4 u by @USA2A

#ገምሃልያ_ክፍል_11

#ዳግም እማልነቃ እስኪሆን ድረስ ከማልነሳበት ዘላለማዊ እንቅልፍ ከሚመስል ቦታ ቀስ በቀስ አይኔን ገለጥኩ ሁሉም ነገር በብዥታ ይታየኝ ጀመረ እኔ ያለሁበት ክፍል ውስጥ የተቀመጠ ሰው ይታየኛል ትኩረቴን ወደሱ አደረኩ ማንነቱን በደምብ መለየት ባልችልም ፊት ለፊት ካለው ሶፋ መሰል ወንበር ላይ ተቀምጦ አቀርቅሮ የሆነ ነገር እየፃፈ ነው። አይኔ የእይታው አድማስ ቀስበቀስ እየተስተካከለ እየጠራ እየጠራ ሄደ ወንበሩ ላይ ተቀምጦ የሚፅፈው ሰው ታድኤል ነበር ከዚ ቀደም የማውቀውን ታድኤል አልመስልሽ አለኝ ፊቱ ጠቋቁሯል ፂማም ሆኗል በመጠኑም ቢሆን የከሳ ይመስላል አላየኝም አሁንም አቀርቅሮ ወረቀቱን ጉልበቱ ላይ አስደግፎ እየፃፈ ነበር። ወደራሴ መመለስ ስጀምር የተፈጠረውን ነገር ማስታወስ ጀመርኩ የመጨረሻ ትውስታዬ ነጭ የቤት መኪና ሲገጨኝና ታድኤል ተንበርክኮ እያለቀ ሲያየኝ ነበር! ልቤ መደንገጥ ጀመረ አእምሮዬ ውስጥ ብዙ ጥያቄዎች መምጣት ጀመሩ... ምኔን ነው የተጎዳሁት? አካል ጉዳተኛ ነኝ? ምን ያህል ግዜ ነው ሆስፒታል የተኛሁት ወዲያው ታድኤልን ለመጨረሻ ግዜ የነበረውን መልክ እና አሁን ያለውን አስታውሼ ረጅም ግዜ ሳልነቃ እንደተኛው ገባኝ። ልቤ ከቅድሙ የበለጠ ይመታ ጀመር። ከተኛሁበት አልጋ ለመነሳ ስጣጣር ታዲ ድምፅ ሰምቶ ካቀረቀረበት ቀና አለ ሲያየኝ ነቅቻለው ድብልቅልቅ ያለ ስሜት አየሁበት እየሮጠ መጥቶ አልጋው ስር ተንበርክኮ እጄን ጭብጥ አድርጎ ያዘኝ። ፂ... ፂ... ነቃሽ ....ነቃሽ ፂ... በእውንህ ነው በይኝ በህልሜ እንዳይሆን እእእ ነቃሽ ፂ አለኝ አይኖቹ መንታ መንታ እንባ እያፈሰሱ። እንባዎቹን ሳይ እኔም እያለቀስኩ አው ታዲ ነቃው አልኩት ቀልቤ ለብዙ ግዜ ተኝቼ እንደነበር ይነግረኛል። የታዲ እንባዎች ችምችም ብለው ለብዙ ግዜ እንዳልተቆረጠቅ ከሚያስታውቅበት ፂሙ ውስጥ እየገቡ ይሰወራሉ ፊቱ በጣም ገርጥቷል። ታዲ በደስታ ብዛት እጄን እየሳመ እንባውን አዘራው ወዲው እንባውን እየጠራረገ ዶክተሮቹን ጠርቻቸው መጣው ብሎ እየሮጠ ሄደ...።

ብዙም ሳይቆይ ታዲ ከሁለት ዶክተሮች ጋር ወደ ክፍሉ ገባ ሁለቱም ዶክተሮች በመገረም ነበር ነበር የሚያዩኝ። አንደኛው ዶክተር ወደኔ ቀረብ ብሎ ቀለል ያሉ ምርመራዎችን ካደረገልኝ በኃላ ምን እየተሰማኝ እንደሆነ ጠየቀኝ ነገርኩት እግሬን እንዳንቀሳቅሰው ጠየቀኝ ሁለቲንም እግሮቼን አወዛወዝኳቸው እጆቼንም እንደዛው። ዶክተሮቹ በጣም ተገረሙ ቀላ ያለው ዶክተር በደስታ ስሜት እያየኝ ፅናት! በእውነት እስከዛሬ ድረስ እንዳቺ ከባድ የመኪና አደጋ ደርሶበት በአምላክ ተአምር የዳነ ሰው አይቼ አላውቅም እኛ ብዙ ግዜ በጣም ተስፋ ቆርጠን ነበር አንቺ ግን ምንም ፓራላይዝ ሳትሆኚ ነቃሽ ትልቁ ስጋታችን እሱ ነበር እውነትም እንደስምሽ ፅናት ያለሽ ሴት ነሽ በርቺ አምላክ ከጎንሽ አለ! አለኝ ሌላኛው ዶክተር ደግሞ አልጋው ጎን ላይ ያለውን ዶሴ ወረቀቶቹን አገላብጦ ካየ በኃላ ብዙ ምርመራ እናደርግልሻለን አሁን ያለሽበት ሁኔታ ተስፋ ሰጪ ነው.... ብሎ የሚያወራውን ሳይጨርስ እህቴ... ምን ሆነች የሚል ጩኀት ከበሩ ተሰማ የሊና ድምፅ እንደነበር መለየት አልከበደኝም ዶክተሮቹን እየገፈታተረች ወደኔ ስትመጣ እማላውቃት ሴት ሆነችብኝ ሊናን አይቼ በጣም ደነገጥኩ በኔ ምክንያት ብዙ መከራ እንዳየች ብዙ እንደተሰቃየች ህይወቷን እንደጣለች ገባኝ በጣም በጣም ከስታለች እሷም እንደ ታዲ ፊቷ ጠቋቁሮ አጥንታ ጎልቶ ይታያል የዚህ ምክንያት እኔ እንደሆንኩ ሲገባኝ ደም እንባ ማልቀስ ጀመርኩ። ሊና በድንጋጤ ምን እንደተፈጠረ ሳይገባት በእጇ የያዘችውን ፌስታል እያውለበለበች ክፍሉን በአንድ እግሩ አቆመችው ዶክተሮቹ እና ታዲ ሊያረጋጓት ሞከሩ ታዲ አቅፏት ተረጋጊ ሊና መጥፎ ነገር አይደለም ፅኑ ነቅታለች አላት። ሊና ሁሉም ነገር ከአቅሟና ከአእምሮዋ በላይ ሆኖ እኔ መንቃቴን እንኳን ማስተዋል እንደተሳናት እና ያበደች መስሎ ተሰማኝ ሃዘኔ ይበልጥ በረታ። ታዲ እንደነቃው ሲነግራት እየሮጠች መጥታ አቀፈችኝ እኔም አቅፊያት ለረጅም ግዜ ተላቀስን ዶክተሮቹ የተወሰነ ግዜ ለብቻችን እንድናገኝ ብለው ትተውን ሄዱ። ሁለታችንም ተላቅሰን ስናበቃ ሊኑ አስር ግዜ ግንባሬን ትስመኛለች የእህትነትና እናታዊ ፍቅሯ ይበልጥ ሲጨምር ተሰማኝ። ታዲ እሚሆነውን ሁሉ አይኑ እንባ እንዳቀረረ እያየን ነበር ሁለታችንም እንደተቃቀፍን መጥቶ ሁለታችንንም አቀፈን።
ሊናና ታዲ እንዳቀፉኝ ምን ያህል ግዜ ሆነኝ ሆስፒታል ከገባው አልኳቸው ሁለቱም ደንገጥ አሉና ለቀውኝ እርስ በእርስ ተያዩ ፊታቸው ላይ እንንገራት አንንገራት የሚል የማንገራገር ስሜት ይነበብ ነበር። ሊኑ እንባዋን እየጠራረገች እእእ ፂዬ እሱ ችግር የለውም ዋናው አንቺ አሁን በሰላም መመለስሽ ነው አለችኝ እኮ ስንት ግዜ አልኳት ሊኑ እንደማመንታት እያለች ወደ ሰባት ወር ሊሞላሽ ነው መሰለኝ አለችኝ በጣም ደነገጥኩ ሰ..ባ..ት ወ..ርርር! ሰባት ወር 7 ሙሉ ሳልነቃ!
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_12_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:
http://t.me/USA2A