬ ፈገግ እያልኩ የማርያም ጣቴን ዘረጋሁለት በልቤ እሱም እንደዚሁን እንዲያደርግ ተመኘው። በብዙ ለቅሶ የቀረዘዙት አይኖቹ አዩኝ ከደረቁት ከናፍሮቹ መሃል ነጫጭ ጥርሶቹ በግድ ታግለው ወጥተው ታዩ... ታዲ ፈገግ አለና promise! አለኝ በጣም ደስ አለኝ ከረጅም ግዜ በሓላ ከታዲ ጋር ሁሉም ነገር መስመር ሲይዝ ተሰማኝ እንደዛው እንደተቃቀፍን ወደቤት ሄድን።
ቤት ስንደርስ ታዲ እሚወደውን ፓስታ በአትክልት ሰርቼ አብረን በላን እስከዛሬ ድረስ ብዙ ግዜ አልበላም እያለ ሲያስቸግረኝ ነበር ዛሬ ግን በራሱ እጅ መብላት ጀመረ... ታዲ ሙሉ ለሙሉ ወደጤንነቱ እንደተመለሰ አመንኩ እንደሌላ ግዜው ሾጥ እሚያረገው ነገር ምንም አላየሁበትም። እዚ ጋር ፅናትን አቋረጥካት አው ፅናት ያውልሽ አንዳንዴ ከራሳችን በላይ አስበልጠን እምንወዳቸውን ሰዎች ባልጠበቅነው ሁኔታ በሞት ስንነጠቅ እውነታውን መቀበል በጣም ከባድ ይሆናል ለስንት ነገር ያቀድሽው ሰው ጠዋት አይተሽው ከሰአት ላይ እንደጤዛ ሲረግፍ ማየት ትንሽ የአእምሮ መቃወስ ሊያመጣ ይችላል ይሞታሉ ብለሽ የማትጠብቂያቸው ሰዎች ሞተው ማየት ለማመን ይከብዳል ይመስለኛል ታድኤልም ጋር የነበረው ነገር ይህ ይመስለኛል ብዬ የተሰማኝን ድንገት ነገርኳት በሚገባ! ልክ ነህ ታዲ ጋር የነበረው ይህ ነው አለችና አረጋገጠችልኝ። ከዛ በቃ እቤት ቁጭ ብለን እያወራን ያልን ታዲ ድጋሚ እንዳዲስ እየቀረበኝ ነበር በጣም ደስ አለኝ ስሜቴ ውርር አድርጎኝ ሳላስበው ሳምኩት! ሳያስበው ስለነበር ደንገጥ አለ ትንሽ ቆይቶ እሱም ሳመኝ ወዲያው በስሜት ማእበል ተናወጥን.... አንድ ላይ ተኛን በጣም ደስ አለኝ ግን... ግን ምን ያደርጋል እኔ ለደስታ የተፈጠርኩ ሰው አይደለሁም አምላክ እኔን ለደስታ አልፈጣረኝም ዘልአለም አለሜን ከርታታ እና ሃዘንተኛ እንድሆን ፈርዶብኛል።
ጥዋት ስነቃ ራሴን ከታዲ እቅፍ አገኘሁት ደስ እያለኝ በስሱ ደረቱን ስዳብሰው ከእንቅልፉ ነቃ እንዳየኝ ግራ የመጋባት ስሜት ፊቱ ላይ አነበብኩ ትንሽ ቆይቶ ፊቱ ወደሚያስፈራ ቁጣ ተቀየረ በጣም ፈራሁት... ማነሽ አንቺቺቺቺ.... ብሎ አንቧረቀብኝ በጣም ደነገጥኩ እየተንተባተብኩ ፅ..ፅ..ፅና..ትት ነ..ኝ አልኩት።
#ይቀጥላል.......

👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_25_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/USA2A
በ @USA2A የቀረበ