4 u by @USA2A

#ገምሃልያ_ክፍል_27

#ታድኤል brain tumour(የጭንቅላት እጢ) አለበት! አለኝ ዶክተር ዳንኤል ከረጅም ግዜ በኃላ ብዙ አምጦ። ምን እንደሆነ ባላውቅም ምን! ብዬ ደንግጬ ተነሳው። ለታድኤል ከአንገት በላይ ባደረግንለት ምርመራ የx-ray ፎቶግራፍ ላይ በግራ በኩል በሚገኘው የአእምሮው ክፍል ላይ በመጠኑ ተለቅ የሚል እጢ አግኝተናል እናም ይህ እጢ የሚያመነጨው እጢ ከቀን ወደቀን አንዛኛውን የአእምሮውን ክፍል በከፍተኛ ሁኔታ እየጎዳው ይገኛል ለታድኤል የአእምሮ መዛባት ምክንያቱም ይህ ነበር። አየሽ ከረፈደ በኃላ ስለሆነ የመጣው ህመሙ መታከም እማይችልበት ደረጃ ላይ ደርሶ ሙሉ አእምሮውን ተቆጣጥሮታል ምናልባትም በግዜ ቀደም ብሎ መጥቶ ቢሆን ኖሮ እጢውን በግዜ በቀዶ ጥገና አስወጥተን እንደቀድሞው ጤናማ እንዲሆን ማድረግ እንችል ነበር ነገር ግን ያንን ማድረግ አንችልም ባደረግንለት ተጨማሪ ምርመራም ታድኤል ለመኖር የቀሩት የሳምንታት እድሜ ነው! ምንንንን! ብዬ ደንግጬ ተነሳው። በህይወቴ ብዙ ግዜ ደንግጬ አውቃለው ነገር ግን እንደዚ ሰውነቴ እስኪከዳኝ ድረስ የደነገጥኩበት ቀን ትዝ አይለኝም። ሁሉም ነገር ብዥ እያለ እየጨለመ ሄዶ ራሴን ስቼ ወደቅኩ።
ቀጣይ እማስታውሰው ነገር አልጋ ተይዞልኝ ተኝቼ ነበር። ስነቃ ዶክተር ዳንኤል ጋውኑን እንደለበሰ አጠገቤ ተቀምጦ ነበር። ድንገት እጁን ጭምቅ አድርጌ ስይዘው ደነገጠ መንቃቴን አላየም ነበር። እጁን ይዤ ስቅስቅ ብዬ እያለቀስኩ እባክህን ዶክተር ታዲን አድንልኝ በዚ አለም ላይ ያለሱ ማንም የለኝም የምኖረው ለሱ ስል ነው እባክህን ዶክተር እባክህህህ..ን የሆነ ተአምር ፋጥረህም ቢሆን ታዲን አድንልኝ የመኖሬ ምክንያት እሱ ነው እኔ ያለሱ መኖር አልችልም ይከብደኛል! ብዙ ግዜ ራሴን ላጠፋ ሞክሬ አውቃለው ግን እንዳላደርገው የሚይዘኝ አንድ ምክንያት ነበር ታዲ! እሱ ከሞተ እኔም እከተለዋለው እንዳትጠራጠር! አልኩት እጁን በእንባ እያራስኩት። ዳንኤል ከእጆቹ ላይ ቀና አድርጎ እንባዬን በእጆቹ እያበሰ አዝናለው ፅናት ይህ ከአቅማችን በላይ ነው እመኚኝ እኔ ታድኤልን ማዳን ብችል ሁሉንም ነገር አድርጌ አድንልሽ ነበር ላንቺ ስል ግን.... ጉዳቱ ከመጠን አልፏል ማንኛውም እሱን ለማትረፍ የምናደርገው ቀዶ ጥገና ህይወቱን ሊያሳጣው ይችላል ከኛ አቅም በላይ ነው በድጋሚ አዝናለው ፅናት! አለኝ እጅግ በለዘበ አንደበት ይበልጥ ማልቀስ ጀመርኩ ዶክተር ዳንኤል ሊያፅናናኝ ቢሞክርም አልተሳካለትም በመጨረሻ ቢቸግረው ቆጣ እያለ ፅናት! ጠንከር ብለሽ እሱንም አጠንክሪው እንጂ ለም እንደዚ ትሆኛለሽአለኝ እየተቆጣ።

ለሁለት ሳምንት ያክል ታዲ ህክምናውን ሆስፒታል ውስጥ እየተከታተለ ቆየ። እኔ የሱን የህክምና ወጪ የምከፍልበት አቅም ስላልነበረኝ ዶክተር ዳንኤል ሙሉ ወጪውን ሸፍኖ ራሱ አከመው እኔንም በቻልኩት መጠን ራሴን አረጋግቼ ታዲን እንድከታተለው እና እንድበረታ እመክረው ነበር። ሁለቷ ሳምንት ለኔ ሲኦል ነበረች እንደዛን የተጨነቅኩበት ግዜ አላስታውስም ከዛሬ ነገ ሞተ እያልኩ ስጨነቅ እውላለ አድራለው። ትዝ ሲለኝ እኔም የመኪና አደጋ የደረሰብኝ ግዜ ታዲ እና ሊና እንዲ ነበር ሲጨነቁ የነበረው ብዬ አሰብኩ እኔስ ሁለት ሳምንት ነው እነሱ ግን ለብዙ ወራት ነበር ፅናታቸው ገረመኝ እኔ በሁለት ሳምንት ገረጣው ከሳው ይህ ሁሉ ሲሆን ታዲ ስለተጋረጠበት ዱብዳ ምን የሚያውቀው ነገር የለም እኔ ዶክተሮቹም ለጤንነቱ ብለን አልነገርነውም። ጤናው መለስ ብሎ ቁስሉ በደምብ ከዳነለት በኃላ ከሃኪም ቤት ይዤው ልወጣ ወሰንኩ እነሱ ከዚ በላይ ምንም ሊያደርጉለት አይችሉም ዶክተር ዳንኤልንም ከዚ በላይ ማስቸገር አልፈለኩም።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_28_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

ክፍል 29 ላይ በቀርቡ ተረካው ይጠናቀቃል 😫😫😫😫😫😫

http://t.me/USA2A
በ @USA2A የቀረበ